الاسود لون نفوس الناس اللي هنا

لو فشلنا ادينا حاولنا . ده هيدى الامل لغيرنا ع الاقل سيب سجاده لغيرك ف اتجاه القبله

بصى من ورا الستارة على الناس اللى ماشية تحت
بيسجدوا لأصنام شبعوا فيها نحت
تعالى اعلمك إزاى أنا بنحت عمرى ما اركع
أى حاجة حلوة فى عينيك اكرهيها فورا

ها ، مش حاسة بتحسن عن من لحظة
على الأقل مفيش جزيرة هتعوميلها أصلا
طيب ، اثبتى على كدة ، إنتى مكانك هنا
مش هنعمل أى حاجة بلاش نعملهم على نفسنا

متطفيش النور عن مين هندارى اللى بنعمله
مش هنبقى فى المستنقع ونجيب عطر نستنشقه
بصى لمنظرنا ، هربانين من ضلمة لضلمة
إنتى وأنا عارفين كويس إن جهنم فى إنتظارنا

مبحطش أكليل ، فوق مساكن ميتين
يوم حسابنا مش هتدارى هتستخبوا يا كدابين
مريض بأحدث مرض نفسى هيكتشفوه ع الكوكب
مش هتلاقى أحسن منى ولا هتلاقى أسوأ

مستنى إننا هنقرب رغم كوننا بنبعد أوى
مستنى تقاطع تانى لخط مايل مع مستوى
أقصر طريق ما بيننا أقصر جزء فيه ملتوى
أقوى شيئ ربط ما بيننا كان فى حياتنا شيئ ثانوى

ابعد عنها شوية متمسكش فيها بضفرك
اللى أنت بتتنفسه دة ثانى أكسيد كربونها
بطل تتدقق فيها وأنت صاحى وقت نومها
مش هتحس إنك سهرت حارس غطاها الليلة بطولها

هى عارفة إنك مريض ، هى حابة إنك مريض
هى فاهمه معنى النظرة ، بس كارهة إنك صريح
قدف أنت وهى لحد وصولها بالسلامة
وامشى من حياتها لكن سيبلها أنقاض كلامك

تعالى اعلمك إزاى أنا بجرى عمرى ما انهج - منهج
شايفة أبعد نجمة أقرب حد منى أبعد
وبزيد البعد ، تزيد القوة ، يضيق النفس ، أحس بذعر
يطول نفسى ، ومهما جعت ، ازيح عن طرقى كل طعم

ارمى فوق العرش التاج ، غيرى برضة مش ملاك
أنا مرض بقول أنا مرض هو مرض هيقول أنا علاج
بحطم الأصنام اللى انتى عايشة بتعبديهم
عشان تتوبى مش تعمليلى واحد وتسجديله

مستنى إننا هنقرب رغم كوننا بنبعد أوى
مستنى تقاطع تانى لخط مايل مع مستوى
أقصر طريق ما بينا أقصر جزء فيه ملتوى
أقوى شيئ ربط ما بيننا كان فى حياتنا شيئ ثانوى


