ألا غزال البر صابح ماشي

قالت لعين الشمس ما تحماشي

ألا حبيب الورد صابح ماشي

شعب اصيل بيغني للبطل الورداني قاتل الخائن بطرس غالي

الورداني هو غزال البر هو حبيب الورد اللي كان صابح ماشي. ابراهيم الورداني اللي أطلق رصاصات ست على الخائن بطرس غالي بعد تواطئه مع الاحتلال الإنجليزي لتمديد حق إمتياز قناة السويس 40 سنة أخرى لصالح إنجلترا، و الشمس اللي ما تحماشي دي كانت شمس 28 يونيو 1910 إعدام البطل اللي اغتال بطرس غالي رأس سياسي الثورة المضادة للبطل عرابي ( وعرابى وثورته هزمتها الثورة المضادة). المصريين ما حدش يقدر يراهن على وعيهم لأنهم أحفاد الفراعنة. التطور الجيني بتاعهم خلقه ربنا كده. غنى المصريين للورداني و توسطوا له عند عين الشمس ألا حبيب الورد صابح ماشي.

الجدع بعد ما اتقبض عليه عند وزارة الحقانية أخدوه فورا على تحقيق النيابة فتحى زغلول (أخو سعد زغلول) اللى سأله وقبل ما يفتح المحضر معاه حتى ليه عملت كدا ؟؟ قال ابراهيم لأنه "كان خائن للوطن"   ... بمنتهى البساطة يعنى !!! قتلته عشان الآتى : رئاسته لمحكمة دنشواي توقيعه لاتفاقية السودان اعادة اصداره لقانون المطبوعات عرضه لمشروع قناة السويس الجديد وعشان اهانته للحركة الوطنية في مصر اصل بطرس غالى طلع يقول انه ضد الفوضى والفوضويين وانه لقح كلام كدا عن المعارضين انهم بتوع تخريب و أجندة خارجية والكلام زعل هيمة فقرر يعمل معاه السليمة

لا يا جدع احنا كمان جينا في الجيل الجديد جبنا بطرس بطرس غالي في منصب محترم 😁😂

محمد حمام

كانت حبيبتى مخلصة
كانت اذا غاب القمر تسهر عيونها الناعسة
كانت اذا طال السهر تصبح نجومى فى المسا
كانت بتصبح لو اقول تلميذة جوا المدرسة

بس الزمان هوا اللى خان
ابدا مالوش ذنب الزمان

كانت حبيبتى على الطريق
بتسيبنى لو عايز انام وتجينى لو احتاج صديق
تسمعنى لو هاقول كلام وتشد ويايا الغريق
كانت فى ليه الصيف نسيم وفى ليلة الامطار حريق

كانت حبيبتى حنينه
كانت بتوهبنى الامان فى اللحظة 100 مليون سنة
كانت بتسقينى الحنان وتقلى اشرب يا انا
كانت اذا قلبى اشتكى من الشوق تكون السوسنة

كانت حبيبته  مخلصة   محمد نوح

فى يوم وفاة  نجيب سرور 
بكى الشيخ امام وهو يغنى موال فيك ناس ياليل بيشكولك مواجعهم
جزء من الموال احتراما لدموع وحزن الشيخ امام 
-----------
تسجيل نادر 
من مكتبة عصمت النمر

تسجيل نادر -  الشيخ امام عيسى يبكى ..  موال : فيك ناس ياليل بيشكولك مواجعهم

محمد حمام _ ده اللي يخبي القول ميبقاش ولد

وإن قال الآه أنا أقوله يا روح القلب آهين⁦..

سعيد صالح يغني - قصيدة الليل ملاح لأحمد فؤاد نجم

اللي يخبي القول ما يبقاش ولد - محمد حمام

all about  this track https://www.facebook.com/torath.egy

يونس شلبى - أدم و التفاحة من برنامج عندما يأتى المساء

انا اتلهيت و خدل زندي ( من مسرحية كعبلون )
كلمات بيرم التونسي
لحن و اداء سعيد صالح 

أنا أتلهيت و خدل زندى
و انا ولا عنتر ولا غاندى
ان كانت الغلطات من دى
يكون ف عون اللى عملها

ان كان علي الملح اكلنا
و انا كان علي السجن دخلنا
و الجوع نحلنا و نحلنا
خلي الي فاضل لرجلها

قالوا اللى يشرب من بيرك
لابد يرجع و يجيلك
و انا اللى عطشان ف سبيلك
الدنيا ايه اللى جرالها

يا بلدي هجرك يكفاني 
يا عملة قمع و نسياني 
و يوم ما هرجعلك تاني 
هتبئا رجعة برأسمالها 

يا م الكرانك و الدلتا
هاتعملى طرشة لإمتى
ما اتغيرت كلمة زفتى
و الدنيا راقت أحوالها


