big tune !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

🖤🙂‍↔️⛲️🙂‍↕️☝️🙂‍↕️⛲️🙂‍↔️🖤

البو كلثوم: 

للي بيصطادوا ببحر مين مالهن بحّاره 
حرمة المال العام بتشتغل بالدّعاره 
راسمينلك شمس عحيطن بس برّا شته 
متل يوم اللي وصفولي " بروزاك " بالرّاشيتا 
قالوا ماله قيمه الصفر عالشمال 
طب كلنا صفار بالمشرق منحط الساعه عالشمال اسماع ..
قلتلهن طلعت روحي كفّنوني 
حطّيت نون بآخر كاف بس طلعت ما بتكفّي نوني 
كن 48 - 67 - 2011 
معي أحلق بس ماركسي شعري بعل
صار للإعلام سوق لكل صحفي سبق .. و اللي متلي طلعت روحو مافي عشق خارج دمشق 
اكسر و اجبر .. عقرب ساعه بيقرص 
بذكرى يوم موت البلد أجيال جديده بترقص ..
مخلوق من طين بس ما فيي كون ألين لمّا بيضحكوا علينا و بيطيروا حمام أبيض ! .


الراس:
الشمس ما بتشرق الأرض بتدور
عجلدي بنوا مول وبعيوني أرض بور
فاحتميت بكتاب لا بيحن ولا بيتمنى
لقيت الزمن باب فتت فيه طلعت منه
كنت ناطر صرت صابر
كنت معبر صرت عابر
صرت معبد كنت راهب
صرت كائن حاضر
الموت بيشدني عشطه بخيوط القتلى بتشربك
سألني بلؤم عوجه: مين اغلى عقلبك؟
غريزة البقاء بالتجاهل أو فطرة الوفاء والتكافل؟
لا بدي وهم خوف، ولا حلمي بحق كامل
انا سلمي أو مقاتل خامل؟
سلاحي الكلمة؟ يعني القائل قاتل؟
شعر العروبة قصائد حروبها
فيه بالهلال خصوبة بس الشمس خوفتنا من غروبها
الحرية مضروبة إذا كانت النية مبنية على الخوف من هروبها
حرية انقسام: جعجع جوبا
مرض عضال بنناضل لنعيش تيقتلنا النضال
دمك سخي علبوه
ذيبك عصي كلّبوه
حبل لسانك طال فعرقبتك لفوه
واللي انت بتبلشه هني بيكفوه
بعدما الشارب يحفوه والفايق يغفوه
ويلفقوا الحديث: من رأى منكم منكرا فليقل هو منيح بس اللي حوله نزعوه
اخ تفو، بيعوه تذاكر دخول على نادي "الإنسانية"
مشرحة جثث أخلاق، اسمها موضوعية

الراس والبو كلثوم - زنبرك (انتاج المهدي)

Lyrics : Subbar
Mixing / Mastering : ILLADIB
Artwork : ILLADIB

Follow Subbar:
Instagram: ​​bit.ly/3ot6rMU

Follow ILLADIB :
Instagram : bit.ly/2TyRtKn
Soundcloud : bit.ly/2WhvrwH

Lyrics :
حبيت و الحب سلاح 
رموني
 كتار برماح 
رتيت جروح  ربتني هموم 
و لتف بصيد سفاح 

رغبتي
 طاقة ما بتخلص
مافيك تحجزا  بغرفة 
 شغل نظامه يعرفني فصامي  
حرامي و سارق جسمي
بدو يفهمني العلة فيني 
من اول مرة فهمت عجزه 
لما الأمن بنص الليل ضرب فيني  
ما فيك
 تقيدني بغربة
معارك فيا ياما و قلبي
مافيك 
تحجرني بغرفة 
معشعش فيا جوا كتبي 
صح دخاني عم ينشف   
بس جواته كتير محبة 
بس جواتي كتير محبة
ولسه الخال بيسألني كيف الوضع 
انه  ماشي الحال خال
جوابي  بطعم الخرا 
نفسيتي ما بتتحسن خال    
لما لاقي شغل خرا 
كوز هو الشغل خرا 
و الفكرة كيف تنشرا 
كيف حفر ا
جوا بروسنا عم تنخر 
من اجسادنا سلطة بتحكم
ولما بنرقص بنحررا 
اي منحررا 
ضل عاكسا 
نحن قدا 
قد ما تحاول رح نكسرا 
سلاسلا بإيدينا منكسرا 
صبار 
بالفعل 
جيت مفاهيمن لغيرا
لازم قصّه للقانون 
كوز قياسه عليّ محيّر 
لازم نغير الخطاب
ما نضلنا عم  نتسير 
انا نقيض نقيض انا الرومانسي العتيد 
انا الفائض ع زريبة انتاج 
لما يناقشوا البيزك انكم 
متل طيزي قاعد بالبيت و عراسي تاج 

