mohamed

لا تتعجَّب إنها إرادة الله :D

كلمات : محمد هشام رجب 
موسيقى : مش عارف الصراحه

---------------------------------------
و ماتحبّيش فـ يوم شاعر
هيبني البيت من الكلمات 
و عفشِك شعر متزوّق 
لا يوم هـ يفِن فـ المطبخ 
ولا للشقه هـ يروّق 
هيعمل للعتاب قافيه 
فـ يوم ماتكوني سايبه البيت 
يصالحِك بالكلام عادي 
ما بلنسبالُه أمر بسيط 
هيكدب كدب يتصدق 
هيلعَب بالمشاعر لعِب 
هيوعِد وعد متحقق 
يخلي السهل أصعب صعب 
مفلس صعب يغنيكي 
كلامو كتير ما بيكفِش 
غداكي هيبقى تفعيله 
و مرضِك بيه ما بيخفِش 
كلامُه بيسحِر الساحر 
يا ريت تنتبهي مـ الإدمان 
بيبقى بعيد أوي عنِك 
و بيبانلِك فـ كُل مكان 
هيكتِب فيكي شعر كتير
بنات غيرِك كتب فيهُم 
 ولو حبّاه عشان شاعر 
يا ريت أشعارُه تنسيهُم 
فـ يا تحبيه عشان حبِّك
يا إما بلاش تعيشي عذاب 
عشان الشعر من أصلُه 
مكوّن من كلام كدّاب  
-------------------------------------
My Page : https://www.facebook.com/MohamedHeshamRagab
Account : https://www.facebook.com/lllHlll
-----------------------------------
لو عجبَك " أعمل شير " و إدعم العمل :)

إدمان - محمد هشام رجب

كلمات و أداء صوتي : محمد هشام رجب 

عايز أقولِك إني فاكرِك 
و إني عاشقك و اني ليكي 
و اني جنبِك و أني سامعِك 
و أستحاله هكون ناسيكي 
Contact Mohamed @ : 
https://www.facebook.com/lllHlll
https://www.facebook.com/MohamedHeshamRagab

عايز أقولك - محمد هشام رجب

رومانسية الموت 
كلمات و إلقاء : محمد هشام رجب 
موسيقى : موجه حاره 

و حشتني بجد جداً 
و حشتني ونفسي ترجع 
الدنيا معاكي حلوه 
و فـ بُعدِك شئ بيوجع 
أصل أنتي مش حبيبه 
أو بنت من البنات 
أنتي اللي عشان أضحّي 
و يقولوا عشانها مات 
أنتي اللي بتفهميني 
أنتي اللي بتحضنيني 
أنتي لو كُلُه سابني 
والله ماهتسيبيني 

Mohamed Account : https://www.facebook.com/lllHlll
Mohamed Page : https://www.facebook.com/MohamedHeshamRagab

وحشتني بجد جداً - محمد هشام رجب


وحشتنى بجد جدا وحشتنى و نفسى ترجع 
الدنيا معاكى حلوة و فى بعدك شئ بيوجع 
اصل انتى مش حبيبه او بنت من البنات 
انتى اللى عشانها اضحى و يقولوا عشانها مات 
انتى اللى بتفهمينى انتى اللى بتحضنينى 
انتى لو كله سابنى و الله ما هتسيبينى . 
لو بعدك كان بكيفيك والله ما كنت هزعل 
بس انتى مشيتى فجأة و الموت لازم هيحصل 
طب كنتى خدينى حتى طب كنتى قوليلى طيب 
ده انا ابنك مش حبيبك متعود اكون قريب 
انا نفسى بجد اجيلك انا نفسى بجد اشوفك 
و قوليلى ايه حاصلك واحكيلى عن ظروفك 
بردانه عشان ايديكى سابت ايدى اللى ملكك 
محتاج انده عليكى محتاج لو اقول بحبك 
محتاج لو تسمعينى انا نفسى بجد ابكى 
انا عارفك بتشوفينى انا اسف انى بشكى 
و يا رب تكونى عايشة فى مكان لايق بقلبك 
فى الجنة ناس كتيير يا حبيبتى بجد شبهك 
و ولادنا هشام و آدم فى عنيا متخافيش 
انا نفسى بجد اموت انا نفسى معاكى اعيييش  

