انت بلبنان الاخ من وين الاخ من وين ؟     من بين فخدين

مقدسي

البو كلثوم: 

للي بيصطادوا ببحر مين مالهن بحّاره 
حرمة المال العام بتشتغل بالدّعاره 
راسمينلك شمس عحيطن بس برّا شته 
متل يوم اللي وصفولي " بروزاك " بالرّاشيتا 
قالوا ماله قيمه الصفر عالشمال 
طب كلنا صفار بالمشرق منحط الساعه عالشمال اسماع ..
قلتلهن طلعت روحي كفّنوني 
حطّيت نون بآخر كاف بس طلعت ما بتكفّي نوني 
كن 48 - 67 - 2011 
معي أحلق بس ماركسي شعري بعل
صار للإعلام سوق لكل صحفي سبق .. و اللي متلي طلعت روحو مافي عشق خارج دمشق 
اكسر و اجبر .. عقرب ساعه بيقرص 
بذكرى يوم موت البلد أجيال جديده بترقص ..
مخلوق من طين بس ما فيي كون ألين لمّا بيضحكوا علينا و بيطيروا حمام أبيض ! .


الراس:
الشمس ما بتشرق الأرض بتدور
عجلدي بنوا مول وبعيوني أرض بور
فاحتميت بكتاب لا بيحن ولا بيتمنى
لقيت الزمن باب فتت فيه طلعت منه
كنت ناطر صرت صابر
كنت معبر صرت عابر
صرت معبد كنت راهب
صرت كائن حاضر
الموت بيشدني عشطه بخيوط القتلى بتشربك
سألني بلؤم عوجه: مين اغلى عقلبك؟
غريزة البقاء بالتجاهل أو فطرة الوفاء والتكافل؟
لا بدي وهم خوف، ولا حلمي بحق كامل
انا سلمي أو مقاتل خامل؟
سلاحي الكلمة؟ يعني القائل قاتل؟
شعر العروبة قصائد حروبها
فيه بالهلال خصوبة بس الشمس خوفتنا من غروبها
الحرية مضروبة إذا كانت النية مبنية على الخوف من هروبها
حرية انقسام: جعجع جوبا
مرض عضال بنناضل لنعيش تيقتلنا النضال
دمك سخي علبوه
ذيبك عصي كلّبوه
حبل لسانك طال فعرقبتك لفوه
واللي انت بتبلشه هني بيكفوه
بعدما الشارب يحفوه والفايق يغفوه
ويلفقوا الحديث: من رأى منكم منكرا فليقل هو منيح بس اللي حوله نزعوه
اخ تفو، بيعوه تذاكر دخول على نادي "الإنسانية"
مشرحة جثث أخلاق، اسمها موضوعية

الراس والبو كلثوم - زنبرك (انتاج المهدي)

جعفر الطفار 
مقدسي 
ساطي
احمد رفعت :دف
ايقاعات :حسين قمح 
انتاج اسلوب
كلمات الاغنية 
مقدسي
اخر الليل ومش نايم عبيت شنتي وراق بس لسا خايف ابصر يمرقوني يا ربي تسهل بدي الحق الطابور من اولو خليني اشهل مبارح دورية مسكت جاري عالجدار هيو صار بنفحة وصار جداري بلا جار داري اتعبت بغبار فجأة قام هدولو دارو قالو امني بالسجن بتلت سنين محدا زارو بتوصلني اخبارو , بديش افوت تهريب هيني اخدت تصريح غصبن عني سيب !! ايدي بعرف الطريق مهوني كانت مزرعة واقف بطابور قدامي جندي ورا اسلاك مربعة حاسس بصربعة مش يمكن ناسي وراق ؟؟ مهي فوبيا صارت عندي ولك فوء يا ! لاء هي صار الفحص دوري خد كومة وراق لتشبع فتحلي باب صغير من وراي وقلي إرجع !
جعفر 

