العظمة

و اللى بنى مصر كان فى الأصل حلوانى
و عشان كده مصر يا ولاد حلوة الحلوات
وادى و بوادى و بحور و كفور و موانى
توحيد و فكر و صلاة
تراتيل , غنا و ابتهالات
و كل ده فى مصر يا ولاد حلوة الحلوات
اللى بنى مصر كان حلوانى يا ولداه حلوانى
اسمه على بوابتها لا زال و لا زايل
ساعة الهوايل يقوم قايل
يابلداه
و ييجى شايل
هيلا هوب شايل .. حمولها و يعدل المايل
و عشان كده مصر يا ولاد حلوة الحلوات
بحلم يا صاحبى
و أنا لسه بأحبى
بدنيا تانية و مصر جنة يا صاحبى
و آجى أحقق الحلم
ألقى الموج عالى عالى طاح بى
و نعود سوا نطوى الأنين بالحنين
و عشان كده مصر يا ولاد حلوة الحلوات

( على الحجار - بوابه الحلوانى (اللى بنى مصر

ويرفرف العمر الجميل﻿ الحنون 
ويفر و يفرفر فرفة قانون
وندور نلف ما بين حقيقة وظنون 
وبين قسى هفهاف وهفة جنون

دنياك سكك حافظ على مسلكك
وامسك فى نفسك لا العلل تمسكك
وتقع فى خيّة﻿ تملكك تهلكك
أهلك ياتهلك دانت بالناس تكون


ان درت ضهرك للزمن يتركك 
لكن سنابك مهرته تفركك 
وإن درت وشك للحياة تسبكك 
والخير يجيك بالكوم وهمك يهون

عمار الشريعى - حسن فؤاد - تتر نهاية مسلسل أرابيسك

كلمات : الخال الأبنودي 
ألحان : عمار الشريعي 
غناء : علي الحـجـار ..

تتر مسلسل الرحايا _ علي الحجار

مقدمة مسلسل الليل واخرة - القدير على الحجار 

على الحجار - مقدمة مسلسل الليل واخرة

على الحجار - تتر النهايه لمسلسل الليل واخره

تتر بداية مسلسل "مين اللى ميحبش فاطمة".. كلمات: سيد حجاب - ألحان: ميشيل المصرى
بين ريح وأمواج متلاطمة... واسود غطيس واصفر رنان
مين اللى ميحبش فاطمة... لو فاطمة طاقة نور وحنان
بين غربتك فى ديار أهلك... وغربتك فى بلاد الله
لو ضى قنديل زهزهلك... مش ترمى كله وتجرى وراه
مين اللى ما يحبش فاطمة... مين اللى ما يحبش فاطمة
يا هل ترى يا نور يا بعيد... انت بصحيح ولا انت سراب
وهاعيش معاك فى الضى سعيد... ولا غريب ما بين أغراب

مين اللي ميحبش فاطمه

الليل وأخره.. علي الحجار

أنغام - تتر مقدمة مسلسل حديث الصباح والمساء

قالوا زمان دنيا دنية غرورة وقلنا واللي تغره يخسر مصيره
قالوا الشيطان قادر وله ألف صورة قلنا ما يقدر عللي خيره لغيره
إيه معنى دنيتنا وغاية حياتنا إذا بعنا فطرتنا البريئة الرقيقة
إزاي نبص لروحنا جوا مرايتنا إذا احنا عشنا هربانين من الحقيقة

المال تجيبه الريح وتاخذه الهوايل أما البنون يوم الحساب بيفوتونا
مال إيه لو كان مال قارون كله زايل ولا غير عمايل الخير ياهو ينجدونا
قالوا زمان دنيا دنية غرورة وقلنا واللي تغره يخسر مصيره
قالوا الشيطان قادر وله ألف صورة قلنا ما يقدر عللي خيره لغيره

ومين نكون إن بعنا يومنا وماضينا وليه نعيش إذا كانش بكرة يراضينا
وازاي ننام من غير ما نحلم ببكرة وبكرة ده منين ييجي إلا بإيدينا
قالوا زمان دنيا دنية غرورة وقلنا واللي تغره يخسر مصيره
قالوا الشيطان قادر وله ألف صورة قلنا ما يقدر عللي خيره لغيره


