جميييييييييله جداااااا

رااااااااااااااااااااااااااااائعة

توزيع العظيم زيد حمدان ....

لو في حاجه مخلياني نفسي اروح فرنسا فهي دنيا مسعود👍✌

التوزيع سيء جدا  مش ماشى مع الاغنية...الاغنية رائعة

Nostalgia Mounir / نوستالجيا منير
..
الحنين الي الماضي
...
هندسه صوتية : محمد ولاء - ElShab Walaa
....
https://www.facebook.com/M7.WalA2
...
Follow : https://twitter.com/ElShabWalaa

Nostalgia Mounir / نوستالجيا منير

بصل الصبر 

" حوار بين اللهجة العامية الشعبية و موسيقى الچاز العالمية " 
- Dialogue between popular vernacular and world jazz

قَشَرت بَصل الصبر
عَيطني
هَشكني كَفّ الموز 
ماضحكنيش
نَزِلت شيش اليك 
قشطني
ولعبت شيش البيش 
ماكسبنيش
وبَخت بَخت الطاولة 
حبستني
وقرصت ودن الزهر
ماسمعنيش
رخيّت فـ خيط الذكرى
خنقتني
والذكرى شادة خيوطها
مابترخيش
————-
انا خُفت موت م الموت
يموتني.. 
شَفعلي عنده الخوف 
ماموتنيش
فَتّحت تحت المطرة
بَلِتني
غمضت عيني النور
مانشفنيش
دقيت رؤوس الدُف
رقصني
مريت في جوف الناي بقيت
درويش
جَريّت عقارب الساعة في
بعادِك
والوقت واقف برضه 
مابيمشيش
—————
العمر فيا بيجري في 
ميعادك
أقدامه باينة فـ وشي زي 
الفيش
شقايا شاب في الشقة 
شقاني
طبقلي قلبي وشاله وسط 
النيش
ولعت نور الأوضة 
عراني
وطفيته تاني لكنه 
مابيطفيش
الماضي تاعب نفسه 
علشاني
جاي من بعيد وانا قولتله 
ماتجيش
———— 
مَيّل عليا الجَرح 
وإداني
حسرة وندامة ودمعتين
بقشيش
أنا خفت أدوس ع الشوك 
يشوكني
لطَخت وِش الورد 
بالورنيش
عَدا الهوى على وشي 
خربشني
قالي: بلاش تتمشى ع 
الكورنيش
وجري ورايا الحزن 
يقفشني
زغزغت روحي
ضحكت ..
مالحقنيش !

بصل الصبر- أمير صلاح الدين  |   Amir Salaheldeen - Basal Elsabr

This track is from the album Mahatet Masr and is available for purchase on CD Baby here: http://www.cdbaby.com/cd/doniamassoud

ع اللي اتغرب Al Li Tgharrab


باب اللوق 

كلمات مصطفي الجارحي
لحن مصطفي رزق
توزيع موسيقي احمد الصاوي

في باب اللوق
قعدت استني جيتها و بتمرجح بحبل الشوق 
و ناس تيجي و ناس ماتجيش
و هي ليه ماهيش جايه
و ناس علي عينها قافله الشيش
و ناس بتنط في عنيا 
و ابص لساعتي و الناصيه
اقول فاكره . اكيد ناسيه
و عمري في المكان مسروق
علي قهوه في باب اللوق 

علي يميني شباب بيغني للثوره
و بنوته تقول الست مش عوره
علي شمالي مظاهره جايه من شبرا 
عجوز يصرخ يقول والله سنين غبره 
يضيع صوته في كومه قش كما ابره
و ابص لساعتي و الناصيه
اقول فاكره . اكيد ناسيه
و عمري في المكان مسروق
علي قهوه في باب اللوق

وناس تسآلني عالكرسي و اقول محجوز
تكشر قبل ما تمشي و تضرب بوز
و بنت مسلوعه ترقص لواد كلبوظ
و جرسون زي فرقوعلوز يقول عايز كمان قهوه
و اقوله يعوز .. اقوله يعوز 
و ابص لساعتي و الناصيه
اقول فاكره . اكيد ناسيه
و عمري في المكان مسروق
علي قهوه في باب اللوق

Bab Ellouq .Mostafa Rizk باب اللوق مصطفى رزق

كلمات مصطفي الجارحي
لحن مصطفي رزق 
توزيع موسيقي احمد الصاوي 
ميكساج و ماستر عصام السحرتي
فوتوغرافيا حسن امين
ارت ورك ادم عبد الغفار 

