si subiera la montaniaلو طلعونى الجبل ناصر النوبى جميزة

كلمات : محمد السيد عزيز
https://www.facebook.com/Mohamed.Azizz 

أداء : منّة كُردى
https://www.facebook.com/Kawkabmashy?ref=tn_tnmn 

شُكر خاص لـ أحمد رامى 
اللى طلع عينه عشان يرجعلى برنامج الـ Mix :D

الهندسة الصوتية : للأسف أنا -_-

موسيقى مسلسل حكاية حياة لـ عادل حقى 


الكلمات : 


بنشد أزر ولادنا بالبسمة 
ونشد ازر اخواتنا بالاحضان
من فينا لسه ما حسش الازمة
من فينا حر ومين ورا القضبان

السجن اوسع من خيالاتك 
الدنيا اضيق مما تتصور
صوّر قلوب المسجونين صوّر 
تلقاها اكبر 
واحنا بس اصغر 

عشرين سنه 
ما يقدروش ع الهم 
والموت 
والجلد
شوف البنيه الشابكه ايدها مع الولد
شايله دموعه ف شنطة ايدها ف المناديل 
شوف الجموع 
تلقي بشر شايله بشر
بتوصل المأذون لهم بالرحيل 
...
احنا كلنا هنعيط 
بس حاسبو من وشاية الاندال لأمهاتنا 
الام مش مستحملة 
تشوف تحت عينا اسود 
ولا جفن عينا احمر وفاير 
ولا فوق شفايفنا الصدي 
من حرق السجاير
ولا مستحملين 
نقضي بقية العمر ف الصمت 
وانتظار البشاير 
نكتب كلام فوق الورق
ما يبل ريق 
ولا يطلق الحر من جوا القفص 
الأم منذ الام الطلق وهي حالمانه بولد 
بيشق كل المستحيل 
ويحوله لحلم , وفُرص
بكفاية حسرة قلبها علي اللي سافر
واللي مات 
واللي اتحبس 
واللي اتشنق 
يا جمعنا المبلول بدمع من الوجع 
حيّو الجدع 
بكره هيخرج م القفص 
اشجع كتير
اجدع كتير
واكبر كتير مما سبق 
...

احنا هنكتب
وانتو تفضلو مساجين 
احنا هنكدب
وانتو تفضلو الصادقين 
احنا هنبكي 
وانتو توزعو البسمات علينا
وتقولولنا الضحك زينه 
فـ "خذو زينتكم عند كل مسجد"
وابقو علي الموعِد 
ما تفترقوش .. 
واضحكو اكتر 
برغم برك الدم
ع الرصفان
وع الاسفلت
وتحت الكراسي 
وفوق الوشوش ..
اضحكو وما تقلقوش ..
..
بنشد أزر ولادنا بالبسمة 
ونشد ازر اخواتنا بالمغشوش 
من فينا لسه ما حسش الأزمة 
من فينا لسه اليأس ما قتلهوش

حيّوا الجدع _ منة كُردى _ محمد السيد عزيز

من روائع الشيخ ياسين التهامى

الشيخ ياسين التهامي - يا ملهميِ

مع السلامة، أشعار أشرف عامر، الحان أحمد الحجار، غناء علي الحجار

ْالشيخ يـاسين التُهامـي - لٌـغة القلـوب

يا بنت عيني وعنيا
والله المحبة بلية
من باح بالسر ده يقتل
شرعا ولا له دية
يا مسلمين يا اهل الله .. يا عيني
عاشق يا ناس في حب الله .. آآه
عاشق يا ناس ولو تلوموني
بين النهود وارموني
بين النهود والصرة
والنوم شكيته لله
يا بنت يا اللي تبيعي الخوخ
خوخك بكام يا مهدية؟؟!!
خوخي بخمسة يا أفندي
علشان جمالك بمية
يا عيني يا اللي يا روحي يا اللي
يا بنت يا اللي تبيعي الخوخ
خوخك بكام يا مهدية؟؟!!
خوخي بخمسة يا أفندي
علشان منيرة المهدية
ليه يا حمام بتنوح ليه
فكرتني بالحبايب .. آه يا روحي آآه
يا هل ترى نرجع الاوطان
ولا نعيش غرايب
----
من مكتبة الدكتور والصديق فتحى عبد الله 

منيرة المهدية -يا بنت عيني وعنيا والله المحبة بلية

esmmatalneemr

Recent comments

أمل

Related tracks