Muhamad Osama

القضية حية -Priesto Ft Mohamed Osama

كلماتي و مزيكتي كالعادة
و الكورس بيغنيه أحمد كمال
2011
-------------

أنا القانــوُن .. منظومة مــ الجنون
تناسُب التناسُب بالنسبالي إيه يكون
 
أنا بحسبك فاهمني لمّا كُنت بفتكس
معايا مش مُهم تنتصر أو تنتكس
 
هرُصّ حكمة تتقسم لألف حكمة جد
هكسّر أي سد .. لو طموحي يتوجد
 
ينطرد من الوجود ينكتبله نعي
فاكس لأي فن مُختزَل في سعي
 
ماتلومش إلّا نفسك .. لو إتنازلت
وإنت مازلت .. عارف إنك نضيف لكن إبتذلت إختزلت
 
طريق من النقاء الأبدي
سور إتبنى من حواجز الضياع الأزلي
 
عارف طريقي من سنين بشُقّ فيه بإيديّا
مش هتختلف مبادئي مهما كانت القضيّة
 
مُتعة المسيرة هي .. سر الإستمراريّة
مش بلعب دور العاجز ولا بلعب دور الضحيّة
 
.............................
كورس
بايع نفسك للي بيدفع أكتر ويخلّيك متكيّف
ضايع كده ورا وهم مسيطر والإحباط عل طول متسيِّف
بايع نفسك للي بيدفع أكتر ويخلّيك متكيّف
ضايع كده ورا وهم مسيطر والإحباط عل طول متسيِّف
.............................
 
أنا لييدر سايق السفينة على كيفي
أهلاً بيك لو كُنت مُقتنع إنك مُجرد ضيفي
 
أنا مش عبد الناس .. أنا اللي بملُك الإحساس
إنت مش دافع أُجرة وأنا سوّاق الميكروباص
 
لو موافق تتساق لازم تبقى المسخ
إسرق أفكار وطوّر واللا خُدها نسخ
 
هدفي الرئيسي في كُل وقت إني مُجرّد أستمِخّ
ماتحاسبنيش حسبة إني هكمِّل واللا أنِخّ
 
أطُخّ . الروتينية والأغاني العاطفية
أطُخّ . المُنتجين اللي إحكِّموا فيك وفيّا
 
وأنا من إمتى ملاك .. دي دماغي هي الشباك
اللي مخلّيني هارش حقايق المنطق الفتّاك
 
صراع هُلامي بين مزاجي وبين المُغريات
وبنتقد وجوب وجودي وسط عالم الغايات
 
لأن خصمي هو إسمي .. نُقَر في كُل جسمي
بحسّ فجأة من كلامي إني لَسَعت رسمي
 
..............................
 
كورس
بايع نفسك للي بيدفع أكتر ويخلّيك متكيّف
ضايع كده ورا وهم مسيطر والإحباط عل طول متسيِّف
بايع نفسك للي بيدفع أكتر ويخلّيك متكيّف
ضايع كده ورا وهم مسيطر والإحباط عل طول متسيِّف
 أنااااا عارف طريقي .. سنيـــن بشُقّ فيه بإيديّا
 

أنا القانون

إختصارا للرغي ، كل الليلة دي من إنتاج شخص واحد.
http://www.reverbnation.com/osamarapm...
https://www.youtube.com/watch?v=j36U6leuPGw

جداريات

http://www.reverbnation.com/osamarapmusic/song/23226679-
http://youtu.be/ahdpF3DztQg



