ترنيمة رحوبوت

مين زيك انت
مين في جمالك
مين فى حلاوتك
يايسوع

غنى غنى
أغنيات محبتك على قلبى

حبيبي حبيبى
ابرع جمال من كل الناس
حبيبى

#azbakiah_youth

مين زيك انت _كيرلس مجدى _ إجتماع الشباب .mp3

قلبي حاضر لك
وكلي ينجمع لك إن ناديته
صَلِّي في قلبي يصَلي
وجمراتك صلواته
ياللي سابق ومجهز لي
فيك مكان تلاقيني فيه
حتى شكري وأنا جاي أصلي
نعمة بأشكرك عليه

احميني واجذبني مني
ومن صلاة برَّه الأقداس
من رياء فيه إشارة عني
ومن عبادة بلا إخلاص
واخفيني عن عيني ربي
واظهرني في نور عنيك
ما أتحركش إلا وقلبي
ساكن وانت واخدني فيك

حررني من أي سيادة
بخضوعي لك ولوصاياك
جنِّد قلبي لك بإرادة
ونية مش عايزة الا رضاك
تُجري ما شئت في حياتي
نفسي ملكك يا مؤتمَنها
نفسي أبطَّل تدخلاتي
ربي ما بينك وبينها

باركت الأيام بحضورك
وكللت السنين بالجود
خليني أقول اليوم يومك
وأقدسهُ لك بسجود
وأسَهَّر لك الليالي
ليلة مع ليلة ف حكاياتك
وأعَطَّش بالحب نهاري
لك وانا متاخد في آياتك

بابا قال إنك وصولي
يا يسوع وانت الطريق
ياللي بيك وَصْلي وحصولي
وبعد صورتك ما لي شيء
واللي قال بإنه واصل
لا حصل فيه ولا داق
واللي داق العز حاصل
جواه الشوق مهما داق

قلبي حاضر لك

ايها النور الذي أشرق(سبحوه وزيدوه علوا)-ماهرفايز

نعمتي ليك .. رحمتي ليك
يا للي ناديتني: بابا
وجيت لي في المحبوب يسوع
وقلت بروحي: آبا

١-لك من قلبي سلام
يحفظ في الأيام
واهب لك قيام
ف قوة اسم بابا

٢-آمر لك بشفاء
من كل الأدواء
اقبل مني دواء
جوه محبة بابا

٣-افرح بالإيمان
في المسيح الآن
تهرب الأحزان
قدام فرح باب

٤-لك عز المسيح
أعلنه بالتسبيح
وف الحمل الذبيح
اسجد لاسم بابا

٥- حضني لك مفتوح
امتلي بغنا الروح
اشف به مجروح
هاته لحضن بابا

٦-لك عندي انتصارات
لما ف اسمي تبات
وتعيش الكلمات
والوصايا لبابا

٧-لك ف بيتي مكان
من قبل الازمان
مع أكاليل وتيجان
للقديس في بابا

ترنيمة نعمتي ليك

+ كل الناس محتاجة لحضن    
فيه الحنان، فيه الأمان، وفيه الحب
كل الناس بلا استثناء    
(محتاجة حنان) ٢ محتاجة لأب
 
٠١ يشترينا، لما الدنيا تبيع  
ويشتريلنا حلم
يمسك فينا، ولو سيبناه وبنضيع    
يصُد عنّا اليُتْم
هو الحنان، هو الأمان؛ إيه غير أب
 
٠٢ يرسي بينا، وسط الموج والريح    
ولو انكسرنا يِلِمّ
يحمي فينا، كيان ماليه الطموح    
ويقوِّم اللي انهدم
هو الحنان، هو الأمان؛ إيه غير أب
 
٠٣ يمشي بينا، درب الحياة بلا خوف    
وجوده رافع هَمّ
وفرحه بينا، يقوينا عالظروف  
وضحكه يمحي الغَمّ
هو الحنان، هو الأمان؛ إيه غير أب
 
٠٤ مين حَط فينا، كل دا غير أبونا      
السماوي اللي يضُمّ
ويرد لينا، في المسيح نعمة "أبانا"    
ويعوض اللي انحرَم
من الحنان، من الأمان، مين غيره أب؟!

ملكوت الله جوانا - الأخ ماهر فايز

ElKarouz Team

Recent comments

sandy Nabil

Abanob Henry

Sister Kiliana 🇸🇾✝️

Related tracks