Baju-bai… Tuuti-tuuti... Adamanaijas muailman eri kolkien lapset suahah uinota naizen hellerdäjäh hel’l’ah iäneh. Midäto ylen vahnua, peitollistu da jumalanarmollistu on nämis yksinkerdazis uinotuspajozis-luguzis. Kajahtutah net sugupolvespäi toizeh, mennyös tulieh aigah.
Teijän käzis on ainavoluaduine CD-disku. Se on Karjalan tazavallan kanzallizien kul’tuuroin da rahvahan luomisruadoloin keskuksen da Suomen Karjalan Sivistysseuran yhtehizen ruavon tulos. Nimenny on karjalankieline sana ”LaulUni”. Hyvä da pädii. Petroskoin da Moskovan muzikantoin ezitetyt yksitostu karjalan- da vepsänkielisty uinotuspajuo kuulutah perindön mugah lyyrizesti; samal rohkieh da vuottamattomah luaduh. Stiilien sevoitus (etno, folk, rok, räp, world music, electronic, džaz), soittimien eriluadužus, meinehen omaperäžys luajitah tädä mielenkiindoizekse ei vai muuzikantundijoin keskes. Pädöy niilöilegi, keh niškoih net uinotuspajozet ollah – Ven’an da Suomen rajantaguzile tyttözile da brihaččuzile.
Diskan luadijat toivotetah, ku Karjalan tazavallas da Suomes ruvettas lahjoittamah kanzallizii uinotuspajoloi vahnembile. Silloi äski vahnat ezi-ižienkielizet pajot roitah kuulumah aiven. Elaijan langu sit ei katkei.

01 Elayga & Istoki - Tuuvitušlaulu

Etnodom of Karelia