الغباء في عيون المبسوطين الدليل 
جهل كل مبتسم سعيد شيء جميل 

ست واحدة متكفيش احتقار نيتشة 
قلم ورق كتير .. لكل هاتشة 

انطواء و الناس تبص بافتراء 
مهما كان مؤدب النتيجة في النهاية أكيد مش احتواء 

تفاهة التدخل لابسة ضيق رافعة كمك 
منطق الحرية واضح إنت مال امك ؟ 

أيوة يأس ، و منشورات بفاكس 
كلماتي لو كانت اشترت الأمل أنا كنت أختار العكس 

النهاردة ، أنا هالغي معاد الدكتور 
التشاؤم إني أخف مخلي الفن عليه الدور 

يعني طين .. و أشكله بمزاجي أكونه 
و بعد ما أخلص التمثال من الملل هالونه 

حقوق التحرش كتاب جديد من تأليف السرسجي العظيم 
شاف الوسط الأدبي ولا يسوى مليم 

-----------------

الفن مش لازم يكون رسالة يا اهبل 
فيه فن راقي فن عالي فن واطي أزبل 

و ده ذنب الفن .. العيب عيبك 
تعريفك للفن تلفه تحطه .. في .. جيبك 

الخميس حلو .. متكترش في النبيذ
تزيد هلاوس الخيال هأ مافيش عزيز 

و ييجي حد .. يكلمك بود 
فتقول بهزار اللي انت نفسك تقوله جد 


الليل جميل مع واحدة حلوة هبلة جاهلة 
تهري في التفاهة و انسى بيها محمد أسامه 

و أقول مع السلامة .. لكل خيال مفبرك 
أنا اصلا بحلم احلام من اخراج ستانلي كوبريك 

السؤال هيتساب لكن مسموح بالسباب 
السؤال بموضوعية هي الجنة فيها راب ؟

انتحاري اتفه من كونه اكتئاب وباء 
اصلا عايز اموت صغير فابقى من العظماء 

---------------------------

اواسيم 
يعني اساميات برضه 
مش قانون انا اللي فارضه 
اوسيم 
اكتساب فتح باب كتاب 


أواسيم


قافل علي نفسه بابه قاعد لوحده حزين 
قاعد في بيته منعزل فاقد الثقه بالبني ادمين
وحده .. ما هو طول حياته كان لوحده
حتي مع الناس كان بيحس انه لوحده
محدش فاهمه ومستوعبه محدش حاسس بيه
اللي مبينه للناس مش اد اللي مخبيه
اللي مقالوش لسانه فضحته وقالته عنيه
كل يوم بيسأل نفسه هو انا عايش ليه؟
كل الناس اتقدمت وانا  وحدي واقف في مكاني
كل صحابي اتجوزوا وانا وحدي وحيد وبعاني
عاطل ، ايماني بالامل كان ايمان باطل
وصلت لمستوي من الاحباط والاكتئاب واليأس القاتل
احلام ، مسئوليات ، فشل ، حب ،اخفاقات ، تعب بدون انجازات
فجأة كمل 30 ، من بعد ما كنا شباب القلب الابيض فجأة اهو شاب
 لو كانت الدنيا عذاب في عذاب يبقي انا من ضمن الميتين


الدنيا حظوظ مش بنبص لحد في ماله
الدنيا فلوس مش موهوب والحظ اداله
الدنيا تدوس علي اللي ماشي غلبان وفي حاله
الدنيا لبوص انا مش عايزها خلهاله
زاهد وبالباقي فيا من قوة بجاهد
ساعات بكون بطل ساعات بكون مشاهد
حبيت البلدي والبلدي محبتنيش
والحاجه اللي بتسيبني بسيبها متلزمنيش


كنت شخص مبتسم لإني جاهل باللي جي 
بدون ما توقع إن القمر ممكن ينطفي له ضي 
كنت بسقي زرعي وردي في البلكونة كل يوم 
كنت بأذاكر و اجتهد و بصحى بدري من النوم 
كان تفاؤل اللي حواليا شيء ايجابي 
كان جرابي ممتليء بكل حلم آتي من كتابي
انا بحكي بدايتي في السذاجة يمكن تتعظ 
تعرف إن أملك في الوطن بقى شيء مستفز 
اليأس مش خيانة اليأس ضعف محترم 
حقيقة مؤلمة إني أشوف تضخم الورم 
استمر في المكان ده يعني أفرط في انسانيتي
 هافتقد صحابي أهلي ناسي كل ركن في بيتي 
مفيش وطن .. مش عايز غير إني اكون إنسان 
يوم ما أحس إني و الجماد سيان هاسيب المكان 
الحقيقة كالكابوس .. السعادة في الفلوس 
الشر منبعه البشر منبعه النفوس 
سايبهالكو مخضرة لإني شخص واقعي 
فقدت كل عاطفة زالت ما بين أصابعي 
حتى الحب طار لانعدام وجود المادة 
و الحرية انتهت بفضل الثورة المضادة
الوطن بيجبرك تدريجيا تبقى فاسد 
ع الأقل لو شريف هتبقى حاقد تبقى  حاسد 
الوطن بدل ما يدي ناسه  طلع حرامي 
سرق عمري و عمر جيلي و مش هزود بعد رامي 
أنا لازم الحق نفسي اشوف وطن بيحترمني 
أي مكان ماليش كرامة فيه يبقى مش لازمني 
مكان خطر على حياتي الخلفة فيه جريمة 
مجتمع خطر على دماغي بافكاره القديمة 
الهروب ضرورة للتخلص من كل الشرور 
كل معاني الانتماء ربطتوهالي بالباسبور 
يا كل دولة حرة أتمنى يكون زعيقي واصل 
لاجيء بلا وطن رافض حدود أو فواصل 


30 سنه بالتمام عيشتهم في البلدي وكل ما اقول تتعدل بالاقي سنه بتعدي
ذل مهانة سنين عذاب مقفول في وشي 1000 باب من الطفول للشباب
بحلم بالبلد اللي تودي ، مش لاقي نفسي هنا غصب عني لازم امشي
كل الاحلام ادفنت وحلمي وقع ما قامشي كل اللي عيشته هنا سنين
عذاب ولما همشي انا هنسي كل حاجه عيشتها هنا قبل ما امشي
فتحت عيوني في بلاد المولود فيها مفقود الدين فيها المصلحه والجنيه 
اله معبود ، الكل فيها شقيان لكن الا المسنود في بلاد العالم التالت
فساد ملوش حدود ، في العالم التالت نبيهم اكل العيش في العالم التالت
يؤمنوا بالله ويسجدوا للجيش في العالم التالت قوة عظمي اسمها حشيش
بلاد العالم التالت بتاخد مبتديش ، انا ماشي قبل ما اموت قبل ما الوقت
يفوت ، ماشي بعيد عن البلدي و عن الحدود ماشي ومعنديش اي
نية اعود ،  ماشي مانا استنيت الحق لكنه مجاشي
ملايين من الدوافع عماله تقولي قعادك هنا مش نافع ضيعت سنينك
مجهودك ضحيت مش شافع عليت الصوت فهتفولك طالبت بحق 
فقتلولك القلب اليافع 

اتولدنا في الحلال اتعلمنا ودخلنا جيش قعدنا علي القهاوي لا كسبنا ولا كالنا عيش
اشتغلنا كل حاجه والشهاده منفعتناش تعبنا واتبهدلنا بعنا نفسنا ببلاش 
كل ثانية عيشتها فيكي من حياتي مش محسوبة وسنين امالي واحلامي
كانت اكذوبة ضيعت سنين في اوهامك كنت في غيبوبه والنهايه من البدايه للاسف كانت مكتوبة


