الموسيقى في الباكغراوند مسروقة 🙂 

انتاج : illadib 
https://instagram.com/illadib?igshid=1fm192xtdwtmr

مكس و ماستر: الشلش
https://instagram.com/shalash_or_chalch?igshid=h0b8m7wxtifa

الكلمات :
بعرف انه اكتئاب كل ما تكتر سطوري
راضي عن كل شي حالي وقتي و وصولي
ملتزم بصفي عارف رح يجي دوري
من و انا صغير مفتح امي يتناديني جوري 
الدنيا عم تعاندني شكلي جيت عليها
منخفضة احتمالات النجاة بصوتي جيت عليها 
بتمي زهقت المرار ف عم جرب حليها 
بعترف بالمشاكل لاقدر جيب حل ليها
قارئ الف مكتبة براسي ميت جريدة
بحسني يوزرسيف بحاجة لغة جديدة
بركي بتكفيني لكسر كل شي بحاول تقيدي
عم حارب حتى يضل فيني البقاء غريزة
او استعملها بشكل تاني تكفيني لعبر
شو حاجة يلي راضي بانه يجرب يغير ؟
فاقد نعمة النسيان عم لاقيني متذكر
ما بفكر اني حب و بحب اني بفكر

ببحر لراحة البال غيري بيغرق بالسكينة
الضجة من شباكي بتكسر هدوء المدينة(x2) 

لو ما الكل شرا يمكن كانوا خلصوا البياعين
لو ما القلم اله جرة كان مافي مرفَعين 
لو مافي الخط الحلو كان مافي معتقلين 
او ما كنا برا و فكرونا مرفهين 
بطلنا نستكين نحنا بحالنا منستعين 
عشنا ياما و شافنا لبطل فينا ثابتين 
صافنين و الدنيا بتاخد فينا
مافي بحرية للريس غرقنا و مافي مينا
مين يودينا على حكايا تحكينا
من ريحة الحارة لريحة الكينا
ياريتنا ضلينا ع كل طريق غنينا 
حاج ننباع برخيص صرنا ال يا حسرة علينا 
بس الامل مو جود نرجع نلملم اشلاء
بضيع مفاتيحي بس بتذكر الاسماء
رفقاتي يلي كانوا و راحو تحت اعماق 
فيك تقتل الوجوه بس مافيك تبطل تشتاق 


ادراك
2021

02- جوري/jory (انتاج illadib)

ناصردين الطفّار - ناي 
انتاج موسيقي : جواد نوفل "مونما
مشاركة صوتية "مقدمّة الأخبار" دانا مهاجر
تصميم الصورة : محمد السعودي



حققت قواتنا الباسلة انجازاً نوعياً جديداً في مستعمرة حمص ، حيث تمّ القضاء على الطفلة ناي ، بعد معركة شرسة امتدّت حتّى صباح اليوم الجمعة .. مزيد من التفاصيل من ساحة المعركة مع مراسلنا المأجور تضليل اعلامي ، تضليل ... تضليل

بحمص خلقت ناي من الطفولة ارهابية
منّا طفلة زغيرة هاي مندسّة قطريّة
مش عم تبكي لأ بدها قوّة دولية لتعلّما الحكي يعني الكذب
- بالمختصر -
مش سوريّة ناي هويّتها مزوّرة
بوها اسرائيلي مسقط راسا انقرة
اللهاية اللي بتمها مغطّسة ببترول
يوم الخلقت ورتّوها بالعراق حقول
صح شكلا بنت لكن هيي مخرّب
هيي و عم تدبدب للقاعدة بتقرّب
زغيرة بعدا يعني الله مدري شوّي
و مع هيك يخي تأكّد انّو ناي طائفيّة ..

اعزائنا المستمعين نعتذر عن عدم الدقّة في ما ورد في المقطع الأوّل فهو يندرج في اطار غسيل الدماغ الذي يمارسه اعلامنا العربيّ دوماً لتحويل الضحيّة الى وحش كاسر .. ناصردين ، الهواء لك .

