maher fayez

ملناش غيرك .. ماهر فايز

هاعدي هاعدي في الجبال اللي واقفة ضدي
هاعدي هاعدي بإيماني اللي مالي يدي

1- هاعدي وهاتعدي آلاماتي وكل ضيقة أنا عيشتها
هاعدي وهاتعدي نكباتي أنا أقوى بيك منها

وتمر صور المر قدام عينايا كذكريات
والسر إن إنت حي وقمت من بين الأموات

وأمنتك وآمنتك على كل ما عندي
وأماني وإيماني في الوعد يا سندي

2- هاعدي وهاتعدي لحظات الحيرة والشك وظلامي
هاعدي وهاتعدي نبرات الحزن وكآبة كلامي

واديني فارد إيديني مصلوب وغالب كما المسيح
في القبر مستني فجر وقيامتي جياني بتسبيح

وثباتي في الآتي بعهدك مش بعهدي
والنصرة والقوة في إيديك وأنا معدّي

3- هاعدي وهاتعدي بثواني الراحةفي ساعات الغريب
هاعدي وهتعدي بحلاوتها وجمالها ولو للمشيب

وهينتهي كل ده لحظة ما هيجييني وأراه
وبجسم جديد روحاني مجيد هاشوفه وأعيش معاه

وهاقضي في المجد حياة في نور أبدي
وهارنم وأنا باخدم في بيت الآب سيدي

هللويا.. هللويا حياة في نور أبدي
هللويا.. هللويا في بيت الآب سيدي


هاعدي في الجبال اللي واقفة ضدي - ماهر فايز

باركتك شفاهنا - المرنم ماهر فايز + فريق الكاروز‬

احسبها صح ٢٠١٢ - ترنيمة حي هو الرب إلهي - ماهر فايز

ترانيم فاديا بزي - ماهر فايز -  عمرى مادقت سعادة فقلبى - HD ) Hymn )

بابا يا ابو المراحم _ماهر فايز

يا من تميتني عني وفيك تحييني - ماهر فايز

امتلي تسليم لمشورتك-لا بنتهي ولا بتنتهي -ماهر فايز

رافع راية بالأناشيد

تسجيل حىّ من حفلات أحسبها صح 2014

كلمات وألحان : ماهر فايز
أداء صوتى وموسيقى : فريق الكاروز بقيادة الأخ ماهر فايز

بَ اعرف أقول انك موجود
لما بَ اعدي الحرف القاتل
واسْبَح فيك وانا حاضن عود
كما لو إن اللحن تَقَابُل

أسرع مما يظن البعض
إن كلام الناس موصوف
مع إنه موضوع للبعد
أمّا القرب ده روح بتشوف

بَ اعرف أعبَّر بالنغمات
وَاسْمَع وأسَمَّع في الدم
طاير فوق حرف وكلمات
أصل النغمة دي لغتي الأم

أسرع مما يظن البعض....الخ

بَ اعرف احَبِّب فيك الناس
لمَّا أهيم علشان محبوب
واعزف حب لابس إخلاص
يتجسد لهم المكتوب.

أسرع مما يظن البعض...الخ  

Ba3raf A2ol "LIve"باعرف اقول ...ماهر فايز

من خلوة خدام فريق الكـــاروز بقيادة الأخ ماهر فايز

بعنوان  ( إيليا الواقف أمام الرب

ماتقولهاش
كلمات وألحان : ماهر فايز

ما تقولهاش تاني يا ابني      مش ه تموت
مش مقبول طلبك مني        مش ه تموت

+ عارف قلبك شايفه كويس      مش متفاجىء بكسور فيك  + 
  أنا مختارك أيوه بضعفك        ومحبتي مش واقفه عليك
الناس تنسى الحلو عشان           مرة غلطت، تمرر فيك
وانا ما انساش كاس الميه          ولا دمعه صليتها عنيك

