كلمــــــات صــادق الجبــالى 

غنـــــــاء محمود سيد

لو بايدى صوت محمود الفنان

كلمــات صادق الجبالى 
غناء محمود سيد

3aisha f 2lby

يوسف شتا ياصحبى لية بعتنى .MP3

والله وشبت يا عبد الرُّحمان ..
عجّزت يا واد .؟
مُسْرَعْ؟
ميتى وكيف؟
عاد اللي يعجّز في بلاده
غير اللي يعجز ضيف.!!
هلكوك النسوان؟
شفتك مرة في التلفزيون
ومرة .. وروني صورتك في الجورنان
قلت : كبر عبد الرحمان.!!
أمال انا على كده مت بقى لي ميت حول.!!
والله خايفة يا وليدي القعدة لتطول.
مات الشيخ محمود
وماتت فاطنة ابْ قنديل
واتباع كرم ابْ غبّان
وانا لسة حية..
وباين حاحيا كمان وكمان.
عشت كتير.
عشت لحد ماشفتك عجّزت يا عبد الرحمان.
وقالولي قال خَلَّفت
وانت عجوز خلَّفت يا اخوي؟؟
وبنات..!!؟
أمال كنت بتعمل إيه
طيلة العمر اللي فات؟
دلوقت مافقت؟
وجايبهم دِلْوكْ تعمل بيهم إيه؟
على كلٍّ..
أهي ريحة من ريحتك ع الأرض
يونسُّوا بعض.
ماشي يا عبد الرحمان.
أهو عشنا وطلنا منك بصة وشمة.
دلوك بس ما فكرت ف يامنة وقلت: يا عمة؟؟
حبيبي انت يا عبد الرحمان
والله حبيبي .. وتتحب.
على قد ماسارقاك الغربة
لكن ليك قلب.
مش زي ولاد الكلب
اللي نسيونا زمان

حلوة مرتك وعويْلاتك
والاّ شبهنا..؟
سميتهم إيه؟
قالولي : آية ونور.
ماعارفشي تجيب لك حتة واد؟
والاّ أقولك :
يعني اللي جبناهم..
نفعونا في الدنيا بإيه؟
غيرشي الانسان مغرور.!!

ولسه يامنة حاتعيش وحاتلبس
لمّا جايب لي قطيفة وكستور؟
كنت اديتهمني فلوس
اشتري للركبه دهان.
آ..با..ي ما مجلّع قوي يا عبد الرحمان.

طب ده انا ليّا ستّ سنين
مزروعة في ظهر الباب
لم طلّوا علينا أحبة ولا أغراب.
خليهم..
ينفعوا
أعملهم أكفان.!!

كرمش وشي
فاكر يامنة وفاكر الوش؟
إوعى تصدقها الدنيا..
غش ف غش.!!
إذا جاك الموت يا وليدي
موت على طول.
اللي اتخطفوا فضلوا أحباب
صاحيين في القلب
كإن ماحدش غاب.
واللي ماتوا حتة حتة
ونشفوا وهم حيين..
حتى سلامو عليكم مش بتعدي
من بره الأعتاب

أول مايجيك الموت .. افتح.
أو ماينادي عليك .. إجلح.
إنت الكسبان.
إوعى تحسبها حساب.!!
بلا واد .. بلا بت..
ده زمن يوم مايصدق .. كداب.!!
سيبها لهم بالحال والمال وانفد
إوعى تبص وراك.

الورث تراب
وحيطان الأيام طين
وعيالك بيك مش بيك عايشين..!!

يو.ه يا رمان..
مشوار طولان
واللي يطوِّله يوم عن يومه يا حبيبي .. حمار
الدوا عاوزاه لوجيعة الركبة
مش لطوالة العمر.
إوعى تصدق ألوانها صفر وحمر.

مش كنت جميلة يا واد؟
مش كنت وكنت
وجَدَعَة تخاف مني الرجال ..؟
لكن فين شفتوني ..؟
كنتوا عيال.!!

بناتي رضية ونجية ماتوا وراحوا
وأنا اللي قعدت.
طيِّب يا زمان..!!
إ
إوعى تعيش يوم واحد بعد عيالك
إوعى يا عبد الرحمان.






في الدنيا أوجاع وهموم أشكال والوان.
الناس مابتعرفهاش.
أوعرهم لو حتعيش
بعد عيالك ماتموت.

ساعتها بس ..
حاتعرف إيه هوّه الموت.!!

أول مايجي لك .. نط

لسه بتحكي لهم بحرى حكاية
فاطنة وحراجي القط..؟

آ.. باي ماكنت شقي وعفريت
من دون كل الولدات.
كنت مخالف..
برّاوي..
وكنت مخبي في عينيك السحراوي
تمللي حاجات.

زي الحداية ..
تخوي ع الحاجة .. وتطير .
من صغرك بضوافر واعرة .. ومناقير.
بس ماكنتش كداب.
وآديني استنيت في الدنيا
لما شعرك شاب..!!

