الأبنودى | لسه النظام مسقطش

الملكوت المطلق-دائره النشوه

جيبتلي صاحب وحبيته
زقنى فى المترو زقيته 
واما مات فيا ومت انا فيه 
روحتله بيته وعزيته

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز

حبنى الشارع وحبيته 
عض قلبى الليل وعضيته 
خضنى الأنسان وخضيته 
لما بان من وشه عفاريته

عدى فيا القمح سمرنى 
عدى فيا الفجر صبرنى 
عدى فيا الحزن غيرنى 
عدى فيا العمر كبرنى

خدنى م اللفة لمريلتى 
خدنى م التسنين لحصالتى 
خدنى من مدرستى ع الجامعه 
خدنى م الترعة على الاسفلت

خدت م الاتوبيس مراياته 
خدت م السواق حكاياته 
خدت م الركاب تذاكر موت

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز

ياللى وحشانى متوحشنيش 
ضحكك السكر محلانيش 
خوفت م المطرة قفلت الشيش 
ليه فضل اسمك على الشباك

كنت جايب دبلة وغويشه
كنت شارب حاجه مغشوشه 
شفت شبهك قاعده فى الكوشه 
قلت هى لا مش هى 
فتشتنى الدمعه عن الميه
كنت أنشف من حطب محروق

حزن يا محول خطوط سيرى 
حزن يا عطار فى باب اللوق 
شوفلى تحويجه لتفسيرى 
حط ريحه بُن لضميرى 
شوفلى عود أصلب من المغشوش

ردنى عالباب عطب روحى 
جابلى ناى وزتون مطروحى

مُر انا يا صاحبى لو دوقتنى 
جيت اقول الآه ما صدقتنى 
يطرح ايه الملح غير مالح 
يطلع ايه م الجرح غير مجروح

ليه ما تصفاشى لغير صافى 
ليه فى عز الحوجه بتجافى 
شوفتنى غاطس ولا طافى 
كنت بندهلك حلاوة روح

حزن يا بقال ورا الجامع
هات بنص ريال عسل فى الكوز 
خد سنين الجرى وسنينى 
هاتلى سن غزال دهب عينى 
قطع الاسفلت شرايينى 
هات بياض القطن شاش اللوز

كلمات : خالد عبد القادر
الحان: يحى نديم
غناء: فرقة عمدان النور

Gazaga _ سيرة الأراجوز _ فرقة عمدان النور

ورقة من ملف القضية - خالد الصاوي

الشباب في مصر - من مسرحية 1980 وإنت طالع

موسيقي مسلسل العهد - رمضان 2015


أمِنت بالناس و المَدد و المَد
وأمِنت بالخير مَاحُوشتُهوش عن حَد
دلوقتي بسأل و الطمع كَسبان
أنا عِشت أوهام..ولا عِشت بجَد
ميدو زُهير

Dina El Wedidi - Ament Bel Nas (D - Caf)

مسلسل ونوس_ انا ساعة الغفلة

رباعيات شجر التوت (الكدب) - مريم صالح

ياجزيرة_وسط البلد

الأغنية الاكثر من رائعة :) كتبت هذه القصيدة الصالحة رابعة العدوية و غنتها سابقا أم كلثوم .. فقط يكفي أن تستمتع بها :)

مسلسل ونوس_ انا ساعة الغفلة

Ehda'a Moheb

Related tracks