الاغنيه بتصنع ذكريات كتير قوي الذكريات بتاعتها انت بقى حلوه قوي وبتفتكر كل حاجه لما تسمعها وانت مغمض علشان تعجبك تعال شكرا ليك شكرا ليك انك بتحب السعاده والذكريات🤟🤙🤘🥰😗

بنزول المية في الكوباية
انا بدأت افهم
فشوفت النص الفاضي منها
فاستغربت بضحك
بضحك علي الايام اللي عدت في الحزن واليأس
وكانى ولا  شايف نصها المليان فلا بأس
 عادي مش مهم عدت مش هتكسر
عرفت اسباب كتيرة علشانها لازم ابتسم 
وشوفت ازاي بكلمة واحدة البسمة ممكن تترسم
زي كل سنة وانت طيب مبروك ونورتنا
ياريت نشوفك تاني وتبقي واحد مننا
واديني بفتكر وازاي انا كنت بشتكي  
واقول ده العمر عدي فات ده احنا لسة بنبتدي
هفكركوا واحدة واحدة يا ريت تستحملوني  
اوعدكوا بابتسامة لو كملتوا تسمعوني
فاكرين اجازة اخر السنة كل سنة  
وحلاوة النجاح لما تنجح انت وانا
وحلاوة النجاح لما تنجح انت وانا
 
ياه حلاوتنا لما نرضي بحياتنا
ياه وقلوبنا فاتحينها لخلق الله
 
ياه حلاوتنا لما نرضي بحياتنا
ياه وقلوبنا فاتحينها لخلق الله
 
انا فاكر المحبة والعشرة والصحاب
 والكورة الساعة ستة والشورت والشراب
وحوش المدرسة في الفسحة مليان بالصحاب
والشنطة قاسمة ظهري وفيها مليون كتاب
ايوة فاكر عيد ميلادي  والتورتة والشموع
واللعبة دي عايزها واقعد اعيط بالدموع 
وعيد ورا عيد بيجي طب فين العدية  
يا بخت  عم محمد البقال اللي تحتيا
خلصت فلوسي كلها علي البوظو واللوليتا
مبروك البوية الجديدة مكتوبة علي كل حيطة
 ذكريات كتير عبيطة بس كانت ايامنا حلوة
 ايوه كانت ايامنا حلوة والمشاكل كانت بسيطة
كلما نكبر اكتر تكبر همومنا تزيد
بقيت انسان جوه منه محبوس طفل مش سعيد  
الدنيا بتاخد فينا وتودينا وتنسينا
ونروح نتوه ندور علي السعادة وهي فينا
اه بحب السعادة وبحب اللي بيسعدوني
وبحب  اللي وقفوا جنبي لما غيرهم كسروني
وبحب المزيكا لما تعلي في العربية
وبحب ليلة العيد والسهر علي مسرحية
وبحب لما اللمة تكمل بينا علي الغدا
وبحب سهر الصيف وبحب برد الشتا
وبحب المدرسة وصحابي اللي بقيوا منها
وكل حاجة بسيطة بنحبها وناسينها
 
ياه حلاوتنا لما نرضي بحياتنا
ياه وقلوبنا فاتحينها لخلق الله
 
ياه حلاوتنا لما نرضي بحياتنا
ياه وقلوبنا فاتحينها لخلق الله

السعادة زاب ثروت محمود العسيلي ساري هاني 2018 El Saada Zap Tharwat Sary Hany Mahmoud Elesseily

انا السيجارة-يلا نغني-بنخاف-هوب-كان لك معايا-يا ابيض اسود-هاتلنا بالباقي لبان-انا الصوت

Comments

amr shrky

محمد حمدي

Yossef Joo

Khaled Soliman Dahab

User 628947575

Soska Asmaa

Fatma Mahmed

Aasr ElBana

Ashraf Ali

❤️M🌹muheb👌