بين أرضنا و أرضكن حدود عليها دورية
و نحن بين الموت و بين حواجز عسكرية

تنين درك حطّو مرا هندية بسيارة
طاروا فيها صوب بعبدا ع مبنى الوزارة
زمور الخطر بتقول كمّشو الأسير
مدري اللي مارق مستعجل موكب شي وزير
مدري نكد دهر الله ما بيرمي الا فقير
مدري الحرية ما لبقت إلا لأمير
و حمامات الأمن العام صارت حبوسات
ل اللي جايي من سوريي ,سودانيي ,فلسطينني
فندق خمس نجوم حبس الروسيات
بس ل اللي معو مصاري وزّع جنسيات
فضلات الناس البطراني عالأطفال مساعدات
غيفارا ما مات
بس البشر ماتوا
لما عالحواجز يخي مرقّوا سيارة
فجروّها بالضواحي روّحوا ختيارة
و الفقير بعدو ناطر يقطع حاجز...

بين أرضنا و أرضكن حدود عليها دورية
و نحن بين الموت و بين حواجز عسكرية
ساطي
صحيت عالخمسة جهزت ودعت أخوي والحجة
دعواتك اللي زمان مش رايح قلبي صابته الرجة
بس من هم الرحلة راحت وبلشت أحسب الغلبة
عقلي بودي وبجيب شكلو بالشمال دعست عالعتبة
ضايع الطريق طويل والنخزة عالجسر إختفت
مريت بسرعة المعاملة بكل سلاسة عطول إنتهت
المرحلة الثانية بين دارين روحي هون وهناك بين نارين
نظام وإحتلال المشاعر إختلطت صفيت بين جارين
باص باصين طلعو خمس باصات بس ملطوعين
بالنص خمس ساعات قاعدين بالشمس متروكين
طلعات ونزلات بوزعو إبتسامات بدون أختام
تقول جاي عدارهم بشيك عالجواز بعطيك لزقات وأرقام
أجهزة ورنات نظرات وشاشات بعدها بتروح عالثالث
عد للثلاث من الجهتين نفس الحاصل خذ عالساكت
بسال عالمارق عشان تحس بوجود السلطة
معاي مش فارق بما إنك بتفتش حتضلك نقطة
https://soundcloud.com/ay-satti 
https://www.facebook.com/GaafarTouffar?ref=br_rs
https://soundcloud.com/maqdesi

مقدسي .جعفر الطفار. ساطى :بين الحاجز والموت انتاج: اسلوب

لن نعود

تدارُك (Keny Arkana Echos Instrumental)

صورة ل: علاء حسن - ريف حمص نيسان 2010.
www.sheikhphotos.com

-صار لازم نمشي
مافي سما بتساع السر اللي بعيوننا
فحدا عم يكتم.. حدا عم يفشي
وحدا ماسك النهار من شعره
عم يسعره
وحدا لاحق خيطان الشمس بده يقلها كلشي
عن آخر طريق البيت.. وعن آخر ريحة شمها
وآخر شقفة دهان شالها من الحيط
ضل كل ما يموت واحد منا ينقص خيط من عباية الليل
لصار عاري عالسكيت..
آخر رفيق..
عم يحلم بالضو.. لا تقله يفيق
كلما اتسعت الرؤيا
صار المدى يضيق
بحر الخوف كبير
والغريق بيجر غريق
آخر هالطريق آخره
وآخر كل عطش بلة ريق
آخر وصية
بكل حنين خيبة 
عم ياكل من ذاكرتي
فبخبي صورهم بالجيبة
وبتحرقني خاصرتي
يا وجعي يا آم الهيبة
سرحي الليل على شعرك
وطالعي البيت من الشيبة
أنا روح وبيتي جسمي
معنى وبيتي كلمة
وعي وبيتي اسمي
طالعي البيت من الشيبة
أنا سر، بيتي صدر
حر بيتي شعر
صار بيتي الصبر لما عن بيتي طولت الغيبة


