Подкастынхаа ээлжит дугаараар хүүхдийн наснаас хамаарсан сэтгэл зүйн асуудал, хэрэгцээ нь хүүхдийн сэтгэл хөдлөлийн хөгжилтэй ямар хамааралтайгаар явагддаг, тийм нөхцөл байдалд эцэг эхчүүд хүүхэдтэйгээ хэрхэн ярилцвал тохиромжтой талаар ярилцлаа. 

Сонсогч та бүхэн маань сэтгэл хөдлөл бол биднийг хүн болохыг тодорхойлдог, биднийг гадаад орчинтой холбодог чухал зүйл бөгөөд ямар нэгэн буруу сэтгэл хөдлөл гэж байхгүй болохыг өмнөх подкастуудаар хүлээн авсан билээ. Тэгвэл тэдгээр сэтгэл хөдлөлүүд нь насны ялгаатай байдал, тархины хөгжлийн онцлог зэргээс хамааран хүүхдэд өөр өөрөөр илэрдэг ба тэрхүү тохиолдол бүрт эцэг эхчүүд бид өөр өөр арга барилаар ажиллах шаардлагатай юм шүү дээ. 

Та бүхэнд подкаст маань таалагдвал бусдадаа хуваалцахаа битгий мартаарай. Бас хүүхдээ хүмүүжүүлэхдээ тулгардаг асуудлуудаа, мөн дараагийн подкастаар ямар мэдээлэл авмаар байгаагаа бидэнтэй хуваалцаарай.

EQ Talk #3. Хүүхдийн нас ба сэтгэл хөдлөлийн хөгжлийн үе шат

⭐️EQ Talk #4. Сэтгэл хөдлөлийг үүсгэгч АВТОМАТ БОДОЛ гэж юу вэ? 

💟Та урд өмнө нь өөрийнхөө бодлынхоо талаар бодож байсан уу? Би ер нь ямархуу төрлийн бодлууд боддог хүн билээ хэмээн тунгааж байв уу? Их сонин асуулт хэдий ч, өөрийн сэтгэл хөдлөлөө удирдаж сурахыг хэн бүхэн энэхүү асуултыг өөрөөсөө асуух хэрэгтэй байдаг билээ. 

Энэ удаагийн подкастаар: 
✅ Бодол анхдагч уу? Сэтгэл хөдлөл анхдагч уу? 
✅ Бодлууд тархинд ямар хэлбэрээр хадгалагддаг вэ? 
✅ Багаасаа төлөвшсөн сөрөг бодол, айдас, сөрөг итгэл үнэмшлээ өөрчлөхийн тулд бид яах хэрэгтэй вэ? гэсэн дэд сэдвүүдийг хөндөн ярилцлаа. 

🤩Энэ удаагийн подкастаа сонсогчдынхоо хүсэлтээр илүү практик дасгал ажилтайгаа хөтлөн явуулсан тул та бүхэн цаас, балаа бариад подкастаа сонсоорой. 

Та бүхэнд подкаст маань таалагдвал бусдадаа хуваалцахаа битгий мартаарай. Бас дараагийн подкастаар ямар мэдээлэл авмаар байгаагаа бидэнтэй хуваалцаарай 😉

EQ Talk #4. Сэтгэл хөдлөлийг үүсгэгч АВТОМАТ БОДОЛ гэж юу вэ?

💟EQ Talk #5. Хүүхдийнхээ өөртөө итгэх итгэлийг нэмэгдүүлэх 4 алхам (Наадмын тусгай дугаар)

⭐️Эцэг эх болохынхоо хувьд бидний хүүхдэдээ өгч чадах хамгийн том бэлэг бол хүүхдэдээ 👧👦 өөртөө итгэх итгэл өгөх явдал билээ. 

🤗 QkiddyZ контент төслөөс санаачлан хэрэгжүүлж буй EQ Talk подкастын маань ээлжит дугаар та бүхэндээ хүрэхэд бэлэн боллоо. Эцэг эхчүүдийн дунд түгээмэл тулгардаг "Хүүхэд маань ямар ч идэвхгүй болчихлоо, Хүүхэд маань ангидаа өөртөө итгэлгүй байдаг" гэх мэт асуудлын үндэс болох "Хүүхдийн өөртөө итгэх итгэл"-тэй холбоотойгоор подкастаа хөтлөн явууллаа. Энэ удаагийн подкастаас та бүхэн: 
✅ Өөртөө итгэх итгэл гэж юу вэ? 
✅ Хүүхдээ өөртөө итгэлтэй болгохын тулд хэрхэн зөвөөр магтах вэ? 
✅ Хүүхдийнхээ өөртөө итгэх итгэлийг нэмэгдүүлэх 4 алхмууд гэсэн сэдвүүдийн талаар сонсох болно.

🤩 Наадмаар гэр бүлээрээ хамтдаа цагийг өнгөрүүлэхдээ хүүхдийнхээ өөртөө итгэх итгэлийг нэмэгдүүлж болох дараах 4 алхмыг хэрэгжүүлээд үзээрэй. 
1️⃣ Эцэг эх та өөртөө итгэлтэй байгаагаа хүүхдэдээ харуулж, өөрийнхөө өөртөө итгэлийг нэмэгдүүлээрэй. 
2️⃣ Хүүхдээ сонирхож ярилцаарай. 
3️⃣ Хүүхэд тань өөртэйгөө эерэгээр ярихад нь туслаарай. 
4️⃣ Хүүхдийнхээ мөрөөдлийг дэмжиж байгаагаа илэрхийлээрэй. 

Та бүхэнд подкаст маань таалагдвал бусдадаа хуваалцахаа битгий мартаарай. Бас дараагийн подкастаар ямар мэдээлэл авмаар байгаагаа бидэнтэй хуваалцаарай 😉

EQ Talk #5. Хүүхдийнхээ өөртөө итгэх итгэлийг нэмэгдүүлэх 4 алхам

Хүүхдийн сэтгэл хөдлөлийн оюун ухааны хөгжүүлэх зорилго бүхий QKiddyz контент төслийн хүрээнд санаачлан хэрэгжүүлж буй EQ Talk цуврал подкастын буланд тавтай морил! Энэхүү подкастаар хүргэх мэдээ мэдээлэл бүхэн аав ээжүүд та бүхнийг хүүхдүүдийнхээ мэдрэмжийг ойлгодог, сэтгэл хөдлөлийнх нь дасгалжуулагч болоход дэмжлэг үзүүлнэ гэдэгт итгэлтэй байна.

EQ talk by QkiddyZ

Popular tracks