احلى شي لما بكتشفلك اشيا بالصدفة ✌️

معو الحظ معي افكار ياعمري انا 🤍

واضرب عدوك بي ... انت الآن حر

Deek Al-haraa
, Rapping : Subbar
, Mixed by : Vito
Artwork by : Subbar

Lyrics : Subbar 
Verse#1
بعض بلاد عمّ تصير وهم 
ولادي عم تجوع  نازل صيد تحت
ناسِ عم بتموت  نازل صيد جحش
لا ما تاكل همي كل الفات ناحت فيني نحت 

قاعد لحالي ربي جاري 
صايم عن احلامي  
بركي هيك روحي بداري 
مين المرتاح غير ل صار فوق يا خالي 
كل ال راحوا جمرة بقلبي 
كل ما يدق تشعّل ناري 

وبغني هيك كل ما ديق عليك الجورة
وبغني عليك شغل الكلمة تمد جسورا
وبقلك صمتك 
زود موت  
فوت روس 
ربّى قاعدة ب طرطوس 
بحق اكلاتك سقى بذوراا

قلعة الخوف ب ضهرا كَنْ لَك أخوة ( ب ضهرا )
صرخة حرية تهد سوارا تردم فجوة 
وبعالي الصوت نوّر دربك حاجة عتمة
ديك الحارة 
رمّل جاره
يتم فقرا 
ربّ فتنه 
 
Chorus;*2
مات كتير مات كتير مات كتير 
جوا البيت عنا ديك فوق الجثث عم ب صيح
مات كتير مات كتير مات كتير 
عنا ديك بيسرق قمح بيحرق ارض بيردم بير 
مات كتير مات كتير بس ....

Verse#2
هربان من قاع شوه فيني ( هربااان)
محسوب ع فلاان ( هرماان) 
مدينة شلكّه هي السجن للسجان 
هي التعب للتعبان 
العدم للعدمان 
بس الحاكما بأمان
طب الحاكما دفيان (برداان)
حاكمك بالخوف 
جيوب كلابه عم طوف
أتاوات بدل موت بدل جيش 
صاروا جيوش 
حمل صفّى تقيل 
بطّل ضلك خايف 
بتنكر انك غايص 
ب دم اهليتك ايدك شايف
طيب  ضل عض ع لساني
طيب  ليش هيك ما بتحكي
شاطر تعقد دبكة بوقت البلد شي ببكي 
بِ وقت الجوع هتف حيّا عالكرامة 
هتفت للحرامي نفسه الباعك للإيراني
 شو بفِكرك جايب سلم ( فكرك) 
فكري تجبلك بلم 
دامه سلمه سلّم اهلك 
خلّ رغيفك حلم ( ايه ) 
واذا الأووف بسما جرودك 
مَواوييل تحي نفووس 
أووف الحر بسما جروده 
برامييل ترمي الرّووس 

Chorus #2 

‎مات كتير مات كتير 
‎جوا البيت عنا ديك فوق الجثث عم ب صيح
‎مات كتير مات كتير مات كتير 
‎عنا ديك بيسرق قمح بيحرق ارض بيردم بير 
‎مات كتير مات كتير بس ....

 يتخلله حوار مع المدينة Verse#3
هربان من قاع    
سمّي مدينه (سمّيه )
حيطانا ثكلى بتكره شكلاا هالحزينه 
بيوم حكتلي :
ما معي حق زينه 
ولادي هجروا
راحوا دشروا
عمر و خسروا 
لا ما نسيوا 
صورة وحش لزقة فيني 
كلن عافوا ديني 
انا الشحادة و اليتمة 
انا الصقاق انا المسكينة ايه
 
رد ؛ 
سكتي سكتي 
سكتي لا تبلفيني 
مفكره حالك بتزعليني 
لما بقصتك تعرفيني 
كلتي صغارك
بعتي الجارك 
كنتِ ب بحرك هيك ترشيني 
وكنتِ ب باحاتك شبر شبر .. بتزحفيني ( شبر شبر ) 
وبراسنا خيّم شبح عسكره 
ربينا هيك عالمسطره 
ماكلّه شافك حظ خراا
بالزّور الحب يا هل ترا 
ما فيلمك بدل وفي وحبك حاف
ب عرصا بدمّك عم يصطاف 
طب بربّك كيف بشوفك 
بتقولي ظروفك 
وعرقابنا سيوفك 
وان كنتِ بنت النّاس 
يا بنت النّاس بعوفك

