العيب ف نقص الدين و الاخلاق و التربية

الجوكر و ام كلثوم،احلم لبكره EL-JOKER،ام Kalthoum_Ahlam Le Bokra

Egy Rap school/ايجى راب اسكول الشيطان الامريكى

الكلمات

بتنكر ليه ؟ ان فى الزحمة اتحرشوا بيها
ما تقول انك مش راجل و انك مقدرتش تحميها
كام ايد فى الظلمة اتمدت و صويتها مكنش مكفيها
تصحى نخوة ماتت فى قلوب الغل باليها

لو كانت نازلة ميدان او حتى رايحة الجامع
تحرش جنسى و لفظى ربك شاهد و سامع
ببنطالون او بنقاب الكل فيها طامع
فمتبررش لنفسك الدور هيلف و راجع

دى لعبة ملك و كتابة لو مش اختك تبقى امك
فراعى بنات الناس تلاقى حد يرد غيبتك
اختفى خير الدنيا و اللى عملته اتردلك
الخير بخير العكس صح كله نتيجة لموقفك

اعمل حساب اليوم ده خليك شهم و اصيل
لو قلت الرجالة ابقى ليها انت الكفيل
تحميها ، تلحقها ، تسجل موقف ايجابى
للى كان واقف يتفرج و هى بتستنجد بالهادى

العيب فى بنت ولا فى ولد ولا فى المجتمع
ولا نفوسنا المريضة اللى فى حالة فجع
او يمكن انفتاحنا ع المجتمع الغربى
او حتى الفن الهابط اللى بيه الشباب انخدع


العيب فى بنت ولا فى ولد ولا فى المجتمع
ولا نفوسنا المريضة اللى فى حالة فجع
او يمكن انفتاحنا ع المجتمع الغربى
او حتى الفن الهابط اللى بيه الشباب انخدع

مطلوب البحث عنها خرجت و لسه ماجاتش 
غياب طال سنين بذمتك موحشتكش 
النخوة و الرجولة انتحرت مفرقتكش
يا ريتهم كانوا لحقوها لو حتى بالكالبش

معذورة ، بريئة منك ، اصل انت طبعك حيوانى
بتشمشم زى الكلب معروفة انك شهوانى
هو وراء العظمة يسعى الفرق بس فى الاسامى
كل اللى ناقصك ذيل هتقولى دا مش انسانى

امال معانى الانسانية ، انى اهتك عرض ؟
ولا واحدة تتعرى و فى الاخر تترمى ع الارض ؟ 
اخلاق رسولنا نسيناها زى ما نسينا الفرض 
عقابنا من ربنا انه يدينا طرد

مـ الجنة و نعيمها و نشوف الوانها سمرة 
الحل استئصال للمتحرش يبقى عبرة
كفاية برود اتنحرروا نظفوا نفوسكوا الوسخة
خليك راجل غيور ، أكيد فهمت الفكرة

العيب فى بنت ولا فى ولد ولا فى المجتمع
ولا نفوسنا المريضة اللى فى حالة فجع
او يمكن انفتاحنا ع المجتمع الغربى
او حتى الفن الهابط اللى بيه الشباب انخدع

العيب فى بنت ولا فى ولد ولا فى المجتمع
ولا نفوسنا المريضة اللى فى حالة فجع
او يمكن انفتاحنا ع المجتمع الغربى
او حتى الفن الهابط اللى بيه الشباب انخدع

ــــــــــــــــــــــــــــــــــــــــــــــــــــــــــــــــــــــــــــــــــ
El-3eeb