عالم تالت

لا مبالاة تستمر الحياة 
جسدي الى زوال بكل محتواه 
كموالاه ببلى أو بلا 
لا مبالاة لاتعنت لا محاباة 

الزمن كبعد خارج عن التحكم 
فرضية للتهكم مصطلحات 
تحتمل الصدق انتجت الكتب المحروقة بتهمة الكفر 
تاثير سكان كوكب أزرق في الكون صفر 
من ضمن العفر 
إني أقول كلام فارغ يبقى فلسفة 
ميبانش من الصياغة إن كان ده عقل أو سفه 
تداخلات أشكال هندسية نص قطر جمجمة 
مش شايف ده جسم بشري أو دمى  

"عقرب الساعة يأمر الجلد بأن يترهل 
ثم يأمر التجاعيد بأن تولد"

اعدادات في نظام تشغيل اللحم 
من غير بنزين أو فحم 
طاقة تحرك عضمي و عضمك 
لما بتخلص مالهاش شحن 
السما فيها ألف سر أصغرهم يعمل لك هزة 
مش لازم تبص بمحن و تتأمل تفتكر المزة 
هتبقى جثه 
هكنسوك لما المقبرة متساعش 
بزيادة نعش 
عضمك اللي عشت بيه سنين طوال 
هيلموا عضمة عضمة يحطوها في شوال 

"كل الأفعال الإنسانية تنبع من واحدة أو أكثر من هذه المسببات: المصادفة، الطبيعة، الإكراه، العادة، المنطق، العاطفة، الرغبة"

شوبنهاور .. جرعة مبداية للتشاؤم تاخد  باور
تواجه الامل بذكريات من الصور 
اللسان باش صمت مستمر خامل 
خطيئة مع الفكر و النتيجة العقل حامل 
أنا بتلفت كمدار القمر الأبيض 
زي كواكب حول الشمس تلف و كل ما تبعد تبرد 
بافكتر الكتابات ع الجدران الحجرية تاكد الف مقولة 
بان تاريخنا اتكتب كلماته بامر مباشره منهم 

افرازات العقل الجمعي تخلي العقل موافق 
ع التوجيه تنبيه معدوم تنفيذ معلوم 
عبد في القطيع يقول امين لسيده 
ينفذ أي شيء يريده مهما زادت تجاعيده
مهما قل مستوى .. ضخ الدم في وريده 
يعيش و يموت مازوخي 
السرعة في التنفيذ شيء صاروخي 
انعزال .. و اداوي في شروخي جوه كوخي 
لإنه موافق ع السياط بتحقق له الانبساط 

"الجاهل يؤكد و العالم يشك و العاقل يتروى
الخوف ألم نابع من توقع الشر"

فاكرين نفسنا اسياد توقيت نسفنا ازداد 
التوافق مع الكون غصب مهما اتطورت علوم وثب 
احتفال بوهم كوم لحم الجو برد بره 
كوكبك مالوش سطوة في المجرة 
نواية حارة بعد ما دمر أرضه 
الشر بيخلق فكرة ضارة 
 احتباس زاد و الحروق في الطريق جت 
كويكبات نيزك ابتدا العد 

"علمتني الفلسفة أن أفعل دون أوامر ما يفعله الآخرون خوفا من القانون
الأمل حلم من أحلام اليقظة
البشر يُحْكَمُون بالخوف أكثر من المهابة
يختلف المتعلم عن الجاهل بقدر اختلاف الحي عن الميت
ليست الشجاعة أن تقول ما تعتقد ، إنما الشجاعة أن تعتقد كل ما تقول"


احتباس


ادينى كاسي ونسينى كل اللى فات من ايامى وسنينى لفيت اللفه  من تانى وادينى ببص لنفسي مش شايف اى طموح في عينى
ادينى فيزا ومشينى من ام البلد اللى بتقتل اجمل ايام فى سنينى
وجودي في البلدي بيقتلني مش بيحييني حاكمني بذنب معملتوش احكم عليا انفيني ابعد مكان عن هنا وديني

وقبل ما امشي مسيلى على الناس اللى استنونى ياما لكنى مجيتش الناس اللى استنوا  اغنية ولا سمعتش الناس اللى فى غيابى حسوا بحاجه مكملتش Yeah
مشكلتى مبغنيش الا لما ببقى عايز اغنى ومتنسوش اللى انتوا بتسمعوه دلواتى ده فنى فالما اعوز اقول اقول فـ متفضلش مستنى مفيش حد فاهم مصلحتى افضل منى 
                                                               ***   

المزيكا مبتنتهيش و المستمعين مبيخلصوش بنبطل سنه واتنين وتلاته لكن مبننتهوش انا والمزيكا صحاب لكن سعات مبنتفقوش ياما ناس موجوده علي الساحه لكن مبيتسمعوش

                                                               ***   


ضيعت وقت وفلوس وكمان مجهود على الفاضي حلمت بالمستقبل مخلصتش من الماضي عاندت ونجحت ولعبت اللعبه بفن اهملت لعبتى فا ضعفت وخيبت الظن
اللي ضاع ضاع مبحبش ابكى علي الاطلال في حياتى انا طولت نجوم كانت صعبه تنطال واللي عملته واللي بنيته كويس مش بطال حبت عناد وايا اجتهاد ونصلح الاعطال


ادينى امل وصحه و انا اعيش في اي حتا وانا اكمل حلمى اللي ادغدغ قدامى مية حتا وانا اصول واجول بالمزيكا اللي انا حبيتها وهفضل صالب عودي  لحد ما نسلم الجته
وميشغلنيش لو كل العالم مفهمنيش دي مشكلتهم هما انا بالنسبالي ميشغلنيش مبيشغلنيش كلام الناس عليا سواء مدحوا او ذموا سواء حبوني محبونيش

