بولا

البوم لينا رجاء
انتاج كنيسة الشهيد العظيم الامير تادرس الشطبى بالمنيا عام ١٩٩٧


أنبا بولا

طوباك يا أنبا بولا...يا حبيب المسيح
يا ضياء منير وجهك حلو ومريح
صلواتك بلسم تشفى القلب الجريح
وصمتك أقوى من كل كلام فصيح

يا أنبا بولا...يا أول السواح...يا قديس وبار...بتنور كالمصباح
سيرتك نقية...جيت هنا بسماح...من رب القوات...وقلبك به إرتاح
سبت العالم كله...ولا بصيت وراك...وقلبك كان مشغول...بالرب اللى فداك
مين زيك يا حبيب ده يسوع هو اللى هداك تسكن دا المكان وحدك ولا حد معاك
رب القدرة يأمر مع كل غروب غراب معاه نص خبزة لا تأخر يوم ولا غاب
ده أمر غريب وعجيب تحتار فيه الألباب طير بيعول انسان لدى رب الأرباب
لما مات أبوه والمال كان عنده كتير طمع فيه أخوه وقاله أنت صغير     
نصيبك يبقى قليل ونصيبى أنا الكبير هى دى القسمة اللى لازم تصير

طوباك يا أنبا بولا...يا حبيب المسيح
يا ضياء منير وجهك حلو ومريح
صلواتك بلسم تشفى القلب الجريح
وصمتك أقوى من كل كلام فصيح

حبوا ينصفوك من اللى ظلموك قام راح للقاضى يحكم مابينه وبينه
قابل فى السكة وجنازة وناس بيبكوا رجع فى رأيه وساب ماله لأخوه
العالم فيه إيه علشان نتمسك بيه الكل باطل باطل والعين ماتشبع بيه
بتجرى ورا إيه نفسك طمعانة فى إيه إن دامت لحد تبقى تدوم لىّ
أنا إيه ينفعنى لو أربح العالم وأخسر نفسى وأعيش فى خصام
الحية زمان أغرت أبونا آدم وخليته يقع ويعيش فى ظلام
يارب إرشدنى وإهدى لى سبلى وشق لى طريق وياك يحلى لى
تختاره إيديك ويمينك تسندنى يارب إسمعنى أسرع وأعنى

طوباك يا أنبا بولا...يا حبيب المسيح
يا ضياء منير وجهك حلو ومريح
صلواتك بلسم تشفى القلب الجريح
وصمتك أقوى من كل كلام فصيح

بخور طيبك قد فاح ملأ الدنيا أفراح لولاك مانزل مطر ولاندى يحيى الأرواح
فى أوان النيل يفيض يروى الأرض ومعاك الخير ييجى  يحتار فيه المداح
لما أراد الله يُظهر برك وضياك أرسل ملاكه للأب أنبا انطونيوس هناك
مشى لك يوم بتمام بيطلب رؤياك فدخلت المغارة وقفلت الباب وراك
صرخ الأنبا انطونيوس وقال لك يا مبارك قابلت إليك وحوش إقبلنى لأتبارك
سألت فأُعطيت طلبت فوجدت قرعت وأنا أؤمن إنه يفتح لى

طوباك يا أنبا بولا...يا حبيب المسيح
يا ضياء منير وجهك حلو ومريح
صلواتك بلسم تشفى القلب الجريح
وصمتك أقوى من كل كلام فصيح

بولا

dody