صوتك رائع كله شجن بعشق صوتك يا دينا

دينا مسعود - دنيا يا دنيا

لا يهمني إسمك لا يهمني عنوانك. يهمني الانسان at Avenuo

دينا مسعود نوح الحمام

مرسال لحبيبتي

حَبِيبْتِي ..

حبيبتي شرطه مايله فراغ 
وهكتب ليه حروف إسمك ؟

ما هو إنتي في قلبي .. ساكنه القلب عارفه بقصتي وحالي
ومين غيرك في قلبي أكتبله مرسالي

.. أما بعد

مانيش عارف ده جوابي الكام
ماعنتش بحسب الصفحات ماعنتيش بحسب الأقلام
ماعنتش بحسب اللي ضاع من الأوهام 

كفايه إني بحبك بس
وقلبك لو بقلبي حس
أو شاف حاله في بعادك
لصلي ربه وإستغفر لذنبه وصام

قوليلي ازاي احبك حب يرضيكي ..؟
أنا تايه ونفسي اوصل اراضيكي
ده لو كان الهواه بالزهد ... انا سيده
ولو قولتي ان حبك صوم ...  انا عيده
ولو حبك فداه قلبي .. اقطع قلبي ميت مرة واقدملك عناقيده

وبتقولي بحبك ليه 
وهو القلب متعذب كده بأيدك .. بحبك

حتى لو باب القبول اتسد 
وهاتخيل صدى صوتي بياخد كلمتي ويرجع معاه الرد 
ولو قولتيلي ميت مرة انا عمري ما حبيت حد
هازيد الكلمة ميت مرة .. دي نقطة مايّه مـ المطرة إذا فاضت .. تهد السد

وحتى لو فارقتيني هاحبك في الفراق برضه
هواكي في قلبي لو شوفتيه .. نوافله وسنته وفرضه
وحبك برضه لو تنسيه حينسى ازاي حنين ارضه

وياما في نفسي .. ياما ياما ياما ياما يامـــــــا

في نفسي .. تيجي لقلبي وتحني
ولازم تعرفي إني لا أنا عفريت ولا جني

بحبك بس إيدي أقصر كتير مني .. فمش هقدر أجيبلك من الدهب كفه
وأجيبلك من الياقوت كفة .. ومش هقدر أجيب الوالي في الزفة
ومش هقدر أجيبلك بيت يموت القطر لو لف في حماه لفه

كفايه إني بحبك موت .. وحب الناس ندامه وعار وحبي عكسهم عفة

و لو ترضي فـ عندي شروط?
أنا طبعاً بحبك موت .. ولكن برضه ليا شروط

أنا عايزك تكوني في الوريد دمه .. وتبقي في عقلي أنا همه
و تبقي ورد جوا القلب غيري يشوفوا يتحسر ولا يشمه

وعايزك تفهميني لو كلامي طل من رمشي
وعايز رمشك الجارح .. سراط يجرح فؤاد غيري مايرحمشي وأنا أجيلك
أعدي فوق سراط رمشك ولا أخافشي
وحتي لو وقعت في يوم من الخضة
أقع في عنيكي و أتوضي .. وأصلي ركعتين لله
وأبوس نن العنين وأمشي
لا أنا طماع ولا في طبعي الأنانية 

وباعتلك ويا مرسال الجديد احلام
بلاش ترميها كالعادة من اعلى البرج
وخايف يبقى مرسالي نهايته زي اجداده نهايته في قلب الدرج الدرج


جناين قلبي راح تفضل .. ولو طال البعاد فاتحه
بحبِـــــــــــك قولتها بالكسرة .. نفسي أسمعها بقي بالفَـتــحــَة

يا من هواه أعزه وأذلني & مرسال لحبيبتي كاملة - علي الهلباوي

غناء 
دنيا مسعود ♥♥
كلمات الاغنية 

قالت تقصد ايه ياللى انت بتغازلنا
واقف فى طريقنا ان كان طلعنا نزلنا
مواعدين بعضنا من صغرنا ومازلنا
مانفوت بعضنا حتى التراب يعزلنا 

نعناع الجنينة المسقى فى حيضانه
سجر الموز طرح ضلل على عيدانه

امبارح العصر جرس البرنسيس رنّه
فتحت ليا باب شمّيت روايح الجنّه
قالت يالحبيب اصبر قليل استنى 
بعد الناس تنوم كل ماتعوزه اتمنى 

