

Sa Mga Baboy Ng Lipunan

Kayod tayo nang kayod, hanggang sa tayo’y maugod
Kain lang sila nang kain, hindi sila nabubusog

Habang maraming nagugutom, dumadaing sa kahirapan 
Sila hayun nilulustay ang ating pinagpaguran

                             (Korus)

Buwis tayo nang buwis, buwis tayo nang buwis
Sa mga pinagpipitaganan, sa mga baboy na  gahaman
Buwis tayo nang buwis, buwis tayo nang buwis
Sa mga bukod na pinagpala, sa mga baboy ng lipunan

Ang para sa taong-bayan, pinagpaparte-partehan
Dapat na sa mamamayan, sila lang ang nakikinabang

Ang ating pinaghirapan, pinagpapasasaan
Ang ating pinagpawisan, kung waldasin gano’n na lang

                             (Korus Ulit)

Kung hindi tayo kikibo, kung tayo ay mananahimik
Dadami pa ang mga baboy, baboy na walang kabusugan

May panahon para magtimpi, may panahon para mamuhi
May panahon para sumigaw, may panahong tinig ay balaraw

                            (Korus Ulit)

                                 (Koda)

Buwis tayo ng buwis, buwis tayo ng buwis
Buwis tayo ng buwis, buwis tayo ng buwis
Sa mga baboy na gahaman, sa mga baboy ng lipunan 

***** 
Sa Mga Baboy Ng Lipunan
Edwin M. Quismundo
August 26, 2013







Sa Mga Baboy Ng Lipunan.mp3

A long, long time ago, this song was the grand winner in the "Earth Day 1990" Song Festival. Lead cut ng "Pinagpalang Mundo' album, recorded under Ed Formoso Productions and released through Alpha records. 

Eto ang lyrics ng kantang 'to: 

KWENTONG ARAY  ni Edwin Quismundo

Minsang ako'y naglalakad sa may tabing-dagat,
Ako ay may nakitang alimangong umiiyak.
Itinanong ko kung bakit, ako ay biglang binatukan,
Wika'y, “Nagtatanong ka pa, taong tampalasan!”

“Nilalapastangan ninyo ang dagat,
Inaabusong walang sawa't walang puknat!
Tinatapunan ninyo ng duming nakalalason,
Dapat kayo ay sipitin ang ilong!” 

“Aray! Aray!” ang  sabi ko, “Pare kong alimango,
Ako ay walang nalalaman sa sinasabi mo.
Sino ang umabuso? Sino ang lumapastangan?
Wala naman akong kasalanan! Aray! Aray!”

Kahapon ng hapon naman ay nasalubong ko, 
Baboy-damong matutulis ang pangil at kuko. 
Wala na raw siyang matirhang gubat sa kabundukan,
Wala na rin daw makain, kaya siya nagkandaduling-duling.

“Bakit mga gubat ay inubos ninyo?”
Galit na wika ng baboy-damo.
Sa takot, ako'y tumakbong ubod-bilis.
Habol ako ng pangil niyang matulis!

“Aray! Aray!” ang sabi ko, “Pare kong baboy-damo.
Ako ay walang nalalaman sa sinasabi mo.
Naubos ang gubat? Bakit sa'kin ibibintang?
Wala naman ako'ng kasalanan! Aray! Aray! Aray!

Kaninang tanghali, pagdungaw ko sa bintana,
Ako ay may natanaw na kilyawang namumutla.
Lumipad at dumapo sa balikat ko, bumulong sa'kin:
“Iba na ang simoy ng hangin, hindi mo ba napapansin?”

“Ang singaw ng himpapawid ngayon,
Umiinit at parang amoy karbon.
At ang tubig ulan kong nainom,
May lasang asido, bakit gano'n?”

“Aray! Aray!”  Ang tenga ko'y biglang tinuka ng kilyawan!
Wika'y, “Kayo ang sumisira sa sandaigdigan!”
“Aray! Aray!” sabi ko'y, “Wala naman akong kasalanan.”
“Sa asido at karbon, ano'ng aking kinalaman?”
“Aray, aray! Aray, aray! Aray, aray!” 					


