كل مره ابان ضعيف اقول ان الحب لعنة 🔥

عااااش يبروو ♥️ ♥️ ♥️ ♥️ ♥️ 

my page 
https://www.facebook.com/A.Elyounsy

lyrics
اول كلمة كانت بتقولها 
يارب احلامنا تتحقق

دعينا كتير ومن همومنا
كنا مؤمنين بنصدق
 
ان ايدى تبقى ف ايدها
مابنفرقش بينا حياة 

كان حلمها حلمى 
كانت متمسكة بيا ياه

5 سنين بنعافر 
ومافيش اى جديد

نقول مسيرها تحلى
بس بردوا الحلم بعيد

قولتلها ماتزعليش 
انا عمرى ف يوم ما  ماسيبك

وربنا  ف يوم 
هيخلى ايدى تلمس ايدك 

ونرجع بذكرايتنا 
تشوف صوره حلوة تقولى فاكر 

بتهون الهموم 
بس ترجع المشاكل

ابوها جالى ف يوم
قالى همومك كتيره 

يقول سامحنى يبنى 
اصل دى بنتى الوحيدة 

وانا صبرت سنين
اظن كدة عدانى العيب

قولتله وانا ياعمى 
قالى انت يعيبك الجيب 

فلوس فلوس تصنع نفوذ
معاك اكتر انت اللى تفوز

اتقدملها عريس 
جاهز بأى شىء تعوز 

وقفت قدام اهلها 
اصل انا اللى اهمها 

قالتله مش عايزاك 
قالتها بعلو حسها 

انت ليه مش بتحس 
انت ايه معندكش دم 

ابعد عنى وسيبنى 
لحسن اقتل نفسى بجد

ماهموش ونفض
ماسمعش ليها كلام 

ماكنش يعرف انه 
ممكن ف يوم من الايام

تنفذ اى كلام
وتنفذ يوم حكمها

رغم انها مؤمنة 
بس الشيطان قرب ذلها

رسملها صوره قاسية 
انها هتعيش ف ظلم

حبيبك سابك باعك 
ومين بعديه هيضم 

حلمك الجميل
حياتك خلاص ضاعت 

ايه مستنية ايه 
يالا نفذى قرارك 

فلحظة تتحداه 
وايمانها يزيد ف لحظه

ولحظه بتسلملة 
وتبص لحياتها بنظرة

نظرة مستقبلية
قاسية هيا عارفة 

تقول طب اعمل ايه
تعاتب الحياه شايفة 

ترجعلى تقول تعاتبنى
اعمل حاجه ماترد

وانا وشى ف الارض
والسكوت هو اللى يرد

تقولى انا كنت عارفة
انك مالكش كلمة 

سبتنى وانا عاجز
رغم شوفت دموعها ف عينها 

جريت وراها اقولها 
انى لسه بحبها

وانا مش فايدى شىء
وقلبى عمره ماذلها

مجالوش نوم وتانى يوم
خبط الباب خبطه 

جاله البوستجى
قاله تسمح لو سمحت الأمضى

وفتح الجواب
لقى كلام عجيب 

من حبيبته 
وفجأه نهر دموع يزيد

قالتله ماحبتش غيرك
وانا مش جايه اعاتب

كتباله كلمة واحده
حبيبتك خلاص ماتت 



Amr Elyounsy - 7bebtk Matt - عمرو اليونسى - حبيبتك ماتت

written By : El Arby
Mixed By : Lil Gohar 
( True Story )
.
Lyrics :
intro
قبل ما تطلع منِ ليكى كلمة الفراق 
قبل ما تبعدى عنى و اكون ليكى مشتاق
أشتياقى ده مش ضعف و مش حزين إن انا سبتك 
أنا بس عشان ندمان إن انا فى يوم عرفتك 


