شعر

قصيدة ست البنات

الدم اللي ع الحيطان
والشوارع والببان
واللي غرق المكان

والمقطع والجريح

والعسكري اللي غايب
والظابط اللي سايب
والمجرم اللي جايب
دليل فكره الصحيح

الدم اللي ع الإيدين
فالشفايف فالعينين
ع الخدود .. ع الجبين
والتواطؤ الصريح

واللي عتم واللي نافق
واللي كبّر واللي كافيء
واللي ساكت والموافق
على ترسنة وتسليح

الدم ده أخواتي
واصحابي وبناتي
وحِياتِي و.. حَياتْي
لأصرخ وآئن وأصيح

هتفجروا الأجساد ؟
هتعيطوا الأولاد ؟
وتفكروا ده جهاد ؟
يا ضمير غبي وكسيح

تبقى البلد بلدي
والدم من عندي
ولسه بتعاندي
يا حكومة التصاريح

يا قتلة الأحلام
يا حملة الألغام
يا تقولوا ده الإسلام
يا تقدموا التصحيح

الدم ده غالي
وصوتي مش عالي
أوعدكو يا عيالي
يجي يسوع ويزيح

ولا هتبطلوا شعارات
وخلاص وطنكم مات
خليكوا في الهيافات
والفتوة والتسطيح

الدم نار قايدة
وروح : مفيش فايدة
ومصافحة ومعايدة
ومشرحة وتشريح

فيه ناس بتشتمنا
وقاصدة تقسمنا
وتصلي تحرمنا
بس الصلاة تسبيح

الدم ده بخورنا
بنصلي تنصرنا
الريح هتعصرنا
سكت بقى أنت الريح

وأخواتنا دول جاهلين
عرفهم تبقى ميييين
وسامحهم يا أمين
وقوم المجاريح

الدم على البيوت
وبتاع 30 تابوت
وطفلة مش بتموت
فدا دم المسيح
_____________________
غناء/ بيشوي مجدي / جورج انور

الدم ... للشاعر /بشري عجبان .. من الحان /سمير عياد

متستعمنيش...الشاعر د_ بشرى عجبان.mp3

الواو بشرى عجبان

وحشتيني 
ولو كل اللي عارفينك قالولك اني مانفعكيش 
ولو كل اللي عارفينني قالولي بكره تنسيني 
وحشتيني 
ولو كل البشر قالوا ان انا عاصي 
واني غلطت ف حياتي غلط ياما 
ده واد تلفان وكل يومين معاه واحدة 
وحتى فلان زعل وياه عشان واحدة 
انا أصلا مانيش يوسف 
ولو زوجة العزيز همت 
وقالت هيت لك ياجميل 
يجوز راح اميل 
وممكن اضمها جهراً
يسيل من ضحكها نهراً 
تدوب الاغنيات ف النيل 
لكن مهما هاشوف وهاطوف ومهما قابلت ناس وظروف 
هتبقي لوحدك القشة اللي جيت علشان تنجيني 
وحشتيني
مافيش انسان مالوش ماضي 
مافيش راجل مالوش أخطاء 
لكن دايماً ف نقطة ضعف 
ونقطة ضعفي هي انتي 
وطول الوقت كنت باقول 
انا مابقتش عاوز شيء سواكي انتي 
باحس معاكي اني مسيح 
براءتك عاملة زي الريح 
بتكنس ف الغلط بهدوء
وبابقي ف ضحكتك سكران 
ومش عاوز لا انام ولا افوق 
وكان فيه حل والله 
وكان ممكن اكون بالوقت زوج صالح 
ماليش ف المسئولية ساعات 
ساعات طايش 
لكن بالوقت كان ممكن اكون احسن 
تسامحيني ف غلط فالت
وهاحلفلك بإني هاصلح العدلة التي مالت 
بلاش تمثيل عشان أصلاً 
صياعتي وفشلي من غيرهم
ماكانش يجوز تحبيني 
وحشتيني
ف كل مكان ف ذكرى معاكي متسابة 
ايديا ف ايدك الطفلة باعدي معاك ف الشارع 
ملامحك وانتي بتسمعي فيروز 
نهارك وانتي بتواجهيه بشاي بحليب 
وحكاياتك على صحابك 
فلانة بتكرهك جداً 
فلانة قالتلي ماتشوفيهوش 
كلام قولتيه وكان لازم 
ف وقت الجرح ماتقوليهوش 
اكيد دلوقتي بتقولي 
زمانه مولع الدنيا 
بيغلط كل يوم عادي 
خلاص فاكك بقا ومرتاح 
وانا والله ف قيودك 
كطير من كتر ما اتقيد 
طلعله جناح 
انا ف البعد متحاوط بطيف ريحتك 
ولسه لحد هذا الوقت فاكر شكل تسريحتك 
وتنهيدك 
وشكل الساعة علي ايدك 
طريقتك وانت بتغني 
بعيد عنك حياتي عذاب 
حياتك ايه بعيد عني 
يا دنيا عرفتها فجأة 
وارض لمستها بشويش 
يا أطهر من رقم فلكي 
ف عداد اسمه أكل العيش 
بتحكمي ليه على غيابي 
وف حضوري بتنسيني 
رفضتي ان انتي تتسابي 
وفجأة انتي اللي سيبتيني 
وحشتيني

