Prod By : Ahmed Kamel 
وأحس فيكى بدفا كانه عز الليل .. و برد الشتا يعرق كانه عز الصيف
انا اسف على فرقنا .. انا ملهوف لضى عنيك .. انا غرقان فى احزانى كونيلى قشه وسط محيط .. 
انا ضايع لكن ونسان .. شايل هموم و مش كئيب .. فى عز سكته مع التنهيد .. يا حلم حلمته لسه بعيد ..
انا شقيان وبدعى الخلق .. يزيحو جراح يداوونى .. يا طير هاجر فى عز البرد .. اتوه فيكم تلاقونى ..
انا درويشك الطيب .. لكن فى العند ببقى عجيب .. سايب ارضى لكنى عظيم .. فقير لا حيلته حيط ولا بيت ..

انا الملخوم ما بين اوجاع .. لا عمر الصح زارلى طريق .. انا بحار يموت فى البحر .. لاكن قدره يموت غريق

ارمى الى باقى .. صفى الدماغ م الطيش .. لا عمره فاد ولا يوم هيفيد .. لاسكر نافع فيك و حشيش .. ولا دخان هيتولنى .. ولا هنسا الى كان جارح .. فى عتمة ليل كون سارح .. عاقل جدا لكنى عبيط

هج البحور تغرق .. عاليابس انت عويل .. واديك فى بحر العشق .. عويم وفاض بيه الكيل .. لا عمره كان يكسب .. انك تعاند بحر .. ولا عمر موج يسمح .. انك تعدى فوقيه ..

Ahmed Kamel - al Moghool | أحمد كامل - المجهول

Ahmed Kamel - Al Maghool | أحمد كامل - المجهول

Lyrics:
قاعد علي قهوة.. خريج جامعة، 
16 سنة تعليم و مستقبلي مبهم،
معنديش أدني فكرة إيه اللي ممكن يحصل بكره، 
بشهادتي أياً كان تقديري أخري أشتغل ف كول سنتر، 
فبحاول أجمع كورسات عشان أحشي بيها ال سي في، 
أروح أقدم ف وظيفة يشترطوا خبرة سنة و إتنين!، 
طب منين؟ مانا خلصت دراستي خدوني قهر جندي، 
سنة أو تلاتة علي حسب طارو كده من عمري، 
و يقولك "أصل الجيش ده مصنع الرجالة"، 
لو كنت إنت قبله متني أنا راجل خليك ف حالك، 
مبتتعلمش جوه حاجة متصدقش العقول التعبانة، 
لا صحيح بيعلموك ضبط النفس وقت الإهانة!!، 
ها يا دفعة.. خلصت جيشك؟ عايز تتجوز؟، 
طب مطلوب منك مهر شبكة شقة ف مكان كويس، 
فيشيل الفكرة من دماغه و يلعن الجواز ده من أساسه، 
عايزله ف حدود نص مليون عشان بس يختار شريك حياته،
شوفوا الشاب ف بلاد بره إزاي بيتعامل، 
الشاب حتي لو عاطل الحكومة بتوفرله راتب، 
و لو حابب إنه يتجوز هيروح جايب خاتم، 
مش طقم كامل مش هيكع 20 باكو عند الصايغ، 
بايخ.. وجودنا ف البلد دي، 
عندكو نفس المشكلة ولا دي بس عندي، 
لا عارف أتقدم ف حياتي ولا حتي أتقدم لواحدة، 
دولة جاحدة كافرة بإن لينا الحق ف عيشة عدلة، 
طب أهج و أسيبها؟ و أتمرمط نفس المرمطة بره؟، 
عالأقل بره هلاقي المقابل المادي أعلي، 
فكرة حلوة حضر الشنطة معوش تأشيرة ظروفه صعبة، 
فالحل أصبح يدفع مبلغ و الهجرة تبقي ف مركب عايمة، 
و يا تبقي غدا للسمك، 
يا توصل هناك سليم و حكومة البلد ترحلك، 
و ترجع لنقطة الصفر بين قوسين أم الدنيا، 
و يفضل حلم السفر ييجي ف بالك كل ثانية، 
بس خلاص.. مانت معندكش الإمكانية، 
فبتستسلم للعيشة ف بلد أصلاً منتهية،
و إياك تصدق كدبة "قوم يا مصري عمر بلدك"،
الحاجة الوحيدة اللي هتتعمر ف البلد دي سلاح ف وشك،
لو إعترضت قولت كلمة حق قولت لأ،
هيسحلوك زي الكلب يدخلوك السجون زق،
زي الألاف اللي ف سنك و محبوسين ورا القضبان،
علشان لقوا نور ف عنيهم و بلدنا بتقطع الأنوار،
ماهو مش ده المطلوب منك أومال هم غيبوك ليه؟،
أيوه مغيب هو ده تعليم اللي إتعلمته ولا إيه،
متسبش سؤال فاضي إكتب حاجة تاخد درجة،
الرسم بيتضاف عالمجموع لكن الدين طالع بره،
عمرك شوفت طالب أجنبي بيدرس هنا ف بعثة؟،
ولا عمرك هتشوف لإنهم عارفين إن إحنا ف وكسة،
فهمت المغزي ولا لمؤاخذة دماغك لسه مقفولة؟،
العيب مش عليك ولا علي عقلك العيب علي اللي علقهولك،
أنت مقصر؟ لأه،
يبقي كده العيب ف الدولة،
يبقي ملعون أبوها دولة اللي تكون سبب فشل شبابها،
مبهاجمش نظام معين التراك ده مش مسيس،
أنا بحكي عني و عن اللي ف سني بس إنت أفهم مني كويس،
حكومتنا الناصحة لعبت لعبة حلوة،
"بصوا الشاب يوسف خريج و بيبيع فريسكا،
مش زيكو يا فشلة مقالش للشغل لأه،
كل يوم بطقم شيك فجاتله من أمريكا منحة"،
مع إن لو رجعنا بالتاريخ إسبوعين تلاتة،
هتلاقوا نفس الشاب ف برنامج صاحبة السعادة،
بس ساعتها مكانتش فريسكا كان بيبيع جندوفلي،
لو مكنش إتشهر بالفريسكا كانو هيشهروه بالدرة المشوي،
و كل الفيلم ده عشان يقنعوك إن إنت اللي غلط،
مفهاش حاجة تكون متعلم و تنزل تبيع قوطة ف قفص!،
حكومات فاشلة مهما إتغيرت الوشوش العكرة،
بحلم باليوم اللي أغور فيه من البلد دي بقي و أسيبها،
هي اللي رافضاني.. 
مش أنا اللي رافضها.. 
شوفوا الكوادر لو فاكريني شاب طايش،
هاتلي عالم مصري ظهر غير لما بقي بره عايش،
مش بس فقر إمكانيات لأ و فرق ف الإهتمام،
إن ده إنسان دوره يبدع و دور الدولة تزقه لقدام،
شوفوا الدول اللي بتتبني بشبابها،
دول عارفة إن دول أملها و بيهم بكره أحلي،
مش زينا أحنا بالعكس ده العجز محاوطنا،
هات شهادتك كده قطعها ده لو مكانش ف ضهرك واسطة،
سوق عربية خضار أو إشتغل علي توكتوك،
ده كلام رئيس الجمهورية و رئيس وزراء حكومته،
شايفين الدماغ؟ شايفين التفكير ف الحلول؟،
بذمتكم دي بلد تستاهل أحارب عشانها و أموت؟،
أنتمي لوطني إزاي و وطني مش شايفني حتي،
نقول تعليم نقول بطالة يجيبوا السبب فينا إحنا،
كلامي خلص و لو مصر بتسأل ليه كارهها،
كانت تزرع فيا البذرة قبل ما تسأل عن نتايجها.