محمد هشآم رجب .. قصيدة  وحشتنى بجد جدا

الشاعر : محمد هشام رجب 
موسيقى الراحل : عمار الشريعي

أنا كويس و عادي و فل 
ماتتخضوش مالوش لزمه 
أكيد يعني أنا مش شئ 
هيعمل فـ الغياب أزمه 
أنا مش حاجه فـ عنيكوا 
أنا اللي بكدبكو مجروح 
دعيتو عليا أغيب ما أجي 
أديني فهمت عادي هروح 

Mohamed's Account : https://www.facebook.com/lllHlll
FB Page: https://www.facebook.com/MohamedHeshamRagab

Download from Nogomi : http://www.nogomistars.com/downloads.asp?ID=25352

أنا كويس - محمد هشام رجب

محمد رجب مش بأيدى من الفنان هشام شقاوة

انا البنت ^^ محمد هشام رجب



عادي بقا ...
اديني فرصه للقا ...
خليني اشوفك بس مره ...
وتكون عينيا مصدقه ...
اديني فرصه فضفضا ...
الدنيا بعدك ليه فضا ؟
ولا شوفت بعد اي حب ...
ولا لاقي من حد الرضا ..
دا انا لسه فاكر بسمتك ...
طب ليه تسيبني بذمتك ...
ابنك حبيبك اهو كبر ...
بتخبي ليه بقا فرحتك ...
امي ارجعي ... ويا فرحه ليه بدمعي ؟
ويا امي لما بكلمك ...
هو انتي عادي بتسمعي ؟!
انا كل يوم دايما بشوفك ...
وافضل مكاني ابصلك ...
واحضن ملامحك في الصور ...
طب حاجتي ليكي بتوصلك؟؟
لو مره كنت مزعلك ...
يبقي هعيش ذُل وشقا ...
فـ متزعليش عادي بقا ...
واديني فرصه للقا... :)

متزعليش - محمد هشام رجب

بروفايلى الخاص .. هشام محمد
https://www.facebook.com/eng.zeriek

كلمات الشاعر .. أحمد أيمن
https://www.facebook.com/eng.ahmed.5205

بعتذر عن جودة الصوت لأن جودة التسجيل ضعيفه جدا
............
انا الشعراوي لو تِعصي ،، 
وتِبني للذنوب عِمرات ،،
أنا البلياتشو لو تِبكي ،،
وهرسم ف الخدود ضحكات ..
أنا المُتنبي ف الاشعار ،،
وهكتبلك من الغَزل ابيات ،،
انا اللي بعمري افديكي ،،
وهنحتلك امل فيكي ،،
واشيل هَمك ومُشكلتك ،،
انا اللي بجد حبيتك ،،
وحِسيني كما بيتك ..

أنا اللى بجد حبيتك _ هشام محمد

بروفايلى الخاص .. هشام محمد
https://www.facebook.com/eng.zeriek

ألحان المبدع .. أحمد علاء غازى
https://www.facebook.com/Ahmed.Alaa.Ghazy

كلمات الشاعر .. خالد الطبلاوى
https://www.facebook.com/khald.altblawy

إلــــه رحــيــم لــطـيـف بــنـا === ومــن لـطـفه لـيس يـبدو لـنا
ولـو قـد تجلى لما طاق إنسٌ === ولــكـن بـلـطـفٍ لـــه عـمـنـا
ويـعـلـم مــنـا دقـيـق الأمــور === فـيـكشف بـالـلطف مـا غـمنا
يرينا السنا في جمال الوجود === ويخفي عن العين سر السنا
وفـيـمـا نــحـب ومــالا نـحـب === كــريـم رحــيـم لـطـيـف بــنـا
فـهـلا تـعـلمت يـا عـبد لـطفاً === بـخلق اللطيف لنيل المنى ؟