course
الى انت عشت سنين معاه و قولت ده نصيبى 
راجع دلوقتى تقولي عنه إنه مش حبيبى 
لحظة الفراق كانت ستارة بإيدك قفلتها
لو حنيت  للحظة ليها اوعى يا ابني ترجعلها 

verse 1
ماهو غصب عنى ما هيا الى باعتنى 
هحكيلكوا القصة من البداية الى عشانها انا بغنى
الصدفة جمعت بنا كنا أتنين ناقصنا الحب 
كلمنا خلى جراحنا تنتهى بدقة قلب 
عدت الأيام علينا فهمنا بعض فى وقت قصير
قولت لنفسى خلاص أهى جات الى هتخلينى اتغير
سؤالها الدايم وجودها معايا كان شئ بيكملى حياتى 
هفتح صفحة حب جديدة و هنسى بيها انا ذكرياتى 
و حكاياتى الى ياما كتبتك فيها                       
بعد ما خليت قلبى للى قبلك يصبح نسيها 
 بفكر فيها كل يوم قبل ما أنام و أحضن صورتها 
كان نفسى أكون قدامها لما تبص فى مرايتها 
بس الخلاف الى بنا هد كل الإئتلاف
إذاى أنام فى حضنك و انا منك بخاف 
لتسيبينى بعد اما اتعلق بيكى 
والى حسبته لقيته هبيعك بعد ما كنت انا شاريكى 

verse 2
كل مرة بنسيب بعض و بنرجع لبعض تانى 
حبنا بدأ يقل أتغيرت كل المعانى 
لما أحتجتك وقت دقتى لقيتك مش معايا 
بسهوله بعدتى عنى  أختفت صورتى فى المرايا 
فاكرة كنتى ليا ايه لو مش فاكرة لحظة استنى 
كنتى ليا كل حاجة اصبح فراقك سهل عندى 
عايزة ترجعى تانى  ليا سهم حبك ليا مال 
عشان تبيعينى تانى استنى بس عندى سؤال 
راجعه ليه عايزه ايه انتى ناسيه عملتى ايه 
لما بيت أحلامى بنيته معاكى و فى لحظة هدتيه
هرميكى برا قلبى انتى اصلا ماتساويش 
يا خسارة حبى ليكى الى انتهى على مفيش 
كل كلمة حب أتقالت كانت مبنية على خداع 
اسهل كلمة أنا قولتهالك و احنا بنقول الوداع 
لو لقيتى شخص تانى يبقى زيك ااااه انانى 
ابقى سلميلى عليه و قوليله ياخد مكانى 

verse 3
سبنا بعض و فرحتى مالت على النسيان 
أحسن لى أعيش لوحدى ولا إنى أعيش عشاااان 
واحدة بتخون و تخدع تجرح قلوب عاشقين 
خسرتى بعدى كل حاجة و عرفتى انا ابقى ميييين 
القصة من البداية كانت وهم و ماضى فات 
مش هبص تانى ورايا هنسى كل الذكريات 
لو سئلتى عنى  تانى هيقولولك إنه مات 
انا دلوقتى  شخص جديد اصبح بينه و بينك مسافات 
يالى انت فاكر إن الى ماشى فى يوم هيرجع تانى 
فكر و عيش لنفسك خليك إنسان  انانى 
لو فكرت تعيش   لناس متستاهلش  من البداية 
هتلاقى كل  علاقة اخرها  سطور مبنية على النهاية 
فكر فى  نفسك لأجل نفسك  عيش لنفسك و أرضى
حب نفسك و أرضى نفسك ابعد عنهم  دولا مرضى
بتختلف معانى الفراق من شخص لتانى 
فى الى نسى و عاش حياته و فى الى طول  سنينه بيعانى 










  





لـحـظـة الـفـُراق  - ( True Story )

song : Amr Mansour  
written by : Amr Mansour 
prod by : Amr Mansour  
rec.max & master : mohamed 3mad(b3)
(الكلمات )
Vares 1
انا هحكي حكايتى من بدايه مشوارى الفنى
كنت الاول بسمع اغانى دلوقتى بقيت بغني
سجلت اول تراك نزل ومحدش سمع حاجه
سكن جوايا اليأس وعنيا ولا شايفه حاجه   