الجوكر - الحب في عنق زجاجة

الجوكر - واحد 1 ابريل -- El Joker - 1 April 2014 - YouTube

فولو و اسمع راب بلدك
My Acc : www.facebook.com/OnlyForZamalek1

أسكت - الجوكر

كنت طفل بعمل مـ الورق مراكب قبل ما افهمـ 
ان ورقتى اغلى من استخدامها فـ صنع حاجه تافهه
لو قولنا حرفيا .. هنلاقى ان الجوكر كان لـ حد وقت ما مكنش لسه قدر يكتشف موهبته .. لـ حد ما فهمـ انه يقدر بدل ما يقضى حياته فى " التسليه " يقدر يستخدمـ نفس " اللى كان بيلعب بيه " فـ حاجه مفيده .. " بلعن التسليه من خلال عمل ترفيهى " 
فـ الورقه اللى كانت مجرد لعبه بالنسباله .. هو خلاها اقوى حاجه بيستخدمها ..
لو قولنا معنى تانى للكلام .. نفتكر اللى اتقال فـ الحلقه .. عن انه كان زمان بدأ الراب زى الرابرز التانين .. لكنه فجأه عرف ان ورقته دى اغلى من استخدامها بالشكل دا .. وبدأ يبقى زى ما شايفينه دلوقتى ..
لو فكرنا شويه .. هنلاقى ان المركب على عكس السفينه .. السفينه بيتحكم فيها القبطان و الموتور و و .. لكن المركب .. بتمشى بـ قوة الرياح .. فـ كان بيعمل من ورقه دا مراكب .. يعنى ممكن نقول ان هو كان جواه أفكار لكنه مكنش بيعرف يصيغها عشان كان طفل بالتالى مكنش بيقدر يتحكم فـ مراكبه او كان بيوظفها غلط او او .. لحد ما فهمـ ازاى يقدر يتحكم فيها .. فـ نفتكر " بعيد صياغة فكره مش بنت النهارده " ممكن تكون الافكار موجوده من طفولته لكنه بعد ما فهمـ بدأ يعيد صياغتها ..
ارفع ورق التوت يا ابن ادم متداريش عورتك ..
العالمـ متوسخش الا بـ مغالطة فقه الرضا ..
كل كلمه فـ الكام كلمه وفى الواقع انا كنت قاصدها ..
ميعبنيش ان الجمهور مش فاهمـ لوحه بيبصلها ..
بسم الله الرحمن الرحيم " فَدَلَّاهُمَا بِغُرُورٍ ۚ فَلَمَّا ذَاقَا الشَّجَرَةَ بَدَتْ لَهُمَا سَوْآتُهُمَا وَطَفِقَا يَخْصِفَانِ عَلَيْهِمَا مِنْ وَرَقِ الْجَنَّةِ ۖ وَنَادَاهُمَا رَبُّهُمَا أَلَمْ أَنْهَكُمَا عَنْ تِلْكُمَا الشَّجَرَةِ وَأَقُلْ لَكُمَا إِنَّ الشَّيْطَانَ لَكُمَا عَدُوٌّ مُبِينٌ " صدق الله العظيم ..
لما ربنا خلق ادمـ وحواء ودخلهم الجنه وأباح لهمـ كل شجر الجنه الا شجره واحده .. كان ساتر عورتهما .. يعنى كل واحد فيهمـ مش شايف عورة التانى ..
فـ لما أكلوا من الشجره .. " بَدَتْ لَهُمَا سَوْآتُهُمَا " فـ جريوا على كل الشجر " وَطَفِقَا يَخْصِفَانِ عَلَيْهِمَا مِنْ وَرَقِ الْجَنَّةِ " وبدأو يقطفوا منه ورق علشان يدارو عورتهمـ ..
الشيخ الشعراوى قال ان زجرهمـ كل الشجر " طردهمـ " رفض يستر عورتهمـ حتى رحمتهمـ شجرة التوت .. وقال القرطبى انها شجرة التين ..
المهمـ يعنى .. انهمـ ستروا عورتهمـ بـ ورق الشجر ..
فـ ارفع ورق التوت يا ابن ادمـ متداريش عيوبك عن الناس .. " خليك واضح "
العالمـ متوسخش الا بـ مغالطة فقه الرضا ..
نقف شويه عند " فقه الرضا " xD .. كتاب فقه الرضا للامام " على الرضا "
احد ائمة الشيعه .. اختلفت حواليه الروايات .. بـ كتابه " الفقه " او ما يسمى بين الشيعه بـ فقه الرضا .. المهمـ .. ان حصلت مشكله حوالين الكتاب دا واتقال ان الكتاب غير منسوب للأمام الرضا .. بس مظنش ان المقصود بيه فـ تراك الضغط الامام الرضا ..
طيب ايه المقصود .. ممكن يكون فقه الرضا عندنا احنا .. ان فى بشر بتفهمـ الرضا بالتواكل .. وتقول سيبها لربنا وميسعوش ..
كل كلمه فى تراك - كام كلمه - و تراك - الواقع -
انا كنت قاصدها ..
- يمكن ولا تشبيه اتكتب - 
مفيش تشبيهات اتكتب .. بس ممكن يكون فى حقايق اتكتبت ! ..
ميعبنيش ان الجمهور مش فاهمنى .. او " رافض " يفهمنى ..
بحاول اعيد صيغة الاصلاح لكن بحروف دلوقتى ..
مش هطلع اقول صباح الخير واغالط عقرب ساعتى ..
اللى مبناش نفسه يهدك .. واللى متزقش بيشدك ..
واللى مش لاقى انتقاد موضوعى يفضل يستفزك ..
بحاول اغير الكوكب بقى بس بـ كلام يفهموه .. مش هطلع أقلدهمـ واغالط نفسى .. 
اللى مبناش نفسه بيحاول يهدك .. واللى ملقاش حد يساعده بيشدك " بشارولك ع البر مع انى فـ مركب غرقانه " واللى مش لاقى انتقاد موضوعى .. هيقول اى كلام يستفزك بيه ..
عايزين الضغط يخلق كره فيك كـ شخص .. حاول يسد خانات النقص ..
فـ اتقابل بنوع مـ الرفض .. فـ تنسى كل يوم قضيته بتحاول تفك سلاسل فكره .. دى ناس بتعيش الدنيا موت فى سبيل تحسينها ..
عايزين كتر الضغط عليك يـكرهك فى اللى انت بتعمله .. ومحاولاتك لـ اصلاح الكوكب دا .. حاولت تسد خانات نقصه فـ اكتر من مجال .. فـ رفضوا !
لما تكره اللى بتعمله " او تكرههم " فـ تبطل تحاول تصلح منهم .. لأنك هتفقد حبك ليهم .. بالتالى هتنسى كل يوم قضيته بتحاول تفك قيود افكارك وتحررها علشان توصلهمـ .. انت تعتبر عايش ميت علشان تحسن دنيتهم ..
ابن نوح غرق .. واللى مش ابن نوح ركب ..
كان الاولى يقيدوكـ " يأيدوك " مش يوسوسوا للى سمع ..
قصة سيدنا نوح دى اتكلمنا فيها قبل كدا وقولناا ان له ابن رفض يركب معاه فـ غرق فـ الطوفان وان اللى مش ابن نوح " مش منتمى لـ سلالته " ركب ..