-أنا شغلي كون علمي أنا
صوتي فوق غيمة
بدك تعرف وين بيتي؟
بيتي نوع خيمة.
اللي متلي ما اله بيت
اله رفقة واهل وذكريات
صور أخوات نزلت عالحيط
لتفادي عودة هلوسات
اختلاط الآن مع اللي فات
أنا الفرد الشتات
وين ما بلاقي حالي بكون الظرف الغير مؤات
إذا عم بتبيع نسيان هات
اذا للتلميع عنا لسانات
بس خلينا نروح عالغابة نكتشف حيوانات
اللي متلي خلق بمدينة محتلة
اغترب بمدينة محتلة
رجع عمدينة محتلة، لأ مش لغوية العلّة
المحتل والمحتل شلة وراسي السلة وحقي الغلة
بس ما رح مل قبل ما ملي
مساحتي مني
سكرت دينيي لما آدم أنبأ بآسماء
لما فهموا فرويد بدلوا الوحي بالإيحاء
داء مطرح داء آب مطرح آب
شيخ قبل ما شاب ما شاف غير أمر بالكتاب
اللي متلي ما اله جياب لتساع والوطن بشيكات
مافي خرج حط بالجرح توازن بين ميزانيات
أمن وفساد كل ما تنسرق مدارس وتننهب ثروات
تكتر جيبات تكبر هيبات
كان مستحيل يزوجوا بنتهم حطوا صورته لما مات
فعلاً بكوا كتير بجنازته بس من تحت الكمامات
شادي ما سقط، شادي زمط! البلد سقطت
اللي فوته طلعه كرت بإيده بلّعه دلعه خلص منه ولعه
متل ما سلحه شلحه لبسه قلعه بالكلسون
بيتمنعوا وهم راغبون عالتلفزيون بيتصنعوا ما يثير الجنون
ونحن صامتون، مش باقي وطنياً أنا باقي عفوياً
نحن لغوياً مش نحن دموياً.


أنا روح وبيتي جسمي
معنى وبيتي كلمة
وعي وبيتي اسمي
طالعي البيت من الشيبة
أنا سر، بيتي صدر
حر بيتي شعر
صار بيتي الصبر لما عن بيتي طولت الغيبة

أنا شغلي كون علمي أنا
صوتي فوق غيمة
بدك تعرف وين بيتي؟
بيتي نوع خيمة.
أنا شغلي كون علمي أنا
صوتي فوق غيمة
بدك تعرف وين بيتي؟
بيتي نوع خيمة.

سطور أصولي كتار
ملجأ منزل ودار
بيتي جمع همومي وضهري رصفته حجار
باكل خبزي وبترك الطريق بلا آثار.


الدرويش والراس - بيت بيوت // إنتاج مونما

youtube video:

