Mike Tompkins - Skrillex Cinema & Santigold Disparate Youth , Acapella Remix

قصيدة القهوه - فؤاد حداد

أزرع كل الأرض مقاومة

دخلت مره جنينه اشم ريحه الزهور واهنّي نفسي الحزينه واسمع نشيد الطيور
بصيت لقيت عالغصون بلبل ووياه وليفته واقف معاها فسكون
انا فرحت اما شفته
فارد جناحه عليها وبيراعيها بحنان وهو من حبه فيها غنالها لحن الامانى
وقال لها يا ملاكي الي تعوزيه اطلبيه روحي وقلبي فداكى حبيبك اوعي تسيبيه
وبعد مده طويله من شرب كاس الوصال فجأه حبيبته الجميله ساقت عليه الدلال
طارت مسألتش فيه
وخلفتله العزاب
مسكين يا روحي عليه 
قلبه من الوجد داب
سهر يعد النجوم والبدر شاهد عليه
طالت عليه الهموم وبس يصبر بأيه
واللي كمان زاد عذابه وليفته لافت لغيره
وزودتله ما صابه وساء يا روحي طريقه
خرجت صعبان عليا حالته تبكي الجماد
حفظ ودادها وهي خانت عهود الوداد

خلود عادل - دخلت مرة جنينة

اهل الحب - الخواجة عبدالقادر

اشعار / عبد التواب محمد 
الحان / هيثم محفوظ 
توزيع / محمد سامي 

عود / هيثم محفوظ 
ناي / احمد ابو المجد 
بيز جيتار / تيتو طارق 
المقدمة الموسيقية تاليف / محمد سامي 
ميكس &ماستر / كريم حسن 
تم التسجيل والمكساج ب /17Hartz studio 
الصورة بعدسة / مؤمن نبيل 
انتاج / VEGA Record 

هيثم محفوظ/سكة ضيا/ Haitham mahfouz / Seket deya...2016

عديد من الصعيد

كلمات :عمر حسن 
إلقاء :يسرا أمين 
موسيقى : www.bensound.com 

فيه حالات كتيرة من العياط غير العياط بدموع 
زي العياط بالانعزال 
فض المجال والبُعد عن وهم الجدال
زي العياط بالفضفضه لنوع موسيقى أو غُنا 
زي التعب أوقات بعينها من السنة 
زي الغياب 
زي السكوت 
زي الغضب

تلقى المزاج مع كل يوم له لون وشكل 
أو حد وقته بيتقسم بين نوم وأكل 
أشخاص تعيط بالسهر 
بالشُرب مثلاُ والغياب
بيردّوا روح ويسكّوا باب 
ويبطلوا اللوم والعتاب 
أوقات عياطهم بالسباب 
وساعات عياطهم بالأدب

فيه ناس عياطها ف انها بتقول " تمام " 
وفيه ناس عياطها ف إنها تفتّح كلام 
وفيه ناس كأسراب الحمام تبكي وماتسبش الأثر
وفيه ناس تعيّط بالرجوع للي اتكسر 
فيه عياط حرير وعياط حجر 
وعياط شظايا من اللهب

أعرف بشر بيعيّطوا بالاندماج 
فجأة يحبّوا يخرجوا ومايقعدوش مع نفسهم 
واعرف بشر بيعيّطوا جوّه السياج 
مايشوف دموعهم إلا هما وضلهم 
واعرف بشر بيعيطوا ف حجر ناس بتحبهم 
ان شالله يبكوا قصاد قبورهم ع العتب

إياك تظُن الخد ناشف نبقى عال
احنا بنمحي دمعنا زي البيوت ف الهجره ما بتمحي العزال 
جربنا نبكي قصاد بشر مش طيبين
أهدرنا دمع وفضفضه ضاعوا هباء زي السنين 
فبقينا بالخبرة بنبكي بدون بُكا 
ودموعنا صبحوا بينزلوا متنشفين 
أقدم عياط هو الحياة وانت بأتب
أبسط عياط هو الرضا باللي اتكتب 
يطلع كلام 
يطلع هدوء 
يطلع زهق 
يطلع شغب

واصعب عياط تبقى حزين 
وتلاقي نفسك مبتسم من غير سبب
.......................

Yosra Amin ,  poem

قصيدة ياصانع الموت | شعر طارق الجنايني

أنا الأديب ولا تعرفنيش 
تقرالي لكن ما تشوفنيش 
كلامي لا هو مدهون ورنيش 
ولا المعاني عليها غبار 
شقع بقع يا ديل الفار

يا شعب مصر يا خم النوم 
ما تفوق بقى وتشوف لك يوم 
دى الثورة قامت في الخرطوم 
وانت اللي نايم بالمندار 
شقع بقع يا ديل الفار

يا شعب ثور داهية تسمك 
وشيل أصول أسباب غمك 
عصابة بتمص في دمك 
والاسم قال ظباط أحرار 
شقع بقع يا ديل الفار

شيلوا القطيع النكساوى 
اللى لا عايز ولا ناوى 
يرحل ويتفادى بلاوى 
من تحت راسه ذل وعار 
شقع بقع يا ديل الفار

أخدوا اليهود غزة وسينا 
وبكره يبقوا وسطينا 
والراديوهات بتغدينا 
خطب ونتعشى اشعار 
شقع بقع يا ديل الفار

الشيخ إمام قال كلمة حق 
جت الحكومة (المباحث) (سومة) قالته لأ 
الشيخ إمام قال كلمة حق 
جت المباحث قالت لأ 
وأبو النجوم على ودنه اندق 
في المعتقل والدنيا نهار 
شقع بقع يا ديل الفار

شُقَع بُقَع- الشيخ إمام وأحمد فؤاد نجم

أحمد فؤاد نجم-العنبرة



اِبْقّ حَيْثُ الغِنَاء فالأشْرَارْ لَآ يُغنّون


Mike Tompkins - Skrillex Cinema & Santigold Disparate Youth , Acapella Remix

A7MaD 7eDaR

Recent comments

•MayBlack•

RHDStep

DJ FairView

Related tracks