هواجيس اخخخ

‎⁨يلا ياقلبي سرينا ضاقت الدنيا علينا :(⁩

لي أيام مدري وين دارك ولا أدري ليه 
وأنا خابر إني باب شفك ومزلاجه 
غيابً بلا سبّه هجادً بلا تنبيه
وجفا أغلا العرب نارٍ على الكبد وهّاجه
نضج قلبي من البعد وش حاجتك تكويّه
جفاك الجمر والصبر في بعد الصاجه

12:00 | وش يبكيك!

*****







محمد بن فطيس
اي والله اهوجس ولاني بمرتاح
البارحة في قبة الوصل سباح
‏واليوم من عرش المواصيل مخلوع
ياصاحبي صرح الهوى والوفى طاح
والقلب كنه مـن عراويه مقشـوع
يوم العهد به حده اسبوع لا راح
اسبوع ويعوّد علي شوق ودموع 
واليوم خمس سنين والهم مازاح
هم الفراق اللى بلا عذر مشـروع

خالد الفيصل 

غريب الدار ومناي التسلي
أسلي خاطري عن حب خلي
سمعت الشور من قاصر معرفه
يحسب البعد عن داره يسلي
 أسافر عنه من ديره لديره
عساي اسلاه لكن ما حصلي
أهوجس فيه وأنسى إني نسيته
وأفكر في ليالي(ن) قد مضن لي

تركي الميزاني
على الهون ياجرح المفارق وضيق البال
على الهون ياهم سطابي وقدرته
اعزك لوانك جرح ومجاهدك قتال
وروضت جسمي لاجل سقمك وصبرته
لاجل من ملك قلبي من الجال لين الجال
وفجيت له باب عن الناس سكرته
وحطيت له عن شمس قيظ الغرام ظلال
وشيدت له بيت بقلبي وعمرته
عشقته ودللته وجريت له موال
وتخيرت قربه ليتني ما تخيرته

بن فطيس

بعض العرب حبه يوردك الجنون
ولا يوصف له غلاه احكاك له
مايقنعه وصف الغلا لو وش يكون
لو كل حرفٍ بالحرير يحاك له
تقعد تحبه وانت ساكت ومغبون
يمكن بيوم يقال له ما اوفاك له
غلاه من فوق الغلا ماهو بدون
وحكاه سمعك يجبرك بارخاك له
ودك تحطه فالعيون من العيون
وتبسط على رمضى الثرا يمناك له
وتظله من الشمس في ظل الجفون
ولا يمر اذنه سوا لباك له

راشد بن فهد 
انا الي حفظته في عيوني ثلاث اعوام
‏ولكن عمى عيني وضيعت وجهـاته 
‏تركني وانا تايه مع سكت الاوهام
ياشين الفراق وفوقها ضحكه الخصام
عفى الله عن الي راح والقى العوض قدام
كسرني وانا قرم على المعذله مقدار 