Follow

The Nightmare | الكابوس - MT3

الكلمات :
قولي لهم.. أنهم.. بهتوا وخانوا لونَهُم
قولي وقومي واهدمي هامانَهُم..
لا تسكتي عن ظلم فرعونَ، اصمدي ولتقضي عنهم دينَهم 
قولي لهم أنَّ المعادنَ كلَّها.. لو اصفحت عمَّا بداخلها ستُصدئُ قلبَهُم.. 
قولي ولا تعبأي بآلامهم فالكُل يلعن مِصْرَهم :")

Verse 1 :
خدي آخر نفس من بُق مريض وسيبي هواء الشِفا 
روميو و جولييت أقربلِك من مُحمد و عائشة
هنا هيصنفوا، هنا هيقوموا ويصقفوا
هنا أوساخ الدولة حلفوا ١٠٠ يمين ما هينضّفوا

لما يكون الأزهر "طرحة" على وجه "عقيدة" سافرة
عاوزة تشوفي وجه الدين.. شوفي كّفار القاهرة
إوعي يحنن قلبك عطشك إوعي تفتكريني طرَشك
إمشي دلوقتي برضاكي بدل مايقولوا: البت طفشت

أي سفينة تركبيها... متسأليش عن نوح فيها
هيسألوكي كنتي في طوفان؟ قوليلهم (مصر) واوصفيها
ولو الركاب أصروا توصفيلهم أكتر
إحكيلهم إن السماء في مصر بتبكي مش بتمطر

إحكيلهم إنك خايفة تتقالي لايسمعوكي
خايفة تعيشي يموتوكي، خايفة تموتي يدفنوكي
وإن شرقك مال لغربك لما رجلك نسيت دربك
وإن ورود ربيعك العربي دبلت لما قطعوا شجرتِك

Chorus
لو حد قالك مصر ذُكِرت في القرآن سيرتها
قوليله قرآن الواقع مليان آيات وساختها
وإن حد بكل سذاجة قالك إحنا أحسن من غيرنا
قوليله مسألة وقت ويوسف هيكون مات في بيرنا

Verse 2 : 
أديكي وصلتي ل بلد تانية.. اوعي تفتكرينا لثانية 
نامي مع كل الثقافات، مش هيقولوا عليكي زانية
هيقولوا إنك من بلد عمرها ما عرفت هوية
هيقولوا اسمك إيه؟ قوليلهم أنا اسمي مصرية

اقري الفاتحة على ماضيكي واستعري من تاريخك
مهما حِسّه كان مسمّع معرفش يسكّت صريخِك
اسألي على أقرب جامع، خشي صلي وماتخافيش
مش هيقولوا عليكي اخوان لما تقولي كم حديث

صححي المفاهيم الخاطئة.. توبي مهما كنتي خاطئة
عقلِك مأذونك، قلبِك شاهد، روحِك هي الخاطبة
فهمي عيالِك ان العلم ثقافة مش تعليم
وإن مجتمعهم وسخ نضفي قلوبهم بالدين

هاتي منهم ألف جيل..وارجعيلنا بيهم هنا
واوصفيلهم في الطريق يوم ما مشيتي من عندنا 
صبريهم مهما قرفوا .. واوعي تداري مهما عرفوا 
واخر كلمة مني ليكي: اوعي تصدقي مهما حلفوا

وقالوا مصر بلد ذكرت في القرآن ... إلخ بقى xD

Single

Omar Ahmed - قوليلهم

الـــكـــلـــمـــات :
عصفوره حكيتلي إنها فى يوم عدت من جنب غرزة
فوجئِت بإن الله والرُسُل والوجود أغلب ما يُذكر
شافت من كل سن كل شكل ، واللى رابطهم
جايين ينسوا الحياه اللى شيلتهم فوق طاقتهم

وقالتلي إنها إتفاجئت فى المدرسه بإن التلاميذ
جايين لكل غرض تتخيله إلا التعليم
بس قالتلى: فى وسط السيرك شوفت طالب علم بجد
منتبه للشرح ، بيكتب ، وملوش أى دعوه بحد

للأسف تانى مره شافت الطالب ده بكِت
كانت طايره جنب قسم صُدفه وفوجئت لما لقت
ظابط بيكهرب الطالب ويقوله علشان تبقى
تكتب "وطن بلا تعذيب" كويس على تيشيرتك

وحكيتلى إنها فى يوم كانت على شجره قدام باب
مستشفى ، شافت دكتور خارج مـ الإستقبال
و واحده ماسكه فيه .. بتقوله: أرجوك ، جوزى بيموت
قالها: وأنا مالي يا ستّي ، هدفعلك من جيبي فلوس ؟

صعب توصف الحياه فى شكل مُعادله فيزيائية
سيمفونية ، كل آله فيها تبانلك عشوائيه
مفيش حال بيدوم ، والتغيير ملوش قانون
لا الوِحِش بيفضل وِحِش ، ولا هدايته شيئ مضمون

العصفوره غابت عنى يومين ، ورجعت بحكايات
منها إن واحد من مجموعة الغرزه مات
وواحد تانى فاق ، قال: يا إخوانّا كفايه نسيان
بس دماغهم أعلى من إنها تستقبل الكلام

وفى شارع لقت خلق بتهتف "تسقط الداخليه"
طارت ورا المُظاهره ، وعند القسم وقفت هىّ
لما لقت كل واحد لابس ميري بيغيره
وياويل اللى كان بيعذب ناس ، وفى ناس حافظين منظره

أما الطالب اللى إتعذب فرد فى مجموعة سلمية
الدرع اللى حمى القسم من الأعمال التخريبية
أول ما إتصاب برصاصه قالت: هيموت من الإهمال
استقبله طبيب حقيقى مخدش نفسه إلا أما فاق

طارت شافت ناس محتاجه تحس بـ الناس المحتاجه
شافت كتير منكرش ، لكن مشافتش كل حاجه
سألتنى عن نظام الكون ، قلتلها: هما دول
كل فرد إختار لنفسه شيئ ،إختار لغيره مليون

صعب توصف الحياه فى شكل مُعادله فيزيائية
سيمفونية ، كل آله فيها تبانلك عشوائيه
مفيش حال بيدوم ، والتغيير ملوش قانون
لا الوِحِش بيفضل وِحِش ، ولا هدايته شيئ مضمون

El Joker - Symphonia | الجوكر - سيمفونية

Lyrics :

عمرك ما هتبقي كـ لحن موسيقتي مهما حاولت أعزِفِك
ومهما قلّل يأسي أملي .. هفضل برضه أوصِفِك
لفّي الكون على حد محتاجلِك في حياته قدّي
مهما مُت في كل مرّة في مرّة هتبقي بتاعتي
_____________________________________________

لأوّل مرّة أحلّل المشكلة و اختار حلول
إزّاي هتنبّت بذرة و أنا زارعها فـ أرض بور
سنة و ستّة شهور .. درست فيهم دور واكتَمَل
إزّاي هيعيش الحب لـ قلب في قلب بـ غيره اتقَتَل

ارتباط بذرة بـ زارعها و علاقة نبتة بـ ساقيها
لو تحتاجني بـكون جنبها و كل ما بـحتاجلها بلاقيها
زي ما ميزة اللمبة النور .. إنتي الميزة في أرض تدور
فترة تنوّر فترة تضلّم .. نفسي في نورها نعيش على طول

طول ما شايفِك جنبي حالتي دايمًا مُستَقِرّة
بـ رغم كل عيب .. علاقتنا لسّه مُستَمِرّة
مشكلة شكِّك إنّي بحبِّك صدّقيني مُضِرّة
هفضل مُصِرّ على ارتباطي بيكي لو مُصِرّة

فكّرتي في يوم أنا قد ايه في كل يوم بعاني
بحتاج أمل يساعدني أهزِم كل اللي اتحدّاني
عشاني .. فكّرتي تحُطّي نفسِك مكاني ؟
قِناع القوّة في وشّ الكل .. لوحدي الوشّ التاني

فيه أكتر من إنّي أبقى قادر في لحظة أبدّل قلبك
بـ قلب يضحّي بـ نبضه في سبيل إنّي أبقى جنبك
لكنّني رافض فكرة جمع قلوب الناس بـ إشارة
ايه فايدة إكسير الحياة و أنا محبوس في المغارة

كرهت كل حاجة كانت سبب في مقابلة بيننا
لو يرجع الزّمن تكرار محاولة مش هـيفيدنا
رغم إنّ القافية جامعة بيني و بينك إلّا إننا
مفيش حاجة واحدة قادرة تربط بيننا إلّا أيدنا
_____________________________________________

و فين وفين بـ تِسأل .. إنتَ فين ما تبقى تِسأل
و أتقلّ عليها أقول مصيرها يوم فـ يوم هـتعقَل
عارف مكاني عندِك .. اللي حجزته بـ مفتاح قلبِك
اللي اتصَنَع .. لمّا اتجَمَع .. كل تراك كتبته عنـِّك

بـ يزيد خيالي كل ما أفكّر فكرة و تعيشيها
و أشوف بلّورة في عينِك كنت زمان أنا عايش فيها
بس أنا مش هـكدب أنا مش بـ أرسم كل رسمة ليكي
بـ اسرح بـ اشخبط أركِّز في الخطوط .. أشوف عينيكي

بـ اقابل كل غلطة في حقي بـ حُسن في المُعاملَة
بـ احافظ على كرامتها مبتحافظش و لو مُجاملَة
رغم دفاعي عن قصّتنا وسط مشاكل شاملَة
شايفة نقصي في كل حاجة و أنا شايفها كاملَة

مش هـجبِرِك تقولي حاجة مش عايزة تقوليها
لو طلبتي كنت هـعمل أيّ حاجة تطلبيها
لكن أعمال العالم متساويش مُفرَد من اسمِك
دا العقل بـ يقنع قلبي حالاً إنّه جزء منـِّك