طالع للفسح والناس ولا ماراه
وانا تعبان واتدلع استب غير لابراه
اتاوب تمطى جاب الايادى وراه
قام شرط القميص نهده طلع براه

رايد اكلمك كل ساعة فى وسعتنا
من بعد الضهر نركب ضهر ناقتنا
قالت نعمل ايه لو العرب شافتنا
قولت قولى دا عمى وساقته جار ساقتنا

خضارك زى جنينة وطرحت تينات
عودك فى مشيته عاملو منحنيات
عضامك لينه لايقين على التنيات
تانية واتنين تلاته اربع خمس تنيات

امبارح عالعشا خبطت باب الاوضه
فتحت ليا واحدة كيف بنات الروضه
بشويش دلّت قميصها وغيرت عالموضه
قام ضرب الايشى كسر بلاط الاوضه

طالع للفسح فى حله الكشاف
كيف اوحلتنا والارض تحتى نشاف
آه لو رأيت قميصها الشفاف
ياوقعه اللى رأى وياحسره اللى ماشاف

نعناع الجنينة المسقى فى حيضانه 
سجر الموز طرح ضلل على عيدانه
♥♥
♥♥

Donia Massoud نعناع الجنينة دنيا مسعود @ Café De La Danse, Paris -

DoniaMassoud - من السيرة

دينا مسعود - من السيرة

أغنية حدوتة مصرية من فيلم حدوتة مصرية، كلمات عبدالرحيم منصور، ألحان أحمد مُنيب، توزيع فرقة يحيى خليل، من إنتاج سونار 1982
كلمات الأغنية:
مانرضاش، يخاصم القمر السما
مانرضاش، تدوس البشر بعضها
مانرضاش، يموت جوا قلب نداه
مانرضاش، تهاجر الجذور ارضها
مانرضاش، قلبى جواى يغنى الأجراس تدق لصرخة ميلاد
تموت حته منى، الأجراس بتعلن نهاية بشر من العِباد
دى الحكمه قتلتنى، و حييتنى، و خلتنى أغوص فى قلب السر قلب الكون
قبل الطوفان ما يجى، خلتنى أخاف عليكى يا مصر و أحكيلك على المكنون
مين اللى عاقل فينا مين مجنون
مين اللى مدبوح مـ الألم 
مين اللى ظالم فينا مين مظلوم
مين اللى مايعرفش غير كلمة نعم 
مين اللى محنيلك خضار الفلاحين الغلابة 
مين اللى محنيلك عمار عمالك الطيابة 
مين اللى بيبيع الضمير و يشترى، يشترى بيه الدمار 
مين هو صاحب المسألة و المُشكلة
و الحكاية و القلم رأيت كل شئ 
و تعبت عـ الحقيقة 
قابلت ف الطريق عيون كتير بريئة 
اعرف بشر عرفونى لا 
لا ماعرفونيش قبلونى و قبلتهم 
بمد ايدى لك طب ليه ماتقبلنيش
لايهمنى اسمك لايهمنى عنوان 
لايهمنى لونك ولا ميلادك مكانك 
يهمنى الانسان و لو مالوش عنوان
يا ناس يا ناس يا مكبوته هى دى الحدوتة 
حدوته مصرية حدوتة مصرية حدوتة مصرية

حدوتة مصرية - محمد منير

دنيا مسعود - دنيا يا دنيا


الكلمات :

أمريكا قالت 
ياعرب
العلم قال 
إن السما من غير عمود
إحنا العرب قولنا
دى حكمة ربنا
أمريكا قالت 
ياعرب
العلم قال
الكون مابيحدوش حدود
إحنا العرب قولنا 
دى قدرة ربنا
أمريكا قالت
ياعرب
القدس من حق اليهود
إحنا العرب
قولنا يبارك ربنا

مليون قصيدة ياعرب مليت خلاص من دى القصايد والخطب
مليون قصيدة ياعرب والقدس أهى محبوسة فى أوضة يهودى بتغتصب
وانتوا اخواتها وبكره ييجى الدور عليكوا
وهتدخلوا اوضة اليهودى اللى بناها بجبنكم من غير حيطان 
مليون قصيدة ياعرب كان نفسها تتقال فى يوم الانتصار
كان نفسها تهرب من الليل للنهار
كان نفسها وكان نفسها لكن كسرتم نفسها ميتى تفوقوا ياعرب ؟

