كل ما بسأل نفسي

خلفت الوعد

كل حلم شايفه ناقص كل ارض شايفها يابس 
كل حاجه جريت وراها لقيتني فجأه ف حيطه لابس 
كنت بائس بس عاش بس مت لما فوقت
كل كلمه ماقولتهاش ندمت عشان ساعتها سكت 
بدأت احسبها بعقل بجد و سبت الوقت يعلم فيا 
دفنت في قلبي اي مشاعر قدرت يوم تحكم عليا 
مصلحتي كانت اولي عندي وكل حاجه بالطريقه 
لقيتها فعلا قاعده عامه و كنت عبيط شفت الحقيق
خسرت ناس كتير ساعتها ماكنش في تقدير مابينا 
مكنتش شايف الا نفسي كرهت نفسي عشان اعدي
من اصعب فتره ف حياتي ندمت عشان سلمت ليأسي 
رجعت لربي وقولت اربي ف قلبي خير يصلح احوالي 
يمكن يشفع ليا ف زنب او يلحقني قبل زوالي 
صلاتي ساعتها ماكنتش فرد كانت راحه بالنسبالي 
عرفت ساعتها معني الجنه و ان متاع الدنيا فاني 
اعتكفت للعباده و اعتزلت الدنيا خالص 
بس لوهله جه فبالي ان اماني لسه ماقص
ربك مخلقناش عشان نتعبد بس والسلام 
لا عشان نعمر فيها و نصلح كل الاحوال 
بس شيطاني اتملك مني خلاني ارجع كأني 
كنت في فتره عدت واني لازم ارجع اعيش في سني
خربت اكتر من زمان دخلت في سكه الادمان 
بعد ما كنت بغض بصري معايا كل يوم نسوان 
ماكنش في حرام او عيب سايبها عايمه للنصيب 
نعيم الدنيا كان ملموس جذبني اكتر قولت ادوس
كل همي كان سعادتي و اشتريتها بالفلوس
كل حاجه كانت حلوه عشان جديده و في أولها 
بس قلبت فجأه عاده قرفت لما عرفت اخرها 
اتكسفت ارجع لربي بعد ما زاد علي ذنبي 
افتكرت اسمع الغفور ساعتها بس اتطمن قلبي 
قريت في ديني اكتر عرفت ان التوسط هو نهجه
اللي أمرنا رسولنا بيه وان ديننا ميزته سماحته 
قفلت بأيدي للشيطان كل باب زمان فتحته 
ارجع لربك صلي فردك أقرأ قرأنك و فسر 
معجزه دينك في ايدك استفيد بيها هتتغير .

كل حلم

خليكي تايهة ومستنيه فرصه تانيه 
ويجي غيره ترخصي نفسك وانتي غاليه 
نكرتي اسمك سبتي جسمك ليه وافقتي تنامي جمبه 
عرضك اغلي حاجه عندك سعرتيه و قبضتي تمنه 
ايوه سابك لما سبتي نفسك ليه يوميها بسهوله
ومقدرش انك ضحيتي و كانت ليكي المره الاولي 
عرفتي غلطك لما خان بس كان فات الاوان
بعد ما كنتي صاينه نفسك بقي يتقال عليكي شمال 
حتي اهلك جم عليكي بعد ما خنتي ثقتهم فيكي 
متقوليش كان غصب عنك كل حاجه كانت ف اديكي
بس ضاعت لما ضعتي وسيطر ليه اليأس عليكي 
بعتي نفسك لأجل اللقمه بقيتي للرخيص مداس
نازله علي شغلك بعبايه ومتنكره علشان الناس 
عندك سهره بقيتي بأجرة جسمك فاقد الاحساس
نسيتي ربك اللي خلقك رايحه تشكي الهم لكااس
.....
اللحم رخص العمر نقص اتوقفت كل الساعات
تبلد زاد القلب مات كل زبون و ليه معاد 
العقل اختل وزاد الزل يومك فيلم وبيتعاد 
زاد المر ونفذ الصبر دخلتي اخدتي اول سطر 
حلوه الفكره خلاص ادمنتي بالتخدير الوقت يمر
كل لمسه لجسمك سابت جوه منك ميت علامه
خلصتي الرقصه ف ركن واقفه ف حالك و ف حزنك سرحانه
لمحتي زبون جاي من بعيد ف ثانيه ترسمي ابتسامه 
قرفتي من نَفسك و نِفسك تبقي عايشه في استقرار
ادمانك بعد ما كان علاجك قطع فيكي بالمنشار
و أدي نهايه كل شيء مرميه جثة في الطريق 
جسمك مالهوش لازمه و عازه ماحدش ماشي في الجنازه 
طالعه لربك اخر وضعك ميته ف ايدك ازازة

