أيامي كانت .. مقطوعة دافية
من بيانو أو جيتار
دقة قلوبهم بكر صافية 
قبل ما تسكنها نار 
أصحي أصلي ركعتين 
ثم أرتل في ياسين 
تسقي حبات الندي
ضحكاية صافية للصحاب
كنت خايف ع الشذي 
لو بس يلمسها التراب 
كان الشجر ..
فارد ايديه .. ضم المطر 
زغروطة راجة ف السما 
والجو تلج ..
كنت عاشق حقنة بنج
رابطة لي روحها كالفيونكة حول ضلعي الل انكسر
فيرجينيا 
كانت زاهدة ضلي 
الل فضلي
مهما كان دقات رمق 
م المستحيل أن تتنسي 
كالحضن خلسة ف مدرسة 
والحلم (أدخل هندسة )
سكر نبات ..خلف بنات 
والذكريات دي مفلسة
نرجو سيادة الليل كفي 
عكاز ضلوعي بيحتضر 
ملقاش عجوزه بيسنده 
ممسوس تملي م القدر
اصرخ ياناي 
يمكن ف يوم الكون يمطر ورد مرسل م النعيم
كاس الهنا أصبح سراب
الروح دي ناقصة روح أبويا
بدر مملكة التراب
كان جدي أجدع م الصحاب 
قلب الملك بيرش مسك ف كل بيت
يتهزله عرش المشاعر
والشوارع ..
كات بترقص لما كان يفرد جناحه ف قلبها
كل الجوامع 
هامسة قلبي ف كل سجدة "هو فين ؟ "  
شملي فضا 
صابر بلملم وحدتي 
يامهجتي
ازاي أنا عشرين سنة 
والقلب عيل ستينات ؟ 
صرخة ضلوعي كات نايات 
صوت الهوا شبه الأنين 
ف مسكت قلبي
هبدأ ألخص في السنين 
غمضت عيني .. فتحتها 
الصفحة سودة ف قلبها 
(قبر وكمانجا _ دمعتين)..

كلمات وأداء : محمود عادل

El Fngry | الفنجري

Popular tracks