حبيت و الحب سلاح
رموني
 كتار برماح 
رتيت جروح 
ربتني هموم 
و لتف بصيد سفاح

وسواس ترتيب الصور براسي عم يزعجني
امكانية سرد العبر اللي براسي عم ترعبني
من يوم اللي وعي حضر بوقتا صارت فتنة 
بين التسليم للقدر او القدرة على السكنة 
بين عقول ارضيتا تبنة 
بين قلوب مليانة عتمة
بقلب جيوب صايب تخمة 
سف حبوب حتى دوب 
والف وصفة عليهن اسمي
فشوفني فشوفني 
رااكب قارب ..
فتّل عقارب  ... 
هيك 
ضلني سارد .. 
بين القاصي و الداني 
بين المزمن و العارض 
صدق ما مليت عارض
بس هون المكان بارد
وماعارفين نطلع 
علقنا بمستنقع 
أي نقاش فينا بيفقع 
صباط من راسك يطلع 
دراميت مين بدك احضر
ع رب مين بدك اكفر
 شكلك ماتعودت تسمع 
و ما تعودت اركع 
بصوت واحد عرصا بخلع
 يلعن روحك هي المطلع
و  كان الصوت بضهر الصوت 
نفس حريتي يجبله الموت
وليكو المشهد عم ينعاد 
ونحن بعض عم نصطاد 
شوفنا من بعض عم نحطاط
قلي كتار ولسه كتار 
بس يا للعار يا للعار 
ما صفيلنا مطرح 
ما صفيلنا مخرج 
اعذارنا بتكتر 
حقيقة بتجرح 
متل كرة لهب عأجساد المعتقلين و الل ضحوا عم تتدحرج

انا ما بموت انا ما بموت انا ما بموت 
انا رغبة و ما بزول 
انا ما بموت انا ما بموت انا ما بموت 
و لا مية تابوت

Raghebte - رغبتي

All tracks produced, mixed, and mastered by El Rass, except track 4 produced and mixed by Muqata'a, and track 8 produced and mixed by Al Nather.
Graphic design by Sedki Al imam

براسي ألف مطلع
وولا قصيدة
براسي جرّة غاز جديدة
فيروز عم تحكي عن ليل وأوضة منسية وأنا عم جيب الأجرة بحسّ الغنيّة بليدة.
التكرار عم يقلّي صار فيني أعمل عن حالي نسخة
وأنا عم قله أنه المطر حلو بس المي وسخة.
قال حاج تستعير احكي دغري!
فــرحت على علاقة الحشيش بالحارات المخنوقة ومحروس الشغري
الكسل مغري. 
فسألني: عم تعترف؟ قلتله نعم!
أنا اللي قتل الراعي واللي سبى الغنم قصر حكمه الخدم
ذرّة شكّ بالوجود خلق يقين من العدم.
أنا اللي راح بقارب موت أنا اللي بقي وانعدم
لو فيني خبي كل احبابي ببقجة مالها علم.
قلي التكرار: بس. براسك في ثلاث بقرات وذاكرتك من خس.
أنت طفل نام علقوا حرب تحت شبّاكه وما حسّ
حالم فالواقع بأحلامه اندسّ.
والعث عم ياكلك، أيّامك قماش. تمّك بيصرّخ ساقط وأفعال بتقول عاش!
عراسك خيمة نازح. إذا ما رح تنسى رح بتسامح؟
طب جرّبنا نحتكم لك لما حجرك طاش.
عراسك التناقض تاج
متل سفّاح مشّى عاللي راح صدقة
متل أهلي بيعرفوا الكذاب وبعد كل خطاب بيقولوا صدق.
قلتله أنا ابن مدينة طلع مزار عشبقها ورفضت تصليلي
أنا ابن النار اللي بطلت تصليلي
ابن أكثر من ريحة بس نفس التتبيلة.
أنا ابن الكبت
فبحاكيها وبتوميلي.