انا اتلهيت و خدل زندي من مسرحية كعبلون للفنان سعيد صالح

محمد حمام - يا شمس غيبى ويا مراكب حلى

محمد حمام - يا بيوت السويس

محمد حمام صوت النوبة 
يغني الليلة يا تمرا بدلا من الليلة يا سمرا
كلمات فؤاد حداد لحن أحمد منيب

الليله يا تمرا - محمد حمام

العبقرى محمد حمام -يا عم يا جمال يا ليله

المصدر: 
https://www.youtube.com/watch?v=bgE-0dQ3dng

الكلمات

الأولة آه
والتانية آه
والتالته آه
***
الأوله آه
و الغدر لمن حكم
صبح الأمان بقشيش
والتانيه آه
و الندل لما احتكم
يقدر ولا يعفيش
والتالته
آه
و الحر مهما انحكم
للندل ما يوطيش
الأوله غربتي
والتانيه بلوتي
والتالته كلمتي
***
أرغول يا أرغول
يا أبو النغم موصول
شطره تجيب شطره
و الشطره غنيوه
منظومه وحليوه
و السامعين أدرى
والسامعين أشتات
زي النغم مقامات
قسَّم وغني وهات
واملا المكان خضره
بالفن والقدره
و الأوله آه
والتانيه آه
و التالته آه
***
يا عم يا قوال
يا أبو الحرير موال
كيفك
و كيف الحال
اغزل وسمعنا
واشطح مع النغمات
ودوس على المقامات
هات اللي عندك هات
لمن تشبعنا
دا حنا الحيارى دليل
مستنظرين مواويل
توصل مع المراسيل
و الصهبه تجمعنا
صهبتنا صباحي
طول ما الألم صاحي
يا شوقي يا جراحي
يا صحبتي في الهم
يا شركتي في الدم
عزوتنا
لو نتلم
و نغني للفقرا
أخضر خضرضر مال
للعشق والموال
وكان أصيل الخال
لكن فقير الحال
شد الرحال في الحال
جاب البلاد رحال
ينزف على الأرغول
دم الصبا سلسال
أخضر خضرضر مر
على كل بحر وبر
داق الشتا في الحر
و العشق له أهوال
رجع صحبنا حزين
يقعد مع المساكين
ويغني للعاشقين
و يقسم الموال
يا ليلي آه يا عين
يا عم يا جمال
ترعى حمالك وين
و أنت فقير الحال
يا ليلي آه يا عين
يا عم يا جمال
 والصبر مهما طال
ما حينفتلشي حبال
إذا لم قلوب وإدين
يتمدوا ع الشطين
ويعمروا العيارين
ويطخوا راس المال
والأوله آه
و التانيه آه
و التالته آه

الشيخ امام على الارغول (الاولة اه) - تسجيل جيد

ياللي انتى بيني و بينك سور
بكرة العيون هاتشوف النور
ولا يبقي بيني و بينك سور
بكرة يا روحي الهنا 
هايفيض علي الدنيا
و قبل ماتفوت سنة
هانعيش فى حرية
افرح بحسنك انا
و تمتعي عنيا
ولا يبقي بيني و بينك سور
بكرة شباب البلد
هايهدوا اسوارها
و نشوف شموع الهنا
قايدة فى افراحنا
نارها تنور لنا
وتشوي اعدائنا
ولا يبقي بيني و بينك سور 

محمد حمام - يا اللي إنتِ بيني وبينك سور

غزال البر هو ابراهيم الورداني 
شاب مصري، صيدلي ، أرستقراطي
درس في انجلترا وسويسرا 
 في 20 فبراير 1910، اغتال الورداني بطرس باسا غالي رئيس وزراء مصر لخيانته وعملاته للمحتل الانجليزي، مطلقًا ست رصاصات على بطرس باشا، الذي توفي في اليوم التالي. لم يحاول الورداني الهرب، وأوضح لاحقًا لمحاميه الشهير إبراهيم الهلباوي أن بقاءه كان رسالة مفادها أن اغتياله سياسي لا شخصي. تحولت محاكمته إلى محاكمة علنية لسياسات بطرس باشا، وحرصت السلطات البريطانية على استغلال الحدث لتأجيج الانقسام الطائفي، وهو ما رفضه الوطنيون الأقباط، مؤكدين أن الحراك وطني لا ديني.
حُكم على الورداني بالإعدام، ونُفذ الحكم في 28 يونيو 1910. كانت كلماته الأخيرة: "الله أكبر الذي يمنح الحرية والاستقلال... أشهد أن لا إله إلا الله، وأن الموت في سبيل الوطن آية من آيات الله". منعت السلطات ذكر اسمه أو تشييع جنازته، لكن الشعب أطلق عليه لقب "غزال البر"، وغنى له في يوم إعدامه: "قولوا لعين الشمس ما تحماش... أحسن حبيب القلب صابح ماشي".

رحم الله غزال البر الورداني 

قولوا لعين الشمس ما تحماشى - محمد حمام

Mohamed Elshobaki

Recent comments

آسما

آسما

آسما

آسما

Related tracks