العظمة

ويرفرف العمر الجميل﻿ الحنون 
ويفر و يفرفر فرفة قانون
وندور نلف ما بين حقيقة وظنون 
وبين قسى هفهاف وهفة جنون

دنياك سكك حافظ على مسلكك
وامسك فى نفسك لا العلل تمسكك
وتقع فى خيّة﻿ تملكك تهلكك
أهلك ياتهلك دانت بالناس تكون


ان درت ضهرك للزمن يتركك 
لكن سنابك مهرته تفركك 
وإن درت وشك للحياة تسبكك 
والخير يجيك بالكوم وهمك يهون

عمار الشريعى - حسن فؤاد - تتر نهاية مسلسل أرابيسك

كلمات / عبد الرحمن الأبنودي ... الألحان و التوزيـع للموسيقار / ياسر عبد الرحمن ... غناء / محمد الحلو

تتر نهاية مسلسل خالتي صفية و الدير ♪♪ ياسر عبد الرحمن ♪♪ محمد الحلو

تتر مقدمة ونهاية مسلسل سر الأرض، التتر مأخوذ من ألبوم لأنغام بعنوان افرد شراعك، كلمات: عبد السلام امين، ألحان: محمد علي سليمان (والد الفنانة أنغام)

الأرض ...الأرض
الأرض نادت وقالت :
فينك يا محبوبي فينك؟
دي الغربة زادت وطالت
يا ولدي بيني وبينك

الأرض ..الأرض ..
الأرض نادت وقالت :
اديني م الحُب حبَّة
بألف حبة ف حصاده
دا انا قلبي بستان محبة
فرحُه ما يخلف معاده

حمّل و كَيّل خزينك
دي الغربة زادت وطالت
يا ولدي بيني وبينك

الارض نادت وقالت ..نادت وقالت ..
دا انا جَيّدة ع اللي يدّي
اديله طرحي وخيري
يا طير مهاجر معدي
وَلّفت على أرض غيري
ورويتها من دمع عينك

دي الغربة زادت وطالت
يا ولدي بيني وبينك

افرد شراعك

سر الأرض - أنغام (جودة عالية)

كلمات : سيد حجاب - لحن : عمر خيرت

غوايش - علي الحجار - تتر بداية مسلسل غوايش

تابع معنا اجمل الاغانى على راديو اسكندرية حبيبتى من الرابط التالى
http://www.facebook.com/alexhabebti/app_182222305144028

اسكندرية الصبية بنية امبارح
أموت فى عودها السرح .. وفى رمشها السارح
شرح هواها .. وشعورها شبك .. وليل طارح
ع البحر .. والبحر فى نن العيون بارح
دى اسكندرية عروسة بحرها المالح

يا اسكندرانى .. يا بستانى فى جناين الريح
لقانى جواك سما .. وشمس .. وغنا تباريح
أحلى ما فيك يا وله .. انك جدع وصريح
وطيب القلب ..تضحك ..﻿ حتى وانت جريح

اسكندرية الصبية || ياسرعبد الرحمن || حنان ماضى || تتر مسلسل البحار مندى

أنغام - تتر مقدمة مسلسل حديث الصباح والمساء

قالوا زمان دنيا دنية غرورة وقلنا واللي تغره يخسر مصيره
قالوا الشيطان قادر وله ألف صورة قلنا ما يقدر عللي خيره لغيره
إيه معنى دنيتنا وغاية حياتنا إذا بعنا فطرتنا البريئة الرقيقة
إزاي نبص لروحنا جوا مرايتنا إذا احنا عشنا هربانين من الحقيقة

المال تجيبه الريح وتاخذه الهوايل أما البنون يوم الحساب بيفوتونا
مال إيه لو كان مال قارون كله زايل ولا غير عمايل الخير ياهو ينجدونا
قالوا زمان دنيا دنية غرورة وقلنا واللي تغره يخسر مصيره
قالوا الشيطان قادر وله ألف صورة قلنا ما يقدر عللي خيره لغيره

ومين نكون إن بعنا يومنا وماضينا وليه نعيش إذا كانش بكرة يراضينا
وازاي ننام من غير ما نحلم ببكرة وبكرة ده منين ييجي إلا بإيدينا
قالوا زمان دنيا دنية غرورة وقلنا واللي تغره يخسر مصيره
قالوا الشيطان قادر وله ألف صورة قلنا ما يقدر عللي خيره لغيره