ابن مآذن نايمة عثار قديم وفايقة عثوره ما بتعنيها
ابن شوارع ربي عطشنا فيها ومي الأرض ما بتسقيها
ابن شجرة عيلة فانشقيت عن فيّها.
ابن حكايتي اللي بتخاف تعيد حالها وبدها تخلق سرد جديد
سمّيني مهووس بالخلق، عن التسمية بفيض
خلّصت كتابة المقطع.....
قلّي التكرار عيد!

اعطيت حنيني للموت والموت اعطاني ذاكرة
اعطيت بردي لإبتسامة فاترة
اعطيت المدينة حاضرها.
كانت محتلّة وحررها، صارت محتلّة وحررها
اكيد سمعانها قبل..... هالغنية مكررة.

ابن الكبت

Prod. El Rass

حم 2017

"يا راحلاً وجميل الصبر يتبعه 
هل من سبيل إلى لقياك يتفق" 

قد ما فيه اشباح بالذاكرة ضاقت حارة الاحياء
قد ما داق القلب فراق بقضي وقتي عم اشتاق
 ولا وجه بنساه ورا فكرة بُعد بنساق باستاء
بيقرص بطني بهرب عبستان سري
حامل مفاتيحه عابس ليه؟
حبيبك عار دماغك تلافيفه 
حابس ليه خيالك بكوابيسه؟
ما بجرب انساه، لا
بفتحله قلبي أبد والقلب عيلة مفرطعة بتلتم لضيوفها
بتتعالى عظروفها
صلة الرحم ونواميسه
سأله الشاعر شو معيار الشوق
قال بريختر بنقيسه
لما بعيدك يزلزل قريبك

هيدا عتابي عحالي مانه عتابي عحدا
هني قالوا لا تقرب وانا مصمم آخذها
هيدا عتابي عحالي مانه عتابي عحدا
هني قالوا لا تقرب ماني تابع لحدا

فعملت متل اليابان عمرت بنايات علاقة
بتتمايل ما بتنهدّ بهزة
احمي السكان من الشوق 
وامنع الخوف يدفعني للهجران 
ومن كتر تقل الحب يرجعني عالعزلة
صرت استبدل وحدتي بعشرة الاشباح
كله حروب الجسم فبنسلم عالارواح
رحنا اخترعنا كلمات واقع معناها مش متاح
فبنحب الرايح رايح تنحافظ عالمفتاح للخيال
بعرف لمين حنيني
أسماء ترددات رنيني
لا مش مؤسسة الحب ديني يعني الملقى ما بيكفيني
محبتكم عهد والفرقة ما بتعفيني