بحمص خلقت ناي من الطفولة يتّموها
قتلو أبوها جنود شكّوا انّو حرّ
اني حرّة اوّل كلمة ناي نطقتها
كتبتها عكرتونة هيلكوبتر حرقتها
لعبتها سمّتها حطّين
و فستانا بعلم فلسطين
قتل خوها الأسد قتل اختا التكفير
و راحت ناي بين جرين حريّة و تحرير
حلمت تكبر و تصير محامية لامعة
طحن حلما جنازير دبابة ممانعة
كل الدني يخي اتفقّت عناي
كلّو نهش لحما دمّا ارخص من الماي
توحّد سيف الحاكم و الكافر عرقبتها
خبّت ثورتها بالقصير دفنتها

كان هذا كلّ شيء حتّى الساعة..نشكر لكم حسن المتابعة و الى اللقاء

Naserdayn L Touffar - Nay (PROD. MUNMA)

Photo by: Caroline Tabet

تحت
أيام بترك حالي تحت
بعرف كيف بطلع عقلي بس ما بكون ارتحت
تحت فتحت للضباب باب للجليد سرداب
مش اكتئاب قفز مظلي وفوق راسي كتاب
سميها التهاب دوري لغدة الروح
لما عدة الصلاة إنك تعدد جروح
بكتب عالحيط: انتبه، إن الأشياء أقرب مما تبدو في المرآة
رماديات شفق، حساسيات عبق، تجليات ورق
قلب زحط عالمعدة من كتر ما العصب خفق
حفر بالعضم نفق واصل جلدي بالفراغ رائد فضاء
بالكون الداخلي معلق برسن براق إسراء
إصرار عالإبصار جفن جبين ومسمار
تجميع أثر نواة بعد مسار إنشطار
سالب وموجب وللفصل إعصار
فجر طاقة بعدها النشاط صار بخار

يا صاحب الألوان اتركني بالرمادي هادي
من رمادي بادي سكة اشتعال الإعتيادي

تسكين أول حرف كالمغاربة
تكوين هامش بعد عن قوالبي
قواربي احرقها مرحلياً، فيه صمت تحت المي والقاع مش مبين
والسطح بدم مزين بدون هدف معين
سيان بين ريان وغيان
وشتان بين الهدوء ببالي والروحاني الإنعزالي
قالت إلهة الصمت الحب بصوت خلخالي
عالرنة ياللي بتبقى رغم الصمت اتكالي
بالعتمة بتبقى هالة
من برا أي حالة برجع بتعرف عحالي
والدولة والعيلة والمجتمع والدين
كانوا عصدري قاعدين قبل ما تشرحه سورة
تركت المؤسسات قبل ما يخترق سورها السما
يبتلع وهمها الحلم ومن زماني انحرم
مش سحر شرم برم
بل توجيه أعصاب: ياللي بتعمله بيعملك، ياللي بتملكه بيملكك
وكل جزء منك بيتمسى بيتسمم
بين صفاتي بتسلل وبتعلم اتحمل
ضغط الظروف المحيطة بدرع الحياة البسيطة
لحد ما يتجلى: فكرة بتستاهل كلمة، كلمة بتستاهل عقل
فيه راب أفكار وفيه راب جمل
ما برش أمل عجرح ما اندمل
فتش عالدوا، بعصر الهوا وبرده ألف مقصورة قبل ما انكوى
مندس بلون باطون تما انشاف بعيون
ايام بشبه ركام غزة حتى قوم
لا شؤم بوم ولا هلوسات هدهد
لا لهفة كلب ولا قوقعات قنفد
كل الروس الحمرا هيدي بكرا بترجع تبرد
فمش رح ينفع تركض
بلش من قبل، أسس من تحت
تحت، أيام بترك حالي تحت

يا صاحب الألون اتركني بالرمادي هادي
من رمادي بادي سكة اشتعال الاعتيادي
.....

تسفيه مش ترفيه
تسخيف وتتفيه، يا بيطفيك يا بتطفيه
لو تعرف بس حشيشك شو بينحط فيه وسألت مين المستفيد
مينا استشهد بماسبيرو، سم ممنوع المس فيه بس فيق
بغطي إعلان البيرة بشوف المش بصفي
وبصفيه، كونه أراؤه بتصفي محصورة بالبار والإفطار
وبحرض شعبي المؤمن هو اللي عليه بيكفي
يا ريت تجيبه ليلى، بركي بتقرالي كفي، عوجها
هي مجرد قجة حولها حية ملتفة
تنبؤات لتغفي، 
ولو بكرا مكتوب ما بدي ياه عرفي
إغراق بالمشهد والحرق ما بيدفي
تشتيت للمخ ورا التشبيك متخفي
تشتيت نضالك، تقطيع أوصالك
متل قطاع وضفة
ترويض شهواتك فاخترعولك عفة
تتشوفي الكون من قفة
وتقفي معاني القصيدة
شعرك كله تصيري تقفي
عوزن مألوف، هيدا عوزنا المعروف
حفل اغتصاب بزفة
والأعمى داير دفة 
والدواجن مصتفة، والكاس عميدور كل دجاجة تاخد شفة
حتى ما يصيهم هلق لما نوصل عالحفة
وانت حامل سطح مراية ونازل عم تحف فيه
في موقف فوق مجازر شاغر يالله قرب صف فيه
طيب والجريح؟ ادعيله الله بيشفيه
وشفلي العريفي كام عار فيه؟
مش عاجبك طب شرفي
ناقشي وما تحرفي
اللي بقوله أنا حر فيه 
وعرفي كل يوم من أهدافي عالواقع جيب غرفة
فما تحطني بدرفة تمني تلاقي صرفة
والسؤال المطروح ما تضطر تقر فيه
هروب كاسة شاي من رشة قرفة