إله رحيم _ هشام محمد

تجربه جديده مع عود الدكتور هشام على

آسف لجودة الصوت لأنها تسجيل موبايل

بروفايلى الخاص .. هشام محمد
https://www.facebook.com/eng.zeriek

يا ولد عمّى _ هشام محمد

بروفايلى الخاص .. هشام محمد
https://www.facebook.com/eng.zeriek

كلمات الكاتب العبقرى .. وليد ديدا
https://www.facebook.com/waled.dida2020

ألحان الفنان .. خالد على
https://www.facebook.com/profile.php?id=100004244324493

 ^_^ أعتذر لجوده الصوت تسجيل موبايل كالعاده ^_^

الغريب إنى بحبك
حتى قبل ما أعرفك
كنت بحلم بيكى يومها
و الكلمه بتوصفك

كنتى كل ما تبعدى
غصب عنى أوام أجيلك
أصلى مؤمن بيكى جدا
و مش شايف حد غيرك

كنت راضى بأى كلمه
حتى لو فيها عذاب
أيوه بحبك صدقينى
و مش شايف حد غيرك
أفتحله أى باب !!!

الغريب إنى بحبك _ هشام محمد

ماعُدتش بَحسب الأوجاع وَلا ناوى
و كُتر الذنب ما يحِلّوش لا عرّافه وَلا مخاوى
أنا الجرح اللي جارحني و ربي مش مسامحني
بقيت إنسان مابيحسِش باقيت مكروه وغلّاوي
ماعُدتش بشبِه الماضي ولا طفولتي
مافيش حتى مصلّيه معلقها فـ باب أوضتي
و للـ درجادي مش خايف
و أعمى القلب مش شايف
هقابل ربي بس إزاي و أنا العاصي و بإرادتي

- لِنك تحميل الأغنيه من موقع ميديا فاير :
http://www.mediafire.com/listen/o2w7nr6ysbdh3bt/Fadfada_-_Mido_Rashed_%26_Mohamed_Hesham_Ragab.mp3

كلمات و إلقاء الشاعر : محمد هشام رجب
غناء و الحان وتوزيع المطرب : ميدو راشد
صولو الكمان : أ / مجدي حكيم
 
للتواصل / المطرب : ميدو راشد -

- صفحتى الرسميه على الفيس بوك 
https://www.facebook.com/Mido.Rashed.Page

الاكونت الخاص بيا على الفيس بوك -
www.facebook.com/Mido.Rashed.Singer

- لينك الـ Channel الخاصه بيا على الـ Youtube 
http://www.youtube.com/user/Mido000Rashed

.. يشرفنى متابعتكم و اتمنى الأغانى تعجبكم ,

تحياتى , Mido Rashed 

فضفضه - ميدو راشد & محمد هشام رجب

رومانسية الموت 3 .. قصيدة صباح النور 
من ألبوم " شيزوفرينيا " أول ألبوم شعر فـ مصر .. 

إلقاء و تأليف الشاعر : محمد هشام رجب 
الموسيقى لـ : هشام نزيه 
-------------------------------------------------------------------------------
Mohamed's FB Acc : https://www.facebook.com/lllHlll
FB Page: https://www.facebook.com/MohamedHeshamRagab
--------------------------------------------------------------------------------

صباح النور - محمد هشام رجب

بحبك
زى ما بحب الجيلى كولا 
واحبك لما انا افشل وانتى تطلعى الاوله
ولما الابله بتزعق بتيجى عليكى وتقولك غلطى افتحى أيدك
فا تيجى الجراءه جوايا وامثل فيها وحكايه
 جايز تنساكى وتسيبك واقول بطنى بتوجعنى 
فتيجى الابله وتقولى فى ايه مالك ؟ 
بعلو الصوت اقول تعبان ما جايز نعمه النسيان تجيلها فجأه و تنسالك
ولكن تيجى وتقولى كدا !! ساهله , هاتولى الحقنه محلوله 
فا فجأه كلامى يتلغبت وتعرف انى بتسلبت 
فا تضربنى وتنساكى وعمرى ما اكون لها شاكى 
وبشكر ربنا ان الابله اصلن فى النظر حوله
بحبك زى ما بحب الجيلى كولا 
واحبك لما انا افشل وانتى تطلعى الاوله ..

