Ahmed

اسمحلي افكر معاك بصوت عالي
الوعي شكله مدي غياب الليلة دي
متخدش كلامي جد انا هصحي ناسي
بحلم بعالم موازي الكون فه مش قاسي 

قلبي بقي خردة ناديله بكيا بكيا بكيا
بكلمة واحدة شقلبت الدنيا الدنيا الدنيا

عنيك بتقول عكس كلامك
كلامك عكس اللي ف بالك
بالك بيسارع حالك
حالك مش عارف مالك

ابعت اغنية 
تحلي السكوت
الوحدة انانية
 دايما بتفوز
احجزلك جمبيا 
نشوف الغروب
ليه غيومك حواليا 
و انت مش موجود

قلبي بقي خردة ناديله بكيا بكيا بكيا
بكلمة واحدة شقلبت الدنيا الدنيا الدنيا

Donia Waelll & El Waili - Bekya \ دنيا وائل والوايلي - بيكيا

متكتف - أمير عيد (مسلسل ريڤو2)

. امير عيد -و لا الزمان ولا المكان سامحين .'

Zap Tharwat Ft. Sary Hany & Amir Eid (Cairokee) زاب ثروت وساري هاني وأمير عيد (كايروكي) في السما

اغنية فـ السما .. زاب ثروت_امير عيد_كاريوكى

سافر حبيبي وجا خلي  يودعني
 بٙكى وبٙلّ المحارم و أنا قُلْت إيه يعني
و الله فُراق الحبايب مُرّ يوجعني

سافر حبيبي - واحة الغروب

اغنية امير عيد كنت فاكر لسة بدري درامز ميكس عادل الانجكس

akoam.com

Law.Tesmaeni زاب ثروت لو بس تسمعيني

محبوس في دايره من الأوهام واليأس
 بحاول اتحرر كل يوم مش عارف لا بأس
يمكن لما الناس تتعرف علي أحزاني
 تفهم تقدر تصرفاتي افعالي وجناني  
لا بقي كفايه كفايه كفايه تبرير 
كفايه كفايه محاولات بائسه للتغيير
خلاص مش هسكت هتكلم بدعوكوا 
للسماع هختم كلامي في النهايه بكلمهالوداع  
قررت أسيب حياتكم واسيبلكوا المسرحيه
 افرحوا بالاضواء والتمثيل والنجوميه
وهميه الدنيا اللي كلنا عايشين فيها
 عارفين والغريب بسنانكوا متبتين فيها
انا عارف ان أنا مش أول واحد يتعرض لضغوط
 ولا هبقي اخر واحد ياخد حياته بأيده يموت
مش كفايه طول اليوم نظراتكم ليا 
بتجوني في فكري قبل النوم وفي أحلامياليوميه
اسألتكوا بتنهش عقلي زي الضباع بتحوم
 وازاي ألوم في ضبع  كنت بأمره بالصوم
فا لو سألتوا هرد بأي كلام وأضحك عليكوا
 بزعل لما تصدقوا الكذبه وتكذبوا عينيكوا
يمكن بتصدقوني علشان  ده اسهل علي ضميركوا
 بتسألوني مالك أنتم كتير وغيركم
بس عمر ما حد فيكم اهتم يسمع الاجابه
 ولو فتحت قلبي ليكوا هتقولولي بلاش كآبه  
فسيبوني أروح لعالم تاني اجمل من عالمكوا
 أكون في وسط عالم أعلم بحالي منكوا
الوداع للقوم الكاذبين المدعين
 لا تصطنعوا اهتمامكم كلكم مكشوفين
 
