للعيد الذي لن يعود

عيد السبيعي | بس أمانة لو تشوف القبر صدفة كان جيت اذكر أيامٍ مضت وياك يا عذب الصفات

عيد السبيعي | حزني اللي صار فارس مثل أبا زيد الهلالي لا رمى بالرمح راسي غصب عني أنحني له

فَهَدْ السعد | يا عيد ما أظن العزاء بضعة أيام لا والله إلا العمر كله عزاء لك

فَهَدْ السعد | في كل ليل أعيش نفس الإنهزام وأشوف نفس الحلم وأشري به وأبيع

فَهَدْ السعد | يا ليت لو للوقت رجعة ووقفة وأشم غدفتها وأقبل خضابه

فَهَدْ السعد | من كثر شوقي له علي ربٍ مسويني شهيد إني حسدت الربلة اللي فوق صدره نابتة

فَهَدْ السعد | من الروح خالي وأنت يا عيد خالي لكن أنا اللي متت وأنت اللي دفنت

فَهَدْ السعد | كل البشر عاديتهم بعد ولفي وفضّلت عنهم جلسة المقبرة معك

فَهَدْ السعد | ناديت والموت واقف بينك وبيني ويوم أنت قفّيت عيّا الضحك يرجع لي

فَهَدْ السعد | يا سلوتي وينك ليا ضاق جولي تعبت أنط الرجم وأهيم بالواد

فَهَدْ السعد | اللي يعود العيد له في كل يوم ما يدري إن أعياد عمري أنتهت

فَهَدْ السعد | لو عيد يُبعث بعد طولة رقاده متأكد ليا شافني ما عرفني

فَهَدْ السعد | بقيت أنسى مماتك واتنكّر قولة المرحوم ليا من سولفوا والشوق في عرض الحكي جابك

فَهَدْ السعد | جلست ألفظ أنفاس الوداع بظلال السور ومن عقبها ما عاد به شيء ظللني

فَهَدْ السعد | رثيتك في قصيدٍ مدهله يا عيد بالأعماق وأخاف إني لا جاورتك ما يبقى شخص يرثيني