حملت غراضي 
شو البلاني خدت حروفك
اجت اللحظة اركبت الباص 
شكلا آخر مرّه بدوسك 
شو ترددت بوسك 
شو اشتقت مكدوسك 
او لإشرب من ميّاتك 
بركي فيكي تحسّي بعوزك
ولا كنت تفكّر 
ولا كنت تشوف
ولا كنت تفكّر 
تترك بلدك عم بتموت 
حقّه الفلاح يوم يرتاح 
طرطوس 
انا المغروس بأرضك رووح 
حضرني الوحي فلازم بووح

لك انا المشتاااق يا خلق الله و ويلاااه

ديك الحارة - Deek Al-haraa

1.2.3 الفاتحة-The opener (Prod. by the Dubsnckr)

Produced by Muqata'a 
@boikutt

الكلمات:
مين بتمثل عمين بتمثل بتحصل لمين بتوصل بتحبك بتحبك عقياس مين بتفصل؟
بتتماهى بتقبض بتتنصل بتنساها بتتباهى انك كنت وراها وقت استشهدت
وهي وراك وانت حي عميل
وانا وراها وراك وراك والزمن طويل
والليل طويل فبوطوط والحيط رقيق فبوتوت 
عمالقة عمالقة
صناع القضية
عمالقة عمالقة
اسوار القضية
عمالقة عمالقة
اعداء القضية
انت مين؟
انا القضية
المجد للأقزام نحن القضية
بطريق بوطوط ما بطير برفرف
من ليلي بتلشق من صبحي بتأتئ
قال عم يتخانقوا مين بيبني بيتي احسن وهدموا بيتي بالطريق
الشرف ولا الرفاه؟ ايه لا تشرفنا بحضرته ولا ترفهنا بحضرتك
لايك للغريق كايك للغريق وتكون غلوتن فري. 
ربيع الحمية. شتا الجوع وصيف التخمة. ثورة الخريف.
رابط التغيير بامل. تطوير البصر لتقليد العمى. تم اندمل وانتمى بعجل.
خلي الجرح مفتوح طالما الرصاص انوجد وفر قطب حيك لهب. بندعس مرسومه لو موشوم بذهب. مقسوم العتب. بيكفي رسايل بلا عنوان لجمهور الغضب. بكون الغضب بكون الخطر. انا الخطر مش خطير كسليمان الامير. انا امة سميني الخليل. مؤمن بلا ب شكي الدليل. حامل بلا الارض حشد شرطة ومسيل براسي كعبة وفيل بيطير. بطل بالف وجه براسي ام الكتاب اخت ام الاساطير. قال اكتب بسيط للفقير. عندي كفر هالتفكير.متل التيتا برش قبرها زهر ليمون جديد
مع انها قديمة متل الشجر وحية رغم موتها كالضمير
مش عم بيع نموذج نجاح بمقابر ولا تذاكر سياحة زوارق انفاق ومعابر حجاب شفاف تجربة سؤال خاطر نصن براسن مخبرين براسي مخابر بيكتبه كانن مجبرين براسي مخافر لولاها كان فاض المدى وهربه اللي بالحرف مجرمين عمارة مخابئ
علوم تتوقع نهاية عوالمها شرطي يستبق ارتكابه لجريمته باخفاء ضحيته قوانين تتحذلق لتشريع سلطتها تتعلق بالهوا بعد شفير هوتها سمعني صوت شخير قوتنا وانا رح فيق
الذكريات بترجع عشواءيا بس ما في صدفة قال قماشة قال والخيط الما بنشوفه اسمه غيب والرقعة الما بنفهما فوق الفجوة الما بنرسمها اسمها روح...شششت عيب 
اسمه انعدام الرؤية ما اسمه اكتئاب
واللي حجب شطب مقطع من سورة الاحزاب
مدمن الولادة ومش عم افهم لغز حافز الانجاب والتكاثر الا بالهوية مش مجرد البقاء
 سوري منك داروين بس فينا نضلنا اصدقاء