Mohamed Hesham Ragab 10_Jelly_Cola - محمد هشام رجب - جيلى كولا

Mohamed_Hesham_RagaB ANA KOUAYS محمد هشام رجب انا كويس

رومانسية الموت  .. الرساله الاخيرة


إلقاء و تأليف الشاعر : محمد هشام رجب 
الموسيقى : موجه حاره 
(الرسالة الاخيره )

آدم كبر في المدرسه دلوقت 
بيقولي فين ماما و بقولُه رجعالنا 
يسألني ليه سايبانا طول الوقت 
فـ أسكت و أقول علشان موجوده فـ الجنّه 
فـ يقولي نفسي في حُضن 
و يكون كمان منها 
فـ أسكُت و ماتكلمش 
يعند و يبكي دموع 
و يقولي عايزنها 
فـ أسكت و أطبطبلُه 
على ضهرُه لأجل ينام 
معلش بُكره أكيد هنشوفها و نزورها 
روح يلا لسريرَك ماتسيبش حُضن هشام 
و يسبني للوحده و صورتنا و الفُستان 
صوتِك بيندهني موجود فـ كل مكان 
يا بنت قلب الليل واحشاني محتاجِك 
يا ورده من غيرها إيه لزمة البُستان 
حضنت كل الوجع و صاحبت طبع الآه 
و شكيت لحُضن السما و سألت عنها الله 
لفيت بلاد الخلق مالقتش منك زي 
ولادنا إيه ذنبهُم يتيتموا منِّك 
كل اللي نفسنا فيه نلقى بوجودِك ضي 
أو نلمحِك علشان والله بنحبّك 
الدبله في إيديا هتموت مع موتي 
و الحُضن من قلبِك لسّاه بيمضي غياب 
يا حُب دون تكرار عُمري ما أشوف غيرِك 
أنتي الجواب و السبب لو كترت الأسباب 
مكتوم في قلبي القول علشان ماهوش ليكي 
إيه لزمة الأشعار لو يوم ماوصفتكيش 
مابشفش غير صبرِك و دفاكي و عنيكي 
و سايبلِك المصروف هو أنتي ليه ماجيتيش ؟! 
لو بالبكا راجعه عيني هتطرح بحر 
نفسي أسمعك تاني يا أم أجمل صوت 
يا خالق المخاليق هصحى و أنام ع الصبر 
و لو اللقا عندَك فـ أنا راضي عادي أموت 
الناس خلاص زهقت من كُتر ماناديتِك 
و يقولو كِف نواح راجل و بتعيَّط !!
أنا بس عايز أقول أنتي اللي حبيتِك 
و أنا في الحياه دونِك عايش لكن ميِّت

Mohamed's FB Acc : www.facebook.com/lllHlll
FB Page: www.facebook.com/MohamedHeshamRagab

الرسالة الاخيرة - محمد هشام رجب

قصيدة بورتفوليو للشاعر محمد هشام رجب 
من ديوان بورتفوليو 
 : ستجدونه في 
معرض الكتاب الدولي 2015 في الفترة من 28 يناير حتى 12 فبراير 
خيمة 2 جناح دار الرواق للنشر و التوزيع 

للتواصُل مع الكاتِب : https://www.facebook.com/lllHlll
توزيع و إخراج موسيقي : 
الموزّع القدير : عُمر بسّام 
تم التسجيل في أستوديو : 
Eleven 
#بورتفوليو
*مشهد 1 
راجل عجوز ماسِك كتاب 
نضّارته مـ النوع القديم 
معوجه عند الجنب حبّه  
و إزازها مكسور مش سليم 
الوِحده مرسومه فـ عينيه   
و الصبر طارِح فـ الجِبين 
جوّاه كلام محتاج لناس 
تسمع لصوت قلبُه الحزين 
بيبُص للواد اللّي راكب 
جنب اللي سايق بـ إشتياق 
بيفكّرُه واضح بإبنُه 
أو حَد سلِّم للفُراق 
فـ يبُص فـ كتابُه بهدوء 
و الدمع ينزِل ع السطور
راجل عجوز خانُه الزمن 
و الإنعزال عطّاه كسور 