                                                               ***   

المزيكا مبتنتهيش و المستمعين مبيخلصوش بنبطل سنه واتنين وتلاته لكن مبننتهوش انا والمزيكا صحاب لكن سعات مبنتفقوش ياما ناس موجوده علي الساحه لكن مبيتسمعوش

هتكلم عن شخص مات 
من عشر سنين كان هاري نفسه اعلانات 
سطحي تافه مبتسم فاكر نفسه بوص
قال يعني هيتشهر و يبقى نجم لما يرص 
مع الوقت شغله بقى نص نص 
نص يرضي نفسه نص يرضي البهايم 
على عوم جمهوره عايم 
المهم إنه طول الوقت حضوره دايم 
فنه منتشر و عامل اسم في المجال 
حط نفسه في الطريق بغصب و احتلال 
كل همه ياخد كل شيء لا يرضى بالفتات 
علاقته حلوة بالجميع فزادت الفيتات 
و الحفلات بدأ يظهر ميت دليل دامغ 
إن الفن بدون مقابل ده كلام فارغ 
السبوبة تحكم الوسط كمادة أو علاقة 
تصاحب القديم و التمن فشخ طاقة 
النضج نعمة الفن خد و هات التزامات 
مش هدس نفسي كفاية جلد ذات 

فني عايش للأبد برغم كل يأسي 
و اللي مغطي على نقط ضعفي هو بأسي 
فني عايش للأبد برغم كل يأسي 
و اللي مغطي على نقط ضعفي هو بأسي 

مؤدو الراب القدام بيكرهوني 
مش بيطيقوني لو يطولو يكتفوني يشنقوني 
مش مهم السبب لإنه مبهم 
بس نبذهم لذاتي لسه شيء ملهم 
أحب أكون مضطهد بدون قيود علاقة 
حر في الكلام في نقدي للسفة و للإعاقة
بحكي سهل ممتنع كلامي للجميع 
بدون ما أرص تركيبات و عمق يلا راب وديع 
هتموتوا كلكو و هيموت معاكو فنكوا الوسخ 
مش مميز حد فيكو منتو كلكم نسخ 
المنطق اتفشخ مظاهر بذخ التون اتمسخ 
بين الكلمة و الحقيقة فاكس العقد اتفسخ 
فنيا كنت حشرة شكرا 2010
حددت مكاني في الخريطة فوق القشرة 
كل عبيد المستمع و الشهرة و الفلوس 
مش مهم تقول حقيقي جد المهم تبوس 
تحية لكل مستمع مبتاكلوش يسجل 
زحمة في كل حتة رابر له جمهور مبجل 
و الصراحة المطلقة بإني لا أبالي 
تقولي ليه بترص عننا أقولك دي تسالي 
هبقى أحكي لكو وحدتي الرابية فيما بعد 
أنا لوحدي و انتو لسه كتفكم في كتف بعض 
العيال بتقيم كلامي سايب البلاعة 
سايب اللي عمره في الفنون لسه ربع ساعه 


المزيكا مبتنتهيش و المستمعين مبيخلصوش 
بنبطل سنة و اتنين و تلاتة لكن ما بننتهوش 
أنا و المزيكا اصحاب لكن ساعات ما بنتفقوش
ياما ناس موجودة ع الساحة لكن ما بيتسمعوش 

كنت باسعى كانت أحلامي واسعة 
اسمي ينتشر و صورتي لكل شاشة خاضعة 
شكرا للظروف اللي لبستني في الحيط 
فوقت من خلال الدم و لولا الخبطة ما كنت صحيت 
أنا بخلق حرب النفس و بكسب لما أتعمد أسوق بالعكس 
بشوف كزا صورة لوشي في عالم وهمي عليها علامة اكس 
أحب أقول إن اختلافي مش تعمد 
هما اللي شبه بعض و التكرار شيء مؤبد 
المزيكا مبتخلصش أنا اللي أسوق المستمع 
عقلي بس اللي سايقني رغم زعيق المجتمع 
مغمورين للأبد و هنفضل خارج الوسط 
أسماء هتتعرف بعنف بعد ما يموت الجسد 
هنعيش حياتنا مجهولين ده في مصلحة الكارير 
بيتهوفن عزل نفسه عن غباء الناس سنين كتير 
هاغني للحيطان و الرمل و الهوا 
تجاهل البشر طريق زيادة المستوى 



مغمورين

في حجرة القبو 
يتطاير العشق 
كذرات الهواء 
فتولد السوائل 
تلامس يخلق تجانس 
انفاس تشبك في انفاس 
تجاذب يبني في تهامس 
و الدفا لغى أي التباس 
انقباض انبساط لسه وقت للحصاد 
احتواء التحام فارس راكب الجواد 
المهمة أجرها السعادة وقت الانطلاق 
لا تطاق المشاهدة لما يبدأ الاحتياج 
الأرض ملكي و الماكينة جاهزة للبناء 
وقت بدء فتح مكمن السوايل في الإناء 
اختراق بعنف و الدماء من الانف 
نساعد بعض ع النهاية بدون قطع حذف
راضي بتحريرك من جنود الكسوف 
ده لإن وجودك ساهم في الوقوف 
اضاجع الكلمة فتولد قصيدة
و على فراش الشعر 
سوائل التورية 
---
جملة البيانو مقتبسة من
Massive Attack

