نحب حبة

مريم صالح شيد قصورك

لكل المتورطين فـ حب مصر ...
و ف دم اصحابهم...اللى سدّ عليهم السكّة لورا..
و للعسكر اللى سادّينها لقدّام..
و لضحايا آخر مجزرة.. و اللى بعدها..
وإلى سرب الشهداء القابل لزيادة العدد..
ولمجهولي الأسماء.. والأنبيا الجدد..
للمفطومين ع السخرية والصعب..
واللى حالفين يعدلوا وش الزمن..

أشعار  
وائل فتحي
أحمد عبد الحي
مصطفى ابراهيم

يسقط كل من خان عسكر فلول اخوان

من وحى الانبياء الجدد

جيبتلي صاحب وحبيته
زقنى فى المترو زقيته 
واما مات فيا ومت انا فيه 
روحتله بيته وعزيته

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز

حبنى الشارع وحبيته 
عض قلبى الليل وعضيته 
خضنى الأنسان وخضيته 
لما بان من وشه عفاريته

عدى فيا القمح سمرنى 
عدى فيا الفجر صبرنى 
عدى فيا الحزن غيرنى 
عدى فيا العمر كبرنى

خدنى م اللفة لمريلتى 
خدنى م التسنين لحصالتى 
خدنى من مدرستى ع الجامعه 
خدنى م الترعة على الاسفلت

خدت م الاتوبيس مراياته 
خدت م السواق حكاياته 
خدت م الركاب تذاكر موت

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز

ياللى وحشانى متوحشنيش 
ضحكك السكر محلانيش 
خوفت م المطرة قفلت الشيش 
ليه فضل اسمك على الشباك

كنت جايب دبلة وغويشه
كنت شارب حاجه مغشوشه 
شفت شبهك قاعده فى الكوشه 
قلت هى لا مش هى 
فتشتنى الدمعه عن الميه
كنت أنشف من حطب محروق

حزن يا محول خطوط سيرى 
حزن يا عطار فى باب اللوق 
شوفلى تحويجه لتفسيرى 
حط ريحه بُن لضميرى 
شوفلى عود أصلب من المغشوش

ردنى عالباب عطب روحى 
جابلى ناى وزتون مطروحى

مُر انا يا صاحبى لو دوقتنى 
جيت اقول الآه ما صدقتنى 
يطرح ايه الملح غير مالح 
يطلع ايه م الجرح غير مجروح

ليه ما تصفاشى لغير صافى 
ليه فى عز الحوجه بتجافى 
شوفتنى غاطس ولا طافى 
كنت بندهلك حلاوة روح

حزن يا بقال ورا الجامع
هات بنص ريال عسل فى الكوز 
خد سنين الجرى وسنينى 
هاتلى سن غزال دهب عينى 
قطع الاسفلت شرايينى 
هات بياض القطن شاش اللوز

كلمات : خالد عبد القادر
الحان: يحى نديم
غناء: فرقة عمدان النور

Gazaga _ سيرة الأراجوز _ فرقة عمدان النور

This is my 11th album that I've released, filled with new songs, plus my re-recordings, etc. 

13 My Corvette

Proverbs Choir - Choral el Amthal
El She2 en Zad 3an 7addo
by The Choir Project, December 2010
a result of a group writing & composition workshop directed by Salam Yousry

To view the choir's work: www.youtube.com/thechoirprojectegypt

Choral el Amthal - The Choir Project كورال الأمثال - مشروع كورال

أغاني تربيعة في برنامج قعدة مزيكا على إذاعة نجوم إف إم

تربيعة - عبدالحميد

https://www.facebook.com/EgyptianBands

الدباديب .. فى اللعب أليفة
ليه فى الغابة بتبقى مخيفة

الدباديب دباديب مش دببة
ياختى عليها الله يحرسها
بعيون خضرا زى العنبه
واحنا بنحضنها ونبوسها

حتى فى شيلها بتبقى خفيفة
الدباديييييب

دباديب .. دببة ...
دباديب .. دببة ...