الراس و مونما - تحت/شاي بيقرفيه

من موقع مذنب بحكي معك كوني جبتك الأناني أني طمعت إسمع كلمة يبي بتم بيكاغي
هيدا البيت مو لإلنا فما تبقى فيه
بوك العتّال خرّيج ما تخجل فيه
بمدرستك اصحى توقف عالنشيد الوطني المسروق بعصن و غنّي بطل الريف
أوّل قبض جيب كتاب التاني فرد يبي، أتخن منطق قدّام دكّة فرد غبي
إصحى تصدق البقلّك العدوّ بس إسرائيل منّا دولة بكلّ واحد إسرائيل
إذا الظالم إبن عمّك كون للغريب سند كوني بشوف حالي فيك إنت ناصر
جيب مال يبي بس حتى تصرفه، تعرّف عالغني يبي بس حتى تسرقه
إصحى تعطي ضهرك للي خلق بتمو الدهب بالكيماوي علفو و إنت نضيف إبن الأرض ضل
و البيشوف بعين وحدة شوفه بالخمسين و اللي بيرفع صوته عليك خرسه ليوم الدين
إبن الدولة إبن كلب لحتى يثبت العكس
كل مظلومة أمك أختك مو بس بالهوية العرض .. يبي

أمك ما عملتك بس قبلك عملت بوك تعلم منها تشوف بلا عيون تعلم كيف بكلمة فيك تهد السور كيف بشعرة تتهدى وتطوف كيف الخوف تعوف كيف تخلي الصفر الوف
مين قال يبي اول مرة ووين كان؟
قبل ما تصير عنا هون بوك مين كان؟
كل حزب مقبرة للفكر لا تنتسب
كل نايب مدعسة للإجر لا تنتخب
و الفينيقي اصله لما تشوفه قلّه أصلي محمد درة فصلي خالد أكر جدي احمد قصير
خاطر متل ابن خاطر يبي عمرك قصير
كل ما يقسى الدرب دخّن و طير
يبي

لا تمسح صبابيط حى توصل، قص اجرين
ابن العين ما في عنده بس عينتين، اتنين
بين الأمر والنصيحة نقي
اشتغل حتى تربح لا يشنقك معاش شهري
يا بتكون تور من اولتك يا بتنطح عبكير هون اسطبل بقر يبي ما في كبير
تعلم تكره اللي بيكرهك، اللي عل يمين بيضربك
ضيعو بين كفوف اليسار واليمين
يبي .


الأغنية صدرت ضمن ميكستايب "كلاسلكي"، إنتاج أخوك الوتر
2015 - ناصردين الطفّار

يبي - بو ناصر الطفّار - موسيقى وتر

خير الشغب . ناصردين الطفّار و السيّدر درويش
إنتاج : Hello Psychaleppo
تسجيل  الرّاس - 2015
Artwork :Hello Psychaleppo

كلمات "خير الشغب" :

لا تنوشل أو تفتكر خبرية موت الملك كذب
مشّي الزجل لنحتفل نترقوَص عنشيد الحزب
بكي من فرح، كلبك سرح، نام بفلا مات الذئب
صار فيك تقول مات أخي، الناضل عالدرب و ما ضلّ
فيك تبادر تنتخي، الضالل للأبد ما ضلّ
فيك تلبّق ألوانك صار فيك تفرجينا سنانك
فيك تقول أني إلى أني معي أني مني فدا صرماية حدا
بطّلت الكلمة تربطا، فيك الجزمة ترفضا
فيك تقول أني مع أني ضدّ و يلعن كلّ شي و كل حدا
ناطر هالتراك من سنين، دروبش و ناصر دين، عموسيقى مريضة نزفّ الخبر لحلب و حمص و العين

ثورة على النفس
بس الذليل إذا أكل الشمس بيضلّ تايه
حيّ على الشعب
حيّ على خير الشغب
بآية عالغضب
الحق شرق على شعر البلد اللي فرد
على صرخة ما في للأبد
حيّ على النّاس
مدد
ثورة على النفس
بس الذليل إذا أكل الشمس بيضلّ تايه
حيّ على الشعب
حيّ على خير الشغب
بآية عالغضب
الحق شرق على شعر البلد اللي فرد
على صرخة ما في للأبد
حيّ على النّاس
مدد مدد مدد مدد.