أنفاس

صدقت كذبتك و عيشت فيها بالسنين 
كنت ضارب صنف عالي خلاك من المؤسسين 
ليه ؟ الهيذام في حاله قاعد مستكين 
ما كنا مهديين اللعب يا أبو التنانين 
حاشر ...نفسك معانا غصب قلنا زي بعضه 
نزلت كام تراك فيه كذب قلنا اللي بعده 
فاكر إن كله ناسي طب احترم اللي فاكر 
عمال تشحت في فانز لابس كراكتر هاني شاكر 
يا بني .. مش بالشحاتة و إدعاء الأخلاق لأ 
ساجد للمستمع  هو إللي زقك زق 
استمر في الخرا الدماغي اللي انت بيه مفتون 
بس للأسف مضطر أشد السيفون 
فكرت ألف مرة أكربجك و كنت بفكس 
لإن وجودك في الحياة في حد ذاته سفة
برفع في اعلام المنطق و انت داير تنكس 
طب ليه بتترعب لما أمارس عليك الخفة 
----------
أخلاقي فن بحت أعلى من خيالك 
و أنا عارف إن الفن البحت مش مجالك 
رابي طاغي مهما تنادي رجالك 
البلطجة فاكس سيبتهالك 
----------
نقطة ضعفك السركازم دخلت في حارة سد 
على رابي هتؤرجازم بعد ما أمدك مد 
رصيت زبرتلاف تراك بضين عن عظمتك 
اتوحلت في السياسة و اتبعزئت كرامتك 
قاعد . تهري عن الأخلاق و انت بتعمل العكس 
كل ما يتحط عليك بتخش تعيط في الانبوكس 
بتهددني بالعنف لإن لسانك عنده إيدز 
أنا بعمل ألف بيت و أراب و إنت في راسك تهز 
تقييمك للكويس إنه لازم يمدحك 
و أي حد يبص عليك من غير قصد بتعتبر حك 
باني مملكة غباوة بتراكين تلاتة جهل
الناس تقولك و انت تنفذ لإنه الطريق السهل 
نظرية ...المؤامرة فاشخة مخك العكاشي 
حرضت ع التحرش في تراك بيض قلنا ماشي 
ياد كلامك المبتزل اتسرق في مهرجان 
ارجع لتكتكك كفاية بضان يا جدعان 
--------------------
أخلاقي فن بحت أعلى من خيالك 
و أنا عارف إن الفن البحت مش مجالك 
رابي طاغي مهما تنادي رجالك 
البلطجة فاكس سيبتهالك 
------------------
مصر في تخلف و وجودك أكبر دليل 
مبتعرفش تألف خلوك نجم يا  عويل 
خايف عارف اني هقول ان كلامك عك
داير تقول واجهني و رازع الجميع بلوك 
الحط عليك واجب إنساني لكل شخص حر 
رافض غباء عبيد لهم كبير عمال يضر 
بكرة مصر تبقى اد الدنيا و تاكل اناناس 
من أسيادك اللي مسرحينك تبضن على الناس 
برجماتي ذاتي امنجي .. في التطبيل 
جاب ورا عارف إني باشا في التحليل 
جاب ورا لانه عارف ان دساته خرا 
 تفهم ايه في الشعر يا بني كام كتاب كان اتقرا 
الدس ده بالنسبة لك مؤامرة ماسونية 
العالم بيتآمر على واحد بيضة نية 
جمهوره أغلبه عيال هبله 
التنين اثبت ان الانسان اصله طبلة

Melody Source : Bitch Please
Beat By Muhammad Osama

الكمين

مفيش امل في حاجة لازم ننتحر 
كلنا نولع بجاز في وسط عالم منكسر 
الشر دايما ينتصر و الكويس بيموت 
الانسانية رمز للتلوث المضبوط
احنا اتولدنا بس عشان ندمر أصل كل شيء 
عشان نزبل كل معنى سامي نخليه قميء
مستني ، أخلص فترة اعتقالي في الحياة 
من غير ما أأذي حد غيري أو ألوث محتواه 
قللولي أكسيجيني مش مهتم إني أطول 
أنا اتحبست جوه كوني في المعاني بأول 
على شكل كوكب ، الكون شايفنا تفة زرقا 
فيه مخلوقات عبيطة جاهلة في بعض قاتلة حارقة
العدم مريح عن الوجود و الحياة مضرة 
التاريخ عمال يعيد في نفسه مرة بعد مرة 
من أكتر فوايد موتي إني خرجت من التلوث 
مش هشوف وشوش بتبتسم بشهوة و بتلذذ 
اللاشيء و الوجود
هربانين في الشرود
نسبية الأخلاق سبب في موت الأبرياء 
حرام حلال و خير و شر على حياتك استفتاء 
غباء ، في فهم الحريات و الاختلافات 
وعي مات ، تم استبدال وجوده بالآلات 
اليأس ، شجاعة الاعتراف بخراء الواقع 
تدمير البشر لبعض بقى بمستوى رائع 
وهم ضائع ، الحلم و الطموح 
العلم و العقيدة خلاف على وجود الروح 
أنا لسه واقف بتنفس بس مش أكتر من فضول 
بشوف دراما في الحياة مع كل يوم تطول 
كل الأزمنة موجودة في نفس الوقت 
مجتمع راح القمر و مجتمع في جسم الست 
حرب بيولوجية جاية أو ذكاء صناعي 
هتقضي تدريجيا على كل عقل واعي 
التابوهات اتكسرت الألغاز اتفسرت 
العقول العبقرية بالوساخة اتاثرت 
هتفضل الحقيقة المطلقة وجود قبور 
الطبيعة لما تغضب هنرجع للجحور 
منبوذين في مجتمع التلوث محبوسين 
لو اتكلمت للأبد هتفضل الرسالة سين 
11.06.2016