وحشتيني

جوابي ده الأخير ليكي 
يامعاليكي 
ياست الحسن 
ياسبب الحزن والعلة 
ياشجرة حسبتها ضله وطلعت نار 
بداية القول : مساء الفل ع الأزهار على خدودك 
مابنجرّحش 
ومابنسمحش حد يقول كلام عنك 
لذلك ثم أما بعد ،
أنا الطفل اللي كان ف عنيكي متشعبط 
يشوفك روحه تتلخبط 
وقلبه ابن الحرام يضعف ويستعبط 
كإنك زار وانا الدرويش
كإنك غار وانا الحرافيش 
كإنك كنتي قرش حشيش 
دخل رئتيني وملاني 
كإنك دار وانا اللي ماليش 
سوا الدار اللي لمّاني 
بغض الجرح مين خان مين 
ومين قصّر مع التاني 
وغض الطرفْ عن اسمك 
وطعم خروجه ف لساني 
أنا مليّت من القصة ومن لعبة خلاص لسه 
لقيتك غيمة ف حياتي حسبتك مطره قمت جريت 
وفجأة لقيت مفيش غير ليل 
سحابة ضلمة كنتي انتي
اشوفك ف الوجع بنتي 
واحسك ارضي وسفينتي 
وشمس بتملا ليلي شروق 
مافيش كام يوم لقيتني بافوق 
واشوف القاتل الفعلي 
لقيتك أرض ماتضمش سوى المطاريد 
وانا عيل بيفتح إيد يشوفك خط على كفه 
عنيا عيال اذا بصيتي يتدّفوا 
حسبتك أم بتدوّر رحى الأحضان على عيالها
لقيتك ماسكة كاتم صوت 
رصاصك فات وجع جواي
وهو ياحلوة يعني الموت
بيفرق شكله كان ازاي 
وهو الجرح للستات ومش لينا ؟ 
ما فيه رجالة بتعيّط 
وفيه رجالة بتفكّر ف عز الليل ف ناس باعوا 
وفيه راجل اذا فات ف المحيط وجعه مابيساعه
وفيه عناوين بتتلخبط 
وفيه بكره بيتشخبط 
وفيه أطفال مايتولدوش ف مستقبل ماجاش قدام 
وفيه زفة مابتقومشي 
وفيه فرحة مابتدومشي
وفيه نغزة ف صميم الروح 
ما دام ف القصة فيه دابح 
أكيد ف القصة فيه مدبوح 
ولو كان القتيل راجل 
ف دمه بيبقي مش بالسهل 
خسرتي معاه وجود الأهل 
خسرتي الضهر والضمه 
خسرتي الجمع واللمة 
وبكره هتندمي لما 
تحسي البرد من دونه 
ياريتك شوفتي ف عيونه دموع الأب 
أنا الشخص اللي كله ذنوب
لكن مليان حاجات تتحب 
ــــــــــــــــــــــــــــــــــ
عملت حاجات لأول مرة بعملها 
وكِملِت أغنيات بيكي 
لأول مرة اكملها
اشِمِّك ريحه وانا ماشي وأقول ماشي
واكلّم ربنا عنك وجع وغروب 
عكستي المشهد المكتوب
ماكانش الفيلم دي نهايته 
كده الكاتب لعب ف النص
وفيه لزق ف حياتي وقص 
وفيه تركيب لناس تانية 
فيه مشهد خارجي مش محطوط 
أنا وانتي 
ومطرة بتغسل الشارع من الاحزان 
حضنتيني زمان ومكان 
وقولتيلي مافيش غيرك 
نزلت ف لحظة على ركبي وانا ف ايديا كام وردة 
ضحكتيلي 
وطبطبتيلي علي خدي 
كانك كنتي بتعدي على قلبي بروح حافية 
مسكت الدمعه بالعافيه وضميتك ف عز البرد 
لقيتني الفيلم بالكامل مافيش ولا لقطة ماسك ورد 
طلع فيه حاجات بتتصور 
بتتقصقص من المونتاج
وأول ما المطر لمسك 
لقيتك دوبتي ف المكياج 
عروسة حلاوة أو صورة 
ملامح فازة مكسورة ف اخر جزء ف الذكرى 
خسارة تكمّلي بكره 
يا نور ساطع بيعمي العين ما بينوّرش
انا هافضل كده عيّل ومابيكبرش 
وبكره يجوز تقابليني ف أي مكان 
هاشوفك وقتها دخان 
بقوة ست هاعشقها ف زمان تاني 
ولمسة طفل يشبهني مايشبهكيش 
انا جوايا كام ميّت وحابب اعيش
لا هاتحوّل 
ولا هارجع من الأول 
ولا هاكتب عشانك شعر 
هبيعك دون نظر للسعر 
مكانك وردة ماسقيتهاش ف دبلت من خريف موجوع 
دموعي رصيد باحوش فيه لناس مستاهلة مني دموع 
وحلمي معاكي م الأول 
خطيئة لابد اكفّرها 
رميتك طفل ببراءته 
ندم على حاجة وكسرها 
يا أسوأ حلو كان فيّا
يا أطيب شر ف النية 
كسبت حاجات تسيء ليا 
وجه الوقت اللي انا اخسرها . 