Written By: Dwidar
Music: Free Beat
Vocals: Dwidar
MasTer&Mix: Dwidar

El 3eeb

Ahmed Elshobokshy | ramadan zaman | احمد الشبكشي - رمضان زمان

شوف فيديو التراك الجديد على يوتيوب : https://youtu.be/MYQHCevcIDU

Faker

E. Evil & Tika El-khouly ( Hip Hop Afandy ) - فاكر  ( Prod. By Rakan )

Verse 1

شاب كله طموح خلص دراسته واصبح عاطل
كان بينحت فى الصخر بدون يأس ومع دنيته بيقاتل
فى اى شغلة جاى منه همه يجمع قرشنات
عشان يقولوا ملوى هدومه مش قاعد زى البنات
من شغلة لشغلة بيتنقل يوم شغل و عشرة مفيش
صرخ وقال معيش واسطة عشان كده مبيقبلونيش
كان ده سبب كبير فى دخوله موجة اكتئاب
شهرين قاعد فى الاوضة لوحده قافل على نفسه الباب
اقتنع انه لازم يخرج م الحالة اللى فيها
اتعرف على واحدة حبته عشق تراب رجليها
وبعد حب طويل قرر يروح يتقدملها
قعد بكل صراحة يحكى ظروفه قدام اهلها
ابوها قاله انا اسف انا مقدرش اجوزهالك
ربنا يكرمك بالاحسن بنتى مش مكتوبالك
الشاب حس بضعفه وحس فى نفسه بقلة حيلة
رجع ع الاوضة وقفل الباب خيبت الامل تقيلة
Chours X2
من يأسه جاب الجرام وحط
وشدله كام خط
هموم تروح وبعد الفوقة ترجع فيعوز سطر
فيعيش حياة معروف نهايتها ويغضب ربه عليه
اختار طريق معانته وراح لعذاب ربه برجليه
Verse 2
سيطرة اليأس على عقله بتزيد اكتر واكتر
عايز حاجة تنسيه مش عايز فى الهموم يفكر
قرر يتعاطى والحكاية بدأت بسطر عجبه الامر
ضحكته عليت داس على الاحزان بقطر
مبيدخلش اوفر دوس مهما تزيد عليه الجرعة
كان احسن واحد فيهم يسنف السطور بسرعة
حب المخدر والمخدر اتمكن من عقله
اى حلم فى دماغه وهو مش واعى بيتحققله
اتجر لكل معصية انت ممكن تتخيلها
يزنى يسرق كل حاجة يعرفها عن الضمير قتلها
وفجأة يهديه ربه فيقرر انه ينسحب
فحس ان بعده عن المخدر خلاه كسب
لكنك لاوم تفتكر نفسنا امارة بالسوء
شيطانه سيطر عليه فمنع نفسه انها تتوب
قرر انه يهرب من المصحة ويرجع يضرب
السطر ده بداية نهايته خلاص حياته بتخرب
Chours X2
من يأسه جاب الجرام وحط
وشدله كام خط
هموم تروح وبعد الفوقة ترجع فيعوز سطر
فيعيش حياة معروف نهايتها ويغضب ربه عليه
اختار طريق معانته وراح لعذاب ربه برجليه
Verse 3
من بعد الضربة راح البيت عشان يجيب مصارى
دخل صرخ فى وش اهله ساعتها مكانش واعى
فلحظة وهو متخدر قتل امه وابوه واخواته
مكانش شايف قدامه عايز يضرب ويعيش حياته
رجع ع البيت بعد لما افتكر ايه اللى حصل
لاقاهم ميتين بجد ساعتها ضهره اتقطم
وجه دلوقتى دور ربك المنتقم الجبار
بيحفر الطريق لنفسه عشان يروح النار
م الصدمة مستحملش شد حبل على رقبته
حكمة ربك يموت منتحر قرر يشنق نفسه
فى جنازته اتشال فى نعش على اكتاف متعرفهوش
باقى اهله اتبروا من علشان بيه ميتعايروش
فى القبر بيتعذب وبيتندم على كل ثانية
ضيعها فى الحياة وكان ناسى ان الدنيا فانية
بينتظر وقفته قدام اللى خالقه من الطين
تشهد ايديه على افعاله لما شم الهروين
Chours X2
من يأسه جاب الجرام وحط
وشدله كام خط
هموم تروح وبعد الفوقة ترجع فيعوز سطر
فيعيش حياة معروف نهايتها ويغضب ربه عليه
اختار طريق معانته وراح لعذاب ربه برجليه

تحت تأثير المخدر _ مارشال مدحت

El Joker - أخينا

من أغنية مسلسل " المغنى " لمحمد منير رمضان 2016

Free Beat - براح - Prod By : S-lam Shetoz

كطفل كان عبقري ومع الوقت اكتشف ده
يعرف شدة وإتجاه الهوا أو يحتفظ بالسهم
كان كاره ظروفه ومش شايف في حياته حاجه مهمه
مولود القاع الي رافض ياخد نفسه غير ع القمة

شاطر في كل الي بيعمله لكن مش مؤمن بيه
فاكر متعة الحياه الوصول فعانى في الطريق
وعلشان متربي وسط ناس في عينهم كل شيء وسيلة
مترددش لحظة في إنه يدوس ع السلمه الأخيرة

