مزيج انت حتة قلب وتجارب - ميدلي احمد الطحان

الشِعر دايما فيه شعور بالعظمة
لكنه أنبل لو شعور بالذنب

الوداع يا أحمد 
الوداع يا جميل

إنا لله وإنا إليه راجعون
ربنا يرحمك يا أحمد ويجعل مثواك الجنة

ميدلي أحمد الطحان

الفاتورة

مصطفى إبراهيم ، تفرانيل 50&100 . 

تفرانيل 100

انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف ع حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير ع السلم
بخاف اطلع
و اخاف من الارض
- اكيد الخوف مش الفكرة
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
- و تعرف عنه اصلا اية ؟
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش
ما سبتش شئ مجربتوش
ولا جربته و ما سبتوش
بحب العود
و احب الناى
و اموت و اعرف حقيقى ازاى
حاجات من دى
ساعات بتدب فيها الروح
من اللمس و من الانفاس
فتبقى حية اكتر من البشر و الناس
مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساها
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتها
ف كل خريف”

تفرانيل 50

أنا بفضل دايما للآخر
 
 
ف جيمات الكونكان والشايب
 
 
و ف كشف الحاضر والغايب
 
 
وف حجز شقق مصيف بلطيم
 
 
أنا آخر تايب في اصحابي
 
 
وآخرهم ف الصلا ف التسليم
 
 
وف دور المدرسه في التطعيم
 
 
وفي وقت السين
 
 
أنا آخر جيم
 
 
أنا جرح قديم...كان متغطي
 
 
إكمني مشتي ولابس كم
 
 
سبتني الدنيا بستين أم
 
 
وسبتلها ميت مِلّه ودين
 
 
ولحد ماتميت ست سنين
 
 
أنا كنت بحب البني آدمين
 
 
وكرهت الناس من بعديها
 
 
علشان نسّوني أنا أصلاً مين
 
 
مش فاكر إمتى حقيقي بدأت
 
 
إنما فيه فتره فاكرها طشاش
 
 
كان فنجان قهوتي مابيفضاش
 
 
وبكلم ربنا طول الوقت
 
 
عمري ماصدقت بنات غير ريم
 
 
ويمكن دلوقتي ما اصدقهاش
 
 
آخر مره
 
 
شفتها فيها
 
 
 
كانت تقريبا بتعزل
 
 
و كان فيه سواق تاكسي منزل
 
 
ف شنط ناس حتحل مكانها
 
 
ووشوش بني آدمين معرفهاش
 
 
أنا ريم يمكن كانت قدي
 
 
أيامها... لكن دلوقتي أصغر
 
 
عارفه إن أنا يوميا بكبر ؟
 
 
وبعجز إكمني مابنساش
 
 
أنا فاكر أيام بالميللي
 
 
أنا فاكر أيام بالتفصيل
 
 
أنا فاكر يوم دفنة أختي
 
 
حتصدقي..؟ أكتر مافاكرها
 
 
وساعات بنسي ف ليله كبيرها
 
 
أنا فاكر شقة قصرالنيل
 
 
ومش فاكر حد من السكان
 
 
من صغري وعمري مابنسي مكان
 
 
أنا أصلاً فاكر بيت شادي
 
 
مع إني مازورتوش غير مره
 
 
بأمارة فيه برواز بره
 
 
كان جواه صورته ف إعدادي
 
 
كان لسه ساعتها طالعله شنب
 
 
ونا حاسس إني طلعلي أتب
 
 
من تقل الشيله و م التفكير
 
 
معلش أنا آسف برغي كتير
 
 
وبسف ف وقتك وف وقتي
 
 
أنا حاسس بدماغي بتتقل
 
 
أنا نفسي أنام
 
 
أنا عاوز أروّح دلوقتي
 
 
متشكر جداً ع الجلسه
 
 
حنكمل إمتى علاج طيب ؟
 
 
لازم حنشوف بعض قريب
 
 
أنا ماشي...
 
 
سلام

مصطفى إبراهيم ، تفرانيل 100 ، تفرانيل 50 .

حقنة كل الناس

احمد الطحان / زينب

Hawas - El Sama El Sab3a - هوس - سما سابعة

بعد منتصف العمر After middle age

احمد الطحان || كانت عيني واجعاني

احمد الطحان - كانت عيني وجعاني

كان في عطل في اللاب ف اضطريت انزله من البرنامج دايركت ف عمل الفويس السخيف الي ف الاول ده ف اعذروني.. اتمني يعجبكو
_____________________________________
1- تصاعد انفاسي اليك عتاب -رابعة العدوية 
2- فليتك تحلو - فايا يونان
3- حكم المحبة - الخواجة عبد القادر
4- حكم المحبة - ام كلثوم 
5- حبيبتي كل ما بنسي - الابنودي 
6-القريب منك بعيد - نجاة 
7- ماستر سين اهل كايرو 
8- ما تفل - مايك ماسي 
9- عيني في عينك - اسكندريلا
____________________________________
مش لازم تكون كل مزيكا مرتبطة بالتانية ، انا المزيج بالنسبة ليا وسيلة اني اخرج الي جوايا ، المزيج هو انا ف الفترة الي بينزل فيها ، ممكن يكون ملغبط او فيه أخطاء او اغاني كاملة * زي اخر اغنية هنا * ، بس ده بيعبر عني ، دي وسيلتي الوحيدة في التواصل مع العالم الخارجي ، انچوي 💛

احمد الطحان - كانت عيني وجعاني

Ahmed El-tahan - احمد الطحان

Recent comments

Hasan Suror

abdelrahman safwat

Wessam Moh

moka

Related tracks