فكراني مبسوط بـ المَكسَب لأ بـ العكس أنا مش عايزهم
عايزينِك تفضلي رفضاني عشان يفضل كلامي لامسهم
بـ يزيدوا في آلامي و رغم القدرة رفضت اؤذيهم
حجّتهم .. غير كلامي في مِحنتهم مين هـيواسيهم ؟

لو إنتي الروح في كل حاجة و أنا اللي مُمتَلِكهم
فـ لا عُزت في يوم أكون مَملوك و لا عُزت أكون مَلِكهم
انتقلنا من اختيار غلط .. لـ بلا اختيار أساسًا
زهقت من رِضاك بـ لبس عمره ما كان مقاسَك
_____________________________________________

لازم نحدّد حَبكَة .. قبل ما يوصل آخر الفيلم
يا إنتي فعلاً هيَّ .. يا إمّا بـ نحلم نفس الحلم

بـ أجمع قلوب العالم اللي حبّي ساكِن فيها
و أعمل من أجسادهم سِلِّم و أطلع يمكن أوصل ليها

و كأنّي كنت بـ أبني أحلى عِشّ لأحلى طير و طار
فـ عِشت أحلم لوحدي فيه و وقفت في نُصّ المشوار

3 Stories

Isabelle - Jaguar | إيزابيلا - جاجوار

Lyrics :
نعيش في الوندر لان شويه
شايف جمهور بيحرك ايده مع حركات ايديا
stage
شايفني ماسك مايك الفترة الجايه
منستش حد ساعدني 
مش نمروض انا مش زيك
متردد ده باين في نقطه العرق
ببص قدامي مش شايف إلا أنا
الفكرة ان تحت الاسبوت بالهبل
لما امسك المايك الباقي يتحرق
اكيد هتقول بقلد كلامك 
سخيف بدون مبرر
مش لازم اغير الرايم يا فندم
لما اكتب مابنسخش .. بألف .. متخلف
بقول بارات تعمل كوارث
اتعلم مني حاجه احنا في دخله المدارس
هارب من المجال الهادف
هايف زي ما انت شايف 
مش خايف .. تقولوا اني بفاك بنوكيو .. عااااارف
مشكلتك تتحل بسكوتك اخرس لهدوسك
هتموت من القهرة 
هتبوش قدامي بحر يا بسكوته
و بالهدوء ها
لو انا بفاك مقلق ليه ؟
المفروض تكسب يا اوريجنال التقليد ملوش رجلين
ولا ايه ؟؟
ايوة اكيد فهمتك طبعا
ايه ده طالع .. طب يلا نبوظله الطلعه
بس دي خلطه
اعرف انت بتتعامل مع مين
احب اعرفك بـ ديب رابر مـ الحقيقين
بفشخك اوراقي هتنطق
انت مين وريني بطاقتك
انت حشرة .. بالشفه خفيفه 
المرادي هتبقا بالكاندوم
غووور .. و عايزك تبرطم
استمر و برطم اكتر
اتفضل اديني اسباب اني اخش اهين كرامتك
اظن رسالتي واضحه

Fake

Fake - Yasser Nada

Lyrics :
عالهااادي وانا بدندن بصوت هاادي
عالهاااادي غمض عنيك واسمع كلامي
عالهاادي سبني اخدك ل عاالم تاني
عالهااااااااادي

تسمع تراكي و معاه سيجاره
دخانك يطوح زي السُكااره 
عقلك طاار منك و حالك مال
عايش موااال شغال عالهادي
بندور ديما علي ال يساعدنا نتوه
علاقتنا زي الموج نتقابل عند الشطوط
فسبتنا ندوور فجنانا هدووء
فجنانا هدوووء ، فجنانا هدوووء

عالهاادي وانا بدندن بصوت هاادي
عالهاادي غمض عنيك واسمع كلامي 
عالهاادي سبني اخدك ل عالم تاني 
عالهااادي

مدمنين سرحان عايشين نتمني النسيان 
حبين نسكر من غير ما نشرب وبندعي الادمان
لو غنوه حلوه بتسحبنا عليها ولحنها بيبان
زي غاجريحه فصحره تايهه .. وفجأه لقت الهمام

راحتنا النفسيه فعلاقه قويه مفهاش مسؤليه و يقل فيها العتاب
واقفين علي حلنا لو سيرة الموت مش بنا 
ولو البعد قابلنا .. ترسم خطوات الاحباااط

عالهااااادي ي ي ي

3al Hadi

3al Hadi - Hwarh | عـ الهادي - هوارة

Lyrics:
ڤيرس ١

أنا أطلع الرطوبة من جسمك في شهر طوبه
بزره مثمرة طول السنة من غير صوبه
روّح ذاكر المعجم لو كلامي فيه صعوبة
هتلاقي فيه اثارة أقوى من نسوان كوبا
في خصوبة في المصطلحات والتلاعب بالالفاظ
دمل براس يعمل احباط تحلل بول وبراز 
جوايا كم من الغضب يخليني غبي
صلي ع النبي كل الأفكار الشريرة اذهبي
خليني دايمًا هابي
أنا في ملعبي ولا أستحي كل العضلات نائمه عدا واحدة لا ترتخي 
قالوا شاهين نام فقام وقف، الوضع أختلف
قميص نفيسه نشف لأ عمره ما نشف
أصل الأفكار بتشتي المخ ماكلهوش القشف
رابرز كتير تخاف تراب قدامي تتكسف
يقولوا كلام تقيل أنزل عليهم اتقل من النجف
ادغ دغهم زي الخزف
قولنا ناخد ريسك يمكن يجي برزق
اغنية لبريل يعني عادي مش فسق
بيهجمونا عشان بنحاول ننشر الراب ع النت
كإننا غيرنا النشاط رقصنا في قنوات التت

الكورس (x2)
طب كل شيت أنا مُلفت
كل تراك بيج هيت أنا مُحبط
لو بالك طويل أنا بلعب باسكت
رُكبي حديد وانت بلاستيك خورشيد

ڤيرس ٢

أنا كاتب فنان شغلتي أكتب كلام
أطلع طاقتي فيه وارصه ع الالحان
في الأول كان حب للموضوع والسلام
بعد كده الوضع اتغير التزامات بدأت تبان
نعمل أيه؟ نشوف وظيفة ونسيب المزيكا
نفسيًا مش مرتاح مرتبك مش مكفيكا
فتسيب كل حاجة وترجع تاني لأصلك
أنا مش مهندس ولا دكتور أنا بعمل راب أصلا
أنا اطلطيت بالمزيكا ومش عارف افلفص
أكتب عندي الوظيفة في البطاقة راب ارتيست
ازاي تعمل اللي بتحبه وتاكل منه عيش؟
معادله صعبة جداً عشان كده بشرب حشيش
عايزين تراكات مثيرة للجدل
كلام تخين على العقول يصيب بالشلل
أو تجري تاكل الكلام كده بغض النظر عن المحتوى
والموضوع أبسط من كده عشان كده فيه خلل
تراكات أشكال وألوان عشان توصل لكل فئه
بس الناس تحكم عليك من تراك واحد مش سلسلة
تعمل راب ثقافي يقولوا عليك معقد
تعمل راب واضح بسيط يقولوا عايزين أعمق
مافيش أعبط من كده الناس أصلاً مش عارفه تفرق
حُط الشجرة جمب النخلة وقارن بينهم مين الأجمل؟
تحاول تنهض بالمزيكا تخليها كاريرك
بس الناس عايزه تسمع بلوشي ماتدفعش فواتيرك
عايزينك عبد عندهم تقول اللي هما عايزينه
والضغط عليك في الكواليس هما مش شايفينه
أزاي تفضل مستمر وترضي جميع الاطراف
ازاي تفضل مستمر ع القمة من غير اسفاف
ازاي تتشاف ازاي تفضل تحت الارض 
وفي نفس الوقت تبقى سلعة تجارية بتتباع
الفنان والانتاج والاعلام بينهم نزاع
ماتفهمش ليه الأي كلام هو اللي بيتذاع
عشان ودن المستمع هي اللي بتحكم وبتقول ده ابداع
طالما في هشك بشك طبلة ورقص وبتاع
فأنا بعمل كل الأنواع ولابد ان البعض منها يكون من النوع اللي بيتذاع
مش عاجبك حقك الامتناع عن الاستماع
مانا عمري ما هبقى نجم لاني من أحمد التباع (فاهم؟)
مش هبقى نجم لاني مش أحمد التباع