خير الشغب - بو ناصر الطفّار و الدرويش Prod. Hello Psychaleppo

7ashlo Yah - Latlateh  حشلو ياه - لتلته

Prod. El Rass

حم 2017

"يا راحلاً وجميل الصبر يتبعه 
هل من سبيل إلى لقياك يتفق" 

قد ما فيه اشباح بالذاكرة ضاقت حارة الاحياء
قد ما داق القلب فراق بقضي وقتي عم اشتاق
 ولا وجه بنساه ورا فكرة بُعد بنساق باستاء
بيقرص بطني بهرب عبستان سري
حامل مفاتيحه عابس ليه؟
حبيبك عار دماغك تلافيفه 
حابس ليه خيالك بكوابيسه؟
ما بجرب انساه، لا
بفتحله قلبي أبد والقلب عيلة مفرطعة بتلتم لضيوفها
بتتعالى عظروفها
صلة الرحم ونواميسه
سأله الشاعر شو معيار الشوق
قال بريختر بنقيسه
لما بعيدك يزلزل قريبك

هيدا عتابي عحالي مانه عتابي عحدا
هني قالوا لا تقرب وانا مصمم آخذها
هيدا عتابي عحالي مانه عتابي عحدا
هني قالوا لا تقرب ماني تابع لحدا

فعملت متل اليابان عمرت بنايات علاقة
بتتمايل ما بتنهدّ بهزة
احمي السكان من الشوق 
وامنع الخوف يدفعني للهجران 
ومن كتر تقل الحب يرجعني عالعزلة
صرت استبدل وحدتي بعشرة الاشباح
كله حروب الجسم فبنسلم عالارواح
رحنا اخترعنا كلمات واقع معناها مش متاح
فبنحب الرايح رايح تنحافظ عالمفتاح للخيال
بعرف لمين حنيني
أسماء ترددات رنيني
لا مش مؤسسة الحب ديني يعني الملقى ما بيكفيني
محبتكم عهد والفرقة ما بتعفيني

الراس - أشتاق

لاجئ و يعيد
كلمات و أداء : ابن حواري
إنتاج : الراس
ضبط صوتي : الراس
من آلبوم تراكم | خروج إلى الداخل
2017
الكلمات :