تانى بار بقى .. كان الاولى يقيدوك مش يوسوسوا للى سمع ..
" الوسوسه " هى ما يبثه الشيطان فى نفس المؤمن لـ معصية الله .. " استوعبوا اوجه الشبه "
كان أولى يكتفوكـ انت علشان متحاولش تساعد غيركـ .. لكن هما بـ غبائهمـ حاولوا يشوهوا الناس اللى سمعت وحاولت تتغير ..
بصوا كدا " لما الشيطان اتحدى ربنا .. محاولش يحاربه لأنه عارف ان ربنا اقوى منه .. فـ نزل يوسوس لـ ضعاف النفوس من البشر "
اقلب الفكره كدا !  .. هتلاقى ان البار جه بالشكل دا علشان يوضح ضعفهمـ انهم مقدروش يقيدوه فـ قرروا يوسوسوا " للى سمع " مقالش للى فهم  .. اللى بيسمع دا بيبقى لسه فى المرحله السابقه للفهمـ .. بيسمع وبعدين يفكر فـ يفهمـ .. فـ يوسوسوا للى سمع ..
لو تخيلنا انها يأيدوك ! فـ نقول انه طلب انهم مفروض يأيدوا فكرتك للأصلاح بدل ما يحاولوا يوسوسوا للناس اللى سمعتلك ..
مش بهتم بالنهارده هيجوا يوم تشوفوا صح 
ما انا هفضل ابنى سفينتى حتى لو شربتوا البحر ..
مش بهتمـ ان فكرتى توصل فـ وقتها .. " هتفوت سنين وتفسرولى جمل مبتتفهمش " هفضل ابنى سفينتى .. " فى الطوفان سفينتى تعوم مش فى البحر اللى شربتوه " لأن سفينتى لو شربتوا البحر دا مش هتعوم فيه .. لكن انا سفينتى اتعملت علشان الطوفان .. " وجه الشبه " فكروا فـ طوفان سيدنا نوح .. وقيسوا الفكره هتوضح اكتر ..
اكسر اخر لمبه فى اوضه ضلمه وقول مش انا ..
ابعد قد ما تقدر روح بلد مفيهاش مأذنه ..
الحق مش هيموت ولا فى وجودك ولا فى غيابى ..
من قبلى ودلوقتى ومن بعدى ناس هتنادى ..
ممكن يكون صوت الحقيقه مش مسموع ع الكوكب ..
انا لو مكنتش نوح ع الاقل كنت هركب ..
لو كسرت اخر لمبه فـ مكان ضلمه وانكر انك اللى عملت كدا ..
ابعد كمان عن الاذان " صوت الحق " 
لو حتى عملوا كدا الحق مش هيموت .. لأنه صوت ربنا " المأذنه "
وربنا اسمه الحق ..
من قبلنا ودلوقتى ومن بعدنا ناس هتنادى بالحق .. 
لو صوت الحقيقه مش مسموع ع الكوكب ..
بس انا لو مكنتش انا اللى بنادى بيها " نوح تشبيه بالفكره مش بالرسول " 
ع الاقل كنت هركب " هسمع للى بينادى بالحقيقه "
ده عكسك .. تهمنى الحقيقه .. تهمك نفسك ..
بس كون الواقع خلى الناس تدمع .. مكسب ..
رافض ابيعك انت بساعدك قبل ما اساعد نفسى ..
بتفنن فى طلاء اظافر الايد اللى كاتمه نفسى ..
لسه اللوحه مش واضحه ؟ هتكره جوكر تدريجيا ..
انت لسه فى اول مرحله من امراضى النفسيه ..
ده عكسك .. تهمنى الحقيقه .. ميهمنيش مين بينادى بيها ..
تهمك نفسك .. يهمك انك تكون البطل بس ميهمكش الناس او الحقيقه او او .. الخ 
بس كون تراك الواقع خلى الناس تتأثر " تحس " فـ تدمع .. دا مكسب .. علشان فهموا 
مـ انا ..
رافض ابيعك انت بساعدك قبل ما اساعد نفسى .. رغم كونك بالسوء دا الا انى بحاول اجملك حتى وانت رافضنى .. بحاول اساعدك
لسه مفهمتش ؟ هتكرهنى تدريجيا .. انت كل دا لسه محاولتش تتعمق في اللى بعمله او فى اللى بكتبه ..
بحاول افيدكوا بحاجه ياللى مفهمتوش تشبيهى ..
بلعن التسليه من خلال عمل ترفيهى ..
لو كانت الدنيا بخير عمرى ما كنت اغنى راب
عمرى ما كنت اخاف اكتب محدش يقرا كلمه مـ الكتاب
الواقع مش كدبه .. فتح قبل ما تغرق
لو رضيت عن نفسك تفسد اكتر ما انت فاسد خلقه
طول عمرى بكره الكوكب دا مش مـ الباب للطأ ..
لأنه خلى كل حاجه فيا عكس زمان بالظبط ..
طول عمرى وانا صعبان عليا اشوف الناس مش فاهمه
اما الناس اللى فاهمه فاسده فـ بتلعب بمستقبلها ..
مش عايز منك حاجه لو عايز هبيع دماغى ..
عايزك تتحسن وانت عايزنى اموت علشان طمعان فى مكانى ..
بحاول افيدكوا بحاجه بقى من خلال استخدامى عمل ترفيهى زى " الغناء " 
ماهو لو كانت الدنيا بخير .. مكنتش هستخدمـ حاجه ترفيهيه .. كنت هكتب ..
تراك الواقع مش كدبه .. فتح قبل ما تغرق .. اركب السفينه ..
لو رضيت عن نفسك " فقه الرضا اهو " xD .. هتفسد اكتر ما انت فاسد خلقه ..
" فى الواقع كلنا وحشين " بما ان كلنا وحشيين مينفعش نرضى عن سوءنا دا كتير .. فـ لازم نتغير .. علشان منفسدش اكتر ..
انا طول عمرى بكره الكوكب .. مش بدون سبب .. لكن لأنى " معرفتش انشر فيه مذهبى فـ بقيت فحل فى مذهبه احسن ما اتوصف بالغبى " 
بس صعبان عليا ان الناس تكون مش فاهمه .. اما الناس اللى فاهمه .. فاسده .. " رضيت " فـ بتلعب بمستقبلها " مبتغيرش حاجه " او ممكن يكون الضمير عائد على الناس اللى مش فاهمه .. فـ اللى فاهمين بيلعبوا بـ مستقبل اللى مش فاهمين ..
مستفيد انا ايه ! ولا حاجه .. انا لو عايز كنت بعت دماغى " طلبوا منى ابيعلك فكره تشتريها ودنك .. طلبت منهم ابقى نور هيرشد ابنى وابنك .. فـ ماطلوا " 
" مش همضى كـ طرف تانى وع الطرف الاول توقيعهم "
انا عايزك تتحسن .. وانت عايزنى اموت علشان طمعان فى مكانى ..
بقيت بتغما لما بقيت بخاف مـ النور .. مهما اشوف الدنيا عتمه ..
دا اهون من انى اشوف .. ان الكدب له رجلين بيها ع الحقيقه يدوس ..
انا سايب الدنيا ليكوا وداخل احلم بالكابوس ..

