Audio Recording on Wednesday evening

هردبيسه ياام عيسى 
أزور مقام سيدنا الولى 
وأبكى فى مقام حضرة نفيسه 
وأبوس إيدين أى جدع .. 
 أى جدع 
هانت عليه روحه فداكى 
وضحى بالدنيا الرخيصه ..
وألطم الخدين أوانطه  ...
على الشناكل والحناجل 
والمغالطه ...
والنفاق اللى ريحته فايحه 
فى الحكومه والمعارضه ...
وأكتب على الحيطان بلادى 
من المحطه للمحطه ...
لو تأمرى أجرى  وأصرخ 
... بس مين يسمع 
صراخى .
مانتى شايفه الدنيا زايطه ..
ناس فى وادى وناس 
فى وادى ... ناس فى هم 
وشلة رايقه ...
ناسى سكارى فى كل شارع 
وناس لقهرك لسا فايقه ..
والعيال الشابطه فى الجلبيه 
تجرى وأنتى تجرى ..
قبلى ... بحرى ... 
وسط زحمة الكلام والفعل 
خانقه ..

غاوى عنيكى 


أنا مش ضايع ...
ولا مجذوب فى حواريكى 
ولا صايع ..
ولا مبلى برمش عنيكى
أنا سلاحك فى وقت الحرب 
وأنا صلاتك فى ساعة كرب 
وأنا اللى وقفت يوم فرحك
وكله بيجرى حواليكى ..
نشيد الصبح أنا حافظه ..
وملحك على الجراح يدبح 
وحبك شىء بعيد عنى 
لا دقته معاكى ولا شفته 
يا صابحه وكل شىء بميعاد 
معادى أظن جه وقته ..
يا ماده إيديكى للعاصى 
أنا التايب بإخلاصى ..
غلبت أشيل ذنوب الناس 
ومين يغفر لقلبك ذنبه 
يا ناكرانى أنا اللى كنت 
متشعبط فى أتوبيسك 
وأنا فى القطر متعلق 
بكرارسيك ..
وبقرا عن عنيكى السود 
وريحة النيل ولون الليل 
وشعرك اللى فتن 
مهاويسك 
فحبسوهم ..
عشان عشقوكى 
فى النور 
ونطو وراكى مليون سور 
وسرقو الكحل من عينك 
لجل ما تقدرى تشوفى 
ولا شوفتى ولاعرفتى 
وفضلو يصلوا صلاوتك 
ويمضولك تملى حضور 
يا غايبه غيبة الغايب 
والحجه بقولو معاه ..
انتى اللى حبلتى ف واد
وسبتيه للغريب رباه 
فماتلوميهوش لو عاتبك 
على فراقك بقولة آآآه 
ماهو اللى انكسر قلبه 
ودار يشحت وقوته معاه 
فيه حد يعاشر السجان 
ويتمتع وينسى ضناه ؟

غاوى عنيكى

Egy poet

Popular tracks