شفتك مشيتي و قلبي لسا واقف شايفك
بقلبي رغيف خبز و شفافك لقمة بايتة
 مخبي نبضة بتطلع مع آخر برميل
كبتنا مكة خيتا حوتنا برلين 
بحسك نسيتي بإيديكي المجازر أساور
صرت أغير لهجاتي حتى الحواجز أناور
كنت أخاف أفقد ملامحي , و ما يعرفني أبوي
لما أطلع أشوف وجهه أرجع أموت
أيا تابوت بيسع حلمي بأني أصل لقبره   
أديش فيكي تكوني دافية وأديش فيني لسا أبرد 
كل الماتوا حلق بأدنيكي حطيون
كل يلي بقيوا بدم يلي ماتوا انقعيون  
نمتي منيح  فتحتي عيونك على جروحنا
فقنا ببلاد تانية فكرنا الهجر عالج روحنا
أنت كذبة كبيرة إلا لما تكوني نحنا
و نحنا منبقى نحنا وين ما رحنا
إلي فيكي أهل ما بدي منك زينة
و أول ما أرجع رح أحرق فيني الياسمينة
أنت الآس دينك صار الآس دينك 
بجرب لمك لقلبي بتخطفك إيدين القاسمينك
ضعت جواتك بحر و قلبي مرسى
كل مرة بلاقيكي فيني برجعي فيكي بغرق
بدور ع حالي وين 
بتطلع على أصابعي بلاحظ الشوارع عم ترتب حالها بيني و بين 
الحارات يلي عم تهدد حالها بإنو تبقى 
بلاقيني بحيطان هدت حالها حتى تبقى 
ليكي حتى لما عريتي ولبستيني انا نقصتك
يما حارتي هي مشاعر متل الكعبة انهدت
كل الحدود مبارح شفتها وقعت على شكلها
سياج عالي من الأضافر عم يحك بضهر الملجأ
و لسا ما نشفت ملامحك بس بكل أيلول بتضعف
روح أسأل خصر البلد ليش ع هزنا كتير استدمى
أنا عجقتها كتير تبقى ذكر المطارح تبقى
ع جنبها بقيت ابن وحيط و تختي مسند ضهرها 
عجبتها هيك , قالت يعني ك سما ما بتوقع
و إذا أكلني الموت من ملامحها يلي بوجهي بصحى
أنا عجقتها كتير تبقى ذكر المطارح تبقى
ع جنبها بقيت ابن وحيط و تختي مسند ضهرها 
عجبتها هيك , قالت يعني ك سما ما بتوقع
و إذا أكلني الموت من ملامحها يلي بوجهي بصحى
بشيل عني همي على كتافي ناتع ولد
نادى أمه قلها بحبك قالتله حبك بلد
بكره الموت يلي حب خالد أكر
بس بتذكر أديش كنت حب أديش خالد قتل
بحب أسرق منك صورة ومن الحكومة كهربا
بحب وجوه الناس طقوس و زخة المطر بكرهها
رح شوفك بكرة ها ! جيبي معك مقروطة
بحب الحلو بس تضحكي و بكره يلي قتل الغوطة
بحب كيف كنا نخبي كل حديث بأضيق حارة 
و بكره كيف الزنازين ضيقة متل الحارة
أنا ماسك  قبلة خدين , بصلي عالقلب مرتين
كل ما يقولوا لك هرب , قولي صارت العودة حقين

05. لاجئ و يعيد | إنتاج الراس

Prod. by @el-rass-the-head

كلمات:
@al-darwish-963
قال إني معكم
قال ترصّدوا.
فلت الحبل وقال تمسّكوا
تركوا الحبل تنسّكوا
فالمشكلة مو بالخط، بل بأحاديته، وكمان في مشكلة تكمن بفعله بالزبط.. مو بنيته.
بيخاطبونا من منابر الديموقراطية.. بيموتوا بالفيتو
مع الراس يفكّركم لو نسيتوا، لما تشتلوا عن الأصول الأصلي بيحرّك حجار الأصل، من بعد الاسطبل لقبل رأسماليته..
موقف زمني فمحتاج اكتر من حلقة لنشرحه أو نخوص بدراميته..
فمنشوكم برمضان الجاي
ومنأجل الحديث لبعد التحلاي
حول نكسبك عكاسة شاي
أو نخسرك لأنك من جماعة اللي راح راح واللي جاي جاي
نحنا بالخطوة ثابتين فلما اتعب بوصل لساني برجليّ
بشد الكآبة عالفيّ..
ما بعاديك لما اعديك وما بهجيك لما أرثيك
صاروا الشركا زيادة ونقصنا شريك.

@el-rass-the-head
لما تناموا بنفيق بنعلي بنطير وبنجرح وبنمرح
لما تلونوا الوجوه بنجرب نتعرى ونجاهر بوحوشنا عالمسرح
لما يغمض عينيه بنسلحب وراه وبنهرب سعادة من مطرح لمطرح بمطرة
حواش قبل ما تطرح، اجمع قبل يطرح كسور
حطوا خفاش عجيوش العرب نزلوا النسور
ربك رؤوف شيلوا الشهادة خلوا السيوف
حطوا ميم ماكدو خلوا علم اميركا يزيد نجوم
طلع انين الناي بيفنى بس البايس بيدوم
آخر واحد بيلم أول واحد بيلوم
ملفوف بضباب مفكرهم الغيوم
من الطبيعة بستعير تما انكت جرح المدينة
ياللي احترقت بالحشيش وشربتها ببلعة القنينة
قديمة تنييمة الفعل بتنغيمة عالعبث والحزن
بتمجيدة الجهل والفشل والبؤس والناس العم تموت وانت عايش
والناس عم تخون وانت قاعد، والنار العم تنوس وانت بارد منذ الازل
يائس تاجر أمل، زرع شوكي حصد شلل
عاش المعنى الواحد إذا تسطيح البدل
إذا الالوان كلها مسروقة تحيا البدل
مش مستعلم عن موضوعك مات الجدل
بيهجوا العلم بثقة خاصة بضعف العلل
كان فيه غزل بالجاهلية صار للجهالة الغزل
اجل