+ ريح قلبك وارخ إيديك            اسند راسك عند أبيك + 
كل دلوقت ونام يا إيليا              واطمن..متمسك بيك
إيمانك بيّ وقف بيك               زي أسد وزئيري ماليك
كون إيمانك بيك كان ناقص       ده غالي في عنيّ وليك

مش طايق حد من الناس؟       آدي ملايكه هاتخدم فيك +
والعمر الجاي لِسَّه أنا عايزك         تخدم وتزود أوانيك
عايز منك كده كام روح خارجين    بالمسحة اللي عليك
وانت هاتصعد حي ف موكب      ملكي سماوي لما اناديك

Mat2olhash Tany "Live" ماتقولهاش ... الأخ ماهر فايز

جاي بذبيحة حمد - ماهر فايز

ق: + آدم..أين انت؟
شايف نفسك عريان
وانا شايفك لسه إبن
خايف ومافيش أمان
وناسي إن لك حضن
___________________________
1-
شفت ف نفسك إله
يفصل في (الخير والشر)
تصنع وحدك حياة
فَ دفنت نفسك يا حُرّ
اخترت لك الحياة
وخَيّرتك تبقى حي
رحت اخترت اتجاه
ما اختارش فيه أي شيّ

2-
أوجدت فيك احتياج:
”لا تكمل إلا بي“
وقربي هو السياج
لوجودك من حبي
تركيزك على امتلاك
ذاتك بدوني هلاك
ونسيت ان الحياة
هي: ”منحة اني معاك“

3-
قطفت من غيري ليه؟
قطعت نفسك فَ متّ !
والغصن من غيري إيه؟
غير صورة يابسة..ف خفت
والخوف خلاك تعيش
في البعد عني كعبد
لو كنت رافضك ما اجيش
و(الستر) ف يدّي (رَدّ)

4-
مرايتك أنت دي غاشة
و ف عريك أنت تحط
رتوش إنما هاشّة
تسقط لأنك سقطت
(محدود) أنت وعجيب
ف رفضك أي (حَدّ)
مع إن وجهي قريب
لك..وانت فيه (لا تُحَدّ)

آدم أين أنت ؟‬ - ماهر فايز

قابل بكل الرضا دنيتى #ماهر فايز

قابل بكل الرضا دنيتى #ماهر فايز #حركه الكاروز

مزمور 118- احمد الرب لانه صالح  ماهر فايز

ترنيمة جديدة من اجتماع السبت بكنيسة الله بشبرا الموافق يوم 07-05-2016 
الأخ ماهر فايز وفريق الكاروز

ضفروا الكلام بآيات الإنجيل. قولوا الرب قام عيدوا بترتيل

١- اتولدنا تاني لرجاء حي لما أباد الموت؛ وقلنا: يسوع حي
٢- المولود من آدم حتما هايشوف الموت. لكن الأحياء عايشين جوه الملكوت.
٣- كان الموت عقوبة حولهالنا المصلوب. ياهنياله وطوبى للي قام في المحبوب.
٤- عقوبات الله لا' يرفعها غير الله. شالها عنا يسوع علشان نحيا معاه
٥- قضى على الموت وأنار لنا الحياة ونور الخلود ببشارته المفرحة
٦- واللي مات معاه قال: "فأحيا لا أنا. بل يسوع حبيبي هو يحيا فيا"
٧- من أجل خطايانا مات يسوع البار. وقام ليعطينا حياة الأبرار.
٨- شكرًا لك يا أبانا قومتنا معاه. وأجلستنا في السماويات وياه.
٩- ياللا نقول بإيمان: " إن كنّا متنا معاه. فلا نحيا إلا حياة مربوطة معاه"
١٠ - من لنا في السماء غير المسيح يسوع. وهنا عالأرض لو لينا غيره نضيع.
١١ - اطلبوا ما فوق ياللي قمتم معاه. مكان ما الرب جالس عن يمين الله.
١٢ - واللي مات معاه حياته مُخفاه . في المسيح في الله يا عزُه يا هناه

maher fayez

el mohager