Kol Shit

Kol Shit | كل شيت - Shahin العبقري

Lyrics :
فيرس 1 (KV)
بتبتدي الحكايه مع اول نفس في الحياه 
من صرخه طفل مسموعه بتقول انا جيت و ليا كيان
يا تري الدنيا دي جنه و الملايكه في كل مكان
و البراءه مرسومه علي وجوه بني الانسان
(×3)الكورس
انا فكرة من الماضي لكن هامش من النسيان
تملي الكلمه و الصوت يصحوا ضمير جوه الانسان
انا احساس كان ضايع ويا الحزن في الوجدان
تعيش الفرحه من قلبك تلاقي الحلم عمره ما مات
.
كان حلم عمري اني اشوف الرحمه ساكنه جوه القلوب
دي دنيا فانيه ملهاش امان جوه كفن ملوش جيوب
.
فيرس 2 (afreet)
الوقت مش مناسب .. الدماغ مش واحده
عمرك شوفت اسد ساب اللبؤة عشان وحشه
مجرد حيوانات سايبه و البشر في اقفاص
و ده اللي بنسميه اخلاص
انا محتار .. انا مجبر و لا بختار
ان الواحد بيزيد لما بتكتر الاصفار
فاضلي ايه من انسانيتي
ازاي تقدر تفرف بين افعالي و بين نيتي

Ana Fekra - انا فكرة

Ana Fekra - انا فكرة | KV Ft. 3afreet

Godzee Yakuza تراك جواب من ألبوم بعد الحياة لـ
Mix & Master : POLo 
||||||||||||||||||||||||||||||

بعد الحياة

جواب

Godzee | جــواب

Lyrics :

Verse#1
طفل 10 سنين.. فالحياة جميلة
الله يخليلي بابا و ماما بيجبولي ألعاب كتيرة
البلايستيشن مثلاً.. طول الوقت بلعب
بنام كده علي نفسي لما مرة واحدة بتعب

الحمدلله بذاكر لما بروح من المدرسة 
أصلي سمعت ماما بتقول نفسها أدخل هندسة 
بس بصراحة.. عايز أبقي ظابط 
قولت لبابا يجيبلي مسدس ف العيد و قالي حاضر

بحب بابا طبعاً بس بخاف منه أكتر
بس ماما كتير تقولي يا روحي ده قلبه علي مصلحتك
حياتي لونها أبيض نفس لون باص مدرستي
مفيش مسئولية عندي بس أعمل واجبي ف كراستي

أشطر واحد.. محاط بنظرات الإهتمام
بلعب باسكت كمان بس مكنش بينا إنسجام
كنت شايف الدنيا بامبي وقتها نظري ضعيف
بس عرفت حقيقتها لما عملت الليزك و أنا كبير

Chrous
هي دي الحياة بتمشي حسب الظروف
كل حاجة فترة لو مش مصدق هتشوف

Verse#2
23 سنة.. ألعابي شحتّها
أهلي شايلين مني خريج تجارة مش هندسة 
كنت طفل باشا.. مكنش ناقصني حاجة 
دلوقتي اللي ناقص هو أنا إيه أساساً

أيامي عبارة عن إعادة فملعون أبو الروتين
هدّيت مستقبلي بإيدك بنيت قاعدة مستمعين
هديت الناس بمايك.. ف يقفوا مسقفين
الأغلبية شافوني ناجح ما عدا أنت ف صف التانيين

مصدوم بس مش أكتر من صدمتي لما أتخرجت
إستحالة تكون سابتني أكيد إيديا أنا فلتت
مش مشكلة هنسي عادي أيام البعد أهي كترت
بس متأكد إن كل كلامي اللي بقوله ده ف ودنِك

فهرجع لوحدي من تاني
مش هكمل نص ديني و أنا معملتش الأولاني
مهوي بالي أنا مالي مع نفسي أحسن حالي
أصحي من نومي بدري و أنزل عالقهوة جاري عادي

Chrous

هي دي الحياة بتمشي حسب الظروف
كل حاجة فترة لو مش مصدق هتشوف

Verse#3
فجأة.. 30 سنة و شوية
ف قعدة صالونات عشان تفرح أمي بيا
"مبسوطة يا أمي" بقولهالها بضحكة
و بص للبنت و ف سري برضه مش هي

محاسب ف مكتب و الضهر إنحنى
الراب بطلته و إسمي إتنسى
بضحك م الأسى بصعب ع الحسد
بفتكر أيام طفولتي و أنا ف مدرسة ال ااااه

مش فاكر.. مبلم ف الشارع 
شوفت حب الجامعة بس خلاص معدش نافع
كده كده معرفتنيش عدت من جمبي و مشيّت
و لسه بسرش على جوجل هي ليه سابتني و بعدت

بقضي أيامي مقضي على أحلامي
بشوف أمبول عمري بيفضى قدامي
بتمني أنام ما أقوم مش معقول ده محمود
بقت كل حاجة تحصل أبص لفوق كده و أقول

هي دي الحياة

MT3 | هي دي الحياة (Ft. Youssef Mahmoud)

Sulaiman's Ring Instrumental ( Prod By  Beatz  الورشة )

Lyrics :

لامتي انا هفضل اطلعي ضيقتي فك لام اغاني 
لامتي انا هفضل اكلم نفسي 
لامتي انا هفضل احاول أجي اشكي ، لامتي

من كتر ما مصو دمك مبقاش عندك دم
بتقولي علينا ولادك احنا شيالين الهم 
بتمثلينا !! ده انتي بتمثلي بينا 
اخدتي منا العافيه ومسنوده بكوعك علينا 
بتطلعي مني ال مش حابه تسمعيه
وبعديها بطريقتك تنسيني انا قولت ايه 
ملياكي العيوب و جديدك التناحه
ولا تحلمي اني اصفالك الوقفه ف صفك بجاحه

لامتي انا هفضل اطلعي ضيقتي فكلام اغاني 
لامتي انا هفضل اكلم نفسي
لامتي انا هفضل احاول اجي اشكي ، لامتي

اضرب المربوط يخاف السايب 
اطرح المربوط والسايب باقي الحبايب 
والحبايب فيكي فهنا دايم 
مش عارفين يعني ايه الشعر الشايب 
حالك ديما معووج واصبح مايل 
ماشيين نشحت عليكي بتقلي فنظر العايب
بالنا عليكي طويل ، لبسك جني قصير 
بيبيعك فيكي قطاعي عايش دور الحكيم

لامتي ، انا هفضل اطلع دقتي 
لامتي ، انا هفضل اكلم نفسي 
لامتي ، انا هفضل احاول اجي اشكي 
لامتي لامتي !!

لـ إمتي ؟

Hwarh | لـ إمتي

Lyrics :

Chrous (×7)
الراب ملا
الراب لم
الراب بقا فيه الرببيرا زي النمل
نمل
نمل
نمل
نمل
نمل

Verse 1
فرعون بالنسبالك خط احمر
اول اما بظهر الائيك بتبخر
ولد شطوره بياخد صوره انا اكسب الفوره
انت بالنسبالي قرد فا في ودنك باجي واشخر
جوايا فكرا واحدا هي بس 
افلق جسمك من راسك لأخرك بالمقص
بتشفوا الراب بتاعكوا دا كلوا اكيد بالنص
انت في المجال دا صوره وانا هنا الاصل
افتح كوس دا درس من الدروس
الفرعون بالنسبالك قدامك اوفردوس
انت بالنسبالي قرد تيجي تاخد موز
بدخل الباتل من دول اكون وثيق مالفوز
رابكوا كوره بلعب بيها انا بينج بونج
رابي دا خل صح رابك انت داخل رونج
انا في المجال دا بردو زي كينج كونج
عضمي ناشف عضمك بيفكرني بالسفنج

Verse 2
فا حاسب من دائي محتاج دوائي فا تلاقي الباقي بيجمع في الكلمه والكلمه بتقول فدائي والفائي اللي في كلمه فدائي تشلها تبقي دائي
حاسب يبني مني واديني حذرتك تاني
ادي الجمل وادي الجمال 
مين 
شايف نفسوا جوا دا مجال
انا مفتاح وانتوا اقفال
لمه افلقوا واحد واحد قولوا دا دجال
تراك راب مش اتاك
لوحدك وله حد معاك مستنيكك هناك
انا سيبك عشان عارف انك متـــ
وانا اسجل في التراكات 
انا اكتب تركات وانت تشرب
شمس فا بحرق في البشره
ادوس عليك ما انت حشره
ابصم بصباعك وانا ابصم بالعشره

Verse 3
اها لوحدي بس ع الثبات
التراك دا في المجال دا بيعمل حمالات
اعتبرني مش براب بصنع فولوهات
فرق واضح بيني وبينك باين ع البيتات
سيب الخمرا وهاتلي شاي
ثابت في مكاني وانت لسه رايح جاي
ايه دا خلاص كلوا بقا يعمل قبضاي
التراك دا هيعلمك تعمل راب ازاي
اللي بيجي تحت رجلي بشقلبوا
اي بيت بيجي تحت ايدي بدشملوا
والعوج اللي فيكوا يجي وانا اعدلوا
جبت كل جديد وانتوا هنا بتخللوا
سمع اسمي فجأه صوتوا كدا وشـــ
راب جديد بس بردوا عامل زي المـــش
خاف ساب الراب اسموا قبل كلمه دشــ
تراك اقل ليفل بس كلوا منوا كـــش