الراس - وطوطة | إنتاج مقاطعة

Music by Munma.
From the upcoming album of El Rass "Kachf el Mahjoub" to be released in february 2012.
موسيقى مونما
من البوم الرأس "كشف المحجوب" الذي يصدر في شباط 2012
مبارح شفت بلمنام بيروت عمتغرق تحت رماد بركان
فحموا الناس بس ال"سكاي بار" كان بعده ولعان
بيروت ثبتت حبة الثورة اللي فينا نبتت
لما أحبطت نفوسنا من الجمود
فينا بيروت تحركت
عدمّ دمارنا وعدم حرية خيارنا
بيوت بيروت تعمّرت
سكرنا عجفاف دموعنا جفوننا عليها تسكرت فتخمرت
إذا بطلت تطير قدرك علأرض مقهور
إذا وقفت تكسير بتصير جزء من الديكور
بحاور بناور بالآخر بواجه التاج
بتوضى بصلي بتوصلني أصوات أنّات المحتاج
تأمل العلم بعرّي العمل من العمل
خياري عنار خفيفة دوب المسمار وتستوي الأفكار النظيفة
عمّروا دمروا زمروا تذمروا
ربك صبره دربه جربه
عقلن خربوا غربوا هربوا
وقبلوا بالفن عحيط الشارع
عشرط ما يكون في شك بشارع
هيدي مش عاصمة ثقافة هيدي حلبة المصارع
بيروت لا تعرف في الماضي ولا تعرب بالمضارع
تحول التركيبة خلى العقل الجامد فكّر حاله مالك المدينة
رقبته طويلة متل مالك الحزين وايده لوزيري
اعتبر نفسه أول مين اكتشف هلجزيرة
بأجر الفقير شقق بأسعار مدروسة
بشكل تضل طموحاته ممعوسة
نهبوا الأرض من ربعي وصارت الحرب شركة استثمار بمفعول رجعي
تحت شعار إعادة الإعمار
لو ما كان خلص دوره وانتهى عقد الايجار
كان الحريري ما طار وما صار مطار الحريري
عاصمة لبنان بتوازن بين ضريحين
واتنيناتن عاغتيالن في علامة استفهام
واحد قدّس الموت بس لسبب
واحد قدّس الحياة بس بالكذب
واحد بايدو تحّول الدهب سمّ
وواحد تخبّى من الدهب بالدم
مين الشهيد؟
اللي مات تحت صبابيط ثورة عبيد شهيد؟
اللي مات فتحول على حملة اعلانات هدفها ترفع الطايفة معدلات التجنيد؟
قنابل بالبريد وصل
سيوف علوريد حصل
الموت للبليد صنم
الصبر للعنيد حلم
تأليه الشهيد ظلم
خليط الحديد والدم، العلاج والسم،
الرفاه والهم، النوعية والكم
الدعارة وورقة التوت
بمدينة بيروت علم


بركان بيروت Borkan Beirut

جيمي في بلاد العرب
Prod. by Munma
When we take a break we rise the middle finger to orientalism, from Amman to Beirut.
شايفينك وله


الرأس والفرعي-است/شراك El Rass & El Far3i-E-stichrak

A tribute to the prophet Mahmoud Darwich,and to all those who besiege their siege with madness as a weapon.
تحية إلى الرسول محمود درويش، وإلى كل من يحاصر حصاره بالجنون
إلى كل الصامدين فوق أرضنا العربية
إلى فلسطين

El Rass & El Mahdi-Jounoun الرأس والمهدي-جنوني أبابيل

إلى الرازحين تحت الألم. ايماننا بقدراتنا وقودنا الذي لا ينضب
هيدا مش أمل. هيدا عمل.

