Sadeq Ya Raby

ترنيمة صادق يا ربي - ترانيم شرقية الحياة الافضل   Sadeq Ya Raby - Better Life

- يا مؤتي الأغاني في ليلي وأحزاني 

يا ضامن سلامي يا يسوع راعي 

1- تارك كل أموري لديك ياللي نقشني علي كفيك 

إنت سلامي وانا في ألامي وانا في الضيق شايفاني عينيك

2- وقت الصعب هارنم فيه فرحي ده قوة وليه اداريه 

ولا إنسان ولا شيطان    ينزع فرح  انت اللي عاطيه

3- رافع إيدي باسلم ليك دفة عمري ملك إيديك 

قالوا كتير فين الخير وانت الخير وانا عايش فيه

4- بات الدمع بين الأجفان ويا الصبح جت الألحان 

وانتصارات واختبارات موكب نصرك لينا كمان


يا مؤتى الأغانى --ماهر فايز

 قلبى أسير نعمتك
ده أنا مديون لرحمتك
جبتنى من المزابل
وكنت راجع وقابل

قلبى رهين كلمتك
وأنا مشتاق فى سكتك
وأتحرك وأنا شايفك
وأعيش لك وأنا خايفك

قلبى شهيد خدمتك
حعلن اسمك وفديتك
يد على المحرات
ناسى كل اللى فات

قلبى مناه مجيتك
مع حكيمات بيعتك
صارى لاسمك بغنى
وفوق حيبقى التغنى

 

وعملها فى قلب حياتى
من بداياتى لنهياتى
وصنعت لى اسم جديد
تقبلنى ضمن العبيد

وجهنى منين ما تريد
صوتك فى حياتى يزيد
ببساطة عين عرفاك
بقداسة ناس عايزاك

وأضيع فيها الغالى
وصليبك وانكر حالى
وبالتانية بمسح دموعى
وصوابعى لاجلك شموعى

ويكون فى سراجى الزيت
كعذارى لازمنا البيت
ونشيد يجر نشيد 
بفرح ابدى ومجيد

قلبى اسير نعمتك

من خلوة خدام فريق الكـــاروز بقيادة الأخ ماهر فايز

بعنوان  ( إيليا الواقف أمام الرب

ماتقولهاش
كلمات وألحان : ماهر فايز

ما تقولهاش تاني يا ابني      مش ه تموت
مش مقبول طلبك مني        مش ه تموت

+ عارف قلبك شايفه كويس      مش متفاجىء بكسور فيك  + 
  أنا مختارك أيوه بضعفك        ومحبتي مش واقفه عليك
الناس تنسى الحلو عشان           مرة غلطت، تمرر فيك
وانا ما انساش كاس الميه          ولا دمعه صليتها عنيك

+ ريح قلبك وارخ إيديك            اسند راسك عند أبيك + 
كل دلوقت ونام يا إيليا              واطمن..متمسك بيك
إيمانك بيّ وقف بيك               زي أسد وزئيري ماليك
كون إيمانك بيك كان ناقص       ده غالي في عنيّ وليك

مش طايق حد من الناس؟       آدي ملايكه هاتخدم فيك +
والعمر الجاي لِسَّه أنا عايزك         تخدم وتزود أوانيك
عايز منك كده كام روح خارجين    بالمسحة اللي عليك
وانت هاتصعد حي ف موكب      ملكي سماوي لما اناديك

Mat2olhash Tany "Live" ماتقولهاش ... الأخ ماهر فايز


١- ومين يدوق الحب كله ويكتفي
من السباحة في مياه من الحياة
يانفسي هيمي واوعي في يوم توصفي
الحب عدّى م الصفة وم الأسماء
وإوعي تفلت العيون من شمسها
سيبي الشبه يرجع لأصله في الإله
سيبي له روحك انتي بس يمسها
ويشدها بالشوق ناحية قلب السما
+ كوني صلاة وقولي ياطيب الساعات
عيشي الصلاة تلقي الحبيب مالي السكات
بقبلات من فمه بكلمات
تمس بال طهر الشفاه تحيي اللي مات
٢-لكل عين عند البشر نور واتجاه
أما عيون الحق دربها صلاة
همّ العيون الدنيا كله في التراب
والعابدين عيونهم اتملت حياة
وفي مياه الراحة راحت القلوب
كل الرؤى متاحة للي جاي يتوب
عين الطهر اللماحة تهرب م العيوب
فتُحمَل في مساحة من نور المحبوب
+ تحيا حياة مصغرة م السموات
عرش الحياة في الذكر بين التسبيحات
تشوفه عين اللي اتجه بلا طلبات
وعَبَر له حتى م الآيات و التعزيات