بدأ يلعب على كبير بقى بيلعب على الدين
بدأ يشد ناس كتير بقى إمام مجاهدين
انا فاهم انتوا مش فاهمين
أطيعوني لو انتوا مؤمنين
الآيه كذا معناها كذا ، وانا اصطفيتكوا للتفجير

أتدعى إنه صاحب فكر ، وأتدعى إنه عنده خطة
وإنه هيقطع راس الأفعى .. من الآخر شاف فانديتا
وعلشان محاط بغرقانين في غل وخوف ونقص
كل ما يعزف سيمفونية الجنة يتسابقوا على الرقص

عارف إن منكوا كتير مروا بظروف مؤلمة
انا واحد م الي مش طايقين حال الدول المسلمة
ظلم فقر جهل ولسه الأسوأ في انتظارنانص العالم انتهكنا وأكتر من نصه احتقرنا

بس لا إنتوا مجاهدين ، ولا ده الحل ، ولا الدين
بالعكس ده انتوا حجر مربوط في رجل غرقانين
لو الي استغلك زاهد في الحياة كان هيسيبهالنا
هيسيبلك ليه الحزام الناسف لو طريق الجنة

ده كإنك فاكر قوة دينك من قوة دولته
وكإنك إله يأست من فلان فبتموته
أو كإنك لو حكمت العالم دينك كده إنتصر
يعني شويه حظ لهتلر كان بقى المهدي المنتظر

خليك مسلم حقيقي في كل فعل وكل كلمة
سلوكنا في الحياة دعايا حية لديننا
يا شيوخنا كفايه افتا في حرمانية الوشوم
أ ب الإسلام لناس كتيره لسه مش مفهوم

 الاسلام وسيلة والأهداف كلها شخصية
والمسيحية مش مسئولة عن قرنين حروب صليبية
ولا عن تاريخ من كره وقتل أتباع اليهودية
اللي أكيد بريئة من إنتهاك فلسطين الأبية

لكن احنا مجتمع عيان .. مجتمع عميان
تتفجر كنيسة تلاقي ال100 مليون نقاد أديان
قبطي ينشر م القرآن آيات القتل والتمثيل
يرد مسلم بآيات دعوة عيسى للسيف الي في الإنجيل

وده نتيجة ضخ بعض رجال الدين روح الكراهية
مش كل اللي مداسش ع الزناد بريء م المسئولية
ده غير الأم بتاعت متآمنش لأربعه ريشة
وبتاعت خليك مع اللي عارفينهم من الكنيسة

صدرنا إن الأديان لا تناسب هذه الألفيه
وخفى طوفان التعصب كل ملامح الإنسانية
اتدعاء وجود عداوة بين التلات أديان معناه
إن مصدرهم غرضه فتنه .. هل دي رؤيتك لله

youtube.com/watch?v=RZ7i9Mj_JNk

El Joker -  El Selema El Akhira | الجوكر- السلمة الأخيرة

محمد_أسامه_|_كعب_داير_|_Endless_Road.m4a

أوبـــــا......أوبا أوبا أوبا

أنا دلوقتى ماسك الشنطه وطالع على أوروبا..من زمان بحلم أنا بيها..اللحظه دى إللى انا فيها..
ضهرى لأهلى أصحابى دمعه محبوسه فى عينيا..مش بفكر فى أى حاجه غير الأيام إللى جــآيه
أوبـــــا......أوبا أوبا أوبا
قبل مآ أجهز الشنطه عشان أروح أوروبا..أمى جهزتلى البوءجه ومعاها الشنطه حآطالى فيهم فطير و وزه وبطه هطلع من تحت الفوهة وأنط حته نطه...وأروح هناك وأجيب فلوس كتير ومصارى
وأعيش حياتى فوق فوق فوق فوق فى العالى ومعادش فى حاجه هتشغل بالى
هبقى كويس ومبسوط..وأعيش حياتى بالمظبوط..وأنزل ديزنى لآند وأشوف ميكى وبندق وبطوط.. وأركب قطر حياتى بسرعه قبل مايعدى ويفوت واروح هناك وأجيب فلوس كتير..وأسيب الوزه والبطه وشوية الفطير وأعيش حياتى قشطه وأنسى الفول والمش..لكلامى مركزين ولا إنتوا مش..مركزين ولا إنتوا مش فاهمين 100مره قولت لما إم سى أمين يتكلم تخليكوا لكلامى سآمعين