@yazenalasli
ساردين عل ايكوتريب نفاق ع حساب الكاركترستيك
لهيك الأصلي، و ينصهروا امسيز بلاستيك
بيتهجّى الكلمة بتئتئ بحروفي بتكتك
تعطيه ايقاع ليتف بتلاقيه ع اول كيك بحكحك
برا نَيّك ،انا مسخ حفيد صعاليك
حرف حقيقي يضحكك ولا عشرة بكتاب يبكيك
مثبط ليأجل هجرة مش عل موت راح فيك
و قبل ما تعد للعشرة فكر بالخازوق ، جاييك
وين و كيف ما رحت مكان الارض بديل
بس الدليل ممكن تلاقيه بتخت
بنحت حاصل ضرب لاجئين ببعض
الناتج مزيد من القهر مش مزيل لنتائج سِلم حرب سرقة و نهب
القائل مثلك كلب لجموه و كل ما زاد سكوته رجموه
بعلاقة طردية بزيد جموح بالتالي لسانه عكف عن البوح
الصوت مش كافي و قد ما كان المعدن قاسي 
القادر على خرقه روح
العجز معجزة 
لغز مش مسألة
الفطرة أصل
اختصار للتجربة

#مسوخ
حم 2017

الدرويش | الراس | الأصلي - زمن المسخ

Mixing and mastering by El Rass

Artwork by Hakeem Youssef:

https://www.behance.net/hakimbehanec31

Follow Morale.mxtp

@morale-mxtp

https://www.instagram.com/steev_abidov/?hl=fr

Follow Haykal:

@haykalonol

كلمات:

الراس:

ما بعمرن حبونا
ما بعمرن شافونا غير خاتم باصبع
بنرفعلن الاصبع
لعيونن رح نلمع
لعيونن رح نرفع اخواتتنا لنفوق
واحيانا بيشدوا اخلاقنا لتحت
وراكن وراكن بالقوة بالذوق
ح نخلع الباب ح ناكل عالتخت
بطل جديد بالمدينة متل سوبرمان عنده شخصيتان
بشمس الارباح اهداف نبيلة بتشوفه ما بتعرفه بالليل
شيل وجه البزنس حط وجه البزنس
واحد اتنان
 شيل وجه البزنس حط وجه البزنس
واحد اتنان
تأهب
ايده بجيب الثورة وراسه بحلم الاميركان
بس لا انت قطر حبي ولا نحن الطالبان
بننلام عحديتنا لأن بنفضل الكتمان
مهووسين هني بصورتهم نحن بنطبخ الالوان
بيشوفونا خيول أصيلة تيراهنوا علينا بسباق
نحن مسوخها للمدينة ما بتروضنا اضواء ما بتمتلكنا اسماء
نحن اسود بابل انت اسود اسماء
ضباع ازمات بدنا غير قسمات القص شاخ
بقلب الطاولة الدق باخ/اهم شي باستديو الوصلات/ولهيك انتو عدم فص داب
في جديد بايخ متل خبر عاجل انه الحص مات/بدنا نحشر الواطي وننظف المشهد بايس تراب
فاك زات ان قلت ايه وان قلت لا رح يحكي حكاية بريق زيت/


هيكل:

أنا معصب لالله
فيي كثير طاقة، بخصّب الذرة
بدلُقها كلها، ليش قصّت؟ هاي غلطة
مانعيني اتنفس، دهم نسِّق الصرخة
كل هاي العروض هي بس وصف للخطر
تف شيفرة تقلق توصّل الأرق
نفّض هِزّ كل جسمك، قصف المرض
قولوه بس أكون خلصت هاي صلّى

El Rass x Haykal - 6a77ana (Prod. Morale Mxtp)

سايفر فلسطين الداخل والشتات
Through The Wall Cypher - من خلال الجدار سايفر
----------------
عمل قديم يضم 11 رابر فلسطيني كان مفروض يتصور ووقف بسبب بعض الظروف من انتاج
@albitar
----------------
الرابرز بالترتيب وعلى التوالي
عامر الطاهر - المختار
@ameraltaher

اسلوب - كتيبة 5
@osloob1

فوضى -منعم عوض
@monemawadfawda

بيغ سام - سامر صوان
@bigsam-official

مقدسي - فادي الطويل
@maqdesi

شعراب
@she3rap

دوديكس
@ohjeya

امجد ايه كي
@amjaadak

الباز - ابراهيم عودة
@illpaz

الشيفرة
@elsheefraa

تيسير عودة
@booster-beats

Through The Wall Cypher -   من خلال الجدار سايفر(Prod.bitar)