خلاص يا ناس زهقت تعبت من كتر التفكير
بقيت حاسس انى مسجون فى سجن كبير 
كل املى ان باب واحد يتفتح ليا 
خلاص جبت اخرى والله انا فاض بيا

عدت ايام وليالى وحلمى ولا على بالى 
اهتميت بالافراح وقولت انا كده مرتاح 
اتاريني كنت بكدب كدبه خايبه وبصدقها 
جيت على نفسى وعلى ييتي حتى حببتي نستها 

لحد ما جيه اليوم الى فوقني ابويا فيه
اول مره تنزل ايد ابويا على خدي
بقيت واقف قدامه مقدرتش ابص فى عنيه 
لومرجعتش زى ما كنت من انهارده انت مش ابني

Chorus 
فجأه دخلت امى عليا والدمعه جوه عنيها 
قالتلى يا ابنى مفيش حاجه بالساهل توصل ليها
قرب من ربك وخلى الثقه دى جوه قلبك
هتلاقى كل باب انت عايزه بيتفتحلك
Vaers 2
خلاص يا امى من انهارده هتشوفى واحد تاني 
قررت اعيش قوى ومش هكون ضعيف تانى 
قررت ادوس على نفسى واتحدى اى خوف 
مش مستعد اتخله عنه تحت اي ظروف

قررت ادوس على كل كلمه احباط بتتقالى 
قررت اعيش لنفسى وأوصل لتحقيق حلمي 
ابويا قالى خليك زي الورد فى وسط الطين 
رغم كل حاجه حوليه بيطلع شكله جميل 

هى دي حكمت ربك اسعى وانا اسعى معاك 
ركز وفكر صح ازاى توصل وانا وياك 
قرب من ربك اكتر مفيش غيره الهيقدر 
جهدك تعبك فكرك وربك هو الميسر 

قعدت افكر فى الاحوال الى انا فيها 
لقيت مفيش كلمه واحده ابويا غلط فيها
لدرجه انى مبقتش ابص لنفسى فى المرايا 
ياااااااااه هو دا انا بالحماس الى جوايا  

Chorus 
فجأه دخلت امى عليا والدمعه جوه عنيها 
قالتلى يا ابنى مفيش حاجه بالساهل توصل ليها
قرب من ربك وخلى الثقه دى جوه قلبك
هتلاقى كل باب انت عايزه بيتفتحلك
.........................................

حكايتي l Prod by : Amr Mansour

Title: Nafs elma4hd
Written by: Mamdoh hamed
Music: ( Free Beat )
Vocals: Mamdoh hamed
Master and mix by: (ahmed khiry)
© 2016 " تراك قديم"
Official Profile ،،،
www.facebook.com/Mamdooh.hamed
-------- الكلـمات - Lyrics --------
بعد ايه رجعالى و تقولى لسه بحبك 
دلوقتى بحب غيرك بتعوضنى كمان عن حبك
كانت غلطه من البداية انى اختارتك للنهاية
حكايتنا كانت سناريو من بديتها للنهاية
كلام الناس كان صح فى انك فعلا منتيش ليا
اختارت اعيش معاكى بس انتى جيتى عليا
كام مره سمحتك فيها كام مره بترجعى تانى
كام مره بعدتى عنى كنتى فكره بـ انى هعانى
نفس المشهد بيتعاد مع كل بنت فى حياتى
بكون عارف الاحداث ونهيتها بتكون عادى
فى اى علاقة حب بديتها بتكون اميرتى
كلام مبينتهيش نهيتها بعدت وانتى اللى سبتى
باسم الحب قربنا لبعض كدب فى كدب ينتج بعد
بعد ما سبتى بعدتى عندى ترجعى زى اى حد
ديما كتبت اغانى ديما كنتى فرحانه
دى اخر اغنية ليكى ممكن تعملى زعلانه
بكرة ترجعي ندمانه وانا هقولك انى بطلت
اقصد بطلت احب خلاص انا منك اتعلمت
اقبلى منى الاغنية وانا هقبل منك ورده
شايفه الفرحه فى عنيه و دموع فى عيونك شارده