بفتح عنيه ب شفطه بن
واقفلها ع الشفطه التانيه
مين اللي عدت من ثانيه 
علي رجلي داست ماعتزرتش 
مديت لها الرجل التانيه 

الاقيش معاك فكه اوجاع
قال في ورق و كمان فضه
طب هاتلي قهوه بدون نعناع
راح جابلي سحلب بالخضه

الواني نقصاها بلته
دور حصاني علي كرته
و عنيا لا صبحت سته
علي سته ولا بتشوف احلام

الاقيش معاك فكه اوجاع
قال في ورق و كمان فضه
طب هاتلي قهوه بدون نعناع
راح جابلي سحلب بالخضه

الواني بهتت م الركنه
بعد الشقاوه بقت ساكنه
نص اللسان بقي فيه لكنه
و النص مابينطقش كلام 

الاقيش معاك فكه اوجاع
قال في ورق و كمان فضه
طب هاتلي قهوه بدون نعناع
راح جابلي سحلب بالخضه

الواني مش لاقيه اللوحه
ريحه ريحان ولا ملوحه
مؤنث البوح مش بوحه
و لا الشجر بيفر يمام 

الاقيش معاك فكه اوجاع
قال في ورق و كمان فضه
طب هاتلي قهوه بدون نعناع
راح جابلي سحلب بالخضه

بفتح عنيه ب شفطه بن
واقفلها ع الشفطه التانيه
مين اللي عدت من ثانيه 
داست علي الرجل التانيه

Shaftet - Bon - مصطفى رزق شفطة بن

رؤية  خاصة لجزء من قصة أيوب المصري  مع فريق كذا مدى و غناء دنيا مسعود

ايوب

من فيلم .. جزمة و جلابية .. اخراج: احمد نور 
كلمات : احمد نور 
الحان : شادي مؤنس 
غناء : دنيا مسعود

ابايا

كلمات وألحان وغناء : العبدلله
https://www.facebook.com/NaGGaAaR

عود : أحمد فهمي
https://www.facebook.com/ahmed.fahmy123

توزيع : أحمد أنور
https://www.facebook.com/Ahmed.Anwar.officially.1

هندسة صوتية ومكساج : محمود حفني
https://www.facebook.com/mahefni10

Ahmed El Naggar - Ana Tayeh 3la bab Allah | أنا تايه على باب الله - أحمد النجار

نجيب سرور
من مسرحية : ياسين و بهيه 
التسجيل من حفلة كذا مدي _ جزويت الأسكندرية 
from the original play : http://soundcloud.com/che-the-archive/xvkurkcn4q8p 
 
أما يا أمّه شوفت حلم ... 
حلم غريب يخوف !!
شوفتني قال راكبه مركب ،
ماشيه يا اما ف بحر واسع !

زي غيط غله و موجه هادي .. 
بحر مش شايفه له بر !!

قال و ايه .. 
عماله اقدّف ؛
و المراكبي ابن عمي ..
ماسك الدفه و متعصب بشال ..

شاله أحمر يا اما خالص ،
لونه من لون الطماطم ..
جت حمامه بيضا بيضا !!
زي كبشة قطن فوق راسه و حطّت !

ويا دوب البر لاح الا ..
و الريح جايه قولي زي غول مسعور بينفخ  ...
تقلب المركب والاقي ، نفسي بين الموج بصرّخ  !!
يا بن عمي ..
يا بن عمي ...
يا بن عمي ...

قال و هو ماشي فوق الموج بيضحك !
راح بعيد يا اما خالص ..
وفوق راسه الحمامه برضه واقفه !!

دنيا مسعود _ حـلم

مليحة قوى القلل القناوى
رخيصة قوى القلل القناوى
قرب حدانا وخد قلتين
خسارة قرشك وحياة ولادك
ع اللى ماهواش من طين بلادك
ده ابن بلدك ما يبلفكشى
ما تعدموشى ولا يعدمكشى
دمك من دمه ما يفرقكوا شى
الدنيا مالها يا زعبلاوى
شقلبوا حالها وين المداوى
شوفوا البلاوى ده البنك ناوى
يرفع دعاوى علشان يتاوى
فى فلوسنا واحنا متقندلين

ايوب

DoniaMassoud

Recent comments

Samar Abdullah

ghada Ahmed

Ahmed Ragab

jimmy_999

Related tracks