https://www.youtube.com/watch?v=C6Q86mV7EgQ

https://soundcloud.com/minesunderbrooklyn

من هنا من هنا من هون من هين مان
انكليزي بيفتح الدينين فصحى بيحول العينين
يا ماحلا الفسحة بالميدان وهو مليان
من وين؟ من وين ما كان
اعطيه هوية بيلبسها اعطيه قضية بيحبسها
لحمة نية بيغرسها سيخ عنار بيحرسها
دين وامن ومدرسة لكره الآخر بأسلوب ساخر بسعر فاخر
بالأصل كلنا لاجئون، نصفنا عنصفنا بيهون
انا بقول حامض هو بيقول ليمون حدود معجون
الحكي للمستمع فبروح عمرادفات، بيمون بيمون
لمجرد وجوده ممنون 
عقل ودين تناقضون مع إنه "أفلا تعقلون"
قضبان المخ اضيق من سجون والمغنون بدهم يحرقوا البلاد
إحباط فاشستي نيرون
شعب مفصوم قرية وهمية بين كحلون والغالبون
انا مش محمود الجندي ولكننا مع الكبار لاعبون
محمود الجندي اللي بيموت وبايده جمرة جنون يقولون
بلاد ما بتشوفك إذا سلاحك مش بايدك
بلاد بتعلمك غير سلاحك ما بيفيدك
عاخوك ابوك عالكل إلا عسيدك 
والقادة اللي عاقبوك جنزيرهم بجيدك
فيديو عاليوتيوب شايفك إذا عجبته بيعيدك
إذا بتشكر الجلاد من كنز القناعة بيزيدك
لتكون من الناجين على الطوفان طافون
بدل الكعبة يطوفون حول الfull moon 
بالأصل كلنا عابدون
كلنا بدو وكلنا بدون
مدام بدها برونزاج، بتحب بيونسي كتير
بس عندها ورا البيت حقل قطن وجنازير
دموازيل مع الثوار بس مش طايقة اللاجئين
حرية اوكي بس صاروا كتار السوريين
والأخ عبد غيفارا وبيحلف بستالين
بيعاير خصمه بالشحاطة وعنده مسبة كلمة فلاحين
بيكره كلمة فلسطيني بس بيموت بفلسطين
صدي وصديد عسطح بصر حديد
اوقات صلاة مختلفة من دعاة توحيد
نفاق شديد، كهنة قبائل بصراح تمجيد
ما تروح لبعيد
مش رب بل قواد حور غيد
بوجه ضده ومعه مزايد ما بيزيد غير مفيد
غير لأنانيته ياللي عم تفيض دم
عم تنام خوف وعم تفيق سم
شو الهوية إذا من احتلال للآخر؟
بأمجاد حضارات احتلتنا بنتفاخر
يا للواقع الساخر يا للمشهد الساحر
للمستشرق الباحث عن ناس بشكل حبة أناناس
ونحن وازينا الصمود بالتأقلم كالحرباية والأرغيلة عالتراس

الراس - الأخ من وين؟ /موسيقى: ألغام تحت بروكلين

 الراس - خيط الدم // موسيقى ألغام تحت بروكلين

El Rass - Bloodline (Prod. Mines under Brooklyn)

Prod by El Rass

Design by Ali Rafei

https://www.facebook.com/Ali.Raf3i?fref=ts

المقدمة: مونولوج لصلاح السعدني في ختام مسلسل ارابيسك

ليه عم اكتب عشو عم دور بالموسيقى؟
جواب متشعب؟ كنت عم اهرب للحقيقة
صار لازم جاوب وعالعالي عري نيتي
مش تسليك انا المحتاج لشفافيتي
وعسيرة سليك انا مش ترفيه ملبس حقل معجمي تيفيع
بوقت الثورات يبيع ولما تهتز يميع
ممكن ضيع بس ما بسلم بغلط بوقع وبتعلم
ممكن جوع بس محصن حجران جدران المعدة
اذا بتوصل للكرامة برجع بشتغل بايديي
كون مؤكد يا صديقي معركتي بتموت بعدي
وعسيرة صديقي
مش طالب معجبين
عقيم الانبهار بيعتم عقيمة اختيار
مش عم ادعيك لنفسي انا فرطت بال2011
قبل ما النظام ينهار
ووقفت ابني معك والثوري صاحب كار
وهيدي ثورتي مجاهرتي برؤيتي مشاركتي بفكرتي، مش واضح التصحر؟
اخواتي تحت القصف، فليش تكون آمن ومش فاضي للتفكر؟