2x
وحيد بس وحدي
 وسط ألمي ومحنتي
 نفسي ليكوا أقول وأحكي
 تبقواسندي وقوتي



الوداع للقوم الكاذبين المدعين
 لا تصطنعوا اهتمامكم كلكم مكشوفين
الكلام لمين لكل المستمعين وعلي لسان مين مراهقين بكره يبقوا كبار
قلوب صغيره بتعاني سرعه الاحتضار
 ضغوط الأهل والمجتمع أثرت عليهم 
زرعت فيهم مشاكل أبدا ما كانت فيهم
 من تهميش صوتهم ودورهم فيمستقبلهم من أهلهم  
معاناتهم لو اختلفوا عن مجتمعهم في فكرهم
 ازاي بتلوم في طفل أنت السبب في تكوينه
بتستنكر وجوده بتذل فيه وتهينه 
افعالك في الاساس هيا اصلا سبب المرض  
لو مش عاجبك تربيته المفروض أنت اللي تتحرج
 هرج ومرج جوه عقل الشاب اللى اتدرج
تحت تصنيف مكتئب عايش بيحلم بالفرج
 الاكتئاب ده مرض مش حاله ولا موود 
واصل لربع شبابنا بالأرقام والشهود 
٢٥٪ من الشباب مكتئبين
بيعانوا امراض نفسيه وعن الحياه معزولين 
٦٪ منهم بيفكروا في الانتحار
 وارجع لكتاب اكتئاب المراهقين والاطفال
فمتربوش ولادكوا عالأوامر والتهزيق
 متكسروش مقاديفهم بالكبت والتضييق 
العنف مش بس عنف مد اللسان والإيد
 العنف كسر النفس وتحويلهم عبيد 
فا لو أنت نفسك مش متصالح مع نفسك
 متجبش في الدنيا طفل فيامراضك ينافسك 
 واعرف  وافهم ان البنين زينه فتنه زي المال
 فاللي معهوش فلوس بقي بيكنز في العيال 
اللي غرقوا في مشاكل منشأها البيوت
 انا مش جاحد لفضل أهلي ولا بدعوكواللعقوق  
انا بوصل حقيقه مجتمعنا
 مجتمع أملي وأملهم انه يسمعنا  

2x

مش وحيد بس وحدي
 وسط ألمي ومحنتي
 نفسي ليكوا أقول وأحكي
 تبقواسندي وقوتي

خمسة وعشرين - زاب ثروت و ساري هاني و هاني الدقاق 2018 | 25% - Zap Tharwat ft. Sary Hany & Eldakk

ما بين لقانا والفراق كانوا ثانيتين
 ما بين فراقنا واللقا سنيين وسنيين
كان نفسي اقولك كل حاجه في الوقت المناسب
 كان نفسي اقولك ولكلامي ماكنتش حاسب
ياه لو كنت قولت كلامي افتح قلبي وابوح
 ياه لو كنت قولت قبل ما تروح
 
من زمان وقالوا الصبر مفتاح الفرج 
صبرت جامد حتي الصبر منك اتحرج
عذاب الألم اللي اتلضم ويا خيط الزعل
 خلي شيطاني حتي ندم عاللي مني اتفعل
فأهم حاجه في التوبه النصوحه يكون الندم
 مش هوصفلك شكل الشرخ اللي فيا اترسم
شرخ كان بألم جوا قلب حلم
 اتغير وشوفت فيه انسان كان أصله صنم
يرضيكي تمشي وتفارقي وفي ماضيه تكوني
 بعد اما كنتي كل حاجه من عقلي وجنوني
لا مش اختيارك ما أنتي لازم تسمعيني
 القرار قرارك بس لازم تفهميني
ايوه مش هخبي حاولت انسي واكابر
 وفي كل مره كبري كان عليا فيها صابر
ياما حاش كلامه ياما ياما سكت
 وياما كان يلومني ان عيونها بكت
وكنت اصرخ واقوله ده أنت كبريائي
 ودايما رده واحد أصل هى دائي
كل داء وليه صنف علاج ودوا
 بس فين تلاقي دوا للهوا
أنا اللي فيا كوم وانتي كوم وكفه
 كل العالم يهون بس الدنيا تصفي
وعد من اليله دي خنجر جوا صدري
 انك لو سامحتي نهر روحي تاني يجري
ويشيل حمل المراكب علي طول الشراع
 ويغني للحبايب بكفايه العمر اللي ضاع
اصلك أنتي غيرهم أنتي كل حاجه
 وهما حاجه واحده باختصار سذاجه
عارفك مش هتمشي ولا هتودعيني
 جايلك تاني اطلب لو بس تسمعيني
لو بس تسمعيني   
 