كيف بدي كون كيفما بدك ياني كون
كيف كيف بدي كون؟ شو ما بدك ياني كون؟

بدي كون وقادر كون شو ما بدي قادر كون حر بوجه دولة مستبدة
قادر كون متفائل لأنه الواقع جريح وحده الرب كامل
قادر كون سلاح حق شامل للحلم حامل 
مسافر كالسندباد من بغداد ماله ريش كيف بيطير؟
قادر كون بساط الريح للضمير ناصر المقهور وين ما كان فيه تعتير
فيه تعتيم فصار لازم كون لمبة قول لجبران باسيل أنا الشمس بنام جنبها
قادر كون مياوم مقاوم مداوم علعلم ملازم للألم
 أنا القلم العاري ما تلفوني بعلم عقسم انقسم
شو بعمل بهوية لوطن ما انحسم كالسمك اكتسى بالقشر
واكتفى من الفكر بالفرار من الأسى واحتسى خمر اللحظة حتى الظلم انتسى
انتشى ثم اختشى لما تفشت أمراضه قال الجنة الك اذا كنت الأم راضية
ولكن أمي خايفة وعيون الخوف لعيون الجهل مرادفة مش بالعقل بالعاطفة
قادر كون عاصفة لما تكون الأمة غافية قادر كون فلتر حتى تشرب مي صافية
مش للوازم القافية. فكري اجره حافية حامية عحجر أرضي دامية تاترك أثر كالغجر
قادر كون رحال دون ما كون ممن هجر قادر كون الأقوى وعن اخطائي اعتذر
قادر كون صبر مثل البذر اذا طلع فوق التربة قبل ما يقسى بيندعس وداخله بينفجر
خلي الجاهل يفتخر والعالم يتواضع لما صار العلم دين بلش العقل يتراجع
قادر قول ما بعرف وبعرف قول مش قادر. قادر كون جندي صوفي كالأمير عبد القادر.
قادر كون نادر مثل حرية بتجي دغري أو كون متوافر مثل الكيف بالمغرب
قادر كون نهج مثل شوارع تونس، قادر كون شبيهك مثل الكزبرة والبقدونس.
قادر كون نقيضك مثل فطرة الأخلاق وفكرة الفريضة. لهجة الرسالة ومطلب العريضة.
جماليات الذهب فقر الفئات العريضة. اسمع شو بنقول للعقول المريضة.

 كيف بدي كون كيفما بدك ياني كون؟
كيف كيف بدي كون؟ شو ما بدك ياني كون؟

تبسموا توسموا على الوجوه ارسموا سحر سماة السماء
تبشبشوا وباشروا وشاوروا البشر بالحلم والصفاء
أو اغضبوا وراودوا النيران في البطون وحاربوا الظلم بالعقل الصعب يهون
الحر لا يهان كونوا أحياء لا على قبر أجداد أغصان ريحان
كرروا السؤال كسورة الرحمن: فبأي آلاء ربكما تكذبان؟
وبأي عين في الكتاب تقرأون؟ الساهون يتبعون الماعون أي لا يحكمون في الزمان العقول
لا يدرك المجهول إلا بسيف النور. والنور في التفكير في التفكيك
مثل انصهار ذرة كالخبز في التنور.
حراك فحرارة فغذاء فدواء.
واحتم من نارك بقليل من عسل. 
ببعض حماسة في الصبر قد اغتسل.
تبسموا فالحياة استثناء الوجود. وحاوروا الإنسان والجبال والورود
كالحلاج لن يزيدك الورد إلا عطشا للحق تأملا في رقصة النرد
أحبوا كالنحل. وكونوا في المطر ثمارا تنتظر الوحل.
بياضا في قلوب أم الفحم.
لا كنوز ملوك مجوس بل أطفال بيت لحم.


