Mos3ad freestyle

Wabaa' | وباء

Lyrics: Duda - Omarr Ayman
Beat: Free beat
Mix and Mastering: Ali Rafe3


Verse 1 (Omarr Ayman)

معنى الرجولة تااه ..
المتحرش لغاه ..
وبنت بلدك مش كارهة
غير قلبك مين أسااه؟
جسمها طب مين حمااه؟
مش سلعة مين سمااه؟
خاف على أمك أو أختك
دايرة مبتوقفش هااا ..
ممنوع الاقتراب ممنوع اللمس 
أنت مش فاهم ..
ما هو أصل عقلك اتلغى
بالشهوة أصبح زاخر ..
والبنت كارهة حياتها ..
وبسببك كارهة بلدها ..
عرفت مين السبب
شفت مين بلدك أفسدها؟
بترمى الكلمة ..
وأنت مش عارف إيه تأثيرها ..
سلسلة مرتبطة ببعضها
مش عارفين فين آخرها؟
أجيال بتطلع ..
والأفلام هى المعلم ..
ثقافة شعب اتدمرت ..
ومفيش حد بيتكلم ..


Chorus

مصر ضاع منها الضمير مصر ضاع منها الاخلاق .. والحرمان الجنسى فى مصر أصبح اخطر من الوباء  
ركزوا فى الانتخابات ركزوا فى نتيجة الاستفتاء .. و انسوا ان شبابنا ضاع و بقى مصدر للوباء


Verse 2 (Duda)

اسال بنت مصرية قولها ليه انتى خايفة هاتقولك اصل انا مش عارفة ..
افرق دول كلاب ولا دول بنى ادمين ..
بيبرروا افعالهم بأنهم محرومين ..
طب اه هو حكم الدين لما يجي كلب يلمسها ..
والبنات ازاى عايشين ماشين مستنين ..
ان حمار يعكسها او يحاول يلمس جسمها ..
كدا الدين خلاص انتهى .. 
كل اللى فيكى متحرشين كل اللى فيكى بلطجية ..
و لسة فى مظاهرات بيقولوا مصر اسلامية  .. 
كدا ضاعت الانسانية و بقينا عشت غنم ..
لما الخروف يحب يركب ميبقاش للنعجة ثمن ..
طب ليه بتتحرش بيها .. عشان هى بت شمال 
من لبسها شكلها محترمة .. لا شكلها بت شمال 
كلمة بتبرر الافعال ..
مش هايجوبك على السؤال بس هايقولك بت شمال ..
مع انه ميعرفهاش و قبل كدا ما شفهاش ..
بس خلاص اتحكم عليه و يعمل زى ما يعوز ..
ما هو قال بت شمال و التحرش فيها يجوز


Chorus

مصر ضاع منها الضمير مصر ضاع منها الاخلاق .. والحرمان الجنسى فى مصر أصبح اخطر من الوباء  
ركزوا فى الانتخابات ركزوا فى نتيجة الاستفتاء .. و انسوا ان شبابنا ضاع و بقى مصدر للوباء


Duda ft. Omarr Ayman - Wabaa'

Monaksha Syasyaa | مناقشة سياسية
Lyrics: Dudda
Free Beat 
Mix & Mastering: Ali Mazzika 

Monaksha Syasyaa | مناقشة ساسية

اولى تجارة انجلش  حلوان
try to Be rapper ") 

Mahmooud Ahmed

Popular tracks