رغم انك بعيده كل حاجه ماشيه عادى
خلصت حياتى معاكى هبدا تانى من الليله دى
القب ابصر من العين بس فعلا قلبى نساكى
جايه و ندمانه ع بعدى وكل يوم انا عشته معاكى

برجع افوق من الوهم واتعافا من حب كان موجود
حبى ليكى جبل الماس وانتى حبك كان محدود
همسك فيكى هتسبينى يوم ما هسيبك هترجعلى
مش هتكلم فى اللى فات هسال بس انتى فهمتينى
الطبيعى مش فهما كلامى فهتسمعى بـ اسوء فكرة
كل يوم انا عشته معاكى دلوقتى اصبح زكرة
بفتكر كل مره قولت فيها انك ملاك
اتفقنا مش هنبعد من يوم ما قولتى انا عايزاك
انا كنت افلاطونى وانتى كونتى افرودايتى
والقلم لسه بيكتب فى انى بعدت وانتى اللى بعتى
عايزانى اكونلك عنتر وانتى عمرك ما كنتى عبله
اسوء قصة حب فيها كل حاجه سهله
الطيبون للطيبات وانتى واخده نص الايه
و النص الاول ليكى مش هينفع تبقى معايا
انا نوح من غير سفينا وبنتها بعد ما خونتى 
لو معشتش ليكى فى يوم مكانش زمانك سبتى

ادم قتله الملل قبل ما حوا تكون فى حياته 
وانتى قتلتى الحب بعد الحب مكان فى حياتى
صدقت كل كلامك و كل حرف بتقوليه
وكل كلام قولتيه كنتى عكسه بتعمليه
غنيت ليكى فى يوم و قولت كمان مجنون 
مقدرتش اوصف حبى قولت ليكى قد الكون
لما كنتى معاكى موسى اتغريتى وبعدتى عنى
ولما بقيت فرعون بقيتى ترجعى و تحنى
انا صاحب السعادة ع روحك قهوة ساده
بشربها و افوق من الحب كانلى حبك كل حاجه
فكرانى لسه بحبك ملعون ابوه دا احساس
فى البعد تحبى العزله فى البعد هحب الناس

رغم انك بعيده كل حاجه ماشيه عادى
خلصت حياتى معاكى هبدا تانى من الليله دى
القلب ابصر من العين بس فعلا قلبى نساكى
جايه و ندمانه ع بعدى وكل يوم انا عشته معاكى

حبك كان فيرس قاتل قتله العقل فى لاحظة واقع
لكن عادى هعيش فى بعدك مش هحتاج انا منك دافع
غيرتك سبب بعدنا و كمان شيفانى انا الغلطان
كام مره سمحتك فيها و بجد كنت ندمان
ظلمت نفسى كتير لاكن ولا مره جيت عليكى
ولما سبتى اديا رد فعلى اسيب اديكى
اخر نفس بيخرج كان معاكى جوه حضنك
اخر كلمة سمعتها والله يبنى بحبك

رغم انك بعيده كل حاجه ماشيه عادى
خلصت حياتى معاكى هبدا تانى من الليله دى
القب ابصر من العين بس فعلا قلبى نساكى
جايه و ندمانه ع بعدى وكل يوم انا عشته معاكى