((Dailak | داعيلك))



Music production : NAST
https://www.facebook.com/PanosNast


mix/master : abu ali
https://www.facebook.com/Paratroop


Rec: Popayedi. P.M Studio
https://www.facebook.com/popay.edi

Dailak | داعيلك

هيْكل - تطريز 

Haykal:
https://www.instagram.com/haykalhon
https://www.facebook.com/haykalonol

Produced By: RAMI
Mixing And Mastering: Ghassan Sawalhi
https://www.instagram.com/dbrealmsproduction/
Artwork By: Ruanne Abou-Rahme and Basel Abbas
https://www.instagram.com/ruanne.ar/
https://www.instagram.com/basel.abb/

الكلمات:

يا لل.. 
هول على ما انا قادر 
هوني عالباب انا ناطر دوري فدوري على حدا تاني اله خاطر 
انسيكي مني انا يع
سيكاديلي بلا بعل 
سيبي زندي انا مع مش ضد بس مش زابطين زي ما شايفة مش شان متحفّظ او اي اشي هيك
اي اشي هيك
مش طايق مش خايف او اي اشي هيك
مش وايض مصايب او اي اشي هيك
لا مايلي ولا سايرس  أو أي اشي هيك
او بجوز بدي اي اشي هيك
طاير او حايص او اي اشي هيك
راسي ده بايظ و هيني شو بيك؟
هيني شو بيك و جاي هون لقول لك

كسر الارض
كسر الارض
نطنط ديناصور بزّر الارض 
فضفض زينا صوت هزهز الارض
قرب زي الشرطة كزدر في العرض
عصّب كإنك وقعت نظارتك
حتى لونّك ما عندكش نظارة 
حط حالك محل العنده وحدة وقّعها و صيّح وين النظارة
 كسر الارض كسر الارض ارض
خزق الارض خزق الارض ارض
كسر الارض خزِّق الأرض نفّس الشّر
هزّة توصل تنرفز الشط
و الجبل و الغور
كلام ده حلو ده جغل و تور
خلفية غريبة لشغب و خوف
تطريز شجن التوب
انا الوعي اللي اختار يفلت وقت ما بده
هوية ضفة تستبدّه
اذا حدا من غزة سمعني بتغنوج يا اما حيضحك يا اما حيكفر
عمو جندي قنبلتك ريحتها بتقتل
بس بتغطيش على ريحة خوفك، لأ والله لأ ولا نتفو 
المهم هون

مايك فايدي صافن فعينيكي عالمنصة ضايع فيكي
ضايل تيجي معي نلعب باي و تراي و اغنيتي
كان تمويه ياباني صيني لما قلت لهديك باي انسيكي مني انا مش يع 
انا تع بورد تع
شد باراغيك ما تشتّ، شد تراتيل باشر، جئت يا لطيف فاجئ
جبت براكين حاجز، جبت خراريف لا شيء، شطنرج ميت شاعر
سؤال
السهرة مقبولة بتضل طول الليل بس الحفلة بتتسكر، ليش ؟
"السهرة عادات بس الحفلة سفالة، فالتفة ببتتصدر، ايش"؟
العناوين اقرأ: هيكل يصرّح بزفّة في المخفر، جيش
عفوي بصرخ: "الوضع خرا، قد ما تحاول تزخرف المنظر اف"
شتا في الحلم فش معطف
أسرار في الفيلم فش تعرف، فش
تشويق لبيع الاجزاء الجاي 
ببيعوا أعضاء الشهداء ازاي؟
ذنب بيطفيلي ابتسامة ناي
يا رب يمرقونا هيك صرنا نقول، التطينا بما يكفي لنهاب مراي 
يلعن السجن و كاسة الشاي

Tatreez

Written & Performed by: Nasser Sallam @sallamnaser
Produced, Mixed & Mastered by: Wardenclyph @wardenclyph
Artwork by: Occupied Shatha - @shatha-safi - instagram.com/occupiedshatha