خليكي تايهة

أخر ساعه في الدنيا

لما يبقي الدم رخيص 
لما يبقي العرص رئيس 
لما تفتحولنا ترعه وتقولولنا قناه سويس 
لما الشرطه تسحل عادي و اعتدائات من كل نوع 
لما تبقي السلطه طالقه كلابها تكتم كل صوت 
والعزيز فيكي بيتهان عشان مافيش في جيوبه كروت
واسطه للبنزين وللتوظيف وللمكين كمان
لو ملكش فيها ظهرر عادي بالجزمه هتتهان 
رجعولنا الثوره عيد للشرطه وحزموا الميدان
واللي مانزلش بفديو سخر اتشد , فين حق الانسان !
هما غلطوا غلطه كبيره اذا كان احمد ولا شدي
لما الباشا ادولوا الكاندوم كان ساعتها كاندوم فاضي 
يعني ايه مرتضي منصور يبقي عضو برلمان 
لا وماسك حقوق الانسان احا عليكو بقي يا جدعان 
شعب جبان قابل يتهان طلاما الضرب بعيد عن طيظو
اه وفرحانلي بالأعلام اللي بيطبل ل رئيسه 
استخفاف بعقول الناس ومسرحيه قديمه متعاده 
الظلم ليهم اكبر متعه واصبح بنسبلنا عاده
المهندس يطلع دينه والامين يتقاله يا باشا
بلد الجهل و الظلمات , قرارات لصالح السلطات
والشعب سايب حقه عادي زرعوا في الشباب احباط
سايب الشرطه تدوس ع الشعبوالجنود تموت في سينا
قادر بس علي اللي يعارضك واللي برا يفشخ فينا 
لما يبقي حلم كل اب ابنه برا يتولد 
يبقي احا عليكوا واحا علينا و احا علي البلد

أحا علي البلد

من يوم ما جيت الدنيا ماخترتش ولا شيئ في  حياتي
كنت صغير مش مخير مش قادر اخد قراراتي 
اهلي اللي اختارولي اسمي حتي لبسي شكل شعري 
محدش فكر ياخد رأيي او يجرب يوم يسمعلي 
يوم ماا يقولوا يلا نخرج مش هم اعرف علي فين 
يوم ماتجيلي فرصه اني اختار اختياري مابين قوسين 
سيبك من ده .. صاحب ده انت لسه يابنيصغير مصلحتك تعرفها منين
طب لو ماغلطش و اتعلمت  هشيل ازاي انا مسئوليه 
خلصت الثانوي كبرت شويه و من حقي اني اختار كليه 
تسيقي حكمني و لجم حلمي اختارلي يا حج ما هي هي 
اي شهاده ملهاش عازه هتتبروز تترمي في البيت
لأ ازاي تصرف علي نفسك شوف دراستك انت عبيط 
خلصت الجامعه و زي العاده قاعد في البيت مش بعمل حاجه
الحمل تقل علي اويا و امي 
وانا لوظيفه قاعد مستني
وبعد ما جاتلي وبعد الواسطه 
كانت هي الضربه القاضيه اللي قضت علي حلمي في ثانيه
اتشل الفكر وساعه ف ساعه سيطر علي عقلي التردد 
اخاف اختار انا اي حاجه لتطلع غلط ارجع للأول
حتي اللي اخترتها نتجوز نبني حياتنا و نفتح بيتنا
ماكانتش هي اللي اتمنتها دي كانت واحجه مناسبه ساعتها
حبيبتي اللي لنل سبتها من فتره 
ضاعت قدام شغلانه برا
وقصاد حزني عليها سعاده
 قدرت تاخد هي قرارها
ماقدرتش الوم عليها ف حاجه ادتني الفرصه عشان اخسرها 
أستقرارها فضلتو عن انها تبني حياتها معايا
عشانها سافرت الحمل انا شيلت وحلمي رميته في ثانيه ورايا
في المرايا ببص لنفسي و أقول لنفسي ازاي هتنسي
لما الدنيا جت عليا و اهلي وبنت  كانت حبيبتي
أختيلري من البدايه كان معايا بس سبته
قد حزني من الفشل كان خوفي من النجاح و هيبته
ايوه هسيبكوا و امشي بعيد مش هقبل اكون من العبيد
لو كان فشلي ده اختياري بأختياري هكون سعيد
أحتكاركوا لرأيي عزرا .. تاني انا مش هقبل بيه
انا اللي نجاحي هاينتسبلي وغلطي هتحاسب عليه
ماتستسلمش ليأسك غير ربك خلقك فيها مخير
أدي لنفسك فرصه هتقدر والحق اصل العمر قصير .

