فرق جديدة

 

جيبت ليه صاحب وحبيته

زقنى فى المترو زقيته

واما مات فيا ومت انا فيه

روحتله بيته وعزيته

 

**

حزن يا بقال ورا الجامع هات بنص ريال عسل فى الكوز

دة اللى كان عيل بقى شاعر واللى كان ضاحك بقى أراجوز

 

**

حبنى الشارع وحبيته

عض قلبى الليل وعضيته

خضنى الأنسان وخضيته

لما بان من وشه عفاريته

 

**

عدى فيا القمح سمرنى

عدى فيا الفجر صبرنى

عدى فيا الحزن غيرنى

عدى فيا العمر كبرنى

 

**

خدنى م اللفة لمريلتى

خدنى م التسنين لحصلتى

خدنى من مدرستى ع الجامعة

خدنى م الترعة على الاسفلت

 

**

خدت م الاتوبيس مراياته

خدت م السواق حكاياته

خدت م الركاب تذاكر موت

 

***

حزن يا بقال ورا الجامع هات بنص ريال عسل فى الكوز

دة اللى كان عيل بقى شاعر واللى كان ضاحك بقى أراجوز

 

**

ياللى وحشانى متوحشنيش

ضحكك السكر محلانيش

خوفت م المطرة قفلت الشيش

ليه فضل اسمك على الشباك

 

**

كنت جايب دبلة وغويشة

كنت شارب حاجه مغشوشة

شفت شبهك قاعدة فى الكوشة

 

**

قلت هى لا مش هى

فتشتنى الدمعة عن ميا

كنت أنشف من حطب محروق

 

**

حزن يا محول خطوط سيرى

حزن يا عطار فى باب اللوق

شوفلى تحويجة لتفسيرى

حط ريحة بن لضميرى

شوفلى عود أصلب من المغشوش

 

**

حزن يا بقال ورا الجامع هات بنص ريال عسل فى الكوز

دة اللى كان عيل بقى شاعر واللى كان ضاحك بقى أراجوز

 

**

ردنى عالباب عطب روحى

جابلى ناى وزتونة مطروحى

 

**

 

جيبت ليه صاحب وحبيته

زقنى فى المنترو زقيته

واما مات فيا ومت انا فيه

روحتله بيته وعزيته

 

**

ردنى عالباب عطب روحى

جابلى ناى وزتونة مطروحى

 

**

مر انا يا صاحبى لو دوقتنى

جيت اقول الأه ما صدقتنى

يطرح ايه الملح غير مالح

يطلع ايه م الجرح غير مجروح

 

**

ليه ما تصفاشى لغير صافى

ليه فى عز الحوجة بتجافى

شوفتنى غاطس ولا طافى

كنت بندهلك حلاوة روح

 

**

حزن يا بقال ورا الجامع هات بنص ريال عسل فى الكوز

 

**

خد سنين الجرى وسنينى

هاتلى سن غزال دهب عينى

قطع الاسفلت شرايينى

هات بياض القطن شاش اللوز

 

**

حزن يا بقال ورا الجامع هات بنص ريال عسل فى الكوز

دة اللى كان عيل بقى شاعر واللى كان ضاحك بقى أراجوز

سيرة الاراجوز - فرقة عمدان النور - Gazaga

كلمات/ امين حداد 
لحن/ حازم شهين
غنأ/ اسكندريلا

اصحى ياسيدى اصحى ياسيدى

انا يا سيدى الجارية بتاعتك
أنا خدامتك ساعتك تك تك
راح انظّم لك وقتك تك تك
مواعيدك هىّ مواعيدى
اصحى يا سيدى

قلبى عليك بيشر حنينه
أنا مامتك تك يا بامبينو
الشاى جنبك ع الكومودينو
و ادى الجرنال جبته فى إيدى
اصحى ياسيدى

أنا ساعة ساعة يابانية
تك تك تك تك تكنولوجيّة
من يوم ما عرفتك ياعينية
أصبحت انت و بس وحيدى
اصحى ياسيدى

فى الشغل حاخليك متحمّس
فى الويك إند تروح تتشمّس
و حتتمتع و حتتونّس
زى ابو حيّان التوحيدى
اصحى ياسيدى

راح تكتب يا حبيبى قصيدة
عن دنيا أخبارها سعيدة
و حاغنى لك غنوة جديدة
و حاقول لك نكتة على صعيدى
اصحى ياسيدى

اصحى ياسيدى إنت نبطشى
اصحى ياسيدى ماتستعبطشى
اصحى ياسيدى و خاف من بطشى
اصحى و دور مع باقى عبيدى
اصحى ياسيدى

فرق جديدة

Eng Móđä Sarhan