اول قصيده كتبتها كانت في تاني حفله ليا بعد ثوره 25 يناير كانت بتحكي عن وضع مصر وقتها والحمد لله عملت صدي كويس مع الناس 

عش الغلابه #  اول قصيده كتبتها

ساعات احس اني انا مغرور
ببص لنفسي في مرايتي
اقول فينك واحشني يانور
قبل ماتطفي في حكايتي
قبل ماشوف فيا الظلمه
كنت بشوف ساعات الوان
كنت بشوف عيون انسان
ضعف نظري وبقيت اتخيل
ناس اصلا مش معايا
خليك يانور قريب مني
ولا تفارق ولا تبعد
ياهل تري ايه النهايه
احساسي بيك وسط الغيوم
مش عارف انا غلطان
مش عارف انا موهوم
لكن عارف انا انسان
قوي جدا كما الفرسان
بيضعف بس مالوحده
ظروفه ملخبطه شويه
ولو يعرف يكون تافه
حيرجع تاني زي زمان

مَحٍَِموٌدً سًًٌٌَلإٍمٌه

محمودسلامه #انامغرور

شعور غريب 
ماعرفش ليه بحس بيه
دايما بشوفه وبسمعه 
عارف ملامحه ومطلعه
غصب عني الاقيني فيه 
يمكن عشان الحمل زود كفته
ولا عشان الفكر عبر عن سكاته
ولا يكون الفرح غير سكته
ومستنيني افتكر الي ماتو 
عايش وراضي وتملي صابر
مسيرها يوم وحتتعدل 
كل الفشل كل الضياع 
حيجيلو وقت ويتبدل 
وابقي انا 
احلامي الي ياما حلمتها 
كل الاماني الي في حياتي 
الي عمري ماحققتها
حتي انا مش انا 
وكأني عايش في الحياه 
دي بس احسب وقتها 
ازاي يفوت ازاي يمر 
كل يوم كل ساعه كل ثانيه 
بتفوت بشهر 
وعشان يادوبك بس اعيش 
دافع عمري كأنه مهر 
للزمن 
لاجل مايرضي عليا 
وأديني عايش يازمن
مَحٍَِموٌدً سًًٌٌَلإٍمٌه

شعور غريب - مَحٍَِموٌدً سًًٌٌَلإٍمٌه

قصه الم مالي السنين
قصه دموع متبعتره
ماشي بخيالي والحنين
دايما يرجعنا ورا
وافتكرت لما كنا نقعد بالساعات
لما كنا نحكي ياما من الي فات 
وافتكرت في وسط الزحمه خروجتنا
وافتكرت زمان حياتنا 
ياه عالوجع ياه عالحنين
وادي السنين بتجيب سنين 
وادي الدموع متبعتره

تعبت بجد 

ماعدش ناقصني غير حبه دموع
 نفسي احس بأني صوت مسموع
ماعدش لاي شئ معني 
ليه ظروفنا توجعنا
ونفسي الدنيا تسمعنا 

تعبت بجد

احلامي اهي حبه ورق 
بتطير قصادي وتتسرق
والمر شاربه من زمان
من كتره قلبي خلاص شرق

وانا كل حلمي اني اكون
في دنيا خاليا من العيون
لاني عمري ماقولت اشمعنا
ف ليه ياظروفنا توجعنا

تعبت بجد

علشان اكون في عيونهم انا انسان
نسيت الشر وبشوفه كأنه ماكان
لكن ياخساره مش مكتوب
اني اكون لو حتي في الحسبان

ومش مكتوب لو حتي تجمعنا
انا واحلامي في جوعنا وشبعنا
ف ليه ياظروفنا توجعنا
ونفسي الدنيا تسمعنا 

تعبت بجد
بقيت عايش علي امل الي جاي احلي 
علشان اقدر اعيش واخد الحياه رحله 
ماشي في طريقي وكأني انا موعود
ماقابلش حلمي لحد لما اعود

طريقينا كان اول سبب ضيعنا
ناس في حياتنا كتيركملو خداعنا

ليه ظروفنا توجعنا
ونفسي الدنيا تسمعنا 

 تعبت بجد 

مَحٍَِموٌدً سًًٌٌَلإٍمٌه

تعبت بجد -  مَحٍَِموٌدً سًًٌٌَلإٍمٌه

كلمات \محمود سلامه 
الحان\ احمد ناصر
توزيع\ محمد مصطفي 

https://www.facebook.com/profile.php?id=100013505624133

https://www.facebook.com/theseeker.ahmednasser



نفسي اكون 
انسان برئ  
عايش بدون ظله 
شايف حياته ملخبطاه
ولا حد بيدله 

انا ذنبي ايه يعني 
وبأيدي ايه يعني 
دا حيالله انا موجود

تملي في حالي وفبالي 
خيالي يفوت
وكل لحظه اعدي فيها 
كأني بموت 

عايش امل الي جاي احلي
واخد الحياه  رحله  
عايش حياتي من غير صوت


نفسي اكون 
انسان برئ  
عايش بدون ظله 
شايف حياته ملخبطاه
ولا حد بيدله

احمد ناصر " انسان برئ "كلمات محمود سلامه

بمناسبه " Valentine "

"عيد الحب "


عيد الحب _محمود سلامه

في حياتي امرأه 
زادها العشق تجميلا وتكوينا
لم اعشق مثلها بالكون
وكما للعشق ايجابا 
ف للعشق نيران تكوينا
تعاهدنا بالدين الا نفارق بعضنا 
لكنها لم تعترف للحب دينا 