Edwin Quismundo - Kuwentong Aray 1990

This was one of the top ten entries in the 'KATIPUNAN CENTENNIAL' Song Festival. Lead cut ng 'Katipunan-Unang Awit' album, released through Ivory Records in 1992. Nakasama ko dito sa festival sina Jungee Marcelo, Soc Villanueva at Arnel De Pano, mga nekti na ngayon sa industiya. Tagal na rin nito... 

Kung mahilig kang magbasa ng lyrics, eto:

AWIT SA LAYANG PANGARAP    ni Edwin Quismundo

Dahil sa pag-ibig sa lupang tinubuan,
Tumindig ang Katipunan ng mga Anak ng Bayan.
Dugo't buhay ay inialay sa dakilang himagsikan.
Handog sa pangarap na laya at kasarinlan.

Masdan mo si Inang Bayan, mga mata niya'y luhaan,
Damhin mo, may 'dinadaing ang kanyang pusong sugatan,
Gapos siya ng kahirapan, bilanggo ng karukhaan.
Sa aba niyang kalagayan, tunay ba ang kalayaan?

Perlas nga ba ng silangan? Lupa nga ba na hinirang?
Duyan nga ba ng magiting ang magiliw nating bayan?
Kislap ba ng watawat niya'y tagumpay na nagniningning?
Bakit bituin at araw niya ay mayro'ng lambong ng dilim?

Wala ka bang naririnig? Hindi mo ba nakikita?
Inang baya'y nagdurusa, hindi mo ba nadarama?
Halina at pag-isahin, lakas nati't adhikain,
Kabayan bangon na, maraming gagawin!

Dahil sa pag-ibig sa lupang tinubuan,
Tumindig silang mga dakilang anakbayan.
Dugo't buhay ay inialay sa ngalan ng kalayaan.
Nguni't hanggang ngayon mga pangarap nila ay-
Pangarap pa lang...

Ahh-ahh-ahh,
Ahh-ahh-ahh,
Layang pangarap...
Hanggang kailan...



*****
awit sa layang pangarap
edwin quismundo
nobyembre 1992




Awit Sa Layang  Pangarap

Finalist in the 'Likhawit' 1993 professional division. As usual, sina Jungee, Soc at Arnel na naman ang nanguna sa songfest na 'to. Kasali dito sina Vehnee Saturno, Heber Bartolome, Jim Paredes, at marami pang top songwriters. This was arranged by would you believe Gary Granada? Yes, ang "HENYO"... ang aking idolo. 

Kung interesado ka sa lyrics, eto:

ITODO MO 'TSONG'   ni Edwin Quismundo

Unang araw no'n, una kong trabaho
May lumapit sa'king, 'kala mo kung sino
Sabi'y, “P're, relaks lang sobra kang seryoso.”
Sabay hagis sa'kin ng d'yaryo't sigarilyo

At nag-umpisa siya ng maraming kwento
Litanya ng mga pamilyar na reklamo
'Di raw naman sulit sa pagod ang sweldo
Petik-petik lang daw dapat ang trabaho

Sabi ko, “Natutunan ko sa aking tatay
Sa buhay lugi-lagi'y patay-patay
Kahit saan, kahit kelan ay kulelat
Ang mabagal, ang makupad, ang tamad.”

(Tulay)

“Hindi p'wede ang paisi-isi lang
Malabo ang kat'wiran mong p'wede na 'yan
Talo ka kung lagi kang bukas na lang 
Ikaw ang lagi una do'n sa hulihan!”

(Koro)

“Itodo mo  'tsong ang husay mo't galing
Ibuhos ang lahat ng sipag mong angkin
Ibigay mo d'yan lang may mararating
Ibuhos mo, ibigay mo, itodo mo 'tsong'
Ibuhos mo, ibigay mo, itodo mo 'tsong'!”

Sa'king sinabi natulala ang damuho
Namumulang tumalikod, kamot ang ulo
Ako'y natawa at aking naalala
Ang sabi ng isang tulang aking nabasa

“Ang ngayon mo, bukas ay h'wag pagsisihan
Hindi 'bahala na' ang kinabukasan
'Hinahanda, ginagawa ang kapalaran
Sikap, tiyaga, pawis, pagod ang puhunan.” 