لفيت
قوموا يافرسان العرب للمعركة
اللى يقولى مسكونى سيف عمر 
وأنا ضرورى هنتصر
ياسيف عمر 
قولى إيه السر فيك 
حدادك اللى صنعك ركب زرار النصر فيك 
خليك تحارب تنتصر حتى لو فى إيدين جبان 
واللى يقولى
ركبونى حصان صلاح
هتلاقوا عصر الظلم راح
ياحصان صلاح
ماتقولى ايه خلاك بطل
كانت وكلتك وكلة ميتين من الاحصنة ولا براسين ولا تلاجيك بعشر رجول تدخل المعركة وبتنتصر 
حتى لو كان اللى راكبك حاضن الخمرة بين شفايفه
المعجزة مش فى الحصان ولا عمرها كانت فى سيف

بالمناسبة
قبل ماخلص كلام
أمريكا باعتالكم سلام
بتقولكم متشكرين
لولاكم انتوا ياعرب
ماكانتش ليا منزلة بين الأمم
انتوا اللى وطيتم عشان
نركب على أكتافكم سنين
وعشان كده بنقولكم من قلبنا متشكرين
وعشان كده هوصى اسرائيل عليكم
عشان تبطل ضرب فيكم
يا اسرائيل يابنيتى اطمنى مافيش سلام
لكن بلاش الضرب فى بلاد العرب
ده مش عشان انتى رحيمة وطيبة يابنيتى
لكن عشان الضرب فى الميت حرام

مليون قصيدة ( امريكا قالت ) - علي الهلباوي

أول كــلامـى بــذكـر الله بــعـديـن بــمـدح نــبـيـنـا
الله مـوجـود ولا غيرة سواه هوا خلقنا متكفى بينا
يابا أه ياعـينى على أه سيـدى أه ياعينى على أه
يابا أه ياعـينـى على أه هوا خـلـقـنـا متكـفى بـينا

تــاريـهـا الـدراهـم بـتـنـفع بتجـيب مِلّ ويـا غـنيمة 
والــصـاحـب اللـي مـايـنـفـع البُــعد عـنه غـنـيـمـة
يابا أه ياعـينى على أه سـيـدى أه ياعينى على أه
يـابـا أه يـاعـينـى عـلـى أه البُـعـد عــنـه غــنـيـمـة

ويــا دنـيـا يا بــعــوه راحــو فـيــن اللــى فاتــوكــى
راح فــيــن أدم وحــوا ســكـنــوا الـتـراب هـمـلوكى
يابا أه ياعـينى علـى أه سيـدى أه ياعينى على أه
يابا أه ياعـينـى عـلـى أه سـكنوا الـتراب هـملوكى

ولا حــد خــالـى من الـهـم حـتـى ضـلـوع المراكب
متقـولـش للـندل يا عـم لو كان على السـرج راكب
يـابـا أه ياعينـى على أه سيدى أه ياعينى على أه
يابا أه ياعـينى عـلى أه لو كان علـى السـرج راكـب

واللـي يـداديـك داديـه واجـعـل عـيـالك فى ايـده
واللي يـعاديك عـاديـه روحــك ماهياش فى ايده
يابا أه ياعينى على أه سيـدى أه ياعينى على أه
يابا أه ياعــينى على أه روحك ماهياش فى ايده


Friends of bambouty - Semsemia - السمسمية  - سيدى اه يا عينى على اه

ولا بيوصل و لا بيتوه ولا بيرجع ولا بيغيب النيل سؤال
 و مازال ماجاش عليه الرد من قد ايه و لفين ماقالش عمره لحد 
ولا بيوصل سهران يوشوش ناي والحلم رايح جاي
 قباله ع الشطين بيحب صوت الناس وغني البنات بالليل بيكرة الحراس
 لما تدوس بالخيل ولا بيوصل تفوت ايام تموت احلام تعدي شهور تدور
 الارض و الدنيا و هو يدور ولسه بيجري و يعافر
 ولسه عيونه بتسافر ولسه قلبه لم يتعب من المشاوير

دينا مسعود نوح الحمام

Eng M. Joe

Recent comments

Saieed Mostafa

Mumo Dodo

Yasser Mahmoud Gaber

Related tracks