كل عتاب كرهنى فيكى كل وعد منى ليكى
كل حرف سمعته منك دلوقتى بعدت و سبتك
واللى يسالك عن الحب اكبر تشبيه ليه اطلانتس
اسطورة مش موجوده لكن عنها الناس بتسمع
انا مش هكتب ليكى تراك او ابعت ليكى رساله
انا بغنى لجل فنى مش عشانك فهما حاجه
بتقولى مش موجوعه و ملمحها بتتشكل وجع
بتحن للى فات كام مره كنت معاها جدع

Nafs elma4hd | نفس المشهد

(سلف ودين) shehap mahmoud 
كلمات:shehap mahmoud
الاكونت الرسمى 
www.facebook.com/shehap.mahmoud100
Rec , Mix and master :Abdullah A Redo
Lyrics : Shehab Mahmoud

سلف ودين  (Shehap Mahmou)

Artist : Ahmed Ezzat 
Rec & Mix & Master By : Ahmed Ramzy ®
Poster By : Ahmed Ramzy ®
Prod By : Ahmed Ramzy ®
My Account In Facebook 
www.facebook.com/ibn3zzat
-------------------------------------
الكــــــــــلـــــــمـــــــــــات
-------------------------------------
دموع الليل بتكوي .. بسهر احكي واشكي
بتنادي بصوت منبوح وتصرخ خدني ليك ياربي
عشان مبيقتش قادر افوق من كتر ما بعدوا عني
علموني ازاي بهون اتساب عشان اكون متعود
......
بكون ف وسط لمه واداري الدمعه بضحكه زايفه
هديتوا كل شئ كان بينا سنين راحت فـ ثانيه
انسا اللي فات وعيش وعافر لاجل نفسك
ازاي شايفينك جبل .. وانت العياط مش حلك
......
متصدقوش ضحكتي ..كل الصور كدابه
باصص لسقف الاوضه تغني وتحكي عـ اللي سابك
الحب اتجسد شخص بيكدب واللي حب اتهان
واللي قلبه دق اتلعن واللي حب اتباع و اتخان
......
الدنيا ضلمه ولا انا معمي بالحقيقه
صدقتك .. لما قولتي مش هسيبك
هتفضل وحدك..مش سامعك اسند نفسك
مهما حاولت تقرب بردوا هترجع تندب بختك
----
صوت تنهيده ودامعه دافيه واوضه عتمه بتخبيني
مبسوط بقيت لوحدي قاعد احكي بيني و بيني
معقول الكل فارق .. معقول الكل غايب
معقول فـ لحظه واحده كل ذكرياتنا اتهانت
----
حبيتها .. لكن هي محبتنيش
انا كنت عايزك جنبي عشان ف بعدك مش هعيش
بطل تفتكرها هي في حضنه مش سمعاك
عاشرت كلاب وقولت اخوات ومحدش منهم باقي معاك
......
حتي لو وحشاك هي خلاص بقت نسياك
حتي لو بتقرب هي اصلا مش شيفاك   
بقيت اخاف اموت ومعيشتش يوم فرحان من قلبي
بتبان علي وشي الضحكه بضحك اه لكن من غلبي
......
بعدتي وهدتيني مسيري تدب فيا الروح
غرقان في بحر عشقك واستخسرتي فيا الطوق
اتحولت لشخص كارهو عمري ما هرجع زي منا
وتلف بيا الدايره وبردوا برجع اشتاقلها
......
خلاص قررنا نبعد.. لكن ضعفي بيغلبني
اتمنيت تكوني في حضني كنت عايزك ام لابني
حضنك كان مأوي وكنت ليكي حاجه
شوفتي طيبتي ضعف وشوفتي حبي ليكي سذاجه
-----
صوت تنهيده ودامعه دافيه واوضه عتمه بتخبيني
مبسوط بقيت لوحدي قاعد احكي بيني و بيني
معقول الكل فارق .. معقول الكل غايب
معقول فـ لحظه واحده كل ذكرياتنا اتهانت