أحتكار القرار

من يوم بدايه الخلق و الانسان مقسوم نصين
نص في الخير و نص شر وصراع بين الاثنين
قصه قبيل و هابيل مكانتش قصه والسلام 
لأ ليها هدف و عبره لذلك ذكرت في القرأن
واحد شره سيطر عليه ووصله للجنون 
و التاني مسمحش لشره يسود حتي لو كان هيموت
وفقصه تانيه نزل جبريل لرسولنا بأمر الله 
اخد من قلبه الشر لكن مزرعش الخير جواه
د كان موجود فسابه يسود علشان يكون لينا قدوه 
نتبعه في كل امر فخيرنا يبقي لشرنا ستره
وشيطانك ده اختبارك بينمي الشر فيك
متخليهوش يلعب في دماغك سيطر انت عليه
لكن ربك رحيم خلقك وعارف باللي فيك 
أداك منهج للخير قرأن اتمسك انت بيه
أتزرع جواك غرائز علشان تتحكم فيك
اكبر غريزه الخوف بتحكم كل فعل ليك
بتخاف من النار وعذابها فبتعمل خير يبعدك عنها
وتخاف من اخره سكه شمال وبخوفك تتجنبها
الخوف يا تسوده يا يسودك اتغلب انت عليه
خليه لنفعك وسيله وجنبك نفسك شرك بيه
لو كانت النار عقاب خلي الحسنات بحار 
متاع الدنيا فااني دي بس مكان للأختبار 
فبلاش تربط سعادتك بمعصيه فيها لذه 
الدنيا دايما صعبه ماحدش قال عليها سهله
ماحدش خالي من العيوب و كل واحد جواه نقص
اللي نقصه بيبقي في ماله د اللي وقف معاه الحظ
اصل المال بيبقي عله لو صاحبها من غير حكمه
اتجنب ذنوب كتيره بالفلوس بتبقي سهله
اللي نقصه بيبقي في نفسه ده اصعب حلات النقص 
مش راضي بالي قسمه ربه و كل حاجه معاه باعكس
عدم الرضا خلاه في متاهه ثقته في نفسه فجأه راحت
حب الناس حوليه بينقص نعمه ربه بمقته زالت
الخلاصه من الكلام كل واحد عنده محنه
وليه حريه الاختيار بين النار و بين الجنه
أرضي باللي معاك وأشكر أصبر لو عديت بزنقه
هيعمل ايه ربك بعذابك احنا اللي بنختار السكه .

مقسوم ٌنصين

بطوط حقق حلم مامته وبقي زعيم مدينه  البط 
بس فشله كان ملاحقه غبائه جاب البلد الارض
راح لعبقرينو قاله الحقني يا صحبي بأختراع
مش مهم فايدته ايه  المهم الأنطباع
عشان يحسوا بأنجازاتي وأني بلحق في اللي باقي 
وأني مش بسرق ولادي و الاختراع هو الامل
عدي اسبوعين وراحله قاله فين الاختراع 
قاله الاختراع قدامك مالك شكل نظرك ضاع
وكان الاختراع كالأتي أكبر أنبوبه هوا
محطوط عليها صوره بطوط اقنعه وقاله هو د الدوي
أخده و راح للساحره سونيا عشان توهمهم بالحدث
واللي مايطولهوش السحر عادي يتحبس
عدي الاختراع بسلام والبط بلعه و هو ساكت 
عم دهب انتهز الفرصه و قال كده المدينه سابت 
أخد شوال فلوس وراح لبطوط قاله الحقني 
في قصر قديم مهجور ده ملكي من ايام جدي
خد الفلوس دي بس ترجع ليا حقي
بطوط أخد الفلوس و أداله القصر وطلع يجري 
راح لسونيا الحقيني و أسحريلي اي ورقه
تقول القصر ده بتاع دهب و أخفي أي ورقه تانيه 
لم كل السحره لصالحه واللي ماشترتهوش فلوس
برضه جابه غصب عنه واللي عارضه بقي محبوس
البط حس بالأهانه و المدينه خلاص بتضيع
نزل يعارض اللي بيحصل بس الضغط كان كبير
السحره شغالين تزييف وكمان عصابه القناع
نزلوا يلموا بعشوائيه كل البط بدون اسباب
غابت الرقابه عليهم بطوط ادالهم السلطات
أتهكوا اي حد يعارض انه سبب كل الصراعات
من غير أدميه بقوا بسلاسل زي اي كلاب حراسه 
يهبشوا اي حد يقرب أو يعارض الرئاسة
بطوط بيوقع نفسه بنفسه و ماستافدش من التاريخ
بيقنع نفسه بأنجازات وهميه و يصنع المديح
يا يفوق البط وتبقي نهايته زي فرعون بالغرق
يا هيهلكوا زي قوم عاد و سكوتهم هيكون السبب 