وفارقنا بعض 
وزي اي قصه حب نهايتها الوداع 
وسمعنا ياما اغاني عالويل والضياع 
وشويه حزن وشويه اكتئاب
مابشوفش غير لون الهباب
في عنيا ضلمه مغيمه 
وشويه وننسي بس الهزيمه معلمه 
وقدرنا ننسي واديني اهو عالطول وحيد
وبقينا عايشين بالمظاهر 
بضحك اوي وانا جوايا الف وجع بس بردو مافيش جديد
بخرج سعات واسهر كتير
مش شرط بسهر يبقي مالتفكير 
دانا والله بتحايل عالنوم يجيني 
حتي النوم بقي ليه شروط 
وانا بالنسبه ليه عابر سبيل 
ممنون جنابك حضرتك 
شكرا جزيلا
الفضل يرجع ليكي وانا مانكرش فضلك
اني اكون ساكن لارضك ولما بصيت للسما
مالقتش ايد تشدني 
فنزلت من سابع سما واقع في عرضك
طاب كنتي ليه فتحتي باب قلبي من الاول 
وانا للحب حاطط الف سد 
لو كنت اعرف ان العذاب ده حيطول 
لا كنت عمري حبيت ولا امنت حد 
ولا طاوعت احساسس الي مالزمنيش
ولا مشيت ورا اهواء الحنان
اديني اهو بتنفس وعايز اعيش 
ولما بتكلم عليكي كل كلامي كان
وتلف الايام وتدور 
وبنرجع تاني لعادتنا
بننسي مرار الايام 
ونسامح الي قلقو راحتنا
ياهل تري المره دي خير
ولا الوجع حيكون كبير 
ولا نسيب الضمير 
هو الي يحكم ارادتنا


ممنون جنابك

ياصايم عن جميع الذااد
ياموجوع من دموع جوفك 
انا صايم عن الشبهات 
وبفطر عندما بشوفك
وتقوليلي اعذرك ؟!

كل حرف قولتو ليكي او عليكي كان بجد
كنت فاكرك ملك ليا 
كنت فاكرك مش لحد 
بس طريقنا اخره سد ومش هزار
هو ده افضل قرار 
لما تبقي بس ليا مصدر الويل والمرار
لما تبقي ساكنه فيا وتهربي ولا ليكي دار 
اعذرك فعلا ياستي !
يالي كنتي فعيني بنتي 
يوم مافكرت اني ابدأ 
من جديد شوفتك حببتي 
لو في يوم شوفتيني صدفه 
عارفك حتجيبي سيرتي 
وتقوليلهم كان حنين 
بس عمره ما كان حويط 
كان بيسرق وقت فرحه 
لاجل مايكون ليا خيط 
اتربطله مش ارتبطله 
هو كان فاكرها سايبه 
واتعلمت اني عيبي 
ان ماهما شافتني بيبي 
عمري ماكون في نظرها حبيب
حب ايه يا عبيط !
	
ولانك طيب وكأنك
العمر يبان اكبرمنك
علشان دايما مجروح وحزين
وفاضلك لسه سنين جايين
حتعيش فيهم احلي الايام 
وتنفذ رسومات الماضي 
الي رسمتها لسنين قدام
وتقابل حد يكون شبهك 
وتقابل حد حنين فيك
ولان الكل بيجي عليك 
حتعيش طيب وتموت طيب
ولا في مخلوق يدعي لمعاليك


أعذرك _ محمود سلامه

في عز خوفنا وهمنا 
احلامنا بتضيع مننا
وتضيع معاها حاجات كتير
العمر يشبه للكفن 
وانا ك ميت واندفن
والحزن شايفينه في وشوشنا
حتي الحمام الي احنا شايفينه في سلام
حرم يطير 
واستحلي قعده الكسل جوه في عشوشنا
الحب معني وهمنا
تبقي الحياه عندنا 
كأنها مطرح مريح
لايتهز بكسره قلب 
ولا حتي بعلو الريح
وانا الي قالو عني صريح 
ماقدرتش اقول اني 
بشوف العطف في عيونهم 
واشوف الحب والغيره ملازمني 
واشوفك جزء كان مني 
لكن قرر يكون مفرد 
و بالرغم من اني بكون دايما لحالي وبس 
ف بنسبالهم شئ عادي وجامعني 
بخلق كتير لانا اشبههم ولاهما مشابهني 
واقولك ايه !

 قلبي الي مات صليتله فجري 
ودعيتله يكون مرتاح 
سنين العمر لهياني من ساعه مافاتني وراح
لحد يكون عليه طيب مايجرحهوش
وانا اصلا برغمي برئ ماستاهلوش
اديني اهو بعيش عادي 
ايه يعني اني مانسيتهوش
مادام قررت اكون مجروح 
فلازم قلبي يلازمني 
عشان الجرح لو جاني
علي ايدين الي جارحني
علي ايدين القريبين مني 
يشوفوني بقلبي سليم 
فياخدوه للجراح تاني 
واعيش وكأنه مش مني 
ياناس الجرح لو صلوات لا حتكونو كدا صاينينه ولا حافظين
ياناس الكره لو كان فرض لاكنا بقينا من الكفار ولا كنا امنا بدين
ياناس الحب لو سنه اكيد حنام في ليالينا كلنا ناسيين


الحب لو سنه

في امل اغنيه جديده 
غناء \احمد عماد 
كلمات\ محمود سلامه 
الحان \ رامي زهران 
توزيع وهندسه صوتيه \هشام نواره

احمد عماد the voice kids ( في امل)

بحب امي 
كلمات \ محمود سلامه 
الحان \ احمد عماد 
توزيع \ هشام نواره

بحب امي

محمود سلامه \ شاعر ومؤلف

مَحٍَِموٌدً سًًٌٌَلإٍمٌه

Popular tracks