قِدِم البيت.
اتهدت قبله بيوت وبيوت.
وأصيل هوه..
مستنيني لما أموت..!!

حاتيجي العيد الجاي؟
واذا جيت
حاتجيني لجاي؟
وحتشرب مع يامنة الشاي .؟؟

حاجي ياعمة وجيت..
لالقيت يامنة ولا البيت .. 

العمة يامنة _عبد الرحمن الابنودى

ياسين التهامى ..ملهمى

مربعات ابن عروس - خضرة محمد خضر

هتفارقى
واية يعنى ..ما تفارقى
فكرك هيبقى فارق
انا اصلى واخد عالفراق
ومن الوداع انا قلبى داق
الفرقة .. اصلا عندى داء
فارقى
وسيبى الذكرى ف قلبى بايتة
جمب اللى قبلك بردو فايتة
نفس الملامح والوعود
رغم الغياب ..قالت هعود
وانا لسة مستنى
كاتم ومتأنى
كان بردو بينا شروط
نتخطى اى حدود
كات فيا بتغنى
فارقى ..
ومش هعاتبك
مبقتش قادر عالعتاب
ما انا اصلى متعود
لو قلبى يوم حود
او دق غلطة لحد
ببعد بجد
والعادة ب تعود
وانا مكوى ومجرب
كل اللى يوم قرب
بيكون دة اول حد
يكويك بنارة غياب
.................
.................
مقدرناش نكمل
منعتنا الظروف
منعونا حتى الخايبين
منعونا وسابو الكدابين
دايبين
ناسين
حقوق العشق والعشاق
حقوق التاية والمشتاق
وحشتينى
وسيبتينى
ف ليل الوحدة
ادوب واشتاق
وعدتينى
وخونتينى
ف عز المحنة
قولتى ..فراق
ملعونة الناس
ملعون الحب
على العشاق
ملعونة كلمة ظروف
لو غصب عنة اشتاق
ملعونة كل الحروف
اللى بتنتهى ب الداق
من اول لحظة شوق
ولاخر حضن فراق

هتفارقى لــ صادق الجبالى

زى اليومين دول من سنة
انتى وانا ووعود بتحلم بالهنا .من كام سنة
كات كل حاجة ملونة
كات كل حاجة مزيفة
انتى وانا والحب والشوق والوفا
كان كلة راسم الف وش
كان كلة جمبك واختفى
من كام سنة ..انت وانا
وانتو ودول
عايشين نفارق كلنا
ف دول ودول
مين هيمشى ومين مكمل
مين ف قلبة النبض نـ مل
انت عايش سد خانة
لناس تخون وناس تــ جمل
انت مخدوع ف المحبة
انت جرحك شال وعبا
منك انت القلب عانة
وانت لسة بتستخبى
كلة فيك بيرد دين
كلة سايب للايدين
وانت ماسك للامانة
زى ما يكون فرض عين
...............
.............
انساها
ومالة انساها

طب جرب مرة تدوب ف هواها
واتعلم منك ازاى تنساها
ما هو الكلام برخص التراب
وانت عايش ع السراب
ولا عمرة قلبك دق
ولا جيت ف مرة صدقت
ولا حب مرة ورق
انت وضميرك ..اغراب
ساعات اخاف
وانا بفتكرها
واكدب واقول
بحب غيرها
انا مشتاق
ومحتكرها
هوصفها ليكو ب قاموس اعراب
انا ..ضمير مبنى على الفراق
مشتاق..خبر مرفوع وليها اشتاق
و ..جرف عطف على الفرقة والداء
محتكر..مفعول مشاعرة بقيت اشلاء
ها..حرف جر للغيبة والاشواق
مشتاق وكل حياتى معاها
بكفاية كلام
انا مش زيك
مش قادر انساها

انســـــــــــــاها لــ صادق الجبالى

ف غرفة عمليات مرضى القلب

نزيف حاد ف الاوردة
نتيجة قطع حبل الود
ناديت وياريتة
لبى الندا
سهيت وساهيتة
لاجل ما اشد
على رباط الوجع والهجر
وارخى الحبل ساعة الفجر
الاقى الغدر
ف عرقة يمد
وبدموعة يطهر ف الجروح ويسد
واشد وهو فيا يشد
لحد الفجر
وبعد الفجر
تدوب اوجاعة عالبارد
بكون شارد
ومش سارد
ومش مهتم
ف يغرق ف الدموعو وحدة
ويتقلب فوق بحور الدم
ومين اهتم
ومين عاد يبنى ف اللى اتهد
ومين ماسك فينا وقت الجد
ومين يوصل اللى اتسد
ف قلبة النبض
ومين بالظبط
يشيل الحمل عنك جد
ومين ف الجد شافك حد
ومين ف الحد صلى وصام
ومين جمبك كما الاصنام
كما الاوثان قلوب كافرة
ومين عاش الحياة يحميك
بعين غافرة
لاوجاعك يكون الند

نزيف حاد ف الاوردة
نتيجة قطع حبل الود 

elgbaly

Popular tracks