(Ulit Tulay at Koro)

(Koda)

Ibuhos mo, ibigay mo
Ibuhos mo, ibigay mo 
Itodo mo 'tsong' 


Itodo Mo Tsong

Entry to LIKHAWIT 1993. Didn't make the final 12, but just the same I am sharing this. Somebody might get interested, who knows? Hehehe. 

This was arranged and programmed by the great Gary Granada.

The lyrics: 

IDOLO 

Nagkaisip, nagkamalay akong nag-aalaga ay si Nanay,
At natatandaan ko, noong munti pang bata, 
naglalaro kami lagi ni Tatay.
Kulang sa luho at karangyaan, sagana sa pagmamahalan.
Hindi man ako isang anak-mayaman, 
Tahanang may ligaya ang nilakihan.

Nagisnan ko ang unawaan, 
bigayan at sunuran ng magulang,
Natanim sa isip ang todo nilang sikap,
 laan sa pagkamit ng pangarap.
Heto ngayon aking tinutularan, nakita sa kanila ang huwaran.
Hindi kung sino-sino ang hinahangaan,
Si Tatay at si Nanay ang idolo ko...

           ( Chorus )

Idolo ko ang sipag ni Tatay,
Idolo ko ang sinop ni Nanay,
Marami ang dapat at hindi sa buhay,
'Tinuro sa'kin ni Tatay, 'minulat sa'kin ni Nanay.
Idolo ko ang bait ni Tatay,
Idolo ko ang lambing ni Nanay,
'Di naliligaw, kaakbay ang tagumpay,
Idolo ko si Tatay, idolo ko si Nanay.

Trabaho ang bisyo, libangan ay sa bahay,
bibilib ka sa aking Tatay.
Tuwang sila ni Nanay sa pagdala ng buhay, 
kaming mga anak  naman alalay.
Tuwing Linggo no'n kami'y namamasyal, 
siyempre una muna ang simbahan.
Manonood ng sine, kakain sa labas, 
Kapag walang pera, kantahan na lang.

                ( Repeat Chorus )

Coda: 

Si Tatay, si Nanay, sila ang aking idolo...
Idolo... idolo...
Sila ang aking idolo!

*******************
June 01, 1993
Edwin M. Quismundo


IDOLO

'Bulaan Ang Pulitiko; Pulitiko'y Sinungaling' ang orihinal na titulo ng kantang ito. Sinimulan kong sulatin noong 1983, 2013 na ng makuntento ako sa kanyang lyrics. Marami na itong naging pagbabago sa tono at teksto. Ito rin ang orihinal nitong tono, may konting dagdag-bawas, Nawa ay dumating ang panahon na hindi na totoo ang 'lyrics' ng kantang ito.


Sulyap-Anino        

Hayun siya: Ngiting anghel, sa anyo at sa kilos ay santo
Isang maamong kordero, salita niya bigkas-kristo 
Sa harap ng madlang-tao, liyad-dibdib-taas-noo 
Hayun ipinagbubunyi, sinasamba, d’yos animo
     
Bawat kumpas, bawat pangako, sumasambulat ang ‘mabuhay’ 
Sigabo ng palakpakan, walang puknat, walang humpay 
Sa magayumang talumpati, ikaw, ako, bibihagin, nguni’t 
Labing-isa ‘di totoo, sa bawat sampu niyang sabihin 

Hayun siya: ‘Hinahandog ang buwan at mga bituin
Naglulubid ng buhangin, ibibigti sa’yo’t sa’kin
Bulaklak ng kanyang dila, halimuyak nakalalasing
Mangangako siya ng langit, sa imp’yerno, du’n ka dadalhin

Paghuhubad niya ng maskara, titigan mo kung sino siya talaga 
‘Pag nagpalit siya ng kanyang balat, mata mo ay huwag ikukurap
Taglay niya ang kamandag, ng tukso sa paraiso
Mangingilabot ka sa tunay niyang anyo, sulyapan mo ang anino


