إنشـد يـا قلبـى غنــوتك للجـمـال
وارقص فى صـدرى من اليمين للشـمال
مـا هـوش بعيـد تفضـل لبكره سـعيد
ده كـل يـوم فيـه ألف ألف احتمـال
عـجبى
______________
أهوى الهـوى وهمس الهوى فى العيـون
وبسـمة المغـرم . ودمـعـه الحنــون
وزلــزلات الحــب نهــد الصــبا
اكـون أنـا المــحبوب . أو لا أكـون
عـجبى

أهوى الهوى - رباعيات صلاح جاهين بصوت علي الحجار

زحـام وأبـواق ســيارات مزعجـة
إللى يطـول له رصـيف . . يبقـى نجا
لـو كـنت جـنبى يـا حـبيبى أنـا
مش كـنت اشـوف إن الحياة مبهجه ؟

عـجبى
________________
يـا ميت نـدامـه ع القلـوب الخــلا
لا مـحبـة فيـهـا ولا كـراهـه ولا
حتى يـا قلبـى الحـزن ما عادش فيـك
معلـهش … لك يـوم برضـه راح تتملا
عـجبى

يا ميت ندامة ع القلوب الخلا - رباعيات صلاح جاهين بصوت علي الحجار

حبيـت . . لـكن حب من غير حنـان
وصـاحبت لـكن صـحبه مـا لهاش أمان
رحت لحــكيم واكـتر لقيت بـلوتـى
إن اللى جـوه القـلب مش ع اللسـان


عـجبى
______________
آه لـو أنا ومحبـوبى جـزنا الفضـا
فـى سـفينة وحـدينا . . وأشـيا رضا
سـاعة صـفا تعجبنـا نرجـع لـهـا
والهـم قبـل ما ييجى … يبقى مضى
عـجبى
_______________
ورا كـل شـباك ألـف عين مفتـوحين
وانا وانـتى مـاشـيين يا غـرامى الحزين
لـو التصـقنا نمـوت بضـربة حجـر
ولـو افتـرقنـا نمــوت متـحسـرين

عـجبى

آه لو أنا ومحبوبي جزنا الفضا - رباعيات صلاح جاهين بصوت علي الحجار

سـمعت نقطـة ميـه جـوه المحـيط
بتقول لنقطـة مـاتنزلـيش فى الغويـط
أخـاف عـليكى م الغـرق . . قلت انا
ده اللى يخـاف م الوعـد يبقى عبيط
عـجبى
_____________
أنا قلبـى كـورة . . والفـراودة أكـم
يـامـا اتنطـح وانشـاط .. وياما اتعكم
واقـول له كـل ح ينتهى فى المعـاد
يقـول بسـاعتك ؟ والا سـاعة الحكم ؟
عـجبى

أنا قلبي كورة والفراودة أكم - رباعيات صلاح جاهين بصوت علي الحجار

خـوض معركتهـا زى جـدك مـا خاض
صــالب وقـالب شـفتك بامتعـاض
هـى كـده . . ما تنولش منهـا الأمـل
غير بعـد صـد ورد ووجـاع مخـاض
عـجبى
_________________
اوقـات افـوق ويحــل عنـى غبـايا
واشـعر كأنى فـهمت كـل الخبـايـا
وافتـح شـفايفى عشــان أقـول الدرر
مـا أقـولش غير حبة غزل فى الصبايا
عـجبى

أوقات أفوق - رباعيات صلاح جاهين بصوت علي الحجار

عجبى عليـك . . عجبى عليـك يا زمن
يـا بو البدع يا مبــكى عينى دماً
إزاى أنـا أختـار لـروحى طـريـق
وانا اللى داخـل فى الحيـاة مرغمـاً

عـجبى
_________________
حاسب من الأحـزان وحاسـب لهـا
حاسب علـى رقابيـك مـن حبلهـا
راح تنتهـى ولابــد راح تنتهـى
مـش انتهت أحـزان مـن قبلهـا ؟
عـجبى
_________________
مرغم عليـك يا صـبح مغصوب يا ليل
لادخلتهـا بـرجليا ولا كــانـلى ميل
شـايلنى شـيل دخلـت انا فى الحياة
وبكـره ح اخرج منهـا شـايلنى شـيل

عـجبى
___________________

يأسـك وصـبرك بين إيديك وانت حـر
تيأس مـا تيـأس الحياه راح تمــر
أنا دقت مندا ومندا عـجبـى لـقيت
الصـبر مـر وبرضـك اليـأس مــر
عـجبي
__________________
يا باب أيا مقفـول . . إمـتى الدخـول
صـبـرت يـامـا واللى يصـبر ينـول
دقيت سـنين . . والرد يرجع لى : مين ؟
لو كنت عارف مين أنـا . . كنت أقـول

عـجبى

حاسب من الأحزان \ يأسك وصبرك بين إيديك - رباعيات صلاح جاهين بصوت علي الحجار

دخـل الـربيع يضـحـك لقـانى حـزين
نـده الربيـع على إسـمى لم قلت مـين
حـط الـربيع أزهـاره جـنبـى وراح
وإيش تـعمـل الأزهـار للمـيـتـيـن

عـجبى
_____________

الدنيا من غير الربيـع ميته
ورقة شجـر ضعفانـه مفتفتـه
ـ لأ يا جدع غلطان تأمل وشوف
زهر الشـتا طـالع فى عز الشـتا

عـجبى

Doaa M. Dwidar

Popular tracks