الراس - أشتاق

راء ألف سين

prd.Mvzonik @mvzonik
Mixing and mastering: @el-rass-the-head
حم2018

الكلمات:
ضوّي غير مبهر، فلجأت للكتابة
بالنهاية كلنا محتاجين قبول، حوّلي المدينة ع غابة.
بصيبك بالكآبة إذا بعيّن.. صدّقي
بس بهرب من الحزب كلما يحاول استقطابي.
قصدي قول حزن بس الباء طبشت بالنون 
وكان فيي أقصد الجنون بدل المشفى
تركت التنين قعدت بالبيت قررت على وضعي أغفى
والنوم صديق غير متوقّع، لما يروح ما عاد يجي ولما يصير يجي بدّك تدفّشه ليطلع.
المخدّة كراج، وغرفتي مدينة
عالشام يا حلو؟ عالشام يا حزينة؟
أنا بغرق بشبر حنين وهيّ بتغرق بقنينة والتنين ما فيهن مي
وأنا المي ما بترويني.
حلوة متل كلمات من لغات عم تنقرص لسا منتداولها
"حْدَيْ مْدَيْ" أو "أزعر" مثلاً
فكل ما تجي تتغزّل فيها رح يفشل غزلك
حلوة متل العفوية، بس لبسك خجلك.
لا تسكت! صوت راسك مسموع
غطّي عليه احكي بأي موضوع قول أنّك بتحب المبالغة أو بتكره هَبّلك.
قلها أنه الأشياء لما تثبت بتفقد جمالها
قلها أنه حتّى لو فيها تخبّيك، البطل ما بيساع لا بكندرتها ولا بطرف شالها
وع سيرة البطل، قلها أنه شخصية وهمية جوّاتك بتطلع كل ما يجي عبالها، وبتزعل إذا بتتركها لحالها.

ولو كان بيناتنا حاجز، أي صاروا ميّة
ولو كان بيناتنا حروف كنا صغنا أبجديّة
ومنقطع لو مسافة، ومنرجع لما تخافي
لو كنتِ حقيقة كنت رح حبّك، بس أنتِ خرافة.

الدرويش | تفاصيل

prod. El Rass X Chyno
@el-rass-the-head @chynovation
Mixing and mastering: El Rass
Art work: ابن حواري
@7oari
حم2018.

الكلمات

تشبيه المايكروفون بالسلاح تحرير أو تشبيح؟
متل الفرق بين تكرار اسم الله والتسبيح
لأنها بتفرق! قاعدة بالزاوية على ربّك عم تستشرق
وأنت عالستيج مشقرق
غمزتك ما تفاعلت معها اندقرت!
هي بيروت مدينة ألف تناقض بكل لحظة فوت بترب*
هون السالب مع السالب ما بيجيب كهربا بس بيكهرب
والموجب بالقانون غير واجب
والعين صارت كاميرا عليت عن الحاجب
سي سي تي في الأخ الأكبر ضبضب
فببعبص للعدسة، بس ما بسلمها حالي
بدهم يكبّونا برا نحنا، بس بيجيبوا سلمى حايك
فإذا القلم سلاح بستلّ محاية، بطقّ وجهك 
Save as
عالطاير، حتى ما أنسى كيف انضربنا ع باب الأمن العام وقت الحساب ما رح ساير.
 لما الذاكرة خيوط مستقيمة ما بتتقاطع، أنا تراكم، وراكم
بين الصوت وصداكم
أنتوا العينتين والتالتة، وأنا العين التي تراكم
بلا لعب بالنش لاينات ما حدا فيكم ملاكم.

هاد صالح هاد عاطل
توزيع شهادات باطل
عرض العضلات إنسى
أنا عرض مفاصل
أنا الحضور الغاضب
إنسى السادة الأفاضل
أنا مو فكر فكر، أنا فكر فاصل.
استمرار للفاصل.

درويش عالداير لأنه المربّع الأمثل لا زوايا له
ع كتافي ملاكين كل ما تضيق خلاقهم بكبلّهم فيرس يلتهوا
فتحوّلوا لنقّاد
قلتلهم #راب_ياعرصات
مافي كلام من تمّي بيسقط سهو.
تقسيم مستويات واحتراف وأنا بغرفتي بتعلّم كيف كون بغو
السليقة يُمّا ع لساني وع لسانهم السيرة ما بتنضب.. لغو.
امبراطويات من طين سرّهم مقري، بعطيهم وجه لأنه اذا بدير
بيمتطوا صهو ضهري.
ما علق من نصّك غير اسمي
شفّاف مرّ عبري. 
رابر شكّ بلع إبرة، ورابر fuck 
وقع دغري
وراب مفك لفرط نشاطك ورابر فك مشدود مغري.
جاييك مع سرب سمك نهري، الفكرة سلك للسما دغري,
ارجعوا افتحوا كتب نحو تعلّموا تشكّلوا
فرّقتوا لشبعتوا طيب تعوا تعلّموا تشكّلوا
ماشي بفكّ ازرار بعرّي وأنتوا بعدي بكّلوا
إذا لسّا كبّ لسانك صوب ناسي كلمة رح تشتقله!

