صيدليه دكتور ايمن

عديله - المرمغه في الغويط ( تمت الترجمه ) Adele - Rolling In The Deep

احمد ميكى_  اديك

ثلاث قصائد للشاعرة مروة مأمون لشهداء الاتراس
مش هيصبَّح
مش هيصبَّح؟
مش هيقول لي فين الجزمة لا اتأخرت؟
ولا هكويله قميصه فثانية لا شِلِّتُه تحت؟
مش هيبرطم وانا بديله العشرة جنيه؟

مش هيصفَّر تحت البيت ويقول لي انا طالع
عايزه بقاله؟
مش هيناكف في الشغاله؟
مش هيرُوح الدرس يراجع؟
مش هيداري سجارة شربها بباكو لبان؟
ولا هيجيب لاخواته جنان؟
ولا يتمحلس علشان عايز جينز جديد
ولا عاد هيأخَّر مواعيد؟

مش هيخبي شهادته الخايبه
ويمضي بدالي؟
ولا اقول له العيشه بقت صعبه
يقول وانا مالي؟
مش هيرد الكلمة بعشرة؟
بس انا صابرة
عارفين ليه؟ 
علشان شايلة فقلبي حاجاته
كل شقاوته وابتساماته
كل ما اغمض عيني ببوسه
واما بفتّح عيني بشوفه
وسط صحابه ومستنيني
إدعولي لعنده يوديني
كان على عيني فراقك يابني
يا حبة عيني

آخرِة صبري
إبني الحيلة وآخرِة صبري
كان بيحب العيش بالمِش
كُل طموحُه جزمة كاوتش
وناخد الدوري
آاااه معلش
مش هيعِز على ال اختارُه
واهو راح دار احسن من دارُه
هيَّ الفقرا أصول ما تعِشّ 

كان بيحب تريكه وبيبو
وشايل قوي م اللي اسمُه الحضري
" هوَّ الأهلي فيه حد يسيبه؟
ده جدع فقْري"
يلّا نصيبُه
وانا طول عمري بفوَّض أمري 

كان بيحب يعشِّي صحابُه
كبده وكشري
أقرع نُزَهي فعز شبابه
أول مرّة يروّح بدري
راح ع الجنه وفاتلي عذابُه 

كان بيحب البت الواطيه بنت مغاوري
وانا من خيبتي وقفت قباله
يرجع بس واجوزهاله
وامسك فيه بإيدي وبضوافري
واخدم في مراته وفي عياله 

النبي فكره!
حد مسجل ماتش المصري؟
ألّا يكون شاور للكامرا
هو حليوة اسم الله وخمري
ولابس جينز
وفانلِّة كوره من الحمرا 

أنا مش عدد
أنا مش عدد
أنا من يومين طفل اتولَد
أنا اللي راكب بسكليته
وابويا طاير م الفرح
أنا اللي بَظبُط في الجاكته
وامي خايفه لا اتحسَد

أنا مش رقم في كشوف غياب
أنا اللي بَتْعَلِّم على صوابعي الحساب
أنا اللي بيخبّي القصص جوّه الكتاب
أنا اللي أهلي شافوا علشاني العذاب
أنا مش عدد 

أنا مش قضية وكلنا فلان الفلاني
أنا اللي جارتي من زمان مستنياني
أنجح واخلّص جامعتي وجيشي وجناني
واقول لابوها بحبها يا عمي اديهاني
أنا مش عدد 

أنا مش رقم على جثتي
أنا ماتش كورة ف حتتي
أنا اللي راسم ع الشجر طول سكتي
أنا ال اخويا ياما دارى عَمْلِتِي
أنا مش عدد 

أنا مش تاريخ انا مش بيان
أنا خَبْطَة عرفاها البيبان
انا اللي برقص ف كُل أفراح الجيران
أنا اللي بَأْرَف لو طِلِعلي الحبَّهان
أنا مش عدد

أنا مش عَلَم وشريط حداد
أنا مش مظاهرة ومش نشيد
أنا كُل ليلة وكل عيد
أمي هتِقْضيها ف سواد
أنا مش عدد 

مش هيصبَّح - مروة مأمون #قصائد لشهداء الالتراس

مهرجان انا من زمان - شاكوش

آخر اغنيه . كاريوكى

بنات شمال

تراك : مين فينا الي فاق 
كليمات وغناء : ماجد ياسر 
"المعني لسا واضح وسطوري لسا كاتبه 
لاء دي حاله توصل بينا لأكبر كدبه " 
لو عجبكم شير بقي 
الكليمات 

السطر لسا فاضي ماشي مين فينا الي فاق 
السطر لسا فاضي ضخي دمك بلنفاق 
لكل حال سابت جوايا ألم ثابت 
نوصل للبر سوه بس لما وصلنا خانتق 

اسيبها وامشي لسا عارف مين معاها 
اسيبها تموت اوفر دوس من هواها 
المعني لسا واضح وسطوري لسا كاتبه 
لاء دي حاله توصل بينا لأكبر كدبه 

مش متماشي مع الي ماشي سبته راح مجاش 
شدي فيا متسبيش حبي راح بلاش 
الموته دي علشاني والجمره دي علشانه 
الميت مش هيحس بمين خد مكانه 

كرهت اكون اناني اد كره كونك غبي 
كرهت اشوفك لسا سالك نفس مذهبي 
حبيت اقولك كده دا لاني كنت كده 
شارب الحب ميتقلوش خلاص بلشفه 

الحب جميل اه لما يكون مبين طرفين 
نفس الحب لنفس الحاجه يبقو عليها متفقين 
بتحب جراح ليه من طرف واحد حب فاشل 
ف الي خانك وقالك بحبك اعتبره هاجر 

نفس الي قال انت غبي مبتفهمش 
سلك طريقي اقوله ارجع مبيرجعش 
مع انه عاديلو تموت انت قصادي 
بس الفكره حابب اكون اخر قتيل المرادي 

عواد حبها لما شاف جنون ابنها 
لانه رسم ف المستقبل ليها كيان قبلها 
شال ف سطوره الحمل دا 
صنع احساسه من كمان 

باع ارضه خلاص مش هينفع يكون هنا 
اشرب م المخدر فوق اشرب مش هيكونلك طوق 
اسمع بس الفكره ف كونك تبعد وهي تروق 

انا كنت مثل للي حصل ناتج ماده زياده 
تدي مخدر اخده حب احس بمعني السعاده 
بيوصفولك حالي قولتي عادي ميت بنسبالي 
بس لما مت جيتي ع وردة قبري تسقيها 

شميت الورده قومت فوقت كرهت ريحتها فجأه ثورت 
غروري بيعالجني افهم كده اتصورت ؟ 

السطر لسا فاضي ماشي مين فينا الي فاق 
السطر لسا فاضي ضخي دمك بلنفاق 
لكل حال سابت جوايا ألم ثابت 
نوصل للبر سوه بس لما وصلنا خانتق

مين فينا الي فاق _ maged yasser fortigOoo

من شدة إعجابي بأداء "هند الراوي"  لأغنية مثل هذه الأغنية التي كتبت بالأمازيغية ..أحببتُ غناءها !

اغنية مجانين بالسلاح جايين غناء اياد محمد وتوزيع ماجد احمد و مازن احمد و اياد محمد

Eyad Mohamed

Recent comments

Eyad Mohamed

Related tracks