الدببة زى الدبابة
رجل تدب وصوت بيزمجر
وسط التلج وجوة الغابة
الاغصان تحتها تتكسر

الدببة مجرمة و عنيفة
والدبادييييييب

الدباديب .. فى اللعب اليفة
ليه فى الغابة بتبقى مخيفة

الدباديب لبسوا فيونكات
والدببة بالموتوسيكلات
الدباديب ناموا على الكنبة
والدببة يفضوا اعتصامات
وتعدي قصادهم تشريفة

الدباديب دبدبوا فى الارض
قالوا كفاية يا مظاهرات
والدببة اترصوا بالعرض
حظر تجول يا حضرات
وهنضرب كل الهتيفة

دباديب .. دببة ... أليفة ... مخيفة

الدباديب والدببة حبايب
دول مع دول ماشيين ع السطر
ضربوا المربوط خاف السايب
ضبط و ربط وشخط و نطر
واستعباط مع ضحكة سخيفة

الدباديب .. اعلام كداب
والدببة .. واقفين ع الباب
الدببة .. يلبسوا نياشين
والدباديب.. يلعبوا احزاب
ايه رأيكو بأة
في التوليفة

ادي اللعبة وادي الملعوب
ادي الملعوب وادى اللعبة
شغل الدبدوب ويا الدبة

ومفيش اي سياسة نضيفة

Eskenderella - El-Dbadieb

Ghalia BenAli  - Emsk Dmo3k- غالية بنعلي - امسك دموعك

Stream and order your copy from any of the following: 

Spotify
goo.gl/y8hacC

Apple Music
goo.gl/KL7WAq

Deezer
goo.gl/XFpjNr

Bandcamp
goo.gl/7FkwQJ

CdBaby
goo.gl/jihn6y

Nizar Rohana launched his first album "Sard" (Narration) in May 2008. Here he maintains an idiomatic language for the Oud, yet achieves refreshing new expressions and rhythms through dialogues with Double Bass, Qanoun and Percussion.

The album includes five pieces composed by Nizar. They are Sard, Umm El Zeinat, Iraq, Ajam and Hijaz. In addition there are two familiar tunes that were specially arranged for this recording: Sama’i Farahfaza by Jamil Al Tambouri (arranged by Khaled Jubran) and “Ya rayeh sawb bladi” by Ahmad Qaabour (arranged by Nizar Rohana).

Ya rayeh sawb bladi يا رايح صوب بلادي

Circle - El-Qadeya ((Live @ Rock Arabic Night))

Soap Kills - 06 - Wahch

الشاعر على سلامه 
براحة على مهلك من الاول من غير تاءتائة قول انطق اتكلم زعق قول بقى
ايه؟؟؟؟
انت عاوز تفهمنى ان فى عصفور من غير نور وغنى وزقزقة وانك اول مرة تاخد بالك ان الدنيا بقيت ضيقة دا انت بتستهبل بقى
على مهلك براحة اتكلم قول ومن غير تاءتائة اتكلم يا حبيبى قول دى اول مرة تاخد بالك ان الدنيا بقيت ضيقة انت عاوز تفهمنى انك خلاص سايق الهبل على الشيطانة توقع الحاجات وتعاكس البنات وتقولى مش انا دا انت بتسطعبط بقى
انت عاوز تفهمنى انك مش عارف الغلط من الصح يعنى انت خلاص ما فيش فيك فايدة بالسلامة بقى
يعنى انت عاوز تقولى لو جــــيــــت علبة صفيح فيها شوية كولا وشربت وقولت اح مشاكلنا هتتحل دانت بتدلع بقى

على سلامه  إنت بتستهبل بقا

الزمان..
أيام ما كان لسه فى ناس ممكن تموت..
مش لاجل لقمة و لأجل قوت
يعنى الزمان كان من زمان
المكان..
جوه العراق..
صحرا على مد البصر ..
رمله بدون نقطة مطر
و الكوفة على رمية حجر من كربلاء

السيين يبدأ..
صوت نفس ..
مزيكا توحى بالقلق
دقات قلب بينتفض
منظر لحبات العرق ..على جبهة من الشمس استوت
الكاميرا تعمل زووم أوت
السيين بدأ..
أصوات حوافر ع الطريق..
الصوت بيعلى ويقترب
فى نقطة ع الشوف من بعيد
الزووم يزيد ..
يظهر بتاع خمسين فرس..
من لبسهم واضح بأن دول حرس..
من جيش "يزيد"
يغمس حصانه فينطلق زى الهوا
تلمح عينيهم م العفارة جريته
تلمع عينيهم..كله يجرى ناحيته
مشهد مطاردة بدون أمل ..
خلفيته.. صوت طبل افريقى اشتغل
و مفيش دقيقة ..بعدها كان سهم لحقه و إتقتل ..
ف يسيب حصانه و يتهبد..
يمسك السهم بإيديه..
و يشوف شريط الفيلم كله قصاد عينيه