Ahmed Ezzat l حضنك

Title : 9- 7obk Fe El Wared |  حبك في الوريد

Artist : Omar DiDaa 

Master & Mix : @DiDaa_Music

FaceBook :: www.facebook.com/oMar.DiDaa3 ♥
Fan Page :: www.facebook.com/O.DiDaa3 ♥
YouTube :: www.youtube.com/user/DidaaMusic ♥
instagram :: www.instagram.com/omardidaa ♥

9- 7obk Fe El Wared |  حبك في الوريد

كسروني |Tote Farouk

قصيدة "ليكِ انتِ"
بكتبلك وعارف إن كل حرف واقف عاجز عن تكوين جمله توصفك..
قلمي حتى ضعيف إنه يكتب شيء عنك، حاسس إنه مكسوف منك..
بقيت أخاف تملِّي من كُتر ما بقول بإني بحبك..
لكني أحاول أوصف كيف حياتي اتحوّلت من لون كان بهتان، للوحة فنية اترسمت على ايد أعظم فنان..
كيف بنظرة منك وهبتيلي جنة ملكي يتمناها أي إنسان..
كيف أصبحتي لحن بيحلِّي كلمات دُنيتي..
كيف ابتسمت واطمنت لما ربنا نزّلي ملاك من الجنة كان هو رحمتي..
بكتب .. بكتب ليكِ انتِ !
إنك تديمي ليّا بقت أُمنية كل صلاه..
انتِ السبب اللي ربنا خلَّاه..
يجعلني أتواجد في هذه الحياه..
ويا الله على ده سبب .. ما أحلاه..
بشكر الصدفة إللي حطتك في سكتي..
بقيت عايزك ختام قصتي..
بكتب .. بكتب ليكِ انت !
دخلتي قلبي وخليتيني أشعر إزاي في الثانيه الواحده ممكن توحشيني.. 
إزاي أبقى لسه قافل معاكِ وألقاني افتقدت اسمي لما تندهيلي..
حسيت معاكِ إني ملاك وكإنك من ذنوبي بتطهريني..
بقى كل خوفي إني أعيش يوم بدونك بقى كل خوفي إنك في يوم تسيبيني..
مبقتش شايف غيرك حلوه في عيني مبقتش عايز غيرك يكمل معايا سنيني..
عن كل الناس أغنيتيني..
يا أرض سكنت فيها وعمرك م فكرتي في يوم تهمليني..
وبالرغم من الملل إللي في كلامي بتسمعيني..
وعلى كل حلم بحلمه بلاقيكِ معايا وبتشجعيني..
ياما شوفتي عصبية مني وبرضه بلاقيكِ بتهدّيني..
وبعاند معاكِ كتير وبتعرفي ازاي تفهميني..
وعلى كل رأي أقوله بتوافقيني، عمرك ما فكرتي في يوم تضايقيني..
بحس فيكِ بضعف وحزن ساعات وبرضه ألاقيكِ بتقوّيني..
بتفكريني بـ حُضن أمي إللي دايمًا موجود وبيحتويني..
انت سرقتي روحي مني، انا روحي بقت فيكِ..
بقيتي السبب الوحيد لفرحتي..
بتشبهي الملاك بالمللي والسنتي..
بكتب .. بكتب ليكِ انتِ !
عن كل مره زعلتك فيها بعتذرلك أرجوكي سامحيني..
واوعاكِ في يوم تخافي مني وبدون قلق حبِّيني..
انتِ صدقيني .. بقيتي هدوئي وسُكني..
داخله بـ حُب في حُضني..