هي ثورة؟
هي كلمة متل الرب متل الحرية والحق
معناها عن قائلها وعن اعماله ما بينفصل
فمش رح استعملها إلا بضميرها المتصل
ثورتي حريتي حقوقي وواجباتي
صرخت أخ ردوا كتار فعرفت وين اخواتي
ويمكن صرنا "نحن"
فيني كتير حناجر بدها تغني كورال ويطلع متناسق لحنها
سميلي شغلي دوزنة
بالرقبة صوت طبقة وصوت جيل وصوت مكان
ومن بطني صوت اسراري وصوت شوقي وصوت ايمان
بس بقلبي اصوات آهات من مئة طبقة
من لمسة بيحتلوني ريحة ايدين وحبقة
وبراسي مئة جيل، اصوات اجنة بكرا عم تصرخ: شو البديل؟
وبجيناتي مئة فكرة ومئة ذكرى من قبلي بمئة جيل عالقليلة
وعظهري فيه آثار لقافلة اماطكن عبرتها وعجنازيرها شقف مني
شايف كم نحن فيني؟
كل نحن منهم بلغتها بتغنيني
فبينقصها معاني، معاني بتشكلني بس من رحم معجم تاني
بحثي عن توصل وبحثي عم يصنعني
لهيك ايام بغني بصوت الناس اللي ما بتسمعني
ويمكن احتمال إذا قدر الكورال اللي بداخلي يتناغم
براسي تختلط اجيال ممكن تلتقي براته
توقع حدود جواته سلك شائك
يوقع من عيوني ويطلع من غنية حبل رابط
يمكن فيه امل ومش من ملل نابت
مش من بعث طالع
مش من عبث جايي
من بركان تواصل 
اذا العقل مخلوق فالتكنولوجيا آية
واسمحلي بهالولادة بلا الداية
رح يحرق الحميم ويعيد رسم الروح
وينام فوقه الجبل تيفيق خصب سفوح
انا مش انا انا ملتقى نحن-ات
انا هازم الاحزاب انت مزهق النفوس
انت بائع الاحلام انا خانق الكابوس

لو اول سمكة هربت من صنارة عرفت تحكي كانوا جاعوا الصيادين
لو اول انثى انتهك جسمها قدرت تصرخ
لو اول ارض تسمم بطنها عرفت تبصق
لو اول فلاح قتل اول بيك ووقف عالشباك
صرخ انا قتلت الحنش لما بسنه صدري خدش
كنت كتبت حسن العري بدل كشف المحجوب
وبدل "أ.د.ب" ألف باء القلوب


ألف باء الراس

الراس - أشهدُ

@al-darwish-963 بالظل منربى - الدرويش

Chyno إنتاج و هندسة صوت : نصر شربجي 
تنفيذ و أداء و كتابة: الدرويش

"من ألبوم "الضالين

@GheirQissa بالتعاون مع


'Raised in Darkness' - Al Darwish
Produced and Mixed by Nasser "Chyno" Shorbaji
Performed and Written by Al Darwish

From the album " #El_Dahleen "

Vocals recorded at Audio Addicts, Hamra, Beirut
Mastered by Lopazz at Mixmastering, Germany

Artwork by: Ahmad Tarek (www.instagram.com/tycho23)

-----------------------------------------------------------------------------------------------

الكلمات:

بالظل منربى
جيوش عطشى
لزق بالكرسي بنزل طيزك عن عرشا
بلد طرشان
فغني للي بيخشع ولو درلك ادنه الطرشا
اذا تغطوا اسحاب الشرشف
تحت الدواهي عبيد الشك بيركعوا بسرعة وبيقوموا مهلا
اهلا أرض السمك يا نهلة
الزمن المفقود بيساوي طفلها بكهلا
ركود، كأنها آخر شفة بالركوة
فبتف طحلها
ذواكر صور حتى تزورني
بدا التيتة تسمحلها
جارين وكم شبّاك والشارع سمع بس تردحلها
شو بالزبط كان أحلى؟
العيشة ورا المسلسل قناة الرأي الواحد
روتين بيعيد شريطك انت وقاعد

كفي المدرسة عالخد البرد 
خدوا اللحم هاتوا عضم 
اقتلوا الطفل غذوا المارد
تقديس القائد
تقديس للسائد
مدن بتبيع مخيمات للعائد
وهي راحت

بالظل منربى ومنموت لما نموت
سؤال مبارح مفقود
شو صار بالتمانينات؟ جوابه ننسى الجامع نصلي بالبيوت
ادنه بين خيالك والحيط 
والمخبر عالمخدة
علموك تشكّ بحالك فطلع المخبر انت
والخوف ملكنا دبكنا ما دبكنا
بيعة جديدة للعرصيص صور وشه عكل رصيف
صف طويل لناس منومة الذل بالرغيف
ضحايا المجرم اللطيف فكان سهل يصطادونا
يطعمونا حلم بجنّة او بدولة ما منكونها 
علم علمين أعلام... كل الألوان
ولا لون منهم كان بيشبه لون عيوننا
والأنا بتخوننا 
عوضنا النقص بطول دقوننا
غيرنا دين الثورة
جبنا الأجانب يفتولنا
والمجرم حاصر عقولنا
فشفنا الروس أينعت ونزلنا نجيب محصولنا.