ياه لو كنت قولت كلامي
 افتح قلبي وابوح 
ياه لو كنت قولت قبل ما تروح


ما بين لقانا والفراق كانوا ثانيتين
 ما بين فراقنا واللقي سنيين وسنيين

لو تسمعيني - زاب ثروت و ساري هاني و شريف الهواري و انجي نظيف 2018 | Zap Tharwat Law Tesmaeeny

زمان بس مش زمان  ألف ليلة وليلة
زمان وقت الطفولة الحلوة وايامنا الجميلة
كان عمري عشرة اتناشر مش اكتر من كدة
عرفت كريم صديقي اللي من ايام الصبا
اخوات مش اصحاب يمكن تقول علينا
يفرقنا بس الشكل والاختلاف اللي في اسامينا
نفس حب الكورة فينا ولعبها اللي بالساعات  
هتلم فرقة هلم فرقة ونلعب علي التيشرتات
ياما في مدخل العمارة سهرنا علشان الوقت اتأخر
والصبح للأتاري اليوم في ثانية كان يتبخر
في الشتا كنا نتقابل بعد خروج المدرسة
تكمل العصابة بينا وننزل تاني علي العشا
في اللي منا هادي عاقل واللي صوته عالي هيصة
واللي ملهش في المشاكل واللي خناقاته عويصة
واللي من صحابنا بعدوا عشان سجارة جديدة غير
لفوا مهما لفوا تاهوا رجعوا لان ملكش غير
كشك عبده كان مجمع جمبه من الحبايب ألف
كنا كتير وما حد غايب واللي يغيب اكيد في ظرف
في الفرح دايما جماعة ومينقصش منا واحد  
في العزا تلقانا صف كتف في كتف وضهر واحد
الزعل ما بينا نادر كلمة اسف كانت تدوب
اي خصام مابينا كان وجمب اخويا اياك تهوب
ايوة عيلة بدون روابط الأسر والقرايب
اختك اختي واهلك اهلي في وجودك او كنت غايب
 
 
صحاب اصلية فقرية دماغهم مشكلة
 رجولة ومية مية دول عشرة قديمة  مكملة
لو فين اراضينا حاسين ببعضينا
 كبرت وشوش بس القلوب جدعان متغيروش
 
عايز احكيلكم عالسعادة والايام الحلوة بينا
البوم عمرو في المعمورة قبل راس سدر ومارينا
العربية حمولة خمسة بس راكب فيها سبعة
بنسافر الصبح بدري وبنرجع بالعافية في تسعة
الحكاوي قبل نومنا نفضل باليومين صاحيين
الشاليه لو اوضة واحدة عادي يكفي اربعين
فرقت الجامعة بينا باختلاف مواعيدنا
واتخرجنا بسرعة منها بس كنا خلاص بعدنا
صوت الجيش عمال ينادي اللي داخل واللي أجل
واللي أخد الأعفا دغري ولمعاد الفيزا سجل  
كبرت الدنيا علينا والمكالمة بالمعاد
اصل فلان هاجر لكندا وفرق التوقيت بالساعات  
هما اتنين تلاتة بقيوا في الوصال والاتصال
ونقول الدنيا تلاهي وكل واحد حاله حال  
وفي يوم ابويا تعب كنت هموت من الخوف عليه
القدر يعمي البصر طب هتصرف اعمل ايه
فكلمت اول نمرة من صحابي كنت فاكرها
 حس بيا واللي فيا من مكالمة وفي اولها
 ونص ساعة وكان تلاتة من  صحابيقصادي جم
 زادوا اكتر بعد ساعة ايوة دول صحابي اهم
 ورجعنا تاني صف واحد كتف في كتف وضهر واحد
كل اخواتي كانوا جنبي ومنقصش منا واحد
 قام ابويا بعدها كانوا سندي وقتها
والحكاية دي حقيقة والله مألفتها
 
 
صحاب اصلية فقرية دماغهم مشكلة
 رجولة ومية مية دول عشرة قديمة  مكملة
لو فين اراضينا حاسين ببعضينا
 كبرت وشوش بس القلوب جدعان متغيروش