El Joker - El Da3't l الجوكر - الضغط

ماسك القلم ، ودى مناسك الألم
آسف حاسس إن أنا ، ندمان إنك شوهتها
بظهورك بس ، ظهرت ليه ؟
كنت إمشى بس ، صلحت ايه ؟
فكرك موناليزا تروح منى كـ جوكر فين ؟!

تروح مطرح ما راحت ، اللى عملته ده لمصلحة
الجزء اللى باقى على اللى باقى من جملة إتصلحت
ماتمنيتش شيئ يتهد ، أعتقد حبيت بجد
مهما بان فى شبه بينى وبينهم ، أنا مش شبه حد "شبح حد"

بس
أوضح مشهد كان ، أكتر مشهد فاضح ساب
أذكى شخص رابح بان ، آخر شخص يلبس تاج
روحى
خدى المهلة كاملة ، فرغى الطاقة الكامنة
أهم حاجة لما تيجى تانى تكونى مآمنه

خايف يطلع ذكائك خانك ، وتكون مش رجعالك
تطلع كانت علامة ، ربك قاصد إنه يوريهالك
تفتكر عينى بتيجى فى عينها كل حياة علشان
لازم أفهم بس إن إحنا عشنا فى كذا مكان وزمان

يمينى جثة فيل ، ده مش المشهد الأخير
مع إنى ماشى مُبتسم وفى ضهرى الواشى على الصليب
يعنى إحنا مكملين ، وهما هيفهموا التشبيه
أصل أكيد هيبقوا جوكريانز زى ما بقينا مسلمين

ياترى كل جسمين كُنا فيهم إتألموا
فكرك مـ المرة الكام عن التكرار بيتكلموا
آه كان ممكن يبقى طفرة "لولا غباء الكاتب"
مش أعظم مئة رجل ، أعظم مئه رجل واحد

أيوه الورقة غضبت إنى لمستك أكتر منها
رغم إنى عايزك إنتى بس قوى أكبر عايزينها
معقولة إحنا اتقاطعنا كل مرة مرة واحدة
بعدين روحتى ناحية ، وأنا ومعجزتى طبعًا روحنا ناحية

لما القلب بيقف العقل بياخد كل الطاقات
فـ بيهديك تناسى آمن كمجرد عربون صداقة
برضه ماقتنعتش إنى مش هكون معاها
وإنى علشان أؤدى الغرض منى لازم أعيش بعاهة


طب هى عارفة أنا مين ؟ ولا هى للتذكير ؟
وقبل أول إحتياج لإنى أفتكر ، عشنا كتير ؟
كـ جوكر يرضى غرورى تكون دى كينونتها
كـ أحمد خايف لـ منساهاش ، تفضل خلفيتى صورتها

مكنتش أعرف إنك مش معاه وإنك رجعالى
فصنعت منها آلى شبه يحاكى حياتى معاكى
وهدفعها تمن ، كل جرة قلم ، لحظة ندم
رد أى سؤال الفترة الجاية سؤال مين اللى بدأ ؟

فى مواضيع بناقشها فى سطور انت متفهمهاش
بالمعنى اللى يبين إنى مسبتش حاجة ماقلتهاش
مش بجرى ومش هلحق لقب ، أنا النظام جابنى هنا
لو دى أول مرة ليك عـ الكوكب تبقى مش زينا