مش زي اللي آذينِّي ووحدي فايتنِّي..
كان كل حد فيهم بيستلذ إنه يطعني.. 
محدش فيهم فكر في يوم إنه يفهمني..
دلوقتي..
دلوقتي بعترفلك بإنك القشه الوحيده اللي نجيت بيها..
حياتي بقى ليها معنى لما انتِ دخلتيها..
تفاصيل أيامي بقالها روح لما بقيتي جُزء فيها..
خلقتي جوايا أنا الروح بعد ما كنت شبه جماد..
خلِّيتي قلبي يحبك وكُنت فاكرُه مات..
نسِّيتي عقلي كل اللي عدّى من حياتي وفات..
وعشقت وجودك حتى لو كنا في حاله خصام وسُكات..
مش عايز أفتكر كل اللي مر في حياتي من ذكريات..
بس في زمن فات كنت بكتب لكل واحده قبلك..
وفجأه وبدون أي مُقدمات بقيتي انتِ كل ما أملك..
بعد سنين حُزن مرّت عليَّا بقت فرحتي بس إني أشوف وشك..
عشقت جنونك وحركاتك الطفوليّه وهزارك وتريقتك عليّا..
وبحبك أما تتعصبي لما أقولك إنك طفلتي ما انتِ أصلك فعلًا طفلتي..
بكتب .. بكتب ليكِ انتِ !
لسه فاكر لما كنت عايز أعترفلك بـ حُبي..
ساعتها قولتلك "أنا بحب جديد"..
بصيتي وبتريقة قولتي..
"مين المحظوظ ده والسعيد ؟"..
ساعتها خوفت أعترف وكل واحد يبقى عن التاني بعيد..
بس مقدرتش أخبِّي مشاعري..
وكانت بتبان في نظراتي، في رعشة ايدي لما تسلمي، في لخبطة حياتي، في خضه حسيت بيها لما خوفت عليكِ..
ف اتفضحت كل مشاعري..
وبدأت أكتب عنك في شِعري..
وفي آخر كل قصيدة ألقاني كاتب إنك بالنسبه لي عيد..
شوفتي دلوقتي مين المحظوظ والسعيد ؟ ..
بقيتي خلاص انتِ مُلهمتي..
بكتب .. بكتب ليكِ انتِ !
مش عارف إزاي وبالسرعة دي حبيتك..
يمكن جذبتني عينيكِ إللي فيها سحر..
أو يمكن عشان من اول ما عرفتك خليتك..
في مكانة بعيدة عن الكل ومكنتش عارف ايه السر..
إنك بتفكريني بكل شيء حلو..
بالشتا لما ييجي بعد حر..
بهدوء البحر..
بسكون الليل..
بشكل القمر لما يبقى بدر..
بوعدك دلوقتي بإني باقيلك..
والوعد هو دين الحُر..
لازلت بكتبلك وعارف إن كل حرف واقف عاجز عن تكوين جمله توصفك..
قلمي لسه ضعيف إنه يكتب شيء عنك، حاسس إنه مكسوف منك..
لازلت خايف تملِّي من كتر بقول بإني بحبك..
لكني على قد ما أقدر حاولت أوصف كيف حياتي اتحوّلت من لون كان بهتان للوحة فنية اترسمت على ايد أعظم فنان..
كيف بنظرة منك وهبتيلي جنة ملكي لسه بيتمناها أي إنسان..
كيف أصبحتي لحن بيحلِّي كلمات دُنيتي..
كيف ابتسمت واطمنت لما ربنا نزلِّي ملاك من الجنة كان هو رحمتي..
بكتب .. بكتب ليكِ انتِ !