Amma Baad

سلّام ناصر - سبيدران

عم زيح عن سطري 
عم زيح عن صدري 
عم كب عليكن كل ما تعبّى سطلى 
خليها تشتي خرا ,, خليها تشتي 
كيف اشرح للأبيض الفرق بيني و بين احمد مكّي 
هدّي تكّة
فلتانة وما خرج بكّل 
معصب ما خرج بكّس
مفلّس ما خرج تكّس 
مكرّز ما خرج نحكي 
عندي اربع حيطان طرشة 
و الحيط يللي عم يسمعني ليكو عليه متركّي 
جربت العب دور البطل بس ما زبطت 
جربت كون الثورجي و ما سقطت 
كل ما امسك الأمور عم تزبلط 
يا ريتو ذنبي هاد ذنب الدولة 
مين بعوض كل الجهد يللي بذلتو 
غير مجبور اعتذر على كل قانون كسرته 
راسي و حر فيه 
رغم كل العقد يللي ربيت فيني 
من مجتمع لعادات قررت الثورة ديني 

مين حكالكن مافينا نعمل ثورة بالموسيقى 
مين قنعكن بدولة بريئة
مافي ارض عشت فيها و كانت عادلة 
ما في دولة شفت فيها الحقيقة 

ضوضاء ضوضاء 
حكومة جحاش و جايين نروضها 
ماعاد بحاجة للنظام ان عم ياكلنا منخلق فوضى  	
سهل نغير دولة صعب الأرض نعوضا 
رح كون حر لما بقدر حط موسيقتي أولوية 
بلا ما يكون في وراق و دستور عم تتحكم فيي 
عم يسرقونا باسم النية
بعلمونا نعيش عكيفن و بيطرقونا المنية 
يللي بيعطوه باليمين ,عم ياخدو بالإيدتين 
دفعنا عمارناولسا عنا دين 
لسا عنا عين نقلعها للعمى 
أكلت كزا كم فلقمتن صعب ابلعها 
شو الحقوق يللي ملكناها ان عم نحاول نرجعها 
بقولو بلا عنف وحاطين السلاح بتمي 
بدل الف سياسي عالطريق ما ناطر حدا يدلني 
مصرياتكن ما حتزلني 
ما عاد اخضع للقانون لو اضطريت من عالطريق تلمني

Jundi Majhul - Fawda | جندي مجهول - فوضى

Written & performed by @sootgilgamesh
Produced, mixed & mastered by @jundimajhulwatar
Artwork by @7oari

الكلمات

ما في شي احدثك عنو 
بسال كيفك؟ انا كويس ماشي الحال 
هيو في الخزانة معلق قميصك
و على ايدي رابط منك خلخال 
بحسك محال ... شو هالفال ما؟
نكبر  احلامنا تركض قدامنا 
بعدك بلشت اصدق كارما
بقلها بديش انسى، بترد ما في شي كان
هان! عشوي بفتح دكان 
براسي ضابب الك مكان
 وقفي جنان
بكرهك لما تضلي عطول بالبال
و بكره اني اكره اعطيكي هالقد اهتمام!
بس سيبك هادا كلو كلام 
ولما كل شي يقلب سيئ بضل تمام
سيبك كان النا اشياء حلوة بالماضي 
 بهاي الدنيا ولا عمرو شي دام 
و يمكن الظاهر مش زي المخبى 
قلبي ولد شقي ما عرف يتربى 
بضل برغي و اكتب بلكي يتتزبط 
عبث في بحر هواكي قلب قرصان
شعرك ذهب .. راسك خربان
فش حل الك بالزبط زي لبنان
حبك بتعب.. فكرت اني نسيان 
طلعت ملبسك السما براسي فستان

درت بلاد الله ما لقيت مكان 
بعدني حاسس ببرد الشام 
الشوارع علمتني كيف احب 
بيتنا اعطاني اول درس بالهجران 

بدهم يانا وحوش.. ضليت انسان 
الحب نصري المتواضع عالسجان 
حكاها وليد ابو دقة في الزنزانة 
بعد ٢٥ سنة اعتقال بسجون الاحتلال
و هيني ثابت نفس الموال 
بغنيكي بعقلي عنفس المقام 
اتضلي بعيدة و انا اضل رحال 
تسعتلاف ميل بيناتنا وانا بعدني علقان

درت بلاد الله ما لقيت مكان 
بعدني حاسس ببرد الشام 
الشوارع علمتني كيف احب 
بيتنا اعطاني اول درس بالهجران

Ma L2et Mkan - ما لقيت مكان

هيدا راسي أيام بنطح الكوكب أيام بنطح صدر ماتيرازي

El Rass x Haykal - 6a77ana (Prod. Morale Mxtp)

الراس El Rass

Recent comments

Ghassan Alsheah

D8K

Ryan metalman

عُثْمان | Othman

Related tracks