Ой, попе, попе, бацько наш. *
Одчыні царкоўку проці нас.
Ой, попе, попе, Гордзею,
Й одчыні царкоўку ў нядзелю.

* кожны радок паўтараецца двойчы

Обманулі попа,
Обманулі попа,
Як грэцкого снопа.
Далі ёму да поперчыка,
Далі ёму да поперчыка,
А ён думаў шчо рубэльчыка.

Спяваюць: Літвіновіч Ганна Аляксандраўна (1945), Валуевіч Надзея Якаўлеўна (1944), Ярашэвіч Надзея Васільеўна (1956), Ярашэвіч Кацярына Іванаўна (1945), Ярашэвіч Ганна Васільеўна (1942).

Запісалі: Марыя Варахоб, Алесь Варахоб, Ганна Мацкевіч, 6.07.2015

Ой, попе, попе, бацько наш

Із-пыд дуба, дубочка ж, выходзіла ж (й)удова,
Ой, да выходзіла (й)удова.
Выходзіла ж (й)удова, да выносіла два сына, 
Ой, да выносіла два сына ж.
Два сына, Іванюшу ж Васіля,
Ой, да Іванюшу ж, Васіля.
Васіля, дай просіла ж карабля,
Ой, да і просіла ж карабля ж.
Ой, ты караб-карабэль, да погодуй моіх дзяцей,
Ой, да погодуй моіх дзяцей.
Погодуй моіх дзяцей да до сямнадцаці ж ляцей,
Ой, да до сямнадцаці ляцей.
На сямнадцатом году вышла ўдова ж по воду, 
Ой, да вышла ўдова по воду.
Стала ўдова воду браць - стаў карабаль выплываць,
Ой, да стаў карабаль выплываць.
Выплываць, стало два сына ўставаць,
Ой, да стало два ж сына ўставаць.
Одзін кудры завіваў, а другой удову ж пытаў, 
Ой, да а другой удову ж пытаў.
Ой, ты ўдова ж (й)удова, ці ты ж пойдзеш за меня?
Ой, да ці ты пойдзеш за меня  ж.
За дного сама пойду, за другого доч даю, 
Ой, да за другого доч даю ж.
Ой, ты ўдова ж (й)удова, твоя ж дурна голова,
Ой, да твоя й дурна голова ж.
Маць за сына ні пойдзёт, а брат сястру ж не возьмёць,
Ой, да брат сястру ж не возьмёць.

Спявае: Шамрыла Ганна Васільеўна (1940)

Запісалі: Марыя Варахоб, Уладзімір Кандраценя, 8.10.2023

Із-пыд дуба, дубочка ж, выходзіла ўдова

в. Стахі, Вілейскі р-н

(Й) Ой, запіўся малойчык, загуляўся, (2 р.)
Яго конь вараненькі застаяўся. (2 р.)
Ой, паедзем на мора па дзявіцу. (2 р.)
А(Там) на моры дзявіца бель бяліла,
Там на моры дзявіца бель бяліла.
– Памагай Бог, дзявіцы, бель бяліці (2 р.)
– Наздароўя, малойцы, вам хадзіці. (2 р.)

спявае: Уладзіслава Сільвестраўна Савіцкая (1928)
запісалі: Аляксей Лужынскі, Наталля Родзькіна, 21.08.2012

в. Стахі - Ой, запіўся малойчык, загуляўся (на запусты)

в. Стахі, Вілейскі р-н

Ой, ні кукуй зязюлечка рана, *
[Ні кажы, што ночачка мала].
Я сягоння ўсю ночку ні спала,
Мілых-любых гасцей дажыдала.
Найраднейшых – татачка з мамачка(й),
Наймілейшых – сястрыцу з браціткам.
Села-пала каліначку есці,
Ды ні прышлі ад радзінкі звесці.
Памішаўся гугель з лебядою,
Ажаніўся стары з маладою.
Стары арэць ад плоту да плоту,
Маладая гуляець у ахвоту.

* кожны радок паўтараецца двойчы

спявае: Уладзіслава Сільвестраўна Савіцкая (1928)
запісалі: Аляксей Лужынскі, Наталля Родзькіна, 21.08.2012

Із-пыд дуба, дубочка ж, выходзіла ўдова

ethnoby

Related tracks