***************** 
Edwin M. Quismundo
09211983-02262013







SULYAP - ANINO v.1983

Nakakapagod Maging Pinoy

Minsan pakiramdam ko, nakakapagod maging Pinoy
‘Di natin marating ang pampang, langoy naman tayo ng langoy
Paikot-ikot lang tayo, sa laot nating pinagmulan
Lulubog, lulutang, hanggang saan, hanggang kaylan

Pre-Chorus:

Nakakapagod gumawa ng kanta na ‘di naman mabebenta
Nakakapagod mahalin ang bayan na 'di naman mahal ng iba

                              (Chorus)

Nakakapagod, nakakapagod maging Pinoy
Nakakapagod, nakakapagod maging Pinoy

Minsan natatawa ako, ibang klase talaga tayong Pinoy
Para tayong nagsasaing sa kalan na walang apoy
'Di ba ganito na tayo no'n? Ganito pa rin tayo hanggang ngayon
Kwento natin paulit-ulit lang, nakakapagod maging Pinoy

                          (Repeat Chorus)

Bridge:

Pero hindi ako titigil
Kakantahin ko ang nasa dibdib kong gigil
Kahit ikaw lang ang nakikinig sa’kin

Verse Coda:

Minsan naiiyak ako hanggang dito na lang ba tayong Pinoy
Bakit 'di tayo natututo bakit 'di tayo nagbabago
Nakakapagod, nakakapagod maging Pinoy
Nakakapagod,nakakapagod maging Pinoy                  
Nakakapagod


*******************************
Nakakapagod Maging Pinoy 
Edwin M. Quismundo
2010.10.15





Nakakapagod Maging Pinoy  ni Edwin Quismundo

KUNG SA'N MAY TAO; NANDO'N ANG BASURA 
  
Tapon nang tapon kung saan-saan
Hagis nang hagis sa’n man magustuhan
Kaygandang paligid ginagawang basurahan 
Nakangiti pa walang pakialam 

Pre-chorus:

Balasubas tayong mga tao
Binalasubas natin ang mundo
Ooh-woh-ooh

                   (Chorus)

Kung sa’n may tao, nando’n ang basura
Kung sa’n may tao, nando’n ang basura
Nando’n ang basura, kung sa’n may tao-oh-woh-oh-hoh
Kung sa’n may tao-oh-woh-oh-hoh  

Sa tuktok ng bundok, sa gitna ng dagat 
Sa liblib na batis, sa pusod ng gubat
Kahit saang sulok, sa’n man s’ya mapadpad
Bakas niyang iiwan, duming nakakalat

      (Repeat Pre-chorus & Chorus)

Bridge:

Iisa lang ang ating mundo 
Iisa lang ang tahanan nating tao
Kung ito’y masisira ng tuluyan 
Sa’n tayo hahanap ng titir’han?  
Hoy! Hoy!

(Repeat Verse 1 then Repeat Chorus) 

Coda:

Kung sa’n may tao-oh woh-oh-hoh
Hoy! Hoy! Hoy!

***************************
Kung Sa’n May Tao, Nando’n Ang Basura
Edwin Marqueses Quismundo
March 31, 2014



Kung Sa'n May Tao, Nando'n Ang Basura Edwin Quismundo

BIGAS HINDI BALA 
    
Sino ang nagbubungkal ng lupa, sino ang nagtatanim 
Sino ang lumilikha, sino ang lumilikha ng pagkain

Hayun sila, nangagugutom
Dumadaing, walang makain
Kumakatok sa’ting mga puso

Bigas hindi bala 
Kabuhayan para sa pamilya
Hati-hati sa biyaya
Bigas - - - - - - bigas hindi bala

Sino ang nagpapagal sa bukid upang tayo’y may maisaing
Sino ang nagpapasan ng pagod at hirap upang tayo’y may maihain
          
Bigas hindi bala 
Kabuhayan para sa pamilya
Hati-hati sa biyaya
Bigas - - - bigas hindi bala
Bigas hindi bala
Bigas hindi bala

Kailangan bang itaboy
Kailangan bang barilin          
Humihingi lamang ng pagkain

Sila ang nagtatanim, sila ang lumilikha ng pagkain                  
Bakit sila nagugutom, bakit sila walang makain            

Bigas hindi bala


*****************
#BigasHindiBala
Edwin M. Quismundo
April 03, 2016


Bigas Hindi Bala Edwin Quismundo

Pakasuriin mating mabuti ang mga pulitikong ating sinusuportahan o kinakampihan. Huwag tayong masiyahan sa kanilang sinasabi at ipinakikita sa publiko. Sino at ano ang mga nasa likod nila...  Titigan natin ang kanilang mga 'anino'. 