فى أسئلة كتير ماتجاوبتش غير سؤالك
لازم ما خلف الحياة مش الحياة اللى تشغل بالك
كان لازم يبقى ليها معنى ، يبقى ليها كمالة
كان زمان العصر الحجرى أذكى لولا عصر الآلة

El Joker - Manasek El 2alam l الجوكر - مناسك الألم

El Joker - 3alam Talet L الجوكر - عالم تالت

الـــكـــلـــمـــات

بطلت أكلم حد لحد ما حد خد بإيدى
لو مكانتش إقتنعت بيا مكانتش ظهرت عبقريتى
كله أصاب فيما أصاب ، وأخطأ فيما أخطأ
الحق أحق أن يُتبع مهما هنوصل أبطأ

إنت عمرك ما اقتنعت بـ قد إيه بنكمل بعض
أنا لاحظت كون الفكرة بتقوى بنقد نقط الضعف
تعدد عصبياتنا فى العموم شيئ مفيد
وإن استمر الفيل فى إعتقاد إن الإله فيل

بلجألك إختصارا فى اللى أنا فيه فعلا محتاجك
مستحيل حد من الصفر لوحده يعرف كل حاجة
ده مش معناه إنى أقل ، ولا إن انت أعلى
أنا بقفل التآويل ، وانت بتغرق فى المعنى

لسه معرفتيش من إمتى مبتفهميليش ولا كلمة ؟
من ساعة ما كل حاجة معاكى إبتدت تكون مملة
عمرك ما شوفتى حقيقتى ، ولا فهمتى حقيقة ده كله
كل واحد شاف التانى الواحد اللى حب يكونله

مضطر أسيبك وأمشى منعا للمخاطرة
الورقة رافضة أعيشلك وأبقى أزورها كل فترة
أنا بشرح على قد عقولكوا ، ولسه متفهمش شرحى
انت كلامك مات ، وإنت لسه عايش ، إنت سطحى

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

ظروفه كانت غير ظروفهم ، فخرج عن الإجماع
ظروفنا الآن شبه ظروفه فـ اجتمعنا على فتواه
مش فى صالحك يبقى مثالى طول مـ انت فى قمة متعدد
باب الإيمان قصير ، مبيدخلوش متكبر

سيبيلى حاجة أفتكرك بيها ، حاجة ريحتك فيها
حاجة استخدمتيها ، فى أوقات مش حبانى أعيش ناسيها
للهروب من واقعهم ، للأسف لازم توقيعهم
يؤسفنى أقولك -فى بعض الحاجات- شبة طيعهم

بس ده مؤقتا ، هما يقولوا بطل وأبقى بطل
وأوعى إنتظارهم إنك تقع هو اللى يسقطك
وتبدأ النهاية بـ إنى أقبل حاجات مرفوضة
واحدة بجمالك إنتى فى بالى صعب تكون موجودة

أجزاء شبه عشوائية سوا تبان مخيفة
انت سامع مـ الغنوة آله بتعزف صوت مؤامرة سخيفة
اللى فى صالح السيناريو طول عمرى بنفذه
لو أبرهة بيغرق قبل عام الفيل هروح أنقذه

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

معرفتش أشكر مين ساعتها وعدى الموقف عادى
مجاش فى بالى إن أنا الشخص اللى أنقذ حياتى
براجع نفسى لما ألاقينى تهت فى التفاصيل
فـ أنفصل عنى الجزء اللى مراقبنى من بعيد

شايفك يا بلدى بتبصيله ، وإنتى بترقصيله
بصة فلسطينى لإسرائيلى ناهب محصول طينه
فى لوحات يادوب ، فيها بسيب كذا خط ولون
كوّنوا فى كل عصر كل رسمة تفيد الكون

غلبانة ، بتقول للناس إنها بكره هتنسانا
مش عارفة إن اللى يعيش من غيرنا أكيد معاشش معانا
صدقى اللى إنتى بتحسيه ، كدبى اللى إنتى بتشوفيه
استخدمى البعد اللى إنتى عارفة إنك فى حضنى فيه

كان باين فى عينيكى الزهق
مبانتليش فى عينك غيرة
قلتلك إنى عارف إن دى الرقصة الأخيرة

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

________________________________________­_

El Ra2sa El 2a5ira

Written by: El Joker
Music: Free Beat
Vocals: El Joker
Master and mix by: El Joker
© 2015 El Joker

El Joker _ El Ra2sa El 2a5ira I الجوكر _ الرقصة الأخيرة

كلمات التراك
----------------------------------------------
كطفل كان عبقري ومع الوقت اكتشف ده
يعرف شدة وإتجاه الهوا أو يحتفظ بالسهم
كان كاره ظروفه ومش شايف في حياته حاجه مهمه
مولود القاع الي رافض ياخد نفسه غير ع القمة

شاطر في كل الي بيعمله لكن مش مؤمن بيه
فاكر متعة الحياه الوصول فعانى في الطريق
وعلشان متربي وسط ناس في عينهم كل شيء وسيلة
مترددش لحظة في إنه يدوس ع السلمه الأخيرة