جداريات II

طالب في ثانوي شكلك تعالى اشرح لك 
مستقبلك أديك حماس .. زي كل الناس 
منهم ناس عدت بلؤم و ناس تانية ولعت بجاز 
منهم ناس بقت صخور و ناس تانية فضلت إزاز 
ذاكر .. خليك فاكر .. إن الأمل كبير 
تدخل كلية مالكش علاقة بيها يلا خير 
المهم تجيب تقدير والأهالي تحتفل 
و انت تتحرق ميولك أو بالسوري تصطفل 
تبتدي تشوف وظيفة و الشهادة تكسفك 
يبتدي شعور بيأس و الامل مكتفك 
و النتيجة تشتغل بأي أجر و السلام 
أي شغل تافه تبقى الصبح فيه و بالليل تنام 
للأسف ، اصحابك و احبابك يقنعوك تتجوز
قال يعني عشان متبقاش وحدك لما تعجز 
و انت تنفذ ، و تشوف واحدة حلوة 
كله بيبارك و في سره بيضحك ع البلوة 

أنا بحكي لك بس الليلة عشان لامحك مبتسم 
قلت اديك عشان موضوع ابتسامتك يتحسم
الجاي مش اسود، الجاي اغمق من الضلمة
بكرة هتهرب و تشكرني على كل كلمة 

العيل بيجي برزقه تقوم مخلف كزا كائن 
تستلف من طوب الأرض يطاردك ألف دائن 
تضطر تطلق ، تستندل و تسيب العيال 
أو تسرحهم يبيعوا في مانديل و أهو بالحلال 
عال ، مخك راق بتفكر في السفر و الرحيل 
و اديك برضه بتكمل جزء من ثقافة الجيل 
فيزا لأوروبا تروح من بيتك للمطار بتاكس
داعش تضرب أوروبا و يتعمل على وشك إكس
ترجع لذاتك ، ترجع لتدخين غليونك
ترجع لكنبتك و شايك تفتح تلفزيونك 
مصطفى حسني . مبتسم بيقولك تفاءل 
فجاة الجيران يسمعو صريخك و ينادوا بتساؤل 
ياهوو واحد قطع بيضانه و بينزف برعب 
شالوك ودوك ع المستشفى بسرعة و الجرح صعب
أبشر يا برنس ، الدكاترة بيرموك في الشارع 
مريض مفلس ، بيتحلق له بشكل بارع

أنا بحكي لك بس الليلة عشان لامحك مبتسم 
قلت اديك عشان موضوع ابتسامتك يتحسم
الجاي مش اسود، الجاي اغمق من الضلمة
بكرة هتهرب و تشكرني على كل كلمة 

يجيي يقلبك بلطجي معاه سنجة و بلطة
يتدخلوا الاهالي و يتصلوا بالشرطة 
الشرطة تشد البلطجي و يشدك الأمين نادر
عادل باشا يكهربك اعترف امضي تقفيل محاضر
خلاص لبست قضية ارهاب باختيارك 
جت ع الجاهز بدل ما تتعب في انتحارك 
بعد اعدامك تندفن و تتسرق الجثة
تتباع لطلبة طب المنصورة و يذاكروا الحصة
كونك ملعون مدفون كل العيال هتسقط
و أما يشتموك في سرهم شبحك نفسه هيسكت
يدعوا عليك بالموت و انت اصلا ميت 
مش عارف تفرح تزعل تضحك او تعيط
بعد وفاتك بفترة إوعى تكون قلقان 
وجودك صار شيء ماضي بدون مستقبل أو الآن
لا هتبقى إنس ولا جان ، هيزول جسمك و شكلك 
مش هيفتكروك بالسوء ، ماحدش أصلاً فاكرك !

أنا بحكي لك بس الليلة عشان لامحك مبتسم 
قلت اديك عشان موضوع ابتسامتك يتحسم
الجاي مش اسود، الجاي اغمق من الضلمة
بكرة هتهرب و تشكرني على كل كلمة 

---
Beat By: Osama

Music Source:
Yassir Abdulrahman
"The Road to Eilat 1993 "

SoundCloud
soundcloud.com/muhamad-osama/tghfeela

YouTube
https://youtu.be/8v3zQprWlN8

Facebook
https://www.facebook.com/modyrapworld

التغفيلة

ليكو شوقة ، 8 سنين بدون طاقة 
اصلي بنجرف بعيد مع الزمن روحي منساقة 
بحثا عن دفء أو بحثا حد كفء 
أو ممكن بحثاً عن شيء ممكن إنه يعاملني برفق 

بقيت مصاحب المزيكا اللي وخداني بالحضن 
مكمل في انطوائي بدون علاج مش بدي ودن
الحنين للماضي مش راضي يزول بسهم 
جسمي كله ذكريات صارت جزء من اللحم 

يمكن أنا نفسي لوحة، و انتم ازازي
يمكن مزيكتي تكون مراية للكون الموازي 
وحدتي مش باختياري أو تقاوي عند 
رافض اتعالج من اعتبار بيتاتي ماي جيرل فريند 

مشتاق لأودتي في المنصورة ، مشتاق لماما
مشتاق لأورجي و لأشياء بنت محمد أسامه 
مش مهم أسيب علامة أنا مجرد راجل 
يمكن يعينوني الأب الروحي للسناجل 
---------

أستعين بالقدر على انعدام وجود قرار
الموت  آتِ لكنني قد مللتُ الانتظار
لا ضِرار أو فرار جاهز للاحتضار
أنا ، أجبن من امتلاك شجاعة الانتحار 