SULYAP-ANINO  (lyrics)

Hayun siya: Ngiting anghel, sa anyo at sa kilos ay santo                            
Isang maamong kordero, salita niya bigkas-kristo                                     
Sa harap ng madlang-tao, liyad-dibdib-taas-noo 
Hayun ipinagbubunyi, sinasamba d’yos animo                                                                   
Ohh-huh-oh-huh-huh-huh … ohh-huh-oh-huh-huh-huh

Bawat kumpas, bawat pangako, sumasambulat ang ‘mabuhay’ 
Sigabo ng palakpakan, walang puknat, walang humpay 
Sa magayumang talumpati, ikaw, ako, bibihagin nguni’t 
Labing-isa ‘di totoo, sa bawat sampu niyang sabihin 
Ohh-huh-oh-huh-huh-huh, ohh-huh-oh-huh-huh-huh

Hayun siya: ‘Hinahandog ang buwan pati mga bituin
Naglulubid ng buhangin ibibigti sa’yo, sa’kin
Bulaklak ng kanyang dila, halimuyak nakakalasing
Mangangako siya ng langit, sa imp’yerno du’n ka dadalhin

Paghuhubad niya ng maskara, titigan mo kung sino siya 
‘Pag nagpalit siya ng balat, mata mo ay huwag ikukurap
Taglay niya ang kamandag ng tukso sa paraiso
Mangingilabot ka sa tunay niyang anyo, sulyapan mo ang anino
Sulyapan mo ang anino … ohh-huh-oh-huh-huh-huh
Sulyapan mo ang anino … ohh-huh-oh-huh-huh-huh
Sulyapan mo ang anino … ohh-huh-oh-huh-huh-huh
Sulyapan mo ang anino




*****************
Sulyap - Anino 
Edwin M. Quismundo
09211983-02262013

Sulyap - Anino

iPhone sketch... 1981 pa ko pa ito naisulat. 'Pag may mas maganda akong nai-record upload ako kapalit nito...

Bakit May Agila Sa Pugad Ng Maya Sketch

Saan Mo Kami Dadalhin, Mamang Kwan   text

At dahil kami'y napa-ibig
Sa bitbit mong pagbabago
Niyakap ka naming mahigpit
At 'pinaglaban kang totoo

Refrain:

'Pinikit ang mata, tinakpan ang tainga
'Sinara ang isip, 'tinikom ang bibig

Chorus:

At ang dati-rating kinamumuhian
Kinokondena at nilalabanan
Ngayo'y pinupuri, kinaluluguran
Mahal ka namin 'ya'y katotohanan
Pero sa'n mo kami dadalhin
Saan mo kami dadalhin
Mamang Kwan, Mamang Kwan

Espadang doble ang talim
Haring kunwa'y alipin
Anino o kislap sa dilim
Tagapagligtas o salarin

(Repeat Refrain & Chorus)

Bridge:

Sa iyong salita at gawa
Tulala kaming napamangha
Sa'n tayo pupunta, Mamang Kwan

     (Repeat Chorus 2x)

Coda:

Mamang Kwan, Mamang Kwan
Mamang Kwan


Saan Mo Kami Dadalhin, Mamang Kwan
Edwin Quismundo
12222016

Saan Mo Kami Dadalhin, Mamang Kwan sketch 2

B'WIS IT   
Musika at Teksto ni Edwin M. Quismundo
     
Kayod tayo nang kayod, hanggang sa tayo’y maugod
Kain lang sila nang kain, hindi sila nabubusog

Habang maraming nagugutom, dumadaing sa kahirapan 
Sila hayun nilulustay ang ating pinagpaguran

Korus:

