مصر ياما يا بهية

كلمات: احمد فؤاد نجم
ألحان: الشيخ امام
انتاج: 1984

غناء واعادة توزيع: فرقة بهية

يسبق كلامنا سلامنا يطوف ع السامعين معنا

عصفور محندق يزقزق كلام موزون و له معنى

عن الارض سمرا و قمرا

و ضفه و نهر و مراكب

و رفاق مسيرة عسيرة و صورة حشد و مواكب

ف عيون صبية بهية عليها الكلمة و المعنى

مصر يا امّة يا بهية يام طرحة و جلابية

الزمن شاب و انتي شابة هو رايح و انتي جاية

جايه فوق الصعب ماشية فات عليكي ليل و مية

و احتمالك هو هو و ابتسامتك هى هى تضحكي للصبح يصبح

بعد ليلة و مغربية تطلع الشمس تلاقيكي معجبانية و صبية

يا بهية الليل جزاير جزاير

يمد البحر يفنيها و الفجر شعلة ح تعلا و عمر الموج ما يطويها و الشط باين مداين

عليها الشمس طوافة ايدك فى ايدنا

ساعدنا دي مهما الموجة تتعافى

بالعزم ساعة جماعة و بالأنصاف نخطيها

مصر يا امّة يا سفينة مهما كان البحر عاتي

فلاحينيك ملاحينيك يزعقوا للريح يواتي

اللى ع الدفة صنايعي و اللى ع المجداف زناتي

و اللى فوق الصاري كاتب كل ماضي و كل آتي

عقدتين و التالته تابتة تركبي الموجة العفية

توصلي بر السلامة معجبانية و صبية.. يا بهية

و يعود كلامنا فى سلامنا يطوف ع الصحبة حلواني عصفور محني يغني

على الافراح ومن تاني يرمي الغناوي تقاوي

تبوس الارض تتحنى تفرح و تطرح و تسرح

و ترجع تاني تتغنى اللى بنى مصر كان فى الاصل حلواني

مصر يا أما يا سفينة | فرقة بهية | عُمر العياط

القواد الفصيح 

كلمات أحمد فؤاد نجم
ألحان: الشيخ إمام 
توزيع وغناء فرقة بهية

القواد : سلمى يا عزيزة على الأستاذ
فنان اليوم و المستقبل
محمود محمود محمود الباز
بنتي السنيورة الأمورة
على فكرة بترقص ممتاز
ارقصي يا عزيزة ما تنكسفيش
محمد بقى منا خلاص و لا فيش
يا عزيزة النيزة كوا النيزه
كان ممكن تطلعي مركيزة
المطيباتية : تكي تم تكي تم تكي تم تم تم

الرقص النقص
يزيح الهم
تكي تم تكي تم تكي تم تم تم
و يمشي الحال
و يجري الدم
تكي تم تكي تم تكي تم تم تم

القواد : على فكره يا كابتن محمود
و برغم الكبت الموجود
انا راجل ثوري و متحرر
و عزيزة بتلعب ع العود
إلعبي يا عزيزة ما تنكسفيش
محمود بقى منا خلاص و لا فيش
يا عزيزة النيزه كوا النيزه
كان لازم تطلعي مركيزه
المطيباتية : ترى لم ترى لم ترى لم لم لم

العود النود
بيزيح الهم
ترى لم ترى لم ترى لم لم لم
و يخلي القعدة
شهية يا عم
ترى لم ترى لم ترى لم لم لم

القواد : أنا رأيي يا سيد محمود
و برغم الصمت المقصود
انك فنان المستقبل
و نشيد العصر المنشود
قربي يا عزيزة من الاستاذ
محمود مبقاش محمود الباز
محمود بقى منا خلاص و لا فيش
قربي يا عزيزة ما تتأخريش
يا عزيزة النيزة
كوا النيزة
انا رأيي
إنك مركيزة
المطيباتية : هلا لم هلا لم هلا لم لم لم

محمود النود
بقى نازل
هم

هلا لم هلا لم هلا لم لم لم

و عزيزة
النيزة
تحب الهم
هلا لم هلا لم هلا لم لم لم

فرقة بهية | أغنية محمود الباز | عمر العياط - Baheya Band | Mahomud El Baz song | Omar El Ayat

كلمات أحمد فؤاد نجم
ألحان الشيخ إمام
توزيع وغناء فرقة بهية

شوف عندك يا سلاملم
واتفرج يا سلام
ع المدعو دومه عيسوي
وزير الإمن العام
فى الفصل الانتخابي
من مرسح السلام
سارح بالبلطجية
والهجامه القدام
عشان ضمان عبوره
من دايرة لانتقام
واتفرج يا سلاملم
على عيسوي يا سلام
العيسوي بيه.. العيسوي بيه
صاحب البوكسات
العيسوي بيه
والحبسخناتات
العيسوي بيه
ملك اللومانات
العيسوي بيه
والمعتقلات
العيسوي بيه
بشرى لجميع الهباشه
العيسوي رمز الطفاشة
سبحان الله من أومباشه
حكم المأمور يا ماشالله عليه
العيسوي بيه.. العيسوي بيه
بشرى لجميع الحشاشة
العيسوي بيه رمز الماشة
سبحان الله من أومباشه
بقي كل الإمن العام فى إديه
العيسوي بيه.. العيسوي بيه
من أجل ضمان الحرية
لجميع تجار الباطنية
العيسوي بيه ميه الميه
حيخلي القرش بربع جنيه
العيسوي بيه.. العيسوي بيه
خليكوا فاكرين
العيسوي بيه
تنتخبوا مين
العيسوي بيه
فليحيا أمين
العيسوي بيه
ابن أم أمين
العيسوي بيه.. العيسوي بيه.. العيسوي بيه

Essam Esherif

Popular tracks