كلّنا سيزيف
كلنا سيزيف
ضحايا العالم الجديد والمجرم اللطيف
كلّنا سيزيف
بلا صخرة على كتافه
ضيّع سبب حياته
وبيموت ضعيف.

Bil'Zill Mnirba - AlDarwish // الدرويش - بالظل منربى

Prod. El Rass
Guitar by Yaacoub haidar
Track artwork by Mohannad Babilley
حم 2017

الكلمات:

جفاف جفاف الطقس هون
نقص حنان ونقص نوم
بعين ترتيب ورقص كون
وبعين قلق من وجع بكرا

على مين رح علق أمل على أصلا البلا؟
عأمير حرب ودون خجل كوش عالبلد؟
عمدير بنك بيترقى كلما بننهب؟
على نفسي انا انا لها انا لهب

عنواح القصب؟ شي بيهوي
عناوين الصحف شي بيبكي
بيعان الذمم شي بيبكي
دوخان العمم شي بيبكي
درا درا درم شي بيبكي
شي بيبكي
طب بيكفي يا عيني بيكفي ح تنشفي

بناكل حروب بنغرق بدمنا بنخلف بنخلف بنعبي للكوكب
بتضيع الهوية وبتفرط دولنا بنهلوس بنهلوس وبرنسي عمركب خلنج
لركابي المستنقع براسي جزيرة الكنز
تركنا فضيلة البنج عشاطئ الأمس
خلعنا ثقافة الفرجة والهمس لنركب قوالب الجهر
نشيد مراكب الجهد
اشهد اجهد حتى مطالع الفجر 
بصحة جنسيتك هل في صباحك المجد؟
أم هل استاذك الخوف بيشمك الكلب؟
باكل الطعم وبخرى عالصنارة

جفاف جفاف الطقس هون
نقص حنان ونقص نوم
بعين ترتيب ورقص كون
بعين قلق من وجع بكرا

هيدا الحزن مش أصيل 
غياب المعنى مش مصير
رابطين بايدنا جنازير
رابطين رغباتنا باعذار
لسانك قال أنا
بس قلبك هو بيعرف مش هيدا كان المنى مش انت اللي مختار
هني اللي بيحملوا الشعلات وانت اللي بصدرك النار
حاج تكون اللي عليك كون اللي منك بيطيب الاختبار
ايام الانتظار كانت حياتي فاضية
متل موسم ناركوس بدون اسكوبار
متل نهار ما كتبت فيه عالقليلة 20 بار وشطبتها
هيدي فرشتي فما تربت عكتفي اذا رتبتها
الحياة بقرا صفرا فاقع لونها وبدي بس موت يقولوا روضتها
طعميتهاوحلبتها
بعدتها كفاية عالنار وعرفت كيف قلبتها
حطيت امراضي بسيخ كفتة

على مين رح علق أمل؟ على بكّاء حتى الشلل؟
على ياللي بيجاوب مش انا كل ما بينسأل؟
على ياللي بينسى الصحرا كلما بينسقى؟
ايه حاجتك بقا 
ايه حاجتك بقا

أرّخي أرّخي
بعثي عصبي بمراية عبثي مرخي
قلتلها لبيضة الكلمة قاعدلك حتى تشوبي
وحتى لو متت بأرضي تحت جثتي بتفرخي
واذا ما اكتمل نموك بعيرك لثتي تتهضمي
بعيرك صوتي تتصرخي