الشاشة تبهت لون ضباب
علشان تجيبه بيفتكر
والذكريات دايماً بتصحى..
لما نيجى نحتضر

كنا قصاد قصر الخليفة ..باالآلاف
من كل شارع ف المدينة ..حتلاقينا
شئ مهول و مهما أحكى أو أقول ..
اللى سمع طبعاً مش زى اللى ..شاف
كان هوه جوّا بيرتعش و زى منه حاشيته
طوفانّا عمّال يقترب .. والكل جاى ف سكته
و الكاميرا جايه ع الرؤوس مع صوت ..هتاف
الصورة تعمل فيد أوت..
كل الملامح تختفى..
الصورة ترجع..الإضاءة نور قمر
و المشاعل اللى باقية نورها قرّب ينطفى
و اللى فاضلين م الآلاف يتعدوا يمكن ع الإيدين
معرفش لسة الغلطة فين ..
بس الحسين لازم خبرنا يوصله قبل ما يفوت الأوان
خوفنا خلّانا عبيد مالناش أمان
إحنا مش قد اللى عاوز يعمله
و صوتنا النهاردة جمب صوته
وموتنا موته ..
و بكرة قدام الخليفة إحنا اللى ممكن نقتله ..
صمت تام ..بعده يبدأ صوت يبان
صوت لعزف حزاينى جداً ع الكمان ..
سيين المظاهرة خلاص خِلِص ..
و سيين العقاب واضح إنه فى أوله ..
الكاميرا فجأة تلتفت ..
جايبة شكل القصر كله من بعيد ..
زووم ع الفراندة اللى طلّة ع الجنينة
من وسط ظباط حاشيته يظهر "يزيد"
زى اللى دبت روحه جواه من جديد..
يكشف سنانه و يبتسم ..
و بسيفه يشاور علينا
من غير ما ينطق كلمة واحدة ..
فى ظرف لحظة إفترقنا
كل واحد ودّع الباقيين بنظره
و هو بيلف بحصانه .. وانطلق
كل واحد فى إتجاه
كل واحد منا يجرى .. وألف كلب صيد وراه
معرفش مين فينا اتصلب
مين انضرب ..
مين فينا بالمدنة احتمى .. مين اللى من فوقها اترمى
أو حتى مين قتله العطش بعد اما تاه ..
كل الشوارع مصيدة وكل البيوت ..
الكوفة نايمة حتى من قبل العِشا..
حَطَّت صُباعها ف ودنها ..
وسابتنا بره الباب نموت ..
الليل يفوت..
و الحظ يلعب لعبته و يسيبنى أعيش .

الكاميرا قدام الحصان
الحركة ماشة بالبطئ ..
الكاميرا تعلى لفوق اوى ..الصحرا تملا الكادر كله
و الشمس ف نهاية الطريق..
ع الضُهر حسيت بالتعب ..
بطّلت جرى..الشمس حامية وصدرى من كتر العطش
عمّال يضيق ..
ريقى بحاول أبلعه مش لاقى ريق..
حسيت ساعتها إن النهاية بتقترب
ف نزلت من فوق الحصان ..
طبطبت على كتفه وسندت ..
و بنظرة بصيت للسما زى الغريق

الصورة تتثبت بتاع أربع ثوانى ..
الصورة فجأة تجرى بس بسرعة جداً..
مع صوت كأن حد بيسف الشريط ..
الصورة تثبت مرة تانى
جثة فوق الرملة نايمة ..
سهم راشق نفسه فيها ..
زى شاهد من فوقيها
الكاميرا تبعد حبة حبة ..
والإضاءة تنطفى..أصوات نايات ملو السمع
و الكادر بيلّم الوجع .. وبعدين يقرر يختفى
صورة سودا للسما من غير نجوم..
مع صوت هوا عمّال يزووم فوق الرمال..
قدام بعيد ..أشباح جِمال..أصوات خفيفة للخيول
ينزل كبيرهم من على جناح الفَرَس .. و يلف كفه ع اللجام
بعدين يقول ..
الليلادى نبات هنا ..دقّوا الخيام
ساعتين وكان الكل نام ..
يصحى فى نص الليل لوحده من القلق ..
ابنه الصغير يسأله ..مالك؟
مفيش..
هو إحنا مش ع الحق برضه ؟
يبقى تفرق إيه نعيش..
تلمع عيونه بدمعتين ..
يحضن دراع "الحسين"
و الحضن دايماً يختصر نص الكلام
يا رب مغلوب ف أنتَصِر
الظلم عمره فى يوم ما دام ..
و تفوت ساعات الليل قوام
الفجر يبدأ..يوم جديد
و ينكتب ع الشاشة بالفونت العريض ..
يوم كربـــلاء
آخر ساعات قبل المصير
و الكاميرا تتسحّب ع السيين الأخير..قبل الختام
الكاميرا جايبة صقر طاير فوق بعيد ..عمّال يلف
ويرسم دايرة مقفولة ..
كأنه حاسس ب اللى هينقتل تحته..
و إن الحسين على وش مدبحته..
و إن الرمال تحتيه بالدم راح تشبع ..
و إن الهوا حواليه حبة و حيبقى تراب ..
و حيبقى هوّه وصُحبته أغراب
و إن المدد مش جاى مش هوّه ده عَلَمهُم
إللى قالولك تيجى ..رجعوا ف كلامهم
يا حسين هتيجى تموت لمين ؟
إرجع..
كل إللى جاى عشانهم تِفدى وتناضل ..
راضيين يعيشوا عبيد ..
و المشهد الفاضل هتموت ف آخره وحيد ..

