كلمات : أحمد فؤاد نجم 
غناء : الشيخ إمام 

بحبك بحبك بحبك بحبك
بحبك بحبك بحبك يا مصر

مسايا وصباحي بسبّح بحُبك
وحبك شفايا وجراحي يا مصر
وأسافر بحبك واميل زي ميلك
وتحلا الخطاوي في حبك يا مصر
واحب اغترابي في صبحك وليلك
واحب الونَس بالرفاقة يا مصر

تنام الدموع في العيون الهواجع
وتسهر دموعي في حُبّك يا مصر
تهون السّجون والشجون والمواجع
ويغلا مع القهْر حُبك يا مصر

ولو يحبسوني .. ولو يشنقوني 
ولو فكّروا بالعذاب يبعدوني 
هقرّب وأقرّب ومش ممكن أهرب 
وتنزل دموعي على خدودي تشرب 
تلاقي الرموش والخدود والمباسم 
مراسم وصورتك عليهم يا مصر

بحبك يا مصر - الشيخ إمام Bahebik Ya Masr -Sheikh Imam

بسهر وبنام - احمد فؤاد نجم

باسهر وبانام
ياحبيبى
وانا كلى غرام
ياحبيبى
ولايسعدنيش
ياحبيبى
غير الأحلام ياحبيبى

فى ظلام الليل والناس نايمين
والفجر بلاده بغيده بعيد
والفكر شموع
ودموع قايدين
والصبر عذاب
ولافيش بالايد
غير انى أستنى
ياحبيبى
واصبر واتمنى
ياحبيبى
واهرب من نارى
ياحبيبى
واحلم بالجنه
ياحبيبى

باحلم بالنور
وبنات الحور
والطرحه التل وتاج الفل
وانا وانت بكاس الفرحه ندور
ع الناس حوالينا
ونسقى الكل
وعلى الأحلام
ياحبيبى
نصح وننام
ياحبيبى

ياسلام لو ان لقاك أحلام
ع الفرحه ازاى بتخلينى
أهرب
بالشوق على فوق ياسلام
والشوق ع الجنه يودينى
والجنه هناك
ياحبيبى
على شط هواك
ياحبيبى
مليانه زهور
ياحبيبى
من غير أشواك
ياحبيبى

‫الشيخ امام عيسى - بسهر وبنام

حبيبتي بنت أرض
لكنها مخلوقة تدهش السما
عيونها عصفورين كُحال
يرفرفوا برموش طوال
ويرمحوا مع الخيال
يلَقّطوا القلوب
من الصدووور

حبيبتى بنت نور
وبؤها المحندق الصغير
الدقيق
بشفتين عقيق
ودقنها 
بطبع حُسن
وصدرها 
عشين حمام

حبيبتي بنت غصن
سألت عنها كل غيط
و كل حارة ضيقة
و كل بيت
و لا لقيت
و لا لقيت

أنا بلف كل حي
بفوت من الزقايق المعوجة
و أخش في العطوف 
و بأقطع الشوارع الطويلة
و أتحدف على الحرملك
المدهون تراب
و ألمح العيون ورا الحجاب
و أحس رعشة النهود 
من خلف باب مردود
و أطير الكلام حمام
لمشربية خلفها عيون
بتبعث السلام

حبيبتي بنت أرض - الشيخ إمام

الشيخ امام
موشح
هات ايها الساقى ودندن
--------
من تسجيلات عصمت النمر
http://misrfone.org

الشيخ امام  - هات ايها الساقى ودندن

الشيخ امام  - بدا بدر سعدى

الشيخ امام  - تسجيل اكثر من رائع ونادر  اوعى تفكر بمصاحبة عازف الايقاع حسن الموجى

الشيخ امام عيسى - اقبلى يانشوة المشتاق مرة

الورد جميل - الشيخ إمام

اضمك و جرحى بينزف قبل برغم إلى خانوا و رغم إلى هانوا ورغم إلى كانوا في غاية الخجل
أضمك و حتما يدور العجل في كل الأراضى بخضره و حبل
و بنسج غرامى قصيده و كلامى بينقش أسامى بحجم الدبل
ما دام لسه باب الحروب الغزل
اضمك و بحلم بحضنك و بيت انا إلى بنيلك و طميك حيت
و ضيعت عمرى ولا كنت أدرى و لو كنت أدرى ما كنتش بقيت على أى صهيونى أول ما جيت
خصيمك نبينا في يوم الحساب إذا ما التقيتى بهذا الكتاب
و لم تبدأى و لم تعشقى ولم تلحقى و لو بالحجاره و نركب قفاهم بشارع و حاره
ما بين الأثار و جوه الديار و أرض المطار أو مبنى السفاره
أخر كتابى أيا مهجتى أمانه ما يمشى ورا جثتى سوا المتهومين في الوطن تهمتى
فداكى الدماء يا إالى شغله الخواطر في طول الزمان


اضمك وجرحي بيتزف قبل - الشيخ امام

من أغانى الشيخ إمام النادرة   الغير مشهورة 

(سهرات قاهرية)

على حســــــــب وداد قلبي ومزاج البلديات
أبعد م الشين واتاخر وإجول للزين سلامات
على حسب وداد قلبي

على صهد الآرض السمرا أنا أبوي النيل سواني
ممصوص وخشن من بره زى الطينه إلآسوانى
وألخضره ف قلبي وقلبي دايما على طرف لساني
ولساني حصاني رماني وتعبنى كتير وأذاني
ياما جابني وياما وداني من جولة في الحكايات
على حسب وداد جلبي

على بحر النيل يا جناوي ضليلة وجلة ميه
وناسات ع يجولوا حكاوي ع تخلي اللجمه هنيه
وشطوط مزروعه غناوي وغيطان ألحان مروية
وألزين يغزل مواله من كلمة عمه وخاله
وأنا زى ناساتي ما جالوا لفيت الجول حكايات
على حسب وداد جلبي

الشيخ إمام _ علي حسب وداد قلبي ومزاج البلديات  (Man.sey)



يا أبناء صلاح الدين لا تزفوا شهداء حطين
لترفرف أعلام الثورة وتتمختر في سماء فلسطين

رفي يا أعلام الحرية النصرة شديدة وقوية
والهمة الوطنية عفية بالدم تنادي فلسطين
يا أبناء صلاح الدين

أرض وابتنبت أبطال شيبة ورجالة وأطفال
عالظالم يا زمن دوار في الغربة قضينا سنين
يا أبناء صلاح الدين

ثورة ثورة يا فتيان في الأحجار رجم الشيطان
يا أرضي غليان غليان ونرجع أمجاد حطين


الشيخ امام - تسجيل اكثر من رائع ونادر اوعى تفكر بمصاحبة عازف الايقاع حسن الموجى

esmat nimr