الجواب الأخير ❤

بعد الآوان بآوان ....

بحبك ♥️

بيعت نفسي ♥️

مكملني ♥️

اسمه ايه ؟!

و أكتفينا ..

" غصب عني "

إهداء إلى ...

زحمه ي دنيا ...

مضطر ...

سباق ..

مزيج ♥️

مزيج ٢ ♥️

مستنى ...

عننا الإتنين ♥️

أنا و إنتى يمكن مانشبهش
لأى حاجه كانت تجمعنا
أو أى حاجه جابتها الصدفه
و إحنا بندور على المعنى 

أو يمكن كنا بنأكد سنه الحياه
بأهميه وجود الرفيق
و أهميه وجود الطريق
و إن الشئ لزوم الشئ
شرط يكون حق و حقيق 

أو يمكن كنا طريقين بقا طريق
و بعد فتره هنرجع طريقين
و إن مفيش حاجه إسمها واحد
من غير ما يكون فى حاجه إسمها اتنين 

و اننا هنسى بعض بالتدريج
و كل الذكريات هتختفى لبعيد
و تفضل واقفه عند حاجه تفضل تفكرنا
بأن كل واحد مننا أصله وحيد 

و بأن الشريط من تانى هيتعاد
باختلاف الأزمنة و إختلاف الميعاد
لاتنين هيبقوا واحد و بعدين هيبقوا اتنين
و تبكى الليالى اللى كانت بتضحك
و هى بتطبطب على البنى آدمين 

#poet #شعر 



حق و حقيق ..

فى الأصل تشبهلك ..

اتفضل .. خش

100%

اللى فاضل لنا ..

من غير ما نعمل حس ♥️

فى آخر لحظة للوداع  ..

أطراف الحبال

في حاجة جوايا بتتقتل بالبطئ 
شامم بارودها وشامم معاه الألم
في حاجة جوايا عمالة بتضيق
لكن ضيقها واسع وبيفرش في الندم 

وبيفرش في حاجة تشبه للعدم
تشبه للشوارع الباردة من هموم الناس
ولعينين الغلابة ادام نشرة الأخبار
اللي بيسرقوا من الزمن لحظة حلوة في صورة
أو حتى بيحولوا الهزيمة هزار 

ناس رأس مالها في الحياة وجودها
مهمشين ممكن أو معدومين يجوز
زاهدين في الحياة مش منتظرين مردودها
لكن مصدقين في الإنسانية اللي هتفوز

إزاى في حاجة قادرة تجمعنا
حاجة قادرة نسمعها وتسمعنا
ومخليانا كلنا ماشيين ورا نفس الضل
الإنسانية كانت حل قديم
قبل ما يتخرعوا على الأرض أي حل 

قبل مايخترعوا الصح والغلط
أو حتى يخترعوا الباطل والحقيق
الإنسانية كانت هى الطريق وكانت هى الرفيق 

وباقي الحاجات اللي مابقتش موجودة دلوقت
في حاجة جوايا بتتقتل بالبطئ
ومخليانى بسأل نفسي
أنا كنت مفتح وغمضت
ولا أنا كنت مغمض وفتحت







الباطل والحقيق ..

مزيج ٣ ...

تشبهي لمصر

فلاش باك

بندم 
علي الايام الصعبه منها والسهل
جايز يكون جهل 
جايز يكون غلط واكون اكبر غلطان
بس الاكيد عشمان 
في عقرب الوقت يستني
ويديني اخر طوق 
كل اللي فاز واتهني 
عاش يبص لفوق 
انا بقع كل يوم وبقف
برغم اني في صف السكوت
ماسك في كل حبال الشغف
الدور حتما هيفوت 
انا ببعد عن كل الاشخاص
وبقرب من كل التفاصيل 
شهيد المعركه عدوه رصاص
وانا معركتي كلام تماثيل
بفتكر كل اللي يومها اتقال
وكل اللي في العين اتشاف
بآلف مع القمر موال 
عن كل اللي متقالش وخاف
ثم اني كتبت اليوم 
عن عيد راح ومفادش الصوم
وان الدنيا كتير والالاف
وان انا تايه بلف مابينهم 
وان الحب خلف خلاف 
فيه ناس بتحب ناس 
بيحبوا ناس بيحبوا غيرهم 


خلف خلاف

الحب ليل وسواده تقيل
الحب ساعه بدون مواعيد
كتبت ياما في المواويل 
الحب خضره وطرحه جديد
الحب عشق انا منه سكرت 
وحبيبي غيره مالهوش بديل 
عن حبي ياما انا عيدت و زدت 
بقول ياعيني وبقول ياليل 
الحب دنيا دايره تلف 
تسقي الكل بالمقسوم 
و مشاعره نازله علينا ترف 
عاشق اه وكمان محروم
حبيت وقولت حبيبي كتير 
حبيت الحب اللي اتمناه 
كان حلمي سهل وبرضه محال 
اسهر ليلي تملي معاه 


- إسماعيل 

الحب ليل ... كلماتي .. غناء قدري مجدي ❤️

حَلّوا المراكب مع المغرب وفاتوني
على الشط واقف بلا مركب وفاتوني



Esmail M7mmd

Popular tracks