الدرويش.
حم2018

بظات

الدرويش | بَظَاتْ

Lyrics & Vocals By El Rass
Production By Munma
Photo By Wajdi Elian


أنا راء ألف سين أنا رغبة ألم سرّ أنا لسان التنين أنا عبد الحق الحرّ أنا مش كافر أنا طافر أنا ميم بسورة غافر أنا مدمن معنى الفكرة أنا سمكة حسن الشاطر أنا مش أنا أنا غيري أنا راهب أنا متصوف غارة غيرة بتنسف ديري أنا صوت سعلة مسلول أنا سوسة بصحن الفول أنا عكس الكول أنا فحص البول بعمله نص البول/أنا عائد إلى حيفا أنا مسافر عن عطول/أنا اللي قتلت الحنش لما  سنه بصدري خدش/ أنا مش تبع الاوتوبيس/ عبد المنعم مدبول/أنا إشي أنا شيّ أنا شي/ التشي سيجاره الكوبي أنا بصابيعي حاشيه/حاشاني قول أنا/أنا شقائق النعمان مش أحلام أبو الهنا/أنا منتحر متفائل/استشهادي الإرادة بس علجنة مني سائل/دمعي من البصل سائل/أنا المجرم الفاشل/أنا  هيبي عخط النار/أنا تكنو بقندهار/أنا اللي لمات عوينات عمر المختار/ أنا أصيع إبن بار/أنا أرضى ولد عاق/أنا جسمي حبس مؤبد/وأنفاسي عمل شاق/أنا فلو ألطاي تدفق الفرعي ورشاشات مقاطعة/أنا بسمة بوج الموت/ أنا نكتة بنص الفاجعة/أنا كاشف سر العادة/لنسف العادي بالمراجعة/أنا عاشق في الصلاة وخاشع في المضاجعة/أنا سنّي من الروافض/أنا شيعي من النواصب/أنا ميكس بين أبو بكر وعلي بن ابي طالب/أنا منشق عن النظام أنا النظام بالانشقاق/إذا في البدء كلمة سميني الاشتقاق/أنا معترف بالواقع/بس معتمد علسامع/أنا محترف بالطابق السابع/أنا البواب/أنا مخترق لصوت المدافع/أنا السحاب/أنا كاشف العورات/ثائر ناقد للثورات/أنا حافظ رأس المال والانجيل والتورات/أنا مسلم للإله مش مسلّم لعباده/أنا كاره للإكراه ولو كانت حمرا السجادة/أنا حبل عرقبة مرت ابو لهب (الأسد)/أنا حفّار القبور دافن حرير ودهب.

بعبع ببؤبؤ العين كنت أحمر/تكتك ففكفكه المخ صرت أخطر/صفصف بنهزهز/جرجع بنمزمز/طقطق بنفزفز بتسخّف بنجهبذ/بتفجّر الأطفال/بنفجر براكين/إنت واو راء ميم أنا راء ألف سين/

الرأس و مونما -  16 (أنا مش أنا) تحية

النَّص :
هي انا لسا ناطر بين اساطيح
لا تفاؤل بمضارع ولا أستبيح
كل مالي بفرص انا ماني نبي مالي بالطوفان انا مالي بالطوفان
انا ما كفرتُ لكن كفرد ملاكم تحت الحصار ناطر حمار صابر ع تار بارد ع نار في خدعة لكن آخد حِذار لابس حزام ناسف صباح ناشف متل وجه القضاة انا مالي بالقضاء على لو مهما علا شأن ال ناطر انتصار انا انسحاب مجسد بطين و شوية ناس مطبشين بين الخشب تاع السفين ال تنّح قال قادر و مش خايف صادد لرياحك مش راحتك حاطط من قدرك مش قارءك
قالبك على وجك كي تعرف غضباً قد يفقع بمعاقلك
انا و استثناءً لقواعدك على ملعب رأسك انا راقص
على كل قراراتك انا رافض
بادءُ ذي بدء ما بفاوض
قاتل فأقاتل انا قابل
صادر مادياً انا قادر
حاصر أجواءك كمسافر
غرقاً ككواكب انا ناشط
سبحاً كسلاحف انا سابح
أمراً ضد أمرك انا نافذ
شو ما عملت انا نافد. 