---------
أنا و الصخور حبايب ، أنضرب و متوجعش 
قالوا إني نعش ، مزيكتي مبتتسمعش ، أنا 
مجرد واحد لم صحابه لماتش كورة باحتياج
مفيش طموح لكاس العالم ، مسألة مزاج 

باحتفل لوحدي بعيد ميلاد الحاني 
مع إن دماغي اتسرطنت من الانتقال الآني 
كل خلية من خلايا مخي باسم روح 
ارواح لسه في اجساد و ارواح قربت تروح

وحشتوني كلكم مع إنكم بتكرهوني 
يمكن لسه متابعين رابي بس مش جمال عيوني
مش مهم ، المهم اني لسه فاكركو 
معنديش أي مانع عائق يمنعني أكلمكو  

أنا في طريق سفر و الناس مكعبات رصيف 
تمر السنين ثواني و أميزهم بالخريف
أنا مش ضعيف وقت شعوري بالملل أقل 
صوتي و انعكاسه ع الجدار 
وقت الغنا طول عمره حل 

Beat By: Osama
Main Melody Quotes:
Bang Gang - Sleep

SoundCloud:
https://soundcloud.com/muhamad-osama/ms2ltmzaj

YouTube:
https://youtu.be/mp8V6T5x2Ek

Facebook:
https://www.facebook.com/modyrapworld

مسألة مزاج

شششش ، كفاية نقد أرجوكي نملوا بحرارة
خدي المدينة باكيدج بدون تغيير تصميم الحارة
متخلينيش اعاقبك لو كمانجا هرفض أعزفك
و لو بقيتي جزء مني زي دمي هانزفك 
الوحدة خلت الهيذوم مكتفي ذاتي أصيل 
بيراب و يعرص في الباكات لنفسه بالتهليل
بنلعن الفيميلز بس عشان نرجع نحبهم 
مسألة وقت قبل ما نرجع تاني  نسبهم 
عقليتك كلاسيكية من زمن التلفون القرص
مقتنعة في كل مشكلة إني أنا اللي عرص
و الحقيقة اني انجذبت ليكي لكونك وتكة
شكلك راقي نفس رقي تصميم ازازة الفودكا
أنا الوحش ، هي الملكة الملاك و انا اللي تحت 
مفيش علاقة واحدة زعلت فيها و اتصالحت 
كان لما يزعل من اكساته يقاطعوه كعقوبة 
الزبون يزيد في زعله يهددوه بفسخ الخطوبة 
و في احلامي ، قاتل اكل ضارب وابل 
شامم غاز خامل زول كامل خالط الحابل بالنابل 
لكل مقام مقال عمرك من التاريخ يتشال 
معدتش بستغرب الواقع جاب من الخيال عيال 
ساعات أبص في المراية ألاقي نفسي رسمة 
كنت ساعات أشوف حبيبتي جمجمة مبتسمة 
سامعك قلتي لعشيقك إن الإكس كان بضان 
حاسبي لا زلة لسانك تعترف إنه كان حصان 
احنا بنعمل الخير و نرميه في الخرا 
و لما اموت هيقارنو كلماتي بشعر عنترة
دمرت صورتي في عقل ناس كتير بلا اكتراث
و لما يواري جسدي الثرى هاكون تراث
مرحا مرحا ، نزلي قصة من الطرحة
تكوينك وقت الرقصة ، بيصحي في اعماقي الفرحة 
بحب رد فعلك وقت حدوث انتكاسات 
زي هدوءك وقت غضبي لما بكسر في الكاسات 
شيشة خوخ بيرة هنيكن عقل حاير 
أحضان كتير لمقاومة البرد في يناير 
بنولع الكلام و نهوي عليه عشان يلتهب 
اشرب كتير يا غالي عشان تضحك و انت مكتئب 
اصرار غباوتي مع حبايبي كان كابتهم
اقنعت ناس كتير يلغوني من حساباتهم 
لسه المزيكا طوق حريتي لما أولف رايم 
كنت البس هدفون النجاة من سماع شتايم 
بفكر اكلم ناسا و احجز طلعة للمريخ 
كون الحقيقة وسخة مش سبب تزوير تاريخ 
انا بتاع الانا الكتير مهما زاد الملل
انا اللسان المبرد اللي مخربش العلل 
دلوقت بقيت وحش يا بيبي بعد ما كنت شمسك 
عملالي بلوك ، عشان مش قادرة تقاومي نفسك 
بقول كلام سخيف بشدة لما اكون مطبق 
لايدهشني شيء في توقعاتي بكون مسبق 
بكرهك .عشان حبيتك فلعبتي بضعفي بلاي ستاشن 
وقبلت أكون كلب الست كـفاينال ديستاشن 
انت السر العظيم اللغز اللي مبيتفهمش
ببص لك كأني بشوف فيلم لديفيد لينش
طظ فيكي و فيا قبلك ، عشان قابلتك 
فشلت اعاملك كشخص في تقرير استاتستيك
و لما عوزتك مكانش الأمر فيه تساهل
مجنون بكل تفاصيلك حتى التجاهل 
كونك عايشة في كوكب تاني من دواعي سروري
و لو حبيتي تيجي و تمشي تاني اشطة غوري
مهما كنتي في حياتي برضه مش مكانه اولى
مزيكتي رابي فروتي لوبسي واخدين البطولة 
فكرت مرة ارجع كل شيء باك تو ذا فيوتشر
لكني برضه مش هكون بوسامة اشتون كتشر
.كلكن عظيمات ، ع الاقل في عيوني 
عمري ما فرطت في عشيقة ، كلهم سابوني 

