الجواب الأخير ❤

في كل مرة

مكملني ♥️

100%

اللى فاضل لنا ..

من غير ما نعمل حس ♥️

فى آخر لحظة للوداع  ..

أطراف الحبال

في حاجة جوايا بتتقتل بالبطئ 
شامم بارودها وشامم معاه الألم
في حاجة جوايا عمالة بتضيق
لكن ضيقها واسع وبيفرش في الندم 

وبيفرش في حاجة تشبه للعدم
تشبه للشوارع الباردة من هموم الناس
ولعينين الغلابة ادام نشرة الأخبار
اللي بيسرقوا من الزمن لحظة حلوة في صورة
أو حتى بيحولوا الهزيمة هزار 

ناس رأس مالها في الحياة وجودها
مهمشين ممكن أو معدومين يجوز
زاهدين في الحياة مش منتظرين مردودها
لكن مصدقين في الإنسانية اللي هتفوز

إزاى في حاجة قادرة تجمعنا
حاجة قادرة نسمعها وتسمعنا
ومخليانا كلنا ماشيين ورا نفس الضل
الإنسانية كانت حل قديم
قبل ما يتخرعوا على الأرض أي حل 

قبل مايخترعوا الصح والغلط
أو حتى يخترعوا الباطل والحقيق
الإنسانية كانت هى الطريق وكانت هى الرفيق 

وباقي الحاجات اللي مابقتش موجودة دلوقت
في حاجة جوايا بتتقتل بالبطئ
ومخليانى بسأل نفسي
أنا كنت مفتح وغمضت
ولا أنا كنت مغمض وفتحت







الباطل والحقيق ..

مزيج ٣ ...

تشبهي لمصر

" خلص الكلام ..." 

إمبارح قعدت على جنب الطريق ..
من غير ما أحدد سبب ..
أو حتى يجوز من التعب ..
أو حتى يمكن غضب ..

أبص على الحياة وعلى مجريات الأحداث ..
أبص على الحكايات اللي جوه عيون الناس ..

أبص على حاجة أبعد من كده ..
عيوني اللي لسا مش متأكده ..

فين يكون الطريق ..
وفين تكون الطمأنينة ..
وفين ألاقي الحل ..
إزاي هصدق بحق وحقيق ..
بإن العمر  زي خطاوينا ..
وبيتسرق زي الضل ..

إمبارح قعدت على جنب ..
وبدأت ادمع ..
وشفايفي بتتحرك وكأنها بتسمع ..

حاجات ممنوعة ومغطيها الزحام ..

وبعد البكا والنهنهه ..
وكل حاجة أنا قولتها ..

سألت نفسي ..
هو حد كان شايفني ..
ولا حد كان سامعني ..
ولا كله شبهي ..
ماشيين في توهه ..
وفي مدار أوله آخره وبدايته هو الختام ..

هو كله ليه بيبكي ..
ولا خلاص خلص الكلام ..

#إسماعيل_فرحات 
يوليو ٢٤

خلص الكلام

مزيج 4...📽♥️

‏مبملش
من الجري ومن التنطيط
ومن العوم في الغويط
ومن العشم اللي مالوش رجلين 
والجمل اللي مابين قوسين
من الحرب في المجهول
ومن سؤال مالوش جواب
من حيطان الباب المقفول
ومن طريق نهايته سراب
مبملش 
من الاه والزعل والخيبه
ومن كل حاجه سد خانه 
من كلمه في العرف دي عيبه
ومن نفسي اللي تملي غرقانه
من الغلطه وتكرارها
والمرسال المتشال علي الرف
من حكي القصه بدون اسرارها
و من كوني الاخير في الصف
مبملش
من ركوب الموج العالي
والسكوت والتدقيق والحواديت
من ملي المكان الخالي
ومن صبر فيه مليت
من المره الاولي وآلمها
والعين ورا الجدران
من غفله روحي واحلامها
وخذلني ان انا عشمان
مبملش
من دخان ناره انطفت
و تصليح طايره مالهاش جناح
من كل حاجه ظهرت واختفت
وساحه الحرب وحي ع الفلاح
من حدوته موجوده علي المسرح
برغم ان مفيش جمهور 
من حلمي اني في يوم هفرح 
وانا اصلا عبد المأمور

عبد المأمور

Esmail M7mmd

Popular tracks