ومين يدوق الحب كله ويكتفي - ماهر فايز ـ كاليفورنيا

في كل يوم باشوف أمور كلمت قلبي فيها من سنين

فاكر في يوم همسك يقول أنا راجع تاني وهانهض ملايين

دربني ربي وخلّي قلبي يرجع يعيش لمجدك من جديد

هارجع هاتوب هانهض هاقوم هانسى معاك ضعفي وهاقول

القرار-(أنا هارجعلك من تاني أنا راجع امكاني   واقف ع الاسوار وبنادي

بإيماني وبأغاني بكلامي بترنيماتي 

 يسوعي هايكون نور إعلاني)*2

غيرني ربي والمس حياتي علشان تشوف الناس في يسوع

مش بس لساني أو كلماتي لكن أعيش تسبيحة ليسوع

هاسهر هاصلي فاكر رسالتي وأتعلم ربي تاني الأنتظار

وأحيا شهادة بمسحة بإرادة وتفيض حياتي دايمًا بالثمار

____________________

ترنيمة أنا هارجع لك من تاني - الخبر السار

أنا ما أقدرش اتحمل حياة وأنا مش في رضاك دي الدنيا وما فيها لا تساوي لحظة معاك 
++++++++++++
القرار :
و يا دوب اتوب .. وروحي تحن إليك أطيِب في طيِب .. وأتحرك نواحيك والفرحة تخليني أدوب .. وأتجمع تاني فيك
++++++++++++
 أنا ما اقدرش أكمّل من غير وعد وإيد تسندني اعبر بيها وتجيبني وأنا 
بعيد
++++++++++++
أنا ما أقدرش اطوّل في الغربة ولا في دار اتغرب وانا فيها عن وجه الأنوار 
++++++++++++
أنا ما أقدرش احوّل عيني عن طرف إيديك أنا عبدك خدامك وباأقبّل قدميك 
++++++++++++
أنا ما أقدرش اغفّل في رحلة طُهر معاك عيني بمجدك فيها .. افتحها على ضياك

انا مقدرش اتحمل _ ماهر فايز

ترنيم : فريق الخبر السار 
كلمات والحان : فيكتور فوزي  
ألبوم : أتحبني ؟ 

أتحبني ؟ . فريق الخبر السار

مزمور 23 الرب راعي فلايعوزني 1- ماهر فايز

هعدي وهتعدي - المرنم الأخ زياد شحاده.mp3

ده جميلك على رأسى يا واهب لى خلاصى 
يا مصلوب علشان تفدينى معروفك ده فوق جبيني
يا يسوع أنا ليك انا ليك يابن الله
ده جميلك على عينى بدماك وفيت ديونى 
ماحى الصك اللى عليّ وبموتك شيلت الخطية 
يا يسوع أنا ليك انا ليك يابن الله
ده جميلك ما هنساه ده بموتك نلت الحياة
قمت وقومتنى وياك..جالس ومجلسنى معاك
يا يسوع أنا ليك انا ليك يابن الله
ده جميلك ده بحياتي يا ايماني ويا ثباتي
يا تهليلي ويا افراحي يا كنزي وكوكب صباحي
يا يسوع أنا ليك انا ليك يابن الله
ده جميلك ده بعمرى ... طوق فى رقبتى مزين صدرى
أمشى أعلنها بين الناس ... بيسوع وحده الخلاص
يا يسوع أنا ليك انا ليك يابن الله



مزمور 23 الرب راعي فلايعوزني 1- ماهر فايز

ElKarouz Team

Recent comments

User 170580355

Samia

Related tracks