الشيخ إمام

وهبت عمري للأمل ولا جاشي
وغمرت غيطي بالعرق ما عطاشي
ورعيت لمحبوبي هواه ما رعاشي
والليل عليّ طويل ..
وأنا العليل ..
موجود دوا بس الطبيب ما رضاشي
والصبر فين ؟!
الصبر فين يا سنين طوال وليالي
عيني على الجمل الأصيل العالي
لمّا ينخ بحمل من أحمالي
لكن في كل صباح ..
بانسى الجراح ..
وانقش بفاسي ع الغيطان موالي
يا ليل يا عين
يا ليل يا عين يا أرض يا معزوقة
يا كاشفه من شوقك خطوط مشقوقة
لما حضنتك والبذور مرشوقه
غنيت وفي المغنى فرضي للسمرا أرضي ..
هيَّ اللي باقيه ع الزمن معشوقه
والعشق زين
العشق زين بس الهموم سبّاقة
والشوف حديد بس الغيوم خنّاقة
والانتظار للوعد نار حرّاقة
امتى تطول العيدان دا من زمان ..
مشتاق أنا والحلوه مش مشتاقة
والذل شين
الذل شين والأرض بكر عفية
يوم الحصاد وعروسه متحنية
لو شفتها بالقمح متغطية
ح افرش عبايتي واقابل
أم السنابل
وح اضم أملي بعد شوق بعيني
وبالإيدين
وبالإيدين المعروقين يا مناجل
أطوي ضلامي بالصباح العاجل
وانزل بشومتي ع الغراب الحاجل
ويا يبقى شغل وغنا ..
طول السنة ..
يا تبقى ثورة في الصدور ومراجل
والوعد دين
الوعد دين

وهبت عمري للأمل


يقول الشاعر العربي و ينزل 
بعزم القوس على راس الديابة
سواسي زي ما قايل محمد
بلا طبقات على ظهور الغلابة
ولا بيه يملك الشركات و يتخن
و لا شحاد يبيت في الخرابة
و عالم ع الرغيف تشقى ما تلقى
و ناس تنزع من العيش اللبابة
أساس الدنيا فوضى و الشرايع
بنتها بالأرادة و الصلابة

لو الانسان بدون رابط حيرمح
ورا الشيطان و تبقى الدنيا غابة
أذا خاين غدر أقطع رقبته
و قيم الحد تتمد المهابة

يقول الشاعر العربي و يعدل
ميزان الحق تنشق السحابة
و يمشي في الموالد و المسيرة
يغني للأمل عاشق صبابة

عرفت الحق من صوت الربابة ... الشيخ أمـام

زروني كل سنة مرّة - الشيخ امام باريس 1989

الشيخ إمام - أنا أتوب عن حبك Cheikh Imam

البحر بيضحك ليه-كلمات نجيب سرور
لحن و غناء الشيخ إمام 

البحر بيضحك ليه-الشيخ إمام

إذا الشمس غرقت في بحر الغمام
ومدت على الدنــيا مــوجة ظــــلام 
ومات البصر في العيـون والبصايــــر
وغاب الطريق في الخطوط  والدواير 
يا ساير يا دايــر يا ابــو المفهومــــية
ما فيش لك دليـل غير عيون الكلام 

‫اذا الشمس غرقت‬ - الشيخ إمام  و الشاعر أحمد فؤاد نجم

فاليري جيسكار ديستان
والست بتاعه كمان
حَ يجيب الديب من ديله
ويشبّع كل جعان

ياسلاملم يا جدعان
عَ الناس الجنتلمان
ده احنا حَ نتمنجه واصل
وحَ تبقى العيشة جنان

التلفزيون حَ يلوّن
والجمعيات تتكوّن
والعربيات حَ تموّن
بدل البنزين بارفان

وحَ تحصل نهضة عظيمة
وحَ يبقى علينا القيمة
في المرسح أو في السيما
أو في جنينة الحيوان

وحَ تبقى الأشيا زلابية
ولا حوجة لسوريا وليبيا
وحَ نعمل وحدة أرابيا
مع لندن والفاتيكان

والفقرا حَ ياكلوا بطاطا
وحَ يمشوا بكل ألاطة
وبدال ما يسمّوا شلاطة
حَ يسمّوا عبالهم جان

وده كله بفضل صديكي
ديستان الرومنتيكي
ولا حدّش فيكو شريكي
في المسكن والسكان

الشيخ إمام

eman