بدأ يلعب على كبير بقى بيلعب على الدين
بدأ يشد ناس كتير بقى إمام مجاهدين
انا فاهم انتوا مش فاهمين
أطيعوني لو انتوا مؤمنين
الآيه كذا معناها كذا ، وانا اصطفيتكوا للتفجير

أتدعى إنه صاحب فكر ، وأتدعى إنه عنده خطة
وإنه هيقطع راس الأفعى .. من الآخر شاف فانديتا
وعلشان محاط بغرقانين في غل وخوف ونقص
كل ما يعزف سيمفونية الجنة يتسابقوا على الرقص

عارف إن منكوا كتير مروا بظروف مؤلمة
انا واحد م الي مش طايقين حال الدول المسلمة
ظلم فقر جهل ولسه الأسوأ في انتظارنا
نص العالم انتهكنا وأكتر من نصه احتقرنا

بس لا إنتوا مجاهدين ، ولا ده الحل ، ولا الدين
بالعكس ده انتوا حجر مربوط في رجل غرقانين
لو الي استغلك زاهد في الحياة كان هيسيبهالنا
هيسيبلك ليه الحزام الناسف لو طريق الجنة

ده كإنك فاكر قوة دينك من قوة دولته
وكإنك إله يأست من فلان فبتموته
أو كإنك لو حكمت العالم دينك كده إنتصر
يعني شويه حظ لهتلر كان بقى المهدي المنتظر

خليك مسلم حقيقي في كل فعل وكل كلمة
سلوكنا في الحياة دعايا حية لديننا
يا شيوخنا كفايه افتا في حرمانية الوشوم
أ ب الإسلام لناس كتيره لسه مش مفهوم

 الاسلام وسيلة والأهداف كلها شخصية
والمسيحية مش مسئولة عن قرنين حروب صليبية
ولا عن تاريخ من كره وقتل أتباع اليهودية
اللي أكيد بريئة من إنتهاك فلسطين الأبية

لكن احنا مجتمع عيان .. مجتمع عميان
تتفجر كنيسة تلاقي ال100 مليون نقاد أديان
قبطي ينشر م القرآن آيات القتل والتمثيل
يرد مسلم بآيات دعوة عيسى للسيف الي في الإنجيل

وده نتيجة ضخ بعض رجال الدين روح الكراهية
مش كل اللي مداسش ع الزناد بريء م المسئولية
ده غير الأم بتاعت متآمنش لأربعه ريشة
وبتاعت خليك مع اللي عارفينهم من الكنيسة

صدرنا إن الأديان لا تناسب هذه الألفيه
وخفى طوفان التعصب كل ملامح الإنسانية
اتدعاء وجود عداوة بين التلات أديان معناه
إن مصدرهم غرضه فتنه .. هل دي رؤيتك لله

الجوكر - السلمه الاخيره | Eljoker -Elselema_ela5era

August Alsina's debut mixtape "The Product" assisted by DJ Scream was released on April 15, the release date is one of personal significance to August, as it’s the birthday of his late brother who was gunned down in New Orleans in 2010. The words “Dedicated to my big brother. R.I.P. Melvin LaBranch III, 4.15.86 – 8.31.10” appear on the mixtape’s back cover. The release is a fitting dedication to the brother who inspired August to leave the street life behind and make music his full-time hustle.

The mixtape is available for download at http://indy.livemixtapes.com/mixtapes/16832/august_alsina_the_product.html

13-August Alsina-Heavy

repost الاغنيه ❤️❤️
الــكــلــمــات

أكيد كان ليها حلول
وأكيد مننا في طرف مسئول
كان سهل النهاية تبقى نقطة بداية
لو سعينا لحل وسط معقول

في طرف استُنزِف اهتمامه
وطرف مشافش إلا نفسه قدامه
طرف كان بيخسر ، والسكة مش بتقصر
يوميا بيدفع تمن إدمانه

كنتي كل حاجه عكسي وبتشدني
قبلت عشانك أتهد ، وشخص تاني يتبني
اتغيرت .. على أمل تتغير يوم لما تحبني
قال يعني الريح هتبقى نسمة لو الشجر ينحني

عشت معاكي فرحة .. معيشتش من آخرها
انتي كل ذكرى ببتسم لو افتكرها
في حاجات -وانا بحكي عنك- الوجع يقولي أنكرها
يسألني الحنين: وتحكي ايه؟ .. محيلتكش غيرها

الهجر .. مُر اللوم .. طول الليل .. صعوبة النوم
تُقل الحمل .. بُطء اليوم .. وسع الفجوة .. ضيق الكون
مكالمة صلح في انتظارها تقلت الثواني
كل إتصال جريت عليه ، وطلع من حد تاني

عاملة مش مضمونة .. مـ اللحظة الأولى
عشان أسعى إنك تفضلي موجودة
وأضحي .. من غير ما أسأل ده في مقابل ايه
انتي عايزة حد تكسريه .. مش تتسندي عليه

أكيد جبت آخري لسبب
مفيش إحساس مـ العدم
اخترت معيشش في ندم
مادام كده كده في ألم

ماهو مش معنى إني قبلت تفتري
مش منطق تبيعي وأشتري
نَفَسي بيطول لو أتغري
لكن جريني في طريق يتجري

