حياتى فيها زحمة فيها دوشة .. خلاص هطق ياناس هموت
من الصبح انا بدخل فى الدوامة لحد العصر وبعد دة كله اليوم بيفوت 
مش عارف يومى يكون مظبوط ومشاكل دايما فيها انا ملطوط
وانا متاخر على شغلى وبجرى بسرعة فى وسط الشارع هرقع بالصوت
ورباط الجزمة مجننى ومكعبلى اكمنه دايما مفكوك
حتى فنجان القهوة معكننى انا نفسى اشربها فى يوم مظبوط
والزحمة والزيطه  وطابور العيش والجمعية .. مشاوير خالتك فوزية
انا شكلى هرشق فى الحيطة
ومروح على بيتنا طهقان حران عرقى من الشمس مغرقنى وبقيت مبلول زى الكتكوت

ممكن حياتك يبقى فيها مشاكل كتيرة ومصدرالك دايماً قفاها 
اديها شوية مجهود هيخلوا حياتك مظبوط ظبطها وعيشها علشان تفهم معناها

كل يوم بيعدى ويوم بيفوت بيكون مليان تفاصيل بسيطة يمكن تبقى انت مش شايفها
بس انت اكيد عارفها انها تفاصيل عبيطة
حب فيها لخبطتها وافتكر حاجات ممكن تكون نسيتها
ربك بكرة هيعدلها وظروفك برضو مسيرة فى يوم هيسهلها
لم اصحابك وانزل بدرى وافطر من عربية فول
اضرب حياتك شالوط وبدل اخبار الصبح اقرالك بطوط
 قاطعين المياه والنور او واقف مزنوق فى طابور
اسمع مزيكا لحد مايجى عليك الدور 
لو مرة عربيتك عطلت انزل واركبلك حنطور
لو صاحبك قاعد متعكنن البسله فى راسك طرطور

ممكن حياتك يبقى فيها مشاكل كتيرة ومصدرالك دايماً قفاها 
اديها شوية مجهود هيخلوا حياتك مظبوط ظبطها وعيشها علشان تفهم معناها

وتلاقى شغلك مظبوط ورباط الجزمة مربوط
ومفيش زحمة ومفيش زيطه ومفيش تخبيط راس فى الحيطة
واعرفه انه بايديك تقدر تشوف حواليك يومك مظبوط .. شكلك مظبوط    
وتشوف الدنيا حواليك مبسوطة 

غناء / بيتر ملاك & سارة شريف
كلمات / سامح جمال
الحان وتوزيع / بيتر ملاك
تسجيل وميكساج / مايكل فوزى
فيجليف ستوديو

اسمع وحمل اغاني وبرامج تانية كتير على
http://www.RadioMazboot.com

ماتنساش تشترك بقناتنا على يوتيوب من 
https://www.youtube.com/c/rmazboot?sub_confirmation=1

لو عندك سؤال بخصوص موضوع الاغنية او غيره كلمنا من هنا
http://m.me/RMazboot

=====================

تابع احلى اغاني مظبوط على
فيسبوك: https://www.facebook.com/RMazboot
ساوند كلاود: https://soundcloud.com/rmazboot
تويتر: https://twitter.com/rMazboot
انستجرام: https://www.instagram.com/rMazboot
يوتيوب: https://www.youtube.com/rmazboot

a

Dr-mohamed Altayeb