*مشهد 2 
إتنين كلامهُم دار مابين 
وضع البلد و نجيب منين 
و التريقه ع الأغنيا 
شوف همَّ فين و بقينا فين 
و الإختلاف على مين يسوق 
و الإتفاق ع الإنحدار   
و كلام عن التعليم و جهلُه 
و الإقتصاد 
و الإنهيار 
و الصوت بيعلى و الناس تزوم 
أصل الحوار ده ملهوش لزوم 
و إن الكلام فـ الصَح عيب 
و الهَلس و التنطيت يدوم 
و إن البلد مش طالبه قفش 
و المُنتخب يكسَب بجون 
و إن الأساس فـ الثورة إن 
وضع البلد 
محتاج قانون 

*مشهد 3 
بنت البُكا مكياج عينيها 
و بتندِب الفقر بـ ألَم 
كان نفسها فـ فستان فرح 
أو تُحضن الحُب بعشَم 
واضِح أوي من لِبسها من شَكلها 
و من كلامها لنَفسها 
باعت حاجات مابتتشراش 
و لو فـ يوم فيه تتشرى 
هيكون تمنها أكيد بلاش 
قعدتها تشبِه عَبد تاب 
أو حَد خايف مـ الذنوب 
ما أعظَم الدّمعه اللّي تطلع 
من داء بيسكُن فـ القلوب 
لمّت زَعلاها و شَعرها 
البنت روحها مش هنا 
باين أوي من ضعفها
بتحكي حاجه لربنا 

*مشهد 4 
سواق ماعدّاش رُبع قَرن 
و همومُه باينه فـ الملامِح 
باين عليه تعبان أوي 
ده لأنُه طول السكه سارح 
تليفونه رن 
رد ببرود 
فجأه أرتعش و الصمت ساد 
الرد كان :
أنا جي حالا 
و هرجع البيت فـ المعاد 
خليكي جنبُه أبوس إيديكي 
محتاج أوي نفضَل سوى 
و هجيب فلوس من أي شئ 
و ماتشيليش حِمل الدوا 
و قوليلُه إنّي بحبُّه جداً 
و قوليلُه إنُه أحَن أب 
كل اللّي راكبين زعّقوا 
برّاحَه يا أسطى فـ المطب 
سرّع أوي 
زادت همومُه و سرعتُه 
عداد وجع عدّى الـ 200 
غمضت عين و فتحت عين 
كل اللّي راكبين قلقانين
من سرعة الظلم اللّي زادت 
من قلّة البَخت فـ حياتهُم 
خايفين يموتوا عـ الوجع 
و مايعيشوش كُل اللّي فاتهُم 
الموت مايوجعهُمش إلا 
لو خد أعز الذكريات 
شوف كام غني 
شوف كام فقير 
شوف كل شاب يأس فـ مات 
شوف كام عجوز فارق عيالُه و لمّتُه 
شوف كام مريض صاحب ألامُه و علّتُه 
شوف كل بنت بتعشق الوهم بأمل 
شوف كام عقول من غير عمل 

*مشهد 5 
أما أنا 
.... ............ ..... ..... 
.... ............ ..... .....

* ملاحظاتي
لاقيت نُقَط من غير كلام 
و السطر ما كملش لسبب 
و اضح أوي إن السرعه زادت 
و الميكروباص بيهُم قَلَب 
زاد إرتباكي و القلق 
لما قريت كُل الورق 
العُمر كلُّه بيتسرق 
و الناس خلاص مـ الحُب خليو 
اللي كَتَب حاسس بشئ 
دوِّن كلامُه فـ الطريق 
كان القَلَم هو الصديق 
واللّي سمع كان بورتفوليو 
-----------------------------------
بورتفوليو : هو ملف الأوراق الذي تم تدوين ملاحظات الراوي فيه و تم إكتشاف الحادث عن طريقُه 

mohamed

Emo Mohamed