أوبـــــا......أوبا أوبا أوبا

أنا دلوقتى خلاص وصلت جوه أوروبا..ومشيت فى شارع طويل نضيف مفيهوش زباله..قولت مش معقول أكيد ده حلم وإستحاله..ولقيت شباب شكلها ظريف وبنات دمها خفيف.واقفين جوه الفتارين..طبعا لآبسين كأنهم قالعين..قولت شكلك هتظبط وتهيـص يآ واد يآ أميــن
أوبـــــا......أوبا أوبا أوبا

أول ما وصلت ومشيت فى شوارع أوروبا..قولت لما أكمل لــف وأخدلى جوله حره..كان حلم حياتى من زمان أطلع من جوه لـ بــره..بصيت لقيت شباب شكلهم مش غريب..لقيت واحد بيقولى تعالى يآ أميـن مش برضو عيــب ...لآزم نعمل الواجب ده إحنـا من نفس البلد..أنا قولت الواد ده 100% أمـا حتـه ولد ..ومشينا مع بعضنا وسرحنا فى الكلام قآلى عندى إنتا هتقعد هتبيت تآكل وتنام..انا هنا فى البلد دى لاففها حته حته قولتله إشطا يا صحبى وانا معايا وزه وبطه..قالى تمام يآ مان..معايا إنتا فى أمان هظبطك فى الشغل هنا وهناخد فلوس كمان 

أوبـــــا......أوبا أوبا أوبا

بعد ما قضيتها مع صاحبى إللى قابلته فى أوروبا..صحانى من عز النوم بالليل وإدانى فى إيدى سلاح...قالى علشان تاكل عيش لازم هنا تكون سفاح..قولتله بس يا صاحبى هى العمليه دى أمان؟؟...قالى إنتا مع أخوك يبقى إنتا مع سوبر مان ..نزلنا فى حته ضلمه ومعانا طبنجتين..للناس مثبتين..وفى جيبهم إيدنا مادين..طلعنا ورق متين..وبسرعه قومنا جاريين.. فى العربيه إحنا ناطين  .. على دواسه البنزين .. دايسين فاعصين طايرين لازم نبقى هربانين..قولتله إشطا عليك يآ صاحبى قالى إشطا عليك يآ أمين 

أوبـــــا......أوبا أوبا أوبا

بعد أول عمليه ليا جوه فى أوروبا..مره ورا مره عمليه وراها التانيه..البليه بدأت تلعب والحياه بقت حاجه تانيه..لحد ما جه فى يوم ولقيت صاحبى داخل معجون  ..قولتله هو إللى عمل فيك كده عاقل ولا مجنون!؟؟ قالى فوكك يا صاحبى الدنيا دى سلف وديون .. قولتله سيبلى الموضوع ده والدموع مابين العيون  ..لمينا نفسنا ونزلنا جرى ع العصابه ما كآنش نآقصنا غير حاجه واحده هى الدبابه..وضربنا على بعض رصاص  .. لمينا حوالينا الناس..صاحبى قالى روحنا بلاش الناس دى مفيش عندها إحساس ..لحد ما جه فى يوم ولقيت الباب بيتخلع.داخلين علينا ناس كتير يخرب بيت الهلع  ..ببص لقيت صاحبى وشه جآب ألوان الطيف..كان عزرائيل داخل علينا من الباب طيف..فجأه سمعت صوت رصاصه طالعه من المصوره..ببص فتحت عينيا لقيتنى لسه فى المنصوره  ..قولت دى بلدنا وإحنا فيها عايشين..خليكوا مع كلامى خليكوا مع إم سى أميـــــن 

أوبا أوبا أوباااا

معلش يآ جماعه أنــآ كنت بحلم فـ معلش يعنى ع البعته دى 


MC Amin - Oppaaa

Name: Samir Ahmed Dwidar
Lives in: Samannud , Al-Gharbiyah
Born On: 1/1/1997
Started in: 8/2/2013

Check My Tracks <3 :)

Follow Me Here: https://www.facebook.com/El.Dwidar228

El 3eeb

Dwidar

Recent comments

Salma Emad 33

Nourhan H. Muhammad

Ahmed El Mor

Ali Eldeak

Related tracks