بن فطيس
ياليتني من قبل لا احبه اقفيت 

نايف حمدان 
عجزت اسج واترك المقفين

هواجيس

يعني وصالك صعب واهدافي اوهام ؟

ماتدري انك جيت وحسابك حساب
يعني حرام اني من الحب ماتوب
عاتب وطلعني على طول كذاب 
اشره علي باية لغه باية اسلوب 
تعال باقـي لـي هنـا جـرح ماطـاب
جرحٍ على خبرك مـن العـام ملهـوب 
من قال كفـك خلتـه ينـزف اطيـاب
مـن قـال لونتـه قرنفـل وخرنـوب
كيف خليتني عقب الجماعة وحيد
كيف نزحتني عن ربعي وعن هلي
أول الوقت متحرص وحذري شديد
خابرن حيلة المحتال ماتنطلي
مرهي بالفوايد واحسب اني عنيد
من كبر طمعتي باسلبك وتصير الي
تذكرني؟ اتذكرك تنساني؟ انساك 
للوصل وصل والقطاعه قطاعه
محد يموت من المفارق يبعدي
‏شفني على قيد الحياه اكبر دليل
لا تحسب اني عقب فرقاك اغدي
انا جريح للجفاء ماني قتيل
ومن بغى فرقاي يا راحلين الله معه
المحبه زايله والاوادم زايله
مديت يمناي ومديت يسراك كاني عدوك وتبغى انتقامه
ما كان به يوم تخاويت وياك  ولكن به عيش كلينا ودامه 
ولكن به صوت مع الليل ناداك يسري لاجل شوفك ويترك منامه
بالله قلي من بذا الطبع رباك وخلاك خاين للوفا والشهامة 
تكوي كفوف قبل عامين ترفاك وتبوق قلب معلنلك سلامه 
روح تراي طايب النفس ما اباك حكم طغى ما عاد ينفع نظامه
لا تقول وش صابك ولا أقول وش جاك حسابنا وياك يوم القيامة
كان الامل اني مع الوقت بنساك ياما نسيت امالي ولا نسيتك واليوم يا بعدك و ياصعب لقياك لكن ابحث عنك لا من بكيتك قد قالوا ان الحي مع دور الافلاك عينه تشوف الحي وينك بغيتك اعيش هذا الحاضر بضل ذكراك غصب على تطري لو ما طريتك
عـنــدي عـلــوم وخـابــر عـنــدك عــلــوم 
وتـــبـــي تـعـلـمـنــي وتـــاخـــذ عــلــومـــي 
لا كـــن انـــا مـانــي رفـيــق لـــك الــيــوم 
أنــــــا رفـــيــــق لـلــشــقــاء والـهــمــومــي 
الــبــارحــة والـــيـــوم مــاجــانــي الـــنـــوم 
بـيـنـي وبـيـنـه مـثــل حـــرب الـنـجـومـي 
سـهـران طــول اللـيـل لا أرقــد ولا أقــوم 
أقــالـــب الـجـنـبـيــن تـــقـــل مـحـمــومــي 
وأن نمـت صحانـي مــن الـنـوم جـاثـوم 
الــلـــي يـصــحــي غـارقــيــن الـحـلـومــي 
على الهون ياجرح المفارق وضيق البال
على الهون ياهم سطابي وقدرته
اعزك لو انك جرح ومجاهدك قتال
وروضت جسمي لاجل سقمك وصبرته
لاجل من ملك قلبي من الجال لين الجال
وفجيت له باب عن الناس سكرته
وحطيت له عن شمس قيظ الغرام ظلال
وشيدت له بيت بقلبي وعمرته
حفظته ودللته وغنيت له موال
وتخيرت قربه ليتني ما تخيرته
رعى ريف قلبي لين صار الحشا مدهال
وعن مدهله جنبت غيره وذيرته
اداري عليه من الزعل وازعل العذال
وخطاه ان كبر في عين غيري تصاغرته
سقيته من عدود الغلا والغرام زلال
بعد ماجذب من دم قلبي وصدرته
قبل مايغطي ليله المنتثر بالشال
سرقت الكرى من نون عينيه وسهّرته
نقش كل حرف من حروفي على السلسال
تباهى بها واغاظ ناس مجاكرته
وبعد كل هالتقدير والحب والاجلال
تغير وهقواته عليه مغيرته
تكاثر علي الله يجازيه كيف الحال
وانا يوم اسوق العمر له ما تكاثرته
لبسته ثياب الغطرسة لين جا يختال
وكبر في عيونه يوم الاوهام غررته
واذا السالفة ضحك ومهازل ولعب اطفال
خبطت الغصن لين ابرق الريش طيرته
البارحة ربي كتب لي ومريت 
درب عليه بروق الأحباب لاحت
جيت المكان اللي جمعنا وخفيت 
وقامت جروحي للجوارح وصاحت
ياليتني في لفة الدرب زليت 
كان العيون من الدموع استراحت
التم غيم الدمع من يوم لفيت 
ورقا القصيد لشوفة الغيم ناحت
ضحكت ما ابغى الناس تدري يبالفيت 
لكنها غصب على العين ساحت
حارت دموعي في عيوني وصديت 
وأرمشت مابيها تبين وطاحت
عقبه برق في العين براق واسقيت 
خدي و وناتي بصدري تلاحت
وأنا أحسب إني في فراقه تشافيت 
وان عبرتي من مدخل الزاد زاحت 
اللي يحسب إني على البعد سجيت 
والا ان عيوني للرقاد استباحت 
ياليتني من قبل لا أحبه اقفيت 
والا ان دروبي عن دروبه تناحت
أهون علي من البكا والتناهيت 
وأشلا من سدود على الناس باحت
عرفت كيف الحي يفرق عن الميت 
وعرفت قيمة نعمتي يوم راحت 
قولوله اني عقب بعده تدانيت 
ورجلي عن دروب المعافين شاحت
البعد نار وطاعة العذل كبريت 
انا والليل خلان ورفاقه
اخذني عشق واخذته عشاقه
اوضح له ضنايٍ مابروحي
ويفتحلي على الغياض طاقة
الا ياليل وش عندك وعندي؟
يقوله من تكدرله مذاقه
عيونه من غرام الشوق تهمل
عبايرها على ذيك الدقاقة
وانا بنهاية التسعين هجري
إلي خلٍ عجزت اقوى فراقه
مضى عشرين عام وخمس كني
كسير عيب الجبار ساقه
يفزع بصياحه هجوع ناسٍ
لهم بالنوم والراحة علاقة
الا ياليل يا عرضك وطولك
انا وياك لا عاد الصداقة

شعر

؛

Recent comments

you_u11

you_u11

you_u11

you_u11

Related tracks