رُب قَشةٍ ضاقَ لها الصدرُ اتساعا ً
فهوى كُل شىءٍ كحباتِ العُقدِ تباعا ً

من ساعتها بكابر ، وبكبت المشاعر
مضغوط –من غير ضغوط- عشان بعافر
عشان صلب أبان .. كإن الصعب هان
كإن لوح التلج –انا- مفيش جواه بركان

انتي فضلتي تزيدي الحمل لآخر نفس فيا
واللي أجبرتيني إني أرسم شرخ في الخلفية
سيبتيني وسط وادي الموت ماسك في كوم حجارة
ورافع عملتين الرشوة لقائد العبارة

لو حياتك وقفت .. كان الوضع اتغير
لكن سرعة شفاكي .. خليتني أبان صغير
مش قالوا نور اليوم بيدخل من شروخ الأمس
آدي الشروخ في كل سم .. فين الشمس ؟

أكيد جبت آخري لسبب
مفيش إحساس مـ العدم
اخترت معيشش في ندم
مادام كده كده في ألم

ماهو مش معنى إني قبلت تفتري
مش منطق تبيعي وأشتري
نَفَسي بيطول لو أتغري
لكن جريني في طريق يتجري

في الأول والآخر ده نصيبنا
ارتاحنا وتعبنا .. فرحنا وزعلنا
بعدنا ورجعنا .. اشتاقنا وزهقنا
كان نفسي تبوش مشاكلنا

مـ الأول قولتلك حياتي صعبة .. قولتي ميل
حكيتلك عـ الحمل اللي شايله .. قولتي معاك هشيل
كنت فاكر إني لقيت الضهر ، وإني لقيت شريك
ومصدقتش إنه طُعم وانا بتشد مـ المحيط

فجأة النفس يضيق ؛ فبنراجع نفسنا
يادوب غمضنا لحظة .. إزاي وصلنا هنا
يادوب عدينا غلطة .. معديناش كل ده
يادوب طاطينا مرة .. إزاي اتداسنا كده

فـ انا بلومك من غضب انا فيه
كنت شايف عندك أكتر عشاننا تعمليه
كنت شايف استهتارك باللي بيننا بيزيد
كنت شايف ورد بيدبل ورافضه تسقيه

أكيد جبت آخري لسبب
مفيش إحساس مـ العدم
اخترت معيشش في ندم
مادام كده كده في ألم

ماهو مش معنى إني قبلت تفتري
مش منطق تبيعي وأشتري
نَفَسي بيطول لو أتغري
لكن جريني في طريق يتجري
_____________________________

El 3o2d

Lyrics: El Joker
Vocals: El Joker
Music: Brien Todio
Master & mix: El Joker
Design: Mostafa Karim
© 2018 El Joker

الجوكر - العقد

اعملو repost  للاغنيه❤️

الــكــلــمــات

البشر غرقوا في شر نفوسهم وانت مش رسول
طول ما محدش عايز يسمع يبقى إياك تقول
الكلمة مبتغيرش إلا اللي بيسعى للتغيير
متقولش "هخسر ايه؟" عشان اعداء الكلمة كتير

لازم تفهم ان الناس بتكيل بمكيالين
والفرد بحد أدنى يمتلك وشين
مش هيبصوا اللي انت فيه دفعت إيه مقابله
كل يبكي على ليلاه وشيطانه بيطبطبله

اللي ادى استنى ياخد ، واللي خد خلع من بدري
القلم بص على الخشب اللي راح مبصش انه مبري
مستكترين عليك قيراط ما هما رضيوا ب شبر
اشمعنى آدم يتسجدله أنا أحسن منه كبر

لو لمحوا الهمة هيحبطوك بكلمة لأجل ما تهمد
عايزين يشوفوك بتموت بشفرة تلمة عايزك تجمد
ولا بيجروا في طريق ولا انت عقبة لازمها إطاحة
بل سولت لهم أنفسهم إن موتك راحة

الغل كل قلوبهم واللي اتبقى منهم غيرة
اسهل تبرير لشر النفس إن الحياة شريرة
العين بتكره كل اللي أحسن منها طول الخط
لو مش أد العيشة بين أحياء أموات إتعض

هييجي من أقصى المدينة شخص عكس الباقي
أوعى تشوف بعين القاعدة ما هو إستثنائي
نحن نشك حتى نُدفَع أن نثق
الدنيا مره مش لازم تشربها سِك

لو لو رجع الزمن سنة مش هتمشي في طُرق تانية
اعرف ان مرت سنة من غير ما تكبر ثانية
لو غلطت راجع نفسك وهتدفع لو تمن بصه
واجه .. أوعى تدفن راسك في التراب وتندب حظك

في ناس بتحس بكبر على تجارب ناس سبقتها
كل اللي كانت دماغه ناشفة الدنيا دغدغتها
في ناس بتعرف تستفيد من كل شخص جرب
وناس لازم ايديها تتحرق عشان تحرم

بين طبقات الناس وتسلق جبل شبه بحت
كل بصة فوق لازم توزنها ب بصة تحت
لو فضلت باصص فاضل أد ايه ومين فوقيك
مش هتحس طلعت أد ايه ولا عمر شئ يرضيك