B'wis tayo nang buwis, b'wis tayo nang buwis
Sa mga pinagpipitaganan, sa mga walang kabusugan
B'wis tayo nang buwis, b'wis tayo nang buwis
Sa mga bukod na pinagpala, sa mga diyoses ng lipunan

Ang para sa taong-bayan, pinagpaparte-partehan
Dapat na sa mamamayan, sila lang ang nakikinabang

Ang ating, pinagpawisan, pinagpapasasaan
Ang ating pinaghirapan, pinagpipistahan

                   (Ulit Korus )

Kung hindi tayo kikibo, kung tayo ay mananahimik
Lalo silang magiging ganid

Kayod tayo nang kayod, hanggang sa tayo’y maugod
Kain lang sila ng kain, hindi sila nabubusog

                                      




*******
B'wis It
Edwin Quismundo
January 27, 2017

B'wis It sketch1

SULYAP-ANINO 
     
Hayun siya: Ngiting anghel, sa anyo at sa kilos ay santo
Isang maamong kordero, salita niya bigkas-kristo 
Sa harap ng madlang-tao, liyad-dibdib-taas-noo 
Hayun ipinagbubunyi, sinasamba, d’yos animo
     
Bawat kumpas, bawat pangako, sumasambulat ang ‘mabuhay’ 
Sigabo ng palakpakan, walang puknat, walang humpay 
Sa magayumang talumpati, ikaw, ako, bibihagin, nguni’t 
Labing-isa ‘di totoo, sa bawat sampu niyang sabihin 

Hayun siya: ‘Hinahandog ang buwan pati mga bituin
Naglulubid ng buhangin, ibibigti sa’yo’t sa’kin
Bulaklak ng kanyang dila, halimuyak nakalalasing
Mangangako siya ng langit, sa imp’yerno, du’n ka dadalhin

Paghuhubad niya ng maskara, titigan mo kung sino siya talaga 
‘Pag nagpalit siya ng kanyang balat, mata mo ay huwag ikukurap
Taglay niya ang kamandag, ng tukso sa paraiso
Mangingilabot ka sa tunay niyang anyo, sulyapan mo ang anino

UTAK-ALIPIN  
Musika at Teksto ni Ed Quizmundo

Wala ka bang nakikita 
Wala ka bang naririnig  
Inang Bayan, dumadaing
Magmulat ka at gumising 
 
‘Nililigaw, taumbayan 
Binabansot ang isipan 
‘Nililibang, nililinlang
Inaaliw, hinihibang

Koro:

Bayang walang mata, walang tenga, walang bibig
Hindi kumikibo, bulag, bingi, pipi, manhid
Bayang litong-lito, hati-hati, gulong-gulo
Laruan sa palad ng idolong pulitiko

Hindi tayo natututo 
Sa aral ng kasaysayan
Inuulit, kamalian
Uulitin hanggang kailan

                (Ulit Koro)

Bridge:

Hindi makaalpas sa kulungang pinto’y bukas 
Nasanay sa dilim, takot sa liwanag
Utak-alipin

                        (Ulit Koro)



*****************
Utak-Alipin
Edwin M. Quismundo
March 01, 2017

Utak - Alipin By Ed Quizmundo

UTOS NG HARI teksto 
Itong puti; gawing itim 
Itong itim; gawing puti            
Itong mali; gawing tama           
Itong tama; gawing mali               

Itong malinis; parumihin
Itong marumi; palinisin
Itong masama ; pabutihin                    
Itong mabuti; pasamain

Korus:
                  
Utos ng Hari, hindi mababali            
Utos ng Hari, hindi mababali
Hindi mababali, utos ng Hari
Utos ng Hari, utos ng Hari

Itong baluktot; gawing tuwid
Itong tuwid; baluktutin
Itong martir; gawing taksil
Itong taksil; gawing martir

              (Ulit Korus)

Tulay:

Kabang-bayan ang nilimas
Ngayo’y bida sa palabas
Mandarambong, pinopoon
Sinasanto

Dating itim naging puti
Naging tama dating mali           
Malinis na ang marumi
Masama na ang mabuti


*****************
UtosNgHari  
EdwinMQuismundo  
May.23.2017

Edwin_Quismundo

Popular tracks