الرأس و مونما - نفَس

انتاج المنقرش (Produced by dub Snakkr)

"هذا هو اليوم الذي صنعه الرب، فلنفرح ولنتهلل، نتهلل به"

خلي مدننا تفرح قوم رقص الشهيد
حزني عالإيقاع بدبح كأنه خروف العيد
الليلة غني الأوف وبكرا منرمي مولوتوف
كاس عرق وإذا كنت متدين مافي فرق
فودكا حلال اسم الدرينك "سلفوف"
سلطن عالموسيقى هز حلحل المفاصل
فاصل ونعود للمعارك والحدود
أوعك تنسى أننا بالنهاية نوع قرود
سرود عبرود كل العمر مش مقبول
بس البوز إذا بيطول معقول تصير كلب
ويصير العقل شبيه بالغول
مش عم أحكيك عن ال"كول" عم أحكيك عن تخطيط مسؤول
إذا الغضب والتحليل بيطول
بدون إستراحة للعقول بينعكس المفعول
الفلاح بيعرف لما الأرض بدها راحة
والراس بلا قلب بينفجر للصراحة
شوف الزار بالتحرير حتى من قبل الإطاحة
شوف دبكة دير الزور عطبول بالساحة
كون درويش حور دور طير فوق السور
لازم ترتفع حتى تكشف المساحة
الناس عم بتموت والراس بده يانا نهز الخصر عالتابوت
كتير "إيغويست" مش معقول شو هالوقاحة
مدام ما دام دم الشهيد سال كرمال يضله
الراس مرفوع يرسموا الأطفال ألوان
موال سجل موقف قطشناله من زمان
ناويين ننتصر فمنخطط بإتقان
أنصت للقرآن
ما تخلي قلبك حجر خلي المي تنفجر
حتى بموسم الربيع تقدر تشرب مي زهر
اجتهد كل الشهر وبس يكتمل البدر
اخطف الفرح غدر وبالغصب عن القهر
خلي القمر ينبهر من الضو بعيونك

هور يابو الهوارة\ تحيا الثورة وأحرارها
ناس بتبكي لترتاح\ وناس بترقص من نارها

فرحي فواشة تعا بحر الموت عوم
عم أفطر عالموسيقى تعن قهر البوط صوم تعا سحور الثورة قوم
تعا بذور الصبح هون
كان نشف عبد الناصر لولا ميّة أم كلثوم
عربش على شجرة تفاح وطي بنطلون فنتر عوجه البوم
زمن مشؤوم بس الأسود معلوم لما درسته للظلام صرت اكتشف الوان بصندوق مختوم
رقص نوبي قبل ما يغرقهم بسد أسوان
قميص عثمان صار بده كوي يا مان
آخر الدواء كل ما عليها فان
بلبنان عنده مذهب الفان قواد فنان
حلولهم سوداء متل كوب كوفي عنان
ضلوا الأخضر والأفيون للشعوب
منوم اجتماعي شغل السعودية وإيران
بفضل زرع أرضي بالإقناع
داعبها بخبطة الرجلين عالإيقاع
ما رجع الشهيد لما غنيناله ارجاع
الحداد إعداد للعودة للحياة بس كترة السواد عملتنا للموت عباد
الحداد إعداد للعودة للحياة بس كترة السواد عملتنا للموت عباد

فوش\Foosh -  الراس

"متى استعبدتم الناس وقد ولدتهم أمهاتهم أحرارا"
متسلح بالافكار هاجم
حلم وواقغ دامج 
لاجم للنشار الجامح بآدان الجامع
كبرى الطامة سلفي جامي مرجئي إخواني
وجه تاني للنظام بتدوير زوايا اميركاني
عنفسه جاني فالولاء آني
غير مصدر التسليح بيتغير اسم الكتيبة عأمير تاني
من الافغاني كان يجي جمال الدين هلق بيجي مجانين وهيرويين
فك الحنين من فك عقل الجنين
بدك ألف سنة لتفكك متفجرات جنين
الجهاد الأول بمكة فلتنفس التحقين بتفضل الرياض تصدر جهاديين بس مش عفلسطين
إذا مش للقبلتين إذا إسلامك لمين؟
لاوعي معقلن استطياب علقم عفلق أسلم
واكتشف صدام انه الله أكبر
أبشر بشار صار بده يستغفر
حاكم بآخر فترة بيصير طالب السترة
بتصير لحيته أطول من جبهة النصر
اللحية فكرته عصرها
بس رح ينتهي بعصرها متل ما بلش بقصرها
الإسلام وهي متل الجمل والجمّال
الأول جزء من الطبيعة
التاني تاجر بده يشتري ويبيعك محصول ربيعك
حبطت تجارتهم وبئس ما قد بيع