ببعت سلامات لارواح زايلة 
لسه المزيكا 
طوق حريتي للنجاة 
بهري في كلمات ، لنفوس شايله 

لو هيرد صوت من العدم فانا 
هاعتبره صوت صدى صوتي انا

https://youtu.be/CeCVln3FIJI

Music By:
Jiem EB Music
https://www.youtube.com/channel/UClIGtfLtGVThvU308i4qcsw

ششش

مصدع حبتين بس لسه مركز 
مش هعجز . بالكلام بعزز 

بالنسبة لي شرشر بدلعك يا عرعر 
ناولني اوكورديوني و اعزف لك سيدي ور ور 

بضهر ايدي بضرب سوء حظي 
حاضر ميتم سعادتي عشان من واجبي اعزي 

ترابيزتي مستطيلة ناشف فيها بواقي كيف
ايدي ساقعة متلجة كاني بتمشى في كييف

السكات مات ، مفتقد شاتات
الزيبق هو السائل الوحيد في الفلزات 

عندي اقلام رصاص و ألف زاوية للتناول 
عارف اني بكلم قاع العالم و رغم ذلك بحاول

عندي بلكونات كتير ممكن استخدمها 
عندي ناس كتير بدون مقابل بخدمها 

قاعد بقالي سنين لكن الخطر اني اتخن 
النظام علمني مركبهاش إلا أما تسخن 

============
بوم بام 
عينيا ورمت من البص في الظلام 
حدايق ناس كتير 
غير حدايق القبة
تضرب و تستخبى 
وجودهم في بيتي سبة 
كل ولاد الاحبة  

============

لازم اشحن ، عشان تنفسي السليم 
السباحة في السكرودرايفر محتاج عويم 


و لو غرقت و أنا بعوم سيبوني تحت 
او خلدوني بتمثال شمع ، بحب النحت 


قالت لي  اني جوزائي شقي غير متزن 
فرنشتها باداء مغتصب لا يزال مبتسم 

انا بشتم كتير عشان اغير الروتين 
و لما بزهق من البوس برزع المتين 

نطيت من سطوح ابراج زرقاء اللون 
صحيت في نص طيراني كائن مبضون 

احتفلت بعيد ميلادي بتورتة الفقدان 
و كل ما تشتغل مزيكتي بفضل هيجان 

قدمت قرباني مزز لالهة الايقاع 
عورت ايدي كاتينج قدر المستطاع 

انا طالب القرب من غبائي عشان ابقى أنا
انا بلعب طبلة شرقي عشان أكسر المنحنى


============
بوم بام 
عينيا ورمت من البص في الظلام 
حدايق ناس كتير 
غير حدايق القبة
تضرب و تستخبى 
وجودهم في بيتي سبة 
كل ولاد الاحبة  

============


عاوز فلوس كتير اندم على صرفها في لاشيء 
عاوز مزة بقوام كمنجا اكون لها العشيق 

عاوز اموت لحماية نفسي من عقل عاهر 
عاوز اموت قبل ما اولع زي محمود عبد الظاهر 

شبه البلاي بيري ، في سوداها الداخلي 
بس روحها تكاد تكون اجمل من جسم شيري 

انا مش متمرد انا حاجز اسمنتي في الطريق 
انا بصحى بكرشة نفس أشرب شوت تكيلا عالريق 


عاوز اتحول لشيء جماد ممكن لي شيشة 
عاوز اشتغل في الممنوع و  أعلا بمستوى العيشة 

حرام تقولوا اني اتجننت لاني عادي 
انا بس مكسل أنام فيه وتك ساكنين قصادي 

فيرتيجو كتير الرؤية غامضة مش شايف كويس 
كاره الحيز ، عقلي متيس بس عامل ريس 

فصوص المخ عندي شبة متاهة بيت جحا 
مفتقد  البحلقة في الشمس من الفجر للضحى 


============
بوم بام 
عينيا ورمت من البص في الظلام 
حدايق ناس كتير 
غير حدايق القبة
تضرب و تستخبى 
وجودهم في بيتي سبة 
كل ولاد الاحبة  

============


في الصيف ع البيتش ازداد عداد الفخاد 
كل ما تعجبني واحدة تطلع من فانز  فؤاد 

التزبيل هارشينو و التحقير عايشينو 
ملتزم بعقدي مع البحر من تراك كابتشينو 

اتعودت أكون بعيد و لما باجي بزهق 
كل ما تزيد الزحمة كل ما عقلي يبقى مرهق 

أربعة و تلاتين سنة مش فاكر يوم فيه كنت فايق 
بركب أي حاجة ماشية عمري ما كنت سايق 
---
بغيظ الكلام بالصمت يتغاظ يسكت زيي 
لو كانت فنوني نوع مرض أنا بعيي 

بكرة العادة و بكرة الشاي سكر زيادة 
الاسقاطات زادت هاجت ضد روح كيادة 

كل ما أشوف امل في مستقبلي بيطير فريرة 
ست حلوة جارة كلب لولو في الريفيرا 

مفيش مفر أو هروب من مصيري الغلس 
لما صوتي سخن هيهيي التراك خلص 

============
بوم بام 
عينيا ورمت من البص في الظلام 
حدايق ناس كتير 
غير حدايق القبة
تضرب و تستخبى 
وجودهم في بيتي سبة 
كل ولاد الاحبة  

============

Prod By : Osama
Piano by: Lucas King
https://www.youtube.com/user/LucasKingPiano

Muhamad Osama

ezzeldinislam