الهرم الرابع

El Fr3on - El Haram El Rab3 | الفرعون - الهرم الرابع

Lyrics :

لمه جاب سيرتي في ضهري احتار خاف خد صدمه لاقاني ورا
فا قتلتوا هو واللي منوا واللي مني بيقول اهوا كلب وراح
واللي حود اهوا كدا عقلوا جمد لمه جه يسمعني عقلوا منوا ساح
عنتيل في مجالي سيبكوا عشان مش طلبه معايه #نكاح

اللي فات مات فا اللي بات مات واللي مات عاش عاقل لا مجنون
يا مجال باش بكلاكسات فلوهات هات فا انا ياض الفرعون
دا كلام شاط مش بنشات فا انا بنشط لمه اجري واجيب جون
رابي فلوا وتكنيك انت رابك يابني كاميرا وميكرفـــــــــون

انا من اللي مالك قلمي انا كتب انا كدا دهب انت كدا برا لعبة السبق فا اللي منوا كاره اي كلمه مني كنت اسرع من اللي منوا فا انا لمه جريت لوحدي لحقت نبأ

فا انا اهوا جريت بفلوا 
Tatwo واللي لي الشوق اجعلوا
I Know اسمع رابك اقول
Ooh No يسمعوا رابي يقولوا
رابك خرا رابي انا علي ابوا
ياها علي #فيفي وعلي ظرطوا
اسمع #صيني في تقليدوا
انساهم الاقي الولا #نونو

فا دايما الفرق بيبقي شاسع 
بين انك ياض تكون مجلي 
وبين اني قادر اديك علي عينك بس حاكم عقلي 
توضيح بسيط للقدرات دا مش اخد طار 
البيت اللي انت تراب عليه اعملوا انا يبني معمل اختبار


واحد اتنين هما راحوا فين ايد دا انا هنا وانت هنا هما كدا علي الونجين
اجري مهما تجري هات وجيب وودي علي الثبات لوحدي بردوا اشوط برجلي في التخين
جرا ايه كدا مالك يا #س
امسيز علي الفاضي منفوخين
بلالاين بلالاين بلالاين
شكت ابرا ويبقوا مفرقعين

Weed شغال راب بالـ
فلوهات راب بتزيد
تكنيك مصنوع من حديد
الناس اللي بتسمعني اكيد بتستفيد

رابك مات خلاص رابي من فولاز رابك بيت كبير انا رابي فيه الاساس
رابك ضاع رابي اختراع رابك فيك رابك انت اسموا اختلاس
صوتي يعلي فجاه كلوا يجري مني مع اني مش هقل منكوا في ايدي فاس
اقول هدوء مسمعش حس مسمعش صوت انفاس

أنا الفرعون

Ana El Fr3on | أنا الفرعون

Lyrics :

تعالي ف حضني الليله دي هي اللحظه
لفي حوالين حاجه انا نفسي فيها اصلا
هنولهالك اليوم ده عمرك ماهتنسيه
مش هتقل لاني لو تقلت عالرز هيشيط
الدايره بتوسع لكام راجل كان قبلي
عامله زي خرم الاوزون بعد صاروخ نووي
حطي الميم قبل النون ال لسه قايلها
اللحظه حلوه بس وقت ماهتنزلك
احلي حاجه فيك يومها انك تلقائي
رعشه بعد اول لمسه مكيف كهربائي
اول چوان للبيجرب
كان نفسها ف كده من اول مره
ناولهلها بعد ماتتعبها مش لانك حببها 
بس لانك ده ال نفسك فيه من اولها
ماتحورلهاش ماتضربش الطناش
بدل ماكنت ف الدرا مع حالك بقيت الاختصاص
--
ماتخفيش ولا انا خايف ولا هقلق
بتحبه عادي طيب ولا نجيبه بفتله
وقت ماتقضي وعايز تفضي فابتجبها
كنت بتلعب نفس اللعبه مع جارتنا
--
هتنسي عادي ولا كأنكوا ندمتوا
فهمت الطرف الخامس دلوقتي ايه قيمته
حالتك سليمه مابتددهورش
ماكنتش بتبص لوشها فامتحورش
نياتكوا من بعض ماكنتش صافيه
هي شايفاك چوني وانت شايفها خريطة جغرافيا
بص للتضاريس وادرسها واحفظها
عشان تتعبها وتقدر تكمل لازم ترقصها
لامحتاج صيدلي ولا الاستعان بصديق
مجهودك مش دهولة الملايا وتكسر السرير
التعامل بلذه ف اول لمسه واشرب كاس
اول هزه وتاني هزه ونشن صح ف الاتجاه
قطر السطر والمزاج خلاص فاتها
تجبلها مكيفات ولاتكون انت مكيفتها
نظريات الاحماء صحيحه ١٠٠٪‏
كان لازم تجيب شينكار عشان تعدي الليله ديه
--
ماتخفيش ولا انا خايف ولا هقلق 
بتحبه عادي طيب ولانجيبه بفتله
وقت ماتقضي وعايز تفضي فابتجبها
كنت بتلعب نفس اللعبه مع جارتنا

Poster by : Abdullah neon

كنز السينس

Santa - Sense Treasure | أحمد سانتا - كنز السينس

LYRICS:

أنا صحيت.. دخلت عالفيس
بصراحة عندي عقدة نفسية فجبت فيديو و قصيت
حتة منه و كان عبارة عن كلام كده لشيخ
و ف الديسكربشن كتبت "مش ممكن الكلام ده شير
أدي شيوخ أخر الزمن.. بيقول كلام خطير"
بعدما خليت الفيديو يتفهم كلامه غلط
إتهمت الراجل إن جوا فكره مرض
و الناس صدقت
عادي جداً
خلال ساعة زمن الكومنتات زي المطر بتنزل
"لا إستحالة"
"أيوة ممكن"
"هو قال كده فعلاً؟" 
و محدش كلف نفسه يدور ع الحقيقة أصلاً
و يسبوا لبعض الدين.. دفاع عن الدين
و مع كل شير.. فوولوارز تانيين
و الأكونت.. إتملي بني أدميين
أودي فيهم شمال و يمين
براحتي بمزاجي بأي هري من دماغي
أكتبه يقوم عبادي عاملينله شير من غير ما يقروا عادي
زي مثلاً.. إني إتمحن
"يا بخت اللي صاحبتها ندي يالا بنات مينشن"
فيزيد التفاعل أكتر و أكتر
أدمنت اللايكس و هي بتتسطر
عالبوست.. فا ف يوم قولت إني مت
بعدها قولت إني كنت مدي صاحبي الباسوورد
و صدقتوا برضه ههههههههه إنتو عسل بشكل
ماسك بيروسول بهزر بيه مع النمل
ببخ السم ف عقولكو
فوقتوا؟ لأه.. دومتو جهلة
في إيدي الجوي ستيك و إنتو بلايستيشن ف الشقة
صحيت علي صدمة بعد فترة
التفاعل عندي إبتدا يقل حبة
بوست ندي إتهرس كذه مرة
لازم أنزل بفكرة تانية إشطة لقيتها
*بوستينج*
"شباب أنا ملحد
قريت نظرية داروين و بصراحة شايفه مقنع
عملت سيرش كتير و قريت ف كذا مرجع"
فيردوا يشتموني قال كده قلبي هيحن و أرجع
مريض بالأتينشن ع السوشيال ميديا
50 شخص يعملي فوولو ف الدقيقة الواحدة
هو ده التارجت بتاعي زي تارجت شغلك
مش عاجبك؟ طز.. عندي ألوف منك
بحاول أعمل ضجة زي ما مايكل غير لونه
و كل اللي بعمله ده عشان بس الناس تعملي فوولو..
أنا إتحجبت.. من و أنا لسه ف ثانوي
بس مش طايقة الحجاب عشان مش عاجبني فيه شكلي
قررت إني أقلعه عشان يبان شكلي أحسن
و هعمل إيفينت بسم "دعوة للتحرر"
محدش يقولي حرام ده مش م الإسلام أصلاً
كل الولاد اللي بعدوا رجعوا قربوا أكتر
حطيت صورتين مع بعض بالحجاب و من غيره
و فضلت ألعن و أسب فيه و ف اللي لابسينه
و الصورة بدأت تلف ع الفيسبوك كله
و الناس يقروا فيخشوا يردوا
و الولاد يدخلوا يشتموني و يقولوا عليا شمال
أدخل ف الريكويستات.. ألاقيهم باعتنلي اد
و بصراحة مش متضايقة هو ده اللي أنا عايزاه
أبقي شاغلاك.. إنت و هو و اللي هناك
و عشان أبان أوبن ماينديد هقول ألفاظ قذرة
هكتب بوست هشتم فيه هيتشير ف ثانية
محدش يتكلم ع المبادئ ف داهية يغوروا
ماهو كل اللي بعمله ده عشانبس الناس تعملي فوولو..