تتر المال والبنون-علي الحجار

أيام ورا أيام 
لا الجرح يهدا 
ولا الرجا بينام 
ماشي في طريج الشوج 
ماشي وجلبي 
مطرح ما أخطي 
يبدر الأحلام 

العتمة سور 
والنور بيتوارى 
وايش للفجاري (الفقراء) 
في زمان النوح 
ميتا تخطي السور يا نوارة 
ويهل عطرك ع الخلا ويفوح 
ويشدنا لجدام 

من عتمة الليل النهار راجع 
ومهما طال الليل بييجي نهار 
مهما يكون فيه عتمة ومواجع 
العتمة سور ييجي النهار تنهار 
وضهرنا ينجام 


على الحجار- تتر مقدمة مسلسل الأيام

ومن الذي لا يحب فاطمة  مسلسل درامي مصري من إنتاج اتحاد الإذاعة والتليفزيون عام 1993 عن قصة أنيس منصور وإخراج أحمد صقر ومن بطولة أحمد عبد العزيز وشيرين سيف النصر ....
كلمات الاغنية للشاعر سيد حجاب - الحان ميشيل المصري - غناء محمد ثروت

ومن الذي لا يحب فاطمة

الصبح طفل برئ ومساه يبان تجاعيد
وفوق طريق الايام تجرى الحياه مشاوير
ونشوف ملامح الزمن متعاده فى المواليد
واحنا البشر كلنا اعمار ورق بيطير

دايرة تدور بالبشر وياّ الزمان بتفوت
دمعه على اللى مضى و دمعة فرح للجاى
يا حىّ طول مانت حىّ مسيره ييجى الدور
دى حكايه متكرّره من يوم ولادة الضىّ

الصبح طفل برئ ومساه يبان تجاعيد
وفوق طريق الايام تجرى الحياه مشاوير
ونشوف ملامح الزمن متعاده فى المواليد
واحنا البشر كلنا اعمار ورق بيطير

ياللىّ انت عايش حياة بص لها تلقاها
سبحة هنا و تنفرط بالعمر مانشوفهاش
ولا شئ يعطّر حياتنا يمد فى مداها
غير سيرة عاشت هنا اكتر صاحبها ما عاش 

أنغام - تتر نهاية مسلسل حديث الصباح والمساء

ولفين ياخدنا الأنين
لليالي مالهاش عينين
ولفين ياخدنا الحنين
لواحة الحيرانين

ما تسرسبيش يا سنيننا من بين ايدينا
ولا تنتهيش ده احنا يا دوب ابتدينا

واللى له أول بكرة حيبان له آخر
وبكرة تفرج مهما ضاقت علينا

ولفين ياخدنا الأنين
لليالي مالهاش عينين
ولفين ياخدنا الحنين
لواحة الحيرانين

كلمات : سيّد حجاب 
ألحان : ميشيل المصري

ليالي الحلمية - تتر النهاية

مقدمة خالتى صفية و الدير - على الحجار

تتر مسلسل " أرابيسك " 
كلمات : سيد حجاب 
ألحان : عمار الشريعي 
غناء : حسن فؤاد 


وينفلت من بين إيدينا الزمان
كأنه سَحبة قوس فى أوتار كمان
وتنفطر ليّام.. عقود كهرمان
يتفرفط النور.. والحنان.. والأمان
وينفلت من بين إيدينا الزمان
***
الشر.. شرَّق وغرَّب.. داخل لحوشنا
حوشوا.. لا ريح شاردة تقشقش عشوشنا
حوشوا.. شرارة تطيش.. تشقق عروشنا
وتغشنا المرايات.. تشوش وشوشنا
وتهيل تراب ع الهالة والهيلمان
وينفلت من بين إيدينا الزمان
***
الغش طرطش.. رش ع الوش بُوية
ما دريتش مين بلياتشو.. أو مين رزين
شاب الزمان.. وشقيقى مش شكل أبويا
شاهت وشوشنا.. تهنا بين شين وزين
ولسه ياما وياما ح نشوف كمان
وينفلت من بين إيدينا الزمان

مقدمة خالتى صفية و الدير - على الحجار

FadiZebiba

Recent comments

Osama Zen

Ahmed Elefreky

Ramy Galal

عَشْتَاَرْ

Related tracks