انا فاهم مش راسب و سيادتك حافظ مش فاهم راسب ف جلائك أصفار مزخرف و رجالك كالفيلة بطشا
أ يا نازي انا مش ناسي انا نازل من سما ك نيازك لا تحاول
أطلق نيراني لا مفر ولا ملجئ لمحاول فاشل
انا حامل بسم الدم النازف مش نازل نافق بمراجع
دستوراً حقاً إذ يُقرأ ف ترى أبا جهلٍ خر راكع
ببنودٍ خطت من شاهق بخطوطٍ رسمت بمغاور
ف تراني أعودُ و انا واثق و أراك تغورُ غنم داشر
لأعطيك م الآخر انا راجع خطاط و اسم امي سراقب
لاعفيك من منصب و انا ناصب خيماً ورا راسك و مش شايف
قمماً بمواقع لتساعد قزماً بمعارك ضد مارد
قسماً بمهالك لممالك
حضراً و سيوفاً و خيولاً و سموماً و ظلاماً حالك
ف تفيض مآقيك بدمعٍ و أختمك بأحمر شمعٍ
لأعطيك م الاخر انا راجع خاتم و سليمان و مالك
يونس و عصا موسى.. انا راجع

المزاج-صباح ناشف-mazaj_sabah nashef

أعمال قديمة..
إعادة النشر للأرشفة

مزاج مغفرة انتاج مولانا

Written & performed by @sootgilgamesh
Produced, mixed & mastered by @jundimajhulwatar
Artwork by @7oari

الكلمات

ما في شي احدثك عنو 
بسال كيفك؟ انا كويس ماشي الحال 
هيو في الخزانة معلق قميصك
و على ايدي رابط منك خلخال 
بحسك محال ... شو هالفال ما؟
نكبر  احلامنا تركض قدامنا 
بعدك بلشت اصدق كارما
بقلها بديش انسى، بترد ما في شي كان
هان! عشوي بفتح دكان 
براسي ضابب الك مكان
 وقفي جنان
بكرهك لما تضلي عطول بالبال
و بكره اني اكره اعطيكي هالقد اهتمام!
بس سيبك هادا كلو كلام 
ولما كل شي يقلب سيئ بضل تمام
سيبك كان النا اشياء حلوة بالماضي 
 بهاي الدنيا ولا عمرو شي دام 
و يمكن الظاهر مش زي المخبى 
قلبي ولد شقي ما عرف يتربى 
بضل برغي و اكتب بلكي يتتزبط 
عبث في بحر هواكي قلب قرصان
شعرك ذهب .. راسك خربان
فش حل الك بالزبط زي لبنان
حبك بتعب.. فكرت اني نسيان 
طلعت ملبسك السما براسي فستان

درت بلاد الله ما لقيت مكان 
بعدني حاسس ببرد الشام 
الشوارع علمتني كيف احب 
بيتنا اعطاني اول درس بالهجران 

بدهم يانا وحوش.. ضليت انسان 
الحب نصري المتواضع عالسجان 
حكاها وليد ابو دقة في الزنزانة 
بعد ٢٥ سنة اعتقال بسجون الاحتلال
و هيني ثابت نفس الموال 
بغنيكي بعقلي عنفس المقام 
اتضلي بعيدة و انا اضل رحال 
تسعتلاف ميل بيناتنا وانا بعدني علقان

درت بلاد الله ما لقيت مكان 
بعدني حاسس ببرد الشام 
الشوارع علمتني كيف احب 
بيتنا اعطاني اول درس بالهجران

Ma L2et Mkan - ما لقيت مكان

هيدا راسي أيام بنطح الكوكب أيام بنطح صدر ماتيرازي

الراس والبو كلثوم - زنبرك (انتاج المهدي)

الراس El Rass

Recent comments

zªKÄTZ

_.amr20

ابوالخيرات

aljasmamr

Related tracks