متنساش تعمل فوولو

Follow - MT3

Lyrics:

Intro:
الحب ثقافة مش أباحة ليه فاكرينه عيب
ربيتوا الكبت و الجهل في العقل الحل ايه؟
مفيش خيار..غير انفجار
المفاعل المنوي

Verse 1 (Boflot):

انا كل ما اقابل بت أهلها يطلعوا زفت
يطلبوا ألفات و انا مش فيفتي سنت
الخطوبة تتفسخ أروح أتفشخ
أفتكر دون جون أقلده و اتبسط
شحنت خلاص لا قصدي فضيت
ذهني بقي صافي غيرت زيت
ففوق و بدأت أتعامل من جديد
ماسك نفسي بس أصلا هابيض
فتبتدي العادة عند سن البلوغ
لما تفرق الولاد و البنات في الفصول
الممنوع مرغوب لو السبب مجهول
الكبت بيخلي عندهم فضول
ع النت بيدور و يبحث يتفرج و يشوف
فاكر ان هي دي الأصول
يبتدي يتعلم من الكلام المنقول
و كل واحد علي مزاجه بيقول
كله يا وليد كله كله يا وليد
هو ده اللي في دماغكم اكيد
انا ركبي حديد انا البحر لما بيهبج
محروم أو زاني عاصي او جاني
بافك حرماني بأسلوب ذاتي
ضميري أنبني أحس بالذنب
نفسي أشيل الماضي علي جنب
طب أتجوز من برة عشان في فرق
الفرق ان أهلها مش عايزين الحرق
ملهمش دعوة بيك ولا حتي بدينك
مفيش قيود مفيش حد بيدينك
جواز ببلاش لا احسن بلاش
حياتني دي أصلا عايزة مونتاج
مفيش تحكم في العقل الباطن
طب أسيب نفسي؟ لأ مش ضامن
مفيش منوي مفيش كبت
مفيش ممنوع مفيش حرمان
مفيش عيب مفيش خبرة
في مشاكل و في جهل

Chorus x2: 

طب العيب فين فيكوا انتوا
ربيتوا الكبت بينكوا وديتوا العلم فين
خليتوا الجهل سيدكوا هي دي ثقافتكوا
خليتوا الحب عيب
انتوا اللي فجرتوا المفاعل المنوي

Verse 2 (Sadat):

فساتين في الفتارين و المانيكان شكله مغري
شوفت المنظر من بعيد طلعت أجري دوغري
المنظر سيطر عليا بقي واخد كل بالي
لو مش شايف ع الطبيعة الصورة محفورة في خيالي
الجنس بقي خندق الكل مرمي فيه
اتفرج علي الشارع و التليفزيون و اللي فيه
العيب مش في العين العيب في العقل اللي غايب
لما يسيطر عليك ممكن ترتكب مصايب
حيرة العقول خلاص بقت ظاهرة
كل حاجة بقت عيب بس العيب بيحصل في الدري
غريزة فطرية بس الكل بينساها
دي زي الماية و الهوا دي أساس الحياه
ماشي ولا قاعد هو علي طول واقف
بيصرخ من التعب و بيخليك كدة خايف
خاااايف من مواجهة أول تجربة
كل ما يفكر في الموضوع بيجيله في مخه كهربا

Verse 3 (Shahin):

نزلت أتفرج علي الشارع باراقب الناس وانا علي القهوة
بالاحظ افكر اتخيل اتمني نقضي علي الكبوة
كل الناس كل الشباب و البنات جاتلهم عدوي
كله بيحاول يشبع الشهوة بدون جدوي قتوسع الفجوة
عندي و عندك..عندها و عندك
عندنا في دينا و مجتمعنا و بيتنا
عاداتنا و تقاليدنا بتقيدنا
كل حاجة عيب و الناس بتحبطنا
فروحت علي طول ع البيت
دخلت الحمام و فضيت
الكبت اللي عندي المفاعل المنوي عمال يتشحن و الضغط بيزيد
بطولي أنا محروم أو زاني
عاصي كنت أو جاني
قاعد افك حرماني لوحدي بأسلوب ذاتي
مش هحاكم نفسي ولا أتحكم في نفسي
عشان انا نفسي انا نفسي أخوض التجربة 
نفسي أدوق الإحساس
نفسي أعمل زي الناس
بس أنا غير كل الشعوب و الأجناس
هنا يعتبروني من الأنجاس
بس أنا انسان و لي قوة تحمل
غصب عني في حالة من التهور
الكبت بيخليني بأتحول
في الصين بيعالجوا الموضوع بالتأمل
عند الغرب بيعالجوه بالتعلم
عند العرب بيعالجوه بالتكتم
مفيش ضحية..مفيش جاني
مفيش قضية..مفيش مفاعل
مفيش منوي..مفيش كبت
مفيش ممنوع..مفيش حرمان
مفيش عيب..مفيش خبرة
لكن في مشاكل..في جهل

Chorus x2: 

طب العيب فين فيكوا انتوا
ربيتوا الكبت بينكوا وديتوا العلم فين
خليتوا الجهل سيدكوا هي دي ثقافتكوا
خليتوا الحب عيب
انتوا اللي فجرتوا المفاعل المنوي

المفاعل المنوي

El Mofa3el El Manawy – Y-Crew Ft. Sadat

تسعه مملكه

Welad 9 - تسعه مملكه

أعتبره تراك لحد مشهور

FR3ON - A3TBRO TRACK L7D M4HOOR - أعتبره تراك لحد مشهور #C4

LYRICS:

Verse#1

سماحة ديني تنهيني إني أكفر شريكي ف الوطن
تعرية شخص مسن مش من الإيمان لأ ده هطل
و إن كان ده حصل فده نتيجة فساد نفوس البشر
مالهوش علاقة بالدين هم فاهمين الدين ده غلط

نقص الوعي ف شئون الدين ف مجتمعنا شئ طبيعي
يعني هو في وعي ف إيه أصلا عشان يبقي في وعي ديني!
بديهي يكون مصير كتاب الدين الركنة
حصة الدين بتتلغي و بناخدها نحو أحسن

فمتسألنيش بعد كل ده هي تعاليم دينكو كده؟
إحنا لا نفقه شئ ف الدين إلا من رحم ربنا
فشئ طبيعي إنك تلقي فكر داعش ف كل حتة
عروا الناس دي من الدين بكره نعمل بيهم فتنة

و ده منهج حكومتك.. شالوا الدين من مخك 
من صغرك لإن هيفيدهم جهلك بيه بس ف كبرك
بلدنا بتغيبنا.. أصول ديننا بقينا ناسينها
بس عندنا كتاب و سنة ده لو حبينا نفتكرها

Chorus x2

إسلاموفوبيا
الناس متغمية عيونها مبيشوفوش غير الحاجات اللي بيذيعوهالهم هما
إسلاموفوبيا
فوق يا تخليك ضحية مشارك ف التمثيلية و سبب رئيسي ف نجاحها

Verse#2

مستغربني.. بدافع عن ديني بس مش بصلي
أه بغلط بس مش لإني مسلم لأ لإني بشري
بستغرب أكتر بجاحة المشهد اللي متصدر
إن أي دقن و زبيبة يعتبروا للخطر مصدر

تتشد تتجاب.. ملتحي ليه؟ إخوان؟
بص هو ال CV ممتاز بس دقنك تتشال تمام؟
بقينا مجتمع عنصري ضد أي صورة للتدين
المنقبة معقدة و صورة من صور التخلف

و الملتحي شكله غبي بصوا إزاي دقنه عاملها؟! 
و لما بقت الدقن موضة بقينا عادي متقبلينها
تفكير مريض.. سوء تعليم تدليس إعلام
خلقوا شخص بلا وعي كأنه مجرد بغبغان

فا الشرق الأوسط هو اللي أوجد الإسلاموفوبيا
عن طريق تطبيق الدين غلط و نظرات العنصرية
كل ده ف مجتمعنا أزمة.. و بسببه حصلت كارثة
إن الغرب مبيخافش من المسلم زي ما بنخاف من بعضنا احنا!