الراس - سينين

فصل : ايقاع لكسر الحدود
موسيقه /مكس:اسلوب..فلوت/ناى:نيسم جلال. باص:زياد صادر /اسلوب..جيتار:حسام وهبى ..حسين قمح: درامز..محمد همدر:كاخون..بيت بوكس:مولوتوف
تصميم الغلاف :وسام الدين قليلات
الاسماء بترتيب: شاهد عيان/رصاصه/محمد عنتر/اسلوب/عبد الجبار/ساطى/ادد عباس/مقدسى/كاز/الشاعر عبدالرحمن جاسم/ساره عبيد/رامى جى بى /خالد حراره/ياسين /موال دانى بلدى/وطن/ريس بيك/نيسم جلال
شكر خاص :نيسم جلال .زياد صادر.فادى الطويل .احمد ياسين (ساطى) ساندرا ماضى
حسام (نيهوم) مولتوف

ف\صل

Lyrics & Vocals By El Rass
Production By Munma
Photo By Wajdi Elian


أنا راء ألف سين أنا رغبة ألم سرّ أنا لسان التنين أنا عبد الحق الحرّ أنا مش كافر أنا طافر أنا ميم بسورة غافر أنا مدمن معنى الفكرة أنا سمكة حسن الشاطر أنا مش أنا أنا غيري أنا راهب أنا متصوف غارة غيرة بتنسف ديري أنا صوت سعلة مسلول أنا سوسة بصحن الفول أنا عكس الكول أنا فحص البول بعمله نص البول/أنا عائد إلى حيفا أنا مسافر عن عطول/أنا اللي قتلت الحنش لما  سنه بصدري خدش/ أنا مش تبع الاوتوبيس/ عبد المنعم مدبول/أنا إشي أنا شيّ أنا شي/ التشي سيجاره الكوبي أنا بصابيعي حاشيه/حاشاني قول أنا/أنا شقائق النعمان مش أحلام أبو الهنا/أنا منتحر متفائل/استشهادي الإرادة بس علجنة مني سائل/دمعي من البصل سائل/أنا المجرم الفاشل/أنا  هيبي عخط النار/أنا تكنو بقندهار/أنا اللي لمات عوينات عمر المختار/ أنا أصيع إبن بار/أنا أرضى ولد عاق/أنا جسمي حبس مؤبد/وأنفاسي عمل شاق/أنا فلو ألطاي تدفق الفرعي ورشاشات مقاطعة/أنا بسمة بوج الموت/ أنا نكتة بنص الفاجعة/أنا كاشف سر العادة/لنسف العادي بالمراجعة/أنا عاشق في الصلاة وخاشع في المضاجعة/أنا سنّي من الروافض/أنا شيعي من النواصب/أنا ميكس بين أبو بكر وعلي بن ابي طالب/أنا منشق عن النظام أنا النظام بالانشقاق/إذا في البدء كلمة سميني الاشتقاق/أنا معترف بالواقع/بس معتمد علسامع/أنا محترف بالطابق السابع/أنا البواب/أنا مخترق لصوت المدافع/أنا السحاب/أنا كاشف العورات/ثائر ناقد للثورات/أنا حافظ رأس المال والانجيل والتورات/أنا مسلم للإله مش مسلّم لعباده/أنا كاره للإكراه ولو كانت حمرا السجادة/أنا حبل عرقبة مرت ابو لهب (الأسد)/أنا حفّار القبور دافن حرير ودهب.

بعبع ببؤبؤ العين كنت أحمر/تكتك ففكفكه المخ صرت أخطر/صفصف بنهزهز/جرجع بنمزمز/طقطق بنفزفز بتسخّف بنجهبذ/بتفجّر الأطفال/بنفجر براكين/إنت واو راء ميم أنا راء ألف سين/

الرأس و مونما -  16 (أنا مش أنا) تحية

حم ٢٠١٩
@Munma
تصميم رواند عيسى

الكلمات:

طيب عفوا انت هل تعلمين مدى العتمة اللي بجمجمتي؟
طيب عفوا انت هل تدركين مدى الضجة التحت صمتي؟