هتضحك عل انك بتقول دلوقتي جبت آخري
دايما اللي جاي أصعب ، إنشف لسه بدري
عايز جلدك تخين ، ولو يا تتكسر يا تميل
إتكسر تلحم عضم أنشف م العضم القديم

لو بصيت للسما بعين الغِل تلات تربعها
اعرف إنك ماشي في طُرُق بقى لازم ترجعها
أنت عدو نفسك ديننا بيمنعك تتمادى
آلهنا مش فوق الاولمب بيتنفس عبادة

في أصول الأعتقاد كل الفرق أصابت
الكُفر كبر .. مش اجتهاد في فهم غامض
لا تنغلق وتشخصن الأمور ف تبتذل
نحن أشاعرة في بعض الأمور نُرجئ أو نعتزل

هتحس الاختبار تقيل عليك .. ومين محسش
إبراهيم قال : أرني كيف ؟ .. وإبراهيم متهزش
فيه قبيح بديله أقبح ، وقريب بعيده أوضح
وصاحب جنتين اتمنى لو إنه كان الأصلح

هتبان الدنيا ظالمه متصدقش اللي انت حاسه
يوسف لو مترماش في البير مكانش هيرمي نفسه
ساعات شرور نفوس الناس تكون خطوة في طريقنا
مش عارفين رايحين لفين ؛ ف متقوليش بعدنا

الغل كل قلوبهم واللي اتبقى منهم غيرة
اسهل تبرير لشر النفس إن الحياة شريرة
العين بتكره كل اللي أحسن منها طول الخط
لو مش أد العيشة بين أحياء أموات إتعض

هتضحك عل انك بتقول دلوقتي جبت آخري
دايما اللي جاي أصعب ، إنشف لسه بدري
عايز جلدك تخين ، ولو يا تتكسر يا تميل
إتكسر تلحم عضم أنشف م العضم القديم
_____________________________________

El Wasaya

Lyrics: El Joker
Vocals: El Joker
Music: Mostafa Ebrahim
Master & mix: Youssef Anwer
Video by: Mostafa Karim & Adham Karim
© 2018 El Joker

الجوكر - الوصايا

الــكــلــمــات
ضهرك لحق مش من مصلحتك تنصفه
سبب جمال الغنوة قبح اللي بتوصفه
ساعات اللي انت شايفه يبقى اللي انت شايفه
أغلب الأوقات شجاعتك جت مـ الخوف اللي انت خايفه

من دوشة تل الغلطات .. مش سامع مـ السما أصوات
بـ الغل وبـ الخوف متحاط .. مش عارف تاخد خطوات
كله غرز بوزه في التراب في أول نطة
هما حاولوا تاني .. وانت اختارت حاجز أوطى

قتلوا مننا كتير بحجة شىء أهم
خلوا الهوا اللي بيني وبينك ريحته دم
مداقوش ازاي الوجع شىء ملموس وطعمه في بقك
ظنوك بتقول مجازا إن الظلم كسر شوكتك

مش أرق اللي مسهرك للميعاد ده
كل اللي عدى مستنيك على المخدة
واللي فاكره حب قالوا عنه غدة
معظم النجوم اللي بتحكيلها مات من مدة

قتلت جزء فيك عشان يعيش أغلبك 
معظم الحقيقة على ورقة في سلة مكتبك
لو رموا الشبك ، والتيار بدأ يسحبك
وانت عومت عكس الإتجاة للحظة ده مكسبك

فرض السكوت يموت شخص بالبطيء
قص كلام من السياق يضل ناس عن الطريق
بعض الوجع داين تدان ، وبعضه حظك كده
في ناس بتعبد الحياة ، والباقي كبش فدا

وبصراحة مفيش مؤشرات إن الزمن هيدور
الضلمة اللي في عالمنا قادرة تبلع أي نور
وضع معادش مبلوع .. خلافنا في أصل وفروع
ملكنا لا سيف ولا دروع .. ملكتوا الطلق والجوع

سعرك سعر ترس في عجلة الإنتاج
وبصراحة يعني من أسباب إيمانك الإحتياج
لبسّوا الرجلين فردة .. عبدوا الحس والمادة
نزعوا المعني مـ الوردة .. ينفوا المطرة لو تندة .. فوقهم

شوهونا .. أصبح زوقنا زوقهم
إتعاطفنا لما إتعاطفوا ، وقولنا قوم لوط بشوقهم
قصاد الريح تفضل جدور ، وجدور تتقلع
أول مرة أمسك كبريت العلم الأزرق ولع

قتلت جزء فيك عشان يعيش أغلبك 
معظم الحقيقة على ورقة في سلة مكتبك
لو رموا الشبك ، والتيار بدأ يسحبك
وانت عومت عكس الإتجاة للحظة ده مكسبك

الجوكر - عالم رابع

Hany Adel - El 7ekaia TITO - هاني عادل - الحكاية ما بتنتهيش

فولو و اسمع راب بلدك
راب مصر لكل رابر في مصر 

أسكت - الجوكر

EgyptianRap

Recent comments

User 851919566

Manar Abdul Moneim

Ahmed elkilany

Mazen Mostafa

Related tracks