Chorus x2

إسلاموفوبيا
الناس متغمية عيونها مبيشوفوش غير الحاجات اللي بيذيعوهالهم هما
إسلاموفوبيا
فوق يا تخليك ضحية مشارك ف التمثيلية و السبب الرئيسي ف نجاحها

اسلاموفوبيا

MT3 - إسلاموفوبيا

MT3

يحكي أن شاب جرب يغني راب ففشل
فأمرته نفسه يغني شعبي هوب دبل كيك إتشهر
ده مش معناه إنه بيقدم فن بس ده اللي عليه الطلب
إنت أخرك تتسمع ف توكتوك أو تغني جمب رقاصة ف فرح

شوف الفرق بينا.. بتكلم عن مواضيع مهمة
و إنت كلامك هاتي بوسة و مفيش صاحب و السجارة اللي لاففها
مسموش راب شعبي الراب ف حتة و إنت ف حتة
و مش عشان مشهور تبقي أحسن لأ العيب ع اللي بيسمع

السبكي يعملك سعر و إعلام خايب يجيبك ضيف
و أهو الطفل اللي مسمعش يشوف واحد ساذج معموله صيت!
موسيقتي كيك و سنير موسيقتك دوم دوم تك
ممكن أصدق مرسي يرجع صعب أصدق موهبتك

واخد نفس ستايل لبسي فاكر نفسك إم سي؟!
إنت مجرد أوتوتيون و كلامك أكتبه بصباع رجلي
الأفضلية ليك ف الربح.. الراب ف مصر مبيأكلش
حقيقة كرابرز عارفينها بس
we still have fun BITCH!!

كلامكم مش مفهوم يسم العقول دعوات للفجور
فكون إن في قبول ده مينفيش خلل المضمون
بمعني المزيكا اللي بتخليني أسمعلك
جرب تنزلها من غير صوتك هتجيبلك فيوز أعلي

فبعيداً عن التهريج إنت فعلاً بتهدم جيل
أه عارف نجمك لامع و هيتعرض عليك أدوار تمثيل
زي صافيناز دخلت علينا نافخة صدرها حرفياً
و طلاما ف مصر بديهي جداً بقت نجمة سينمائية

و ده اللي هيتعمل معاك برضه و فعلاً إتعمل مع ناس منكو
إختارتو بإيدكو تبقي مجرد سلعة و يبقي الجنية سيدكو
بصراحة مش مشكلتكو هو العيب مش منكو
إنتو أحرار تدوروا علي فلوس علي شهرة دي حاجة بتاعتكو

بس متقارنش اللي بتعمله بفني و تقول علي نفسك أحسن
مش عارف تحرك عقول الناس فقولت تهز وسطهم أسهل!
شوفت البانش ده؟ ههههه إتعلم
تعالا يا د. جوبا أنا كتفتهولك خش كمل!

Dr. Jupa

مهرجانك الاخير كان فعلا يا برو خطير
مهرجانى ازاى يا معلم انا بغنى راب يا كبير
طب سيبك مالراب يعم واعملنا اغنيه شعبى
كفايه هتغنى ورا صفينار ويكتشفك عمو السبكى

انا بغنى لجل الفن والفن ده دعم شعوب
كام واحد بيسمع فنك ٥ الاف كده يدوب
ياعم المهرجانات بتجيب الاف المستمعين
دول جماهير جوب ورقاصه مش جماهير الفنانين!

طب اديهم هما اتشهرو قولى بقى انت مين؟
انا كلماتى للتاريخ هتفضل عايشه مع الناس سنين
مسكين لو فاكر الناس تحترمك تبقى خسرت فلوس ملايين
كفايه عليا اشوف تقدير من الجماهير المحترمين

الراب ثقافه كبيره فن بيحكى الف رساله
مش بندس اى فن بس كفايه اسفاف حثاله
و الهيب هوب ثقافه افهموها بتحكى عنكم
فن الشارع من قلب الشارع يفضل منه كلامه منكم

MT3Muzic

MT3 فن الهاكونا مطاطا Ft. Dr Jupa

LYRICS:

أهلاً بيك.. باب أحلام أهلك مستنييك
عايزينك تشد حيلك ولا عايز القريب يشمت فيك
'' أنا بحلم أدخل.. '' بس بس بس يا طب يا هندسة
إحنا نعرف مصلحتك أكتر فمش طالبة منك فلسفة

و ده أول مسمار ف نعش تعليم بلدنا
بنوجه الطالب ف ناحية وارد جداً ميكونش عايزها
و يموت نفسه سنتين مذاكرة عشان نوصل لهدفنا
و ممكن تبقي سنة واحدة ده لو غزالة حكومتنا رايقة

يلا مش مشكلة المهم ولادنا يتعلموا
تيجي تبص بصة عالمناهج العناكب فيها عششوا
و ف المدرسة مفيش مدرس ماهو عنده حصة بره
يعلم ببلاش ليه فاتح سنتر و بيكسب أكتر

و طلاما جيه الوقت اللي بتتكلم فيه المادة فأقرا الفاتحة
علي ضمير كل مدرس من مدرسين بلدنا و إنسي
إن جيلنا يطلع منه حاجة عدلة تفيدنا إحنا
مش فشلة إحنا ناتج منظومتك اللي إنت عاملها..

Chorus(x2)

قالك تربية و تعليم ملقتش أنا حاجة من الإتنين
ملقتش الفرصة طفوا ف عيني اللمعة
أتعب ليه ف زرعي و كده كده مش هحصده بكره..

Verse#2

منزوع مننا الدافع.. أجتهد ليه و أذاكر
الشهادات مالية القهاوي عشان مهماش ولاد أكابر
فلو إنت فاكر إنك لما هتذاكر هتشغلك الحكومة ف الأخر
لأ بص من الأخر يا تشوفلك أي واسطة يا تروح تشوفلك أي ساتر

"يا ساتر.. الواد ده جاي يكرهنا ف عيشتنا"
هو مش ده برضه اللي بيحصل ف الواقع اللي عايشينه أنا و إنت؟
مشوفتش ف الثانوية العامة الطلبة اللي بتنتحر
بعد شهور مذاكرة دروس بفلوس و تعب و سهر

يعني إيه التنسيق علي درجة يحدفني من محافظة للتانية
يحرمني من دخول كلية من صغري بحلم أدخلها
و قبل الإمتحانات.. وقت المراجعات النهائية
بتحل إمتحانات التسعينات مناهج منتهية الصلاحية

يا حضرات المسئولين ياللي بتعلموا جيل ورا جيل
غيروا مناهجكم الفاشلة هتلاقوا فيه مليون بديل
مقصدش بس المناهج اللي موجودة ف كل كتاب
أقصد برضه فكر حضرتك اللي بقي مغطيه التراب..

Chorus

Verse#3

المسمي تربية و تعليم بس مش هو ده المقصود
لا القصد يغيبوك عشان تكبر تركع للمعبود
صنعولك م الجهل قيود متعرفش إيه اللي ليك حقوق
دورهم يخلوك عايش نايم عشان دي مصيبة لو هتفوق

لإنك لو حصل و فوقت.. هتبدأ تفتح عينيك
هيبدأ يبانلك الكدب و الإشتغالات اللي بتدخل عليك
زي جهاز الكفتة مثلاً تخيل الشعب ده واعي
هل بنسبة 1% كان حد هيصدق عبعاطي؟

فهمت اللعبة؟ قيس حاجات كتير بنفس الفكرة
هم عايزينك طور ف الساقية مهما تلف ف نفس الدايرة
ربوا فينا العنصرية زي الإعلام كلية قمة
بس صدقني مش مقياس ما أحمد موسي متخرج منها

قمة التهريج يضيع مجهود طالب بالتسريب
يتساوي جهده بجهد بواحد لا يفقه ف المادة شئ
رضينا بالمنظومة الفاشلة و كمان فشلتوا ف تنظيمها
تحيا مصر 3 مرات بين قوسين أم الدنيا..