طيب عفوا انت هل تعلمين مدى العتمة اللي بجمجمتي؟
طيب عفوا انت هل تدركين مدى الضجة التحت صمتي؟
كم فاتحة كم قبر لازم إروي كل يوم ومانه لوم مش الحق عليكي كان صعبة احكي
شجعني فتحي لما قال كلمة: كم واحد متلي، هل تعلمين؟
تعلق وودع ارجع مكسر تعلم من أحزانك تصنع إرادة التعلق من جديد وكرر
الله بيعرف قديش دفنت ناس وشقف مني وتفجر كلي
ظليت حاول غير حالي واللي حولي للأحسن بس مخزن
شياطين مسجونين حراس تعبانين ومخدر تمي والشفاف منملين
هل تعلمين مدى العتمة اللي بجمجمتي؟
هل تدركين اربع ضرر عدمتي:
إلهة بدها الحق غوريلا بدها حقها
رؤية بدها تشق وقلق ما بيلحقها
ما عم اعدل ولن اعدل
كيف بحدد وين مصلحتي دون ما المس خيط مهمتي
هل تعلمين مدى العتمة اللي بجمجمتي
صعبة الفيقة كل يوم ما بعرف كيف بتعملوا
بصحى بصدري شيطان وبدخن حتى اخنقه
وببطني غضب مخلوط بكسل بجادل حتى فرقهم ببلع قهوة تغرقهم
حرب الصبح تشرّقه
صعبة الفيقة كل يوم ما بعرف كيف بتعملوا
كله قوي كله صخري كله بارد كله أح
كله سالك راضي قابل كل خابط كله دح
يوم الصعب نص العركة كله تبخر كله بح
ياللي كان محبوس بسرتي كله تفجر كله فح
ذاكرة هيدي ولا فخ؟ دايما أضعف من الصح
شاهد ع مية جريمة

الهيرويين جحشنة الحكيم المرض ال أخد الحب الوليد والأمن الحميم
الانتحار ال أخد كتار: ليش هيك أعلى من الأرض إجريك؟
الفقر لما مصروف الشمع يكسر وتموت بردان
لما هيدا المرض ياكل من جسمها وتجرب تنساه تتطعمي الولاد
يتمتي الولاد
وهيداك العجوز الحثالة بكيت لما مات من مرضه كان لازم تخنقوا هالايدين بس فات الأوان
جار فجروا بسيارته بس طبيعي هيدا عادي فداك
كان يهرب بالسلاح، تعبان اسكت الدوا الكتمان
أضغاث أحلام، آكل مجدرة قبل ما تنام
طاسة الرعبة حلوة بس ما عرفت رجعتني نعسان
وحوش عضو وحوش عليل
قال اقرا قصار السور بتنام
صار النوم أصعب بس صرت اعشق القرآن
رسمت للقلق شنب، عين واحدة ودينتين
وصرنا 4 بهيدي الشلة كونه طبعا بلسانين
شلة التخت البني صارت قال غرفة الفنان

والليل يطول والحزن يطول
والله يركب شمسا من أجمل ما فينا

الراس ومونما - صلاة الليل

مكس تيب : أسلوب مقدسي
انتاج اسلوب ..بلاشتراك مع مولوتوف, جعفر الطفار, عبدالرحمن جاسم
فلوت: نيسم جلال ,جيتار: حسام وهبى ,بيز: زياد صادر\اسلوب ,درامز: حسين قمح ,ناى: ناصر ,ايقاع دف: سعد الكردى ,هشام صادر: عود

تصميم الغلاف :زياد صادر

شكر خاص : عبد الجبار, ميلاد الشامي , عيسى الرجبي , وجميع من ساهم بإنجاح العمل.. 

أسلوب مقدسي | Osloob Maqdsi

Torabyeh - B3d il Rabee3 | ترابية - بعد الربيع

هيدا راسي أيام بنطح الكوكب أيام بنطح صدر ماتيرازي

الراس - الأخ من وين؟ /موسيقى: ألغام تحت بروكلين

الراس El Rass

Recent comments

MaTrIx

muse.

Da Panzer

Daa-Ku G

Related tracks