تتر المال والبنون-علي الحجار

و خاصمنى يا زمانى  على الحجار

الصبح طفل برئ ومساه يبان تجاعيد
وفوق طريق الايام تجرى الحياه مشاوير
ونشوف ملامح الزمن متعاده فى المواليد
واحنا البشر كلنا اعمار ورق بيطير

دايرة تدور بالبشر وياّ الزمان بتفوت
دمعه على اللى مضى و دمعة فرح للجاى
يا حىّ طول مانت حىّ مسيره ييجى الدور
دى حكايه متكرّره من يوم ولادة الضىّ

الصبح طفل برئ ومساه يبان تجاعيد
وفوق طريق الايام تجرى الحياه مشاوير
ونشوف ملامح الزمن متعاده فى المواليد
واحنا البشر كلنا اعمار ورق بيطير

ياللىّ انت عايش حياة بص لها تلقاها
سبحة هنا و تنفرط بالعمر مانشوفهاش
ولا شئ يعطّر حياتنا يمد فى مداها
غير سيرة عاشت هنا اكتر صاحبها ما عاش 

أنغام - تتر نهاية مسلسل حديث الصباح والمساء

ذئاب الجبل_ علي الحجار

ليه يا سنين ........ تكسري الحلم فينــــا 
ليه فرحنــــــا......... بيموت فـ لحظة حزينة

تاه الطريق ولا احنا اللي ارتضينــــا
نضيع الحلم اللي كان بين ايدينــا

يا سنين طويلة وغميقة........ قوللنـا فيـن الحقيقـة
يا سنيـن لو انتي بريـئة .......ليه من جراحك قاسينـــا

مدينـا للحلم ايدنـا.........لكن زمانا عاندنــــا
كان ليه بقي بيواعدنا .....ويقرب الحلم لينــا

كسرنـا احلامنا احنا ولا زمانا جرحنا 
واما بقينـا في محنـة ....الدمع سال من عنينا

انتي السبب يا سنينا بعدتي احلامنـا عنـا
ولا السبب اصله منـا ..واترد تـاني لينـــــا

الـمـلـحـمـة / ســوق الــعــصر ... للعبقري / ياسر عبد الرحمن
كـلمــات / عزت عبد الوهاب 
غــنــاء / عاصم فوزي

(عاصم فوزى - ليه يا سنين (تتر مسلسل سوق العصر

أهو قطر و ماشي  || الليل و أخره Final Theme || ياسر عبد الرحمن

تتر مسلسل المال والبنون.. على الحجار

تتر مسلسل " أرابيسك " 
كلمات : سيد حجاب 
ألحان : عمار الشريعي 
غناء : حسن فؤاد 


وينفلت من بين إيدينا الزمان
كأنه سَحبة قوس فى أوتار كمان
وتنفطر ليّام.. عقود كهرمان
يتفرفط النور.. والحنان.. والأمان
وينفلت من بين إيدينا الزمان
***
الشر.. شرَّق وغرَّب.. داخل لحوشنا
حوشوا.. لا ريح شاردة تقشقش عشوشنا
حوشوا.. شرارة تطيش.. تشقق عروشنا
وتغشنا المرايات.. تشوش وشوشنا
وتهيل تراب ع الهالة والهيلمان
وينفلت من بين إيدينا الزمان
***
الغش طرطش.. رش ع الوش بُوية
ما دريتش مين بلياتشو.. أو مين رزين
شاب الزمان.. وشقيقى مش شكل أبويا
شاهت وشوشنا.. تهنا بين شين وزين
ولسه ياما وياما ح نشوف كمان
وينفلت من بين إيدينا الزمان

تتر مسلسل الرحايا _ علي الحجار

Esraa Tareq

Recent comments

Basha Masr

جوب. 🪽🩶

Ahmed Talal Muhana

Amira khaled

Related tracks