MT3Muzic

MT3 - طور ف الساقيه Ft. Eslam Mahdy

:D
#MT3Muzic #RealityRap #Rap4Brainz #اعلام_الهاكونا_ماطاطا

اعلام الهاكونا ماطاطا

MT3 - اعلام الهاكونا ماطاطا

Omar Ahmed - في قلبي أنثى عبرية

تراك #إسمعوا_راب

Verse 1 : Chester 
Facebook : https://www.facebook.com/hashim.chestor?fref=ts
SoundCloud : https://soundcloud.com/hashim-chester


Verse 2 : MT3 
Facebook : https://www.facebook.com/mt3muzic
SoundCloud : https://soundcloud.com/mt3muzic

إسمعوا راب

MT3 ft. Chester | Esm3o Rap - إسمعوا راب

⁠⁠⁠تعبت من إحباطك ومع الوقت شغفي قل
بطل ندم عالمشكلة وإبدأ تفكير في حل
باحتاج سياسي بارع قبل ما بتحتاج لفارس
علشان أوصل للسلام احتجت أعيش طول عمري

دارس مشاعركوا فمش باؤذيها .. بكون فيه حاجات عمري ما اعديها
رغم كون أخطائكم دي أنا أخسر أهل الأرض فيها
ومشاكلي أنا عارفها .. بأبسط غلطة أنا مقترفها
وفيه حواجز كتير مابيننا باعترف إن أنا اللي بانيها

فاكر كل غلطة في حقي .. وكل عقاب ل"ماكنش ذنبي"
مازلت فاكر كل موقف فيه بحكمة وقفتوا جنبي
فاكر كوني معاكوا أبعد .. بيكوا أو من غيركوا هكسب
دي واحد في الميّة مقابل قناعات كون وجودكوا الأنسب

متنصحونيش أكون في أبهى صورة .. محدش فيكوا شافها
هبدأ أحل مصايبي لما تحلوا مشكلاتكوا التافهة
متفقدوش الأمل فيا .. مهما عاندت خافوا عليا
سامعكم بس بأنفذ دايمًا اللي شايفه أصلح ليا

من صغري مبنصحش العارف .. بألفت نظره وأسيبه يقرر
حقي لو غلطان في حقي متطلبوش مني إني أبرر
اتعلمت لو هأكذب .. أداري بضيق رد فعلي كذبي
فبقيت وأنا صادق مبتدايقش ولا بادافع عن نفسي

الحالة اللي إحنا فيها مبتسمحش بالمجادلة
المناقشة بين رموز مبتأثرش في المعادلة
علاج الحال محال لو الثبات هيكون المبدأ
مش هدافع عن حقيقة لو أنت مش عايز تصدق

بشوف أخطائكوا في أي كلام بتحاولوا بيه تقنعوني
وكل ما أحاول أطلع من جوا الحفرة بتشدوني
مانكرش كونكوا جنبي لما احتاج مساعدة منكوا
بس مازلتوا .. بتهدوا فيا رغم إن أنا بابنلكوا

عجزت عن المرور في طريق ولقيت التاني سالك
زاد عليا إن الجميع حوليَا هد جدار مبادئ
مقتنعتش .. بس قلت عادي أجرب مش ممنوع
كنت بأرسم أسهم عكس عالحيطان لأجل الرجوع

فكروا بس تتصلحوا .. والخطوات قمت بترتيبها
مش ضعيف اللي مطبق مبادئ الضعيف اللي يسيبها
بيهددها فصيل بغض الأصيل وفوق دماغه بيشيل
نظام بنى أسوار لنار وخلَى سهم فوق يميل

تحكَم الأفكار الدارجة خطئًا فيكم بقى يحبطني
لو مصدر نصايحك ضدي متستناش إنها تفيدني
استحملت فصغري آلام العالم كله بابتسامة
فبقيت مبيشغلنيش ألم مش هيسبب علامة

الحالة اللي إحنا فيها مبتسمحش بالمجادلة
المناقشة بين رموز مبتأثرش في المعادلة
علاج الحال محال لو الثبات هيكون المبدأ
مش هدافع عن حقيقة لو أنت مش عايز تصدق

وبرغم كل دا .. وبنظرة من أقصى المدى
شفت إن اللي اختار سعادته وحزنه فكل يوم أنا
شفت اللي اتبنى .. شفت زارع .. شفت مين جنى
شفت ناس خادمين نظام .. بسببه كل شيء فنى

سهل عليا الصح وأسهل عندي إني أبعد عن الغلط
باختار الصعب مبتعالجش قبل أما أدرس المرض
شفتك بتحاول وبتفشل .. حقي فرصة أجرب
فمتقلقش عليّا من الفشل لو كنت ليه بأقرب

اهتميت فبدايتي بفهم البشر بس نسيت أفهمني
تركيزي فحل همومهم أثر على إدراكي لهمي
ساعد نفسك هتساعدهم دي النصيحة لو تسألني
زي ما علشان أكتبلك أقنعني إني أحكي قلمي

هزاركم وقت ضيقتي ساعات بيزود اكتئابي
تأثير نصايح الإصلاح أحيانا مش إيجابي
اتعودت لو هتوه .. مرجعش من طريق مشيته
فبقيت باتعلم شيء جديد لو الأول نسيته

فهمت بقى مشاكلنا شبه بعض قد ايه؟
محتاجني أشرح لسه بأجرّب المجرّب ليه؟
فهمت تأثير الفراشة في حل مصيبة بكل سهولة؟
صلاح الكون دلوقتي فأيد دايرة معارفي الأولى

El Dayra El Oula

Jaguar - El Dayra El Oula | جاجوار - الدايرة الأولي

Track E7na l sabb

Chester
SoundCloud : https://soundcloud.com/hashim-chester
Facebook : https://www.facebook.com/hashim.chester?fref=nf

Muhamed Osama (Chorous)
SoundCloud : https://soundcloud.com/osamarapbeats - https://soundcloud.com/muhamad-osama
Facebook : https://exit.sc/?url=https%3A%2F%2Fwww.facebook.com%2Fosama26051984

احنا السبب

E7na l sabb - Muhamed Osama ft. Chester (Prod. Muhamed Osama)

Written and Performed by MT3.
Recorded, Mixed and Mastered by RaKan.

LYRICS:

1st Letter

واحشني يا يزن.. أتمنى تكون تمام 
يجمعنا ف يوم مكان و نعرف بعض أكتر كمان 
كنت مقصر ف حقك مكونتش بسأل ولا أنت حتى 
بس الكلام ده كله إتغير لسه ف الدم برضو إخوة

بشوف يومياً ضحايا منكم.. ربنا يعينكم 
عارف إنك زعلان بس الإيد مربوطة زي إيدكم
في أوبشن مسافة السكة.. بس إنتو اللي معندكوش رز
بهزر معاك الواحد محاط من كل إتجاه بالحزن

ربنا ينصركم ف الحرب إنت لا تبع معارضة ولا حزب
إنت الشعب اللي بيسقي الأرض دم بسبب كلب إبن كلب
الجيش ألحد تقريباً إعلام غرضه تغييبك 
و الحال من بعضه برضو ده إبتلاء من ربنا لينا

فحسبنا الله مين حس بينا غيرنا
عندك قلبو الثورة فتنة بين إتنين شيعة و سنة
مليشيات إيرانية و مرتزقة جنسيات مختلفة 
و قصف روسي يدك ف كل مدرسة و مستشفى

و الحاكم الأهبل.. فاكر نفسه لسه حاكم
سيطرة إيران على كفريا و الفوعة و غيرهم أماكن
الروس عالساحل كل ده هيكون له توابع 
كل الجنسيات اللي بتحاربلك مش لأجلك ده ليهم دافع

فتقدملهم بدائل عشان يسيبوا أرضك يا فاشل
أبصلك أشوف أبوك كان برضو حافظ مش فاهم

2nd Letter

موصلش رد ليك على أخر جواب بعتهولك 
حاولت أتصل بيك لكن كل أرقامك مقفولة
عقولنا مصدومة من الصمت اللي مخيم ع الأمة
صحيح مش معقولة يعارضوا الغرب طب مين يديهم اللقمة

ببص على صور الجثث بحرقة.. و ساكت 
إقروا على ضماير العرب الفاتحة.. ماتت 
إخواتنا بيلجأو لمراكب و إنت سايبهم عادي قاعد 
لو ف حكامنا راجل واحد كات فلسطين الأولى فاهم؟

فمتستناش مساعدة أنا أسف لو كنت بفاجئك
الناس ف بلدي نايمة و البلاد التانية و برضو ف بلدك 
مملكش غير إني إدعيلك و بقلمي أكتب لأهلي
و ف قلبي أكتم ف وجعي و عارف برضو مش هيغيثك

تشبهولنا كتير خالد سعيد حمزة الخطيب 
كل إسم من دول فتيل أشعل ثورة للتغيير
فعمل خلل ف فكر كل زفت م اللي ماسكنا 
و صورلهم جشعهم إن الحل إبادة كاملة

المعاناة مش واحدة بس إحنا يعني مش ف الجنة
لكن أتمنى تنورنا ف بلدك التانية أم الدنيا
هنا ف بلدنا أأمن لحد ما يبقى الوضع أفضل
و هييجي اليوم اللي تنطق سوريا و تقول كل اللي راح يرجع

فمتزعلش.. أكيد هتقوم من تاني بلدك
و كل شهيد سقط حي عند ربه يرزق

لصديقي يزن

MT3 | لصديقي يزن

البيت هو الوطن و الحبيب و الأسره و العائله ,, راح البيت
تقدر تسمع الجزء الأول من هنا : https://soundcloud.com/egyptian_rap/ahmed-kamel-ra7-el-beet

Ra7 El Bait 2

Ahmed Kamel - Ra7 El Bait 2 | أحمد كامل - راح البيت 2

We love the Egyptian RAP & HIPHOP and should support the Rappers <3

Egyptian Rap ✪

Popular tracks