الشاشة تتفتَّح بالراحة ع المشهد ..
الصورة سودا و تاريخ بينكتب بأبيض ..
الزمان ..20 ديسيمبر
شهر و نكمل سنة ع الثورة تقريباً
الوقت..قبل الفجر
المكان.. أسفل إشارة عمر مكرم
جمب الصينية تحديداً..
و يخش آخر كادر فى القصة على غفلة ..
فيد إن ..على الكريشيندو والقفلة .
أصوات هتاف ..
و بتقطعوا أصوات بعيدة لسراين الإسعاف ..
و ساعات قريبة لضرب نار ..
الكاميرا بتزووم ع الهدوم الكاكى ..
الكادر فجأة فيه بشر ظهروا ..
صفين عساكر جيش مترصصين بالعرض ..
و بلاط رصيف الحى مخلوع و متكسر ..
و الراوى يبدأ حكايته .. وصوته متأثر

أمسِك"محمد مصطفى" ع الأرض ..
و أبكى و أنا بقلبه من كتفه على ضهره ..
و نشيله جرى فأشيله من باطه
و صوابعى حاسة بقلبه بيدقدق ..
مع كل نبضة تخف نبضاته ..
كان قلبه مش بينقّط ..
قلبه بيدلدق..
قالوا الدكاترة بعدها ..
اللى اتقطع شريان مهم..
المهم .. لفّينا وِسطه بشال
و عقبال ما جرينا للشارع ..
و لقينا عربية ..
و لحد مستشفى الهلال ..
و لحد ما استلموه طقم النبطشية..
كان هوّه متبرع بنص دمه للطريق ..
و عرفنا بعديها بيومين ..
إنه إتبرع بروحه للقضية ..
و إنه ساب لإصحابه ف هدومه وصية ..
الكاميرا جايبة شاب بيغرّق إيديه بالدم ..
و جايبه صاحبه معدى جمبه بيدمّع ..
بيقول كلام و يعيد كأنه بيسمّع ..
شيّع صحابك من معركة بِالليل..
و الصبح فرَّج دمهم للخلق
و لأتوبيسات الناس الرايحة للأشغال..
زعّق بصوت رايح.. و بحشرجة فى الحلق
و اسكت عشان مبقاش فاضل كلام يتقال

الكاميرا ماشية بالبطئ جمب الصينية ..
الكاميرا ماشية بالبطئ فوق الطريق الأحمر
يتودّع الواقفين فى الكادر و بتطلع ..
و أصحاب محمد لسة بيحاوطوا الأمل بالطوب..
زى ما يحاوطوا قَدَر الشهيد المحتمل ع الأرض..
أفتح وصيته وأقرا إيه مكتوب
الكاميرا طايرة ع الميدان من فوق ..
و الصوت يرن لوحده فى سما المنظر ..

إنى رأيت اليوم...الصورة من برة
و قلت الحسين لسة ....حيموت كمان مرة
إنى رأيت اليوم ....فيما يرى الثائر
ان الحسين ملموم ...فوق جثته عساكر
بيدغدغوه بالشوم
كل أما ييجى يقوم
و ان البشر واقفة
تبكى بدال ما تحوش
و ان العلم مصفاه
م السونكى و الخرطوش
و ان الطريق مفروش...بالدم للآخر...
إنى رأيت اليوم...
الدم ع الآيش....
و إن الحسين إحنا....
و مهما اتقتل عايش



قصيدة إني رأيت اليوم - مصطفى ابراهيم

mazg sofi

رسائل البحر- مزيكا

Egyptian Bands Blog is the site which cares for all the new news, songs, photos, videos and the schedules of the concerts of the Egyptian bands

Eskenderella - El-Dbadieb

EgyptianBands

Recent comments

snowwhite

tarekelhadidy

Chérif Nasr

Randa Alaa Arafa

Related tracks