الصحاب - زاب ثروت و ساري هاني و حمزة نمرة 2018 | Al Sohab - Zap Tharwat ft. Sary Hany & Hamza Namira

بنزول المية في الكوباية
انا بدأت افهم
فشوفت النص الفاضي منها
فاستغربت بضحك
بضحك علي الايام اللي عدت في الحزن واليأس
وكانى ولا  شايف نصها المليان فلا بأس
 عادي مش مهم عدت مش هتكسر
عرفت اسباب كتيرة علشانها لازم ابتسم 
وشوفت ازاي بكلمة واحدة البسمة ممكن تترسم
زي كل سنة وانت طيب مبروك ونورتنا
ياريت نشوفك تاني وتبقي واحد مننا
واديني بفتكر وازاي انا كنت بشتكي  
واقول ده العمر عدي فات ده احنا لسة بنبتدي
هفكركوا واحدة واحدة يا ريت تستحملوني  
اوعدكوا بابتسامة لو كملتوا تسمعوني
فاكرين اجازة اخر السنة كل سنة  
وحلاوة النجاح لما تنجح انت وانا
وحلاوة النجاح لما تنجح انت وانا
 
ياه حلاوتنا لما نرضي بحياتنا
ياه وقلوبنا فاتحينها لخلق الله
 
ياه حلاوتنا لما نرضي بحياتنا
ياه وقلوبنا فاتحينها لخلق الله
 
انا فاكر المحبة والعشرة والصحاب
 والكورة الساعة ستة والشورت والشراب
وحوش المدرسة في الفسحة مليان بالصحاب
والشنطة قاسمة ظهري وفيها مليون كتاب
ايوة فاكر عيد ميلادي  والتورتة والشموع
واللعبة دي عايزها واقعد اعيط بالدموع 
وعيد ورا عيد بيجي طب فين العدية  
يا بخت  عم محمد البقال اللي تحتيا
خلصت فلوسي كلها علي البوظو واللوليتا
مبروك البوية الجديدة مكتوبة علي كل حيطة
 ذكريات كتير عبيطة بس كانت ايامنا حلوة
 ايوه كانت ايامنا حلوة والمشاكل كانت بسيطة
كلما نكبر اكتر تكبر همومنا تزيد
بقيت انسان جوه منه محبوس طفل مش سعيد  
الدنيا بتاخد فينا وتودينا وتنسينا
ونروح نتوه ندور علي السعادة وهي فينا
اه بحب السعادة وبحب اللي بيسعدوني
وبحب  اللي وقفوا جنبي لما غيرهم كسروني
وبحب المزيكا لما تعلي في العربية
وبحب ليلة العيد والسهر علي مسرحية
وبحب لما اللمة تكمل بينا علي الغدا
وبحب سهر الصيف وبحب برد الشتا
وبحب المدرسة وصحابي اللي بقيوا منها
وكل حاجة بسيطة بنحبها وناسينها
 
ياه حلاوتنا لما نرضي بحياتنا
ياه وقلوبنا فاتحينها لخلق الله
 
ياه حلاوتنا لما نرضي بحياتنا
ياه وقلوبنا فاتحينها لخلق الله

السعادة زاب ثروت محمود العسيلي ساري هاني 2018 El Saada Zap Tharwat Sary Hany Mahmoud Elesseily

زاب ثروت ، ساري هاني ، انجي نطيف و شريف الهواري (لو تسمعني)

Sharmoofers - Moftaqed El Habiba | شارموفرز - مفتقد الحبيبة

انا السيجارة-يلا نغني-بنخاف-هوب-كان لك معايا-يا ابيض اسود-هاتلنا بالباقي لبان-انا الصوت

لو تسمعيني - زاب ثروت و ساري هاني و شريف الهواري و انجي نظيف 2018 | Zap Tharwat Law Tesmaeeny

البوم كايروكي - ابناء البطه السودة 2019 Cairokee

Recent comments

A.B.N_Hany

A.B.N_Hany

A.B.N_Hany

A.B.N_Hany

Related tracks