الراس و ارمادا بيزرتا - حبطت تجارتهم

تصميم الغلاف: Bin AL-Na'eb

الكلمات:
ليش لنقدم حسنى.. تقدموا كشرة
يا سيدي فشرت..
العيشة كلها بتسوى قشرة
ولو جرة بتوقع بسندها انا بحصة
أهكذا قال زارا أم قال عشرة
أبيعُ قول القائلين
ووعاظاً للسلاطين
وساسةً ودهاقين 


صباح الخير
ربي افتح عين البصيرة
برأسي ببرد او بهجير
لأن المعلم رباني
بس رباني ضرير
بس مزقني الصرير
لأني مبتلى بسجاني
بمجتمع طلب أشجاني
من طرف عتب ديانة
من أوتار لمظفر
إلى حبي الأخير
من قصائد تحك
الليلَ في هُدب ثيابي
من أفكار تنوس
كالباعوض والذبابِ
وأقر في الدروس
هذه المرة وجب التيمم
لا الوضوء
لله العظيم الخالق
أقدم اللجوء
إن  لم تمشي
في صحراءَ
لن تجتنب الحروق
تحية طيبة وبعد:-
مش قادر أشوف!
أي صدق أي وعد
أي عهد أيا سعد
أي بخت
بالموضوع!
مش قادر أشوف!
فعيني كبت
على تخت
اتمنى اعيش الزهد
بس شبعني من الجوع
وهيك بعتني بالأصل
ليدوملي خضار الفروع
آخر سطر كان دعاية
فبدور على نفوذ؟!
كنا صغار وبنستحيش
وكله مضى وعلى فشوش
مشكلتي اني كتوم
مثل عبطة الجاثوم
وأنا ملول ما بدور أبدًا على حلول
ما عمري افلحت بكورة
ولا دومينو ولا غلول
طول عمري على الصراع
مفتون برب النزاع
تعى نغير الموضوع
واجم في الرياضيات
أفضل من يقرأ نصوص
لدي اليقين الآت
حين أكتب الأشعارَ
أسبق الرباعيات
إن مللت يومًا
فورًا أبدعُ السيمفونيات
فالخلاصة..
راح بحبك أنا لاعيش
راح بحبك أنا لاموت
من خلف العتمة بالغار
من خلف خيوط عنكبوت
ما راح بكيكي عالنار
رايح أقدسك كالمجوس


في فمِ السياسي الحاذق عشش العفن
في عينه تكبر الفكرة وحلم الوطن
أقول ما رأيتُ في عينيهِ إلا الوسن
يا حبذا يسرقنا 
بأناقةٍ يذهلنا 
بأناملٍ يسهدنا 
هو الذي ينشلنا 
جيوبنا بيضاء مثل الجُبَّةِ والكفن 
لا أنتَ سيدي ولا أنت  مؤتمن
قف للسلام الوطني قف للعلم
نعم.. سنقف يوماً ومن بيننا الزمن
حين يُكتبُ التاريخ
سوف تسقطون فوقكم نصب تذكاري
هذه الأيامُ مسكٌ.. صندلٌ
لكنكم من بعدها ستطفحون الكاري 
 إمبرياليون.. ليبراليون.. أو شيوخٌ أو كرادلة
لا تصدقوهم كلهم ركابٌ لنفس القافلة

شعراب - زارا- (إنتاج.شعراب) Shaerab - Zara - Prod. Shearab

هيدا راسي أيام بنطح الكوكب أيام بنطح صدر ماتيرازي

El Rass & El Mahdi-Jounoun الرأس والمهدي-جنوني أبابيل

الراس El Rass

Recent comments

Lynn Bassem

Lynn Bassem

Lynn Bassem

Tareq Qtesh

Related tracks