لأنك أبويا | مريم محروس

الكلمات:
قلبي لأنك ابويا ما حَسِّش إنه يتيم
لما سكِنته الموج سَكِّنته
هَدِّيت بَحرُه وعاش فـ نَعيم 
ما بيننا فيه قَرابَة
أقدر اقولك يا بابا 
شُكرًا عاللي عملته معايا
حُب كبير جدًا ورعاية 
شفا تام من كام جرح قديم 
**
قلبي لأنك فيه بيبات فـ سلام.. محروس
فَتحيات ليك.. على حَيَّات خليتني أدوس
**
اتملت الأيام أفراح طَيِّبت جراح
وفارقني اللي كان مضايقني
 أما الحُزن.. ده كان فيه وراح
سلامي الأوَّلاني
ويَّاك رِجِع لي تاني
شاب قلبي ورجع له صِباه
وبقيت طفل فـ حُضن باباه
فرحان مطمن مِرتاح 
#رمزي_بشارة
بحر الكلام 

 ألحان
رمزي بشارة

توزيع موسيقي 
بيتر فرح 
 
جيتارات
إبرام ممدوح
 
قانون
مايكل فؤاد
 
ناي
جون سامي 
 
تسجيل  - voice graphic
Robert Kamal
 Music Producer 
 
Mix & Master 
Beshoy Magdy
Click Sound Studio
 
special thanks
روميو 
 
Producer
Ramzy Beshara

لأنك أبويا | مريم محروس

رسالة إلى الشعب المصرى 
لا لتقسيم مصر   " فى العامرية "
كتبها الشاعر رمزى بشاره
بصوت مايكل عياد
لحن الرسالة من التراث الفلسطينى 
__________________________


الحب والإتحاد كانوا للى فيها سِمَة
لكِن بعض الناس عايزينها متقسمة
يامصر لمى الولاد من تانى فى حضنِك
وإنسى الدموع عايزِك من تانى متبسمة


فى العامرية فى العامرية

هَجَّروا 8 أسر قبطية
 
 
ماأغلطتش لكن بيغلطونى
والحق معايا وبيظلمونى
من جوه بيتى بيطردونى
من غير لا رحمة  ولا إنسانية
 
غلطان؟ أتحاكم وماأتظلمشى
مش أمشى وإللى من طرفى يمشى
قلنا قانون يحكم . قالوا مايحكومشى
فى الموضوع غير. جلسات عرفية
 
 فى شريعة مين يغلط إنسان
فيحاسبوه هُوَّ وقرايبه كمان !
لا سيادة لدولة ولا حقوق إنسان
ولا عشرة وجيرة وأخلاق مصرية
 
المصريين دول طيبين
لو مسيحيين أو مسلمين
وضرورى نشوف الغلطان مين
ونحاسبه لكن بطرق قانونية
 
يعنى لو الجانى فى الكشح جابوه
وللا فـ أطفيح كانوا مِسكوه
ماكانوش قالوا سهله وجُم قلِّدوه
ولا عملوا زيه أعمال وَحشية
 
من مصر بلادنا بيهجَّرونا
بسلاح وبنادق بيهدِّدونا
ولممتلكاتنا بيبيَّعونا
ولا حدش مانع عنا الأذيه
 
مش أول مره لكن مسبوقة
عقاب جماعى وبيوت محروقة
أقباط غلابه فلوسهم مسروقة
والفاعل مجهول والإيد خفية
 
لو إنتوا سكتوا عاللى جرى لينا
بكره الدور يجى عليكم زيينا
عايزين عدالة وقانون يحمينا
مـ الإرهابيين والبطجية

أمنا الغاليه الحلوه الحنونه
وكإنك قاسيه ومرات أبونا
بيقسموكى ويقسمونا
عايزينا نبعِد عن بعض يا غاليه
 
ياأحمد ياأخويا بيفَرَّقونا
وفـ بعض يا صاحبى بيوقعونا
إيدى مع إيدك لا هيغلبونا
ولا يزرعوا بيننا فتنة طائفية
 
  ياأحمد أخويا وهتفضل أخويا
من أمى حوا وآدم أبويا
سبحان الله مع هلليلويا
مهما حصل برضو إيدك فى إيديا

***___***

لمزيد من الأوديوهات تابعنا على الصفحة الرسمية للشاعر رمزى بشاره

https://www.facebook.com/Ramzy.Beshara.official



لا لتقسيم مصر- أغنية فى العامرية

Conversations Kill

Poet Ramzy Beshara
The most famous Christian song lyricist in the world
He is known by his nickname: El Beshara

لأنك أبويا | مريم محروس

El Beshara

Related tracks