مدينة البط

أنا مش سرطان

قصيده كلب الست ( احمد نجم / الشيخ إمام)

فى الزمالك من سنين
وف حما النيل القديم
قصرمن عصر اليمين
ملك واحدة من الحريم
صيتها اكتر م الادان
يسمعوه المسلمين
والتتر والتركمان
والهنود والمنبوذين
ست فاقت ع الرجال
فى المقام والاحترام
صيت وشهره وتل مال
يعنى فى غايه التمام
قصره يعني هى كلمة
ليها كلمه فى الحكومه
بس ربك لجل حكمه
قام حرمها م الامومه
والامومه طبع ثابت
جوه حوا من الزمان
تعمل ايه الست جابت
فوكس رومي وله ودان
فوكس دا عبقال املتك
عندة دستة خدامين
يعنى مش موجود فى عيلتك
شخص زية يا اسماعين
واسماعين دا يبقى واحد
م الجماعة التعبانين
اللي داخوا فى المعاهد
والمدارس من سنين
حب يعمل واد فكاكة
يمشي حبة فى الزمالك
والقيامة والفتاكة
يرموا طبعا ع المهالك
عم سمعة من قيامتة
حب يعمل فيها فلة
بعد ما الوظ بيجامتة
اشترى حتة مجله
قول مشي يقرا فى حكاية
من حكايات الغرام
واندماجة فى القرايه
خلا مشيه مش تمام
ع اليمين يحدف بعيد
خطوتين ويروح شمال
لمحه فوكس من الحديد
قال دا صيد
سهل حلال
هب نط فى كرشه دوغري
جاب بيجامته لحد ديلها
اسماعين بدال ما يجري
قال يا رجلي
رجلى مالها؟
بص شاف الدم سايح
من عاليها ومن واطيها
وياللى جاي
وياللي رايح
المجله مش لا قيها
حبه واتلموا الظنايا
اللى هما البوابين
والحكايه والروايه
قال لهم
دا كلب مين
كلب مين
ما كلب مينشى
سمعه لبخ حبتين
قال واحد منهم
امشى
اللى جابك عنده مين؟
قال دا شارع يا مواشي
والجميع بيمر منه
اللى راكب
اللى ماشى
مستحيل نستغنى عنه
كلمه من دا
وكلمه من دا
ظاطو واترسمت فضيحه
قول نهايته
القصد من دا
اسماعين اكل الطريحه
راحو قسم الشرطه طبعا
والنيابه كفيله بيهم
واترموا فى الحجز جمعا
لما ييجي الدور عليهم
حبة والشاويش امين
قال : سعيد النقشيندي
قام غريم عم اسماعين
قال لة:محسوبك يا افندي
قام سي سمعه يروح معاه
الشاويش قال :غور بدمك
راح تعوصنى
وفوق قفاه
كف طرقع داهيه ف امك
تفتكر يفضل سي سمعه
قد ايه فى القسم نايم؟
استضافه الحجز جمعه
يا بلاش ادي العزايم
شاف بلاوي
ما تتحكيش
م الديابه المسجونين
قال يا عالم
يا شاويش
يا نيابه
يامسئولين
خلصوه بعد المناهده
جثه من جحر الديابه
هى يمكن ساعه واحده
كان فى مكتب النيابه
قال له مالك يااسماعين
قال لة زي البمب… مالي؟
قال له عضك فوكس فين
قال له سيبنى اروح لحالي
انت شوف سي فوكس يمكن
خد تسمم
غصب عني
الوكيل قال برضة ممكن
والشاويش
قعد يغنى
انت فين والكلب فين
انت قدة يا اسماعين
طب دا كلب الست يا ابني
وانت تطلع ابن مين
بشري لصحاب الديول
واللى له اربع رجول
بشرى لسيادنا البهايم
من جمايس او عجول
اللى صاحبه يا جماعه
له غناوي
فى الاذاعه
راح يدوس فوق الغلابه
والنيابه.. بالبتاعه

Emad Saad 8

Popular tracks