من لي شهر والعين عيّت لا تنام
لا غمضت شافت لها شوفٍ شنيع
ساعات نومي لو تعدد بالتمام
باليوم ساعة في كوابيس تضيع
في كل ليل أعيش نفس الإنهزام
وأشوف نفس الحلم وأشري به وأبيع
أحس في صدري للأنفاس إحتدام
والقلب من دمي ليا فوّر يميع
من صدمةٍ ما هي بصدمات الهيام
من هولها شيّب بها راس الرضيع
وصدمة ورا صدمة تتابع بإنتظام
بي وضحت وسم التغير للجميع
أبغضت شوف الناس وأبغضت الكلام
دام البشر تمشي بمفهوم القطيع
ملّيت من طول التشرّه والملام
ملّيت من عذر المنافق والوضيع
مر الشهر ما لذ لي حلو المنام
والليل صاير بعد ضحكاته فضيع
كفنته وصلّيت من خلف الإمام
وهيّلت تربة قبره وقلبي صريع
مر الشهر كنه من الصدمات عام
وللحين قلبي في فراقه ما يطيع
يا غافر الزلات يالبر السلام
يا الواحد القيوم يالفرد السميع
يالله عسى قبره بهمَّال الغمام
يا لين تنبت فوقه زهور الربيع
فَهَدْ السعد

فَهَدْ السعد | في كل ليل أعيش نفس الإنهزام وأشوف نفس الحلم وأشري به وأبيع

"للي لعذبات المثايل مشاويق" 
شاركوني أغنية
https://x.com/Fahadthoughts7

Comments

عائشه

ah

Haya

Miracle.

Miracle.

Miracle.