قصيدة "ليكِ انتِ" - إصدار جديد || Qaseda “Leky Enty” - New Version

شوفوا التراك علي اليوتيوب ❤️ 
https://youtu.be/81F0Fzy8wso

الكلمات ...

كالعادة اللمه فرحه لكني اختارت اكون مكبوت..
ف العادي احب الضلمه لكن صعب احب الموت..
كان نفسي تبقي باقيه لكن رجلي تعبت جري..
كان ممكن نبقي احسن لو نفكر اي الي جي..
كل مره أبان ضعيف وأقول الحب لعنه..
كملت وكنت عارف ان الدور ده مش بتاعنا..
غوطت أكتر مهما كنت أستوعب ايه مصيرنا..
لو العقل زينه فالقلب أضعف من تفكيرنا..

وانا ف لحظه دمي اتحرق بس عقلي مشي كلامه 
رخصت كرامتي بس كرامتي راحت علشانه.. 
لو حمل جبل لكن شيلته وقولت تعدي.. 
حبيتها لحظه بس في سنتين ف قلبي.. 
عدت سنه ولكن كل يوم ندمان.. 
ملقتش سبب لكن قولت أكيد تتعاد.. 
محدش عارف مين الي سنده كسرله ضلعه.. 
لو كنا تحت فقولي احسن ليه الي طلعو؟ 

( أخر مرة أتكلم ، أخر مره أوجه ليكي.. لو قلبك إسود قلبي مش حرير ونبيتي لو صخر كلامي طرالك يبقي بلاش أتكلم.. ١٠٠ تجربة لل لمبه ف ال ٩٩ أتعلم ..... أخر مرة أتكلم ، أخر مره أوجه ليكي.. لو قلبك إسود قلبي مش حرير ونبيتي لو صخر كلامي طرالك يبقي بلاش أتكلم.. ١٠٠ تجربة لل لمبه ف ال ٩٩ أتعلم)

خلاص سكت لكن تفتكري هنسي كده؟؟ 
بيني ضحتك متمثليش دور متأيده.. 
نحن قوم نحب اظهار الملايكه.. 
مش شايفك حلوه او كفايه ان انتي شايفه.. 
انا مبندمش او مبشوفش شئ غير ندم.. 
انا مهتمتش او اهتمامي جعلني انعدم.. 
مكنتش دين ولا كنتي اقصي عشان تعودي
مقولتش عودنا لكن قولت بعدنا توبي.. 

شكرا ليكي علي النزيف الأبدي.. 
شوفتك ف حضنه قولت نصيب ومسكت نفسي.. 
حاولت كتير لكن حسيت وجودي تقيل.. 
الضربه توجع لكن اقوي وعمري ما اميل.. 
يعقوب انتظر لكن قلبه قاله في عوده.. 
لو قلبي انكسر اموت لكن مطلبش سنده.. 
محاط بكل لحظه معاكي مش بتغيب ثواني.. 
لو مت ف يوم رجوعك يبقي هموت مرتاح ف مكاني.. 


( أخر مرة أتكلم ، أخر مره أوجه ليكي.. لو قلبك إسود قلبي مش حرير ونبيتي لو صخر كلامي طرالك يبقي بلاش أتكلم.. ١٠٠ تجربة لل لمبه ف ال ٩٩ أتعلم ..... أخر مرة أتكلم ، أخر مره أوجه ليكي.. لو قلبك إسود قلبي مش حرير ونبيتي لو صخر كلامي طرالك يبقي بلاش أتكلم.. ١٠٠ تجربة لل لمبه ف ال ٩٩ أتعلم)
_______________

Follow El ToomY on   :

Facebook profile  : 
https://www.facebook.com/mmarawan.elsharkawy.9

Facebook page : https://www.facebook.com/eltoomy.eg

Instagram  : https://www.instagram.com/marawan_eltoomy/

Soundcloud  :  https://soundcloud.com/user-66089971/el-toomy-2stkfet

Fan group  :
https://www.facebook.com/groups/459841234813398/

YouTube :  
http://www.youtube.com/c/ElToomYEg

______________

مرض الأكتئاب ٣ 
أخر مرة | A5er Marah
WriTTEN/PERFORMED BY : El Toomy 
Music : free Beat 
Recorded at : el7etan studio 
Mix&master by : عمرو سايكو 
Video by : عماد حمدى 
El Toomy 2019 ©

التومي _ مرض الأكتئاب ٣ (أخر مرة) | El ToomY _ marad El akt2ab part 3

El Toomy

Recent comments

User 439038566

Mohamed Mostafa Abdel Aziz

Related tracks