كمان : بدر مصطفى
ناي : محمد مصطفي
ايقاعات : كريم صلاح 
كيبورد : صهيب النجار
تسجيل : من حفل الساقية اكتوبر 
رؤية موسيقية الفنان محمد مصطفي 

جوابي الأخير - من حفلة الساقية 2015

"أنا لسه هبتسم.. مش هسيب اليأس يموتني.
أنا بحب السعادة..بحب الضحك و الفرح و التفاؤل و الحب و الأمل.. و هعيش و أحب الناس اللي حواليا..
عيش حياتك بروح الطفل اللي جواك... و خلي الابتسامة حاجة مش مفارقاك"

(TEDxCairo) السعــادة _ زاب ثروت

ف الزمالك من سنين

و ف حمى النيل القديم

قصر من عصر اليمن

ملك واحدة من الحريم

 

صيتها أكتر م الأدان

يسمعوه المسلمين

و التتر

و التركمان

و الهنود

و المنبودين

 

ست فاقت ع الرجال

ف المقام و الاحترام

صيت و شهرة

و تل مال

يعني في غاية التمام

 

قصره يعني هي كلمة

ليها كلمة ف الحكومة

بس ربك لجل حكمة

قام حرمها م الأمومة

و الأمومة طبع ثابت

جوه حوا من زمان

تعمل ايه الست

جابت فوكس رومي و له وان

 

فوكس دا عقبال إملتك

عنده دستية خدامين

يعني مش موجود ف عيلتك

شخص زيه يا اسماعين

 

و اسماعين دا يبقى واحد

م الجماعة الغلبانين

اللي داخو ف المعاهد

و المدارس من سنين

 

حب يعمل واد فكاكه

و يمشي حبه ف الزمالك

و القيامة و الفتاكة

يرموا طبعا ع المهالك

غم سمعه من قيامته

حب يعمل فيها فله

بعد ما ألوط بيجامته

اشترى حتة مجله

 

قول مش بيقراف حكاية

من حكايات الغرام

و اندماجه ف القرايه

خلا مشيه مش تمام

 

ع اليمين يحدف بعيد

خطوتين

و تروح شمال

لمحه فوكس من الحديد

قال دا صيد

سهل و حلال

 

هب نط ف كرشه دوغري

جاب بيجامته لحد ديلها

اسماعين بدال ما يجري

قال يا رجلي

رجلي مالها

 

بص شاف الدم سايح

من عاليها و من واطيها

و ياللي جاري

و ياللي رايح

المجلة مش لاقيها

 

حبه و تلمو الظنايا

اللي هما البوابين

و الهكايه و الروايه

قال لهم دا كلب مين ؟

كلب مين

ما كلب مينشي

سمعه لبخ حبتين

قال له واحد فيهم امشي

اللي جابك انده مين

 

قال دا شارع يا مواشي

للجميع

راكب و ماشي

 

كلمة من دا

و كلمة من دا

ظاطو و انقلبت فضيحة

قول نهايته و القصد من دا

اسماعين شرب الطريحة

 

راحو اسم الشرطة جمعا

و النيابة كفيلة بيهم

و اترموا ف الحجر طبعا

لما ييجي الدور عليهم

شاف بلاوي ما تنحكيش

م الهفايا المحبوسين

قال يا عالم

يا شاويش

يا نيابة .. يا مسؤلين

 

خلصوه بعد المناهدة

جثه

من جحر الديابه

هي يمكن ساعة واحدة

كان ف مكتب النيابة

 

قال له ـ مالك يا اسماعين

قال له ـ زي البمب مالي

قال له ـ عضك فوكس فين

قال له ـ سيبني أروح لحالي

انت شوف سي فوكس يمكن

خد تسمم غصب عني

الوكيل قال برضه ممكن

و الشاويش قعد يغني

هييص يا كلب الست هيص

لك مجامك ف البوليس

بكرة تتولف وزارة

للكلاب

ياخدوك رئيس

 

انت توى ف النيابة

تسعمية من الغلابة

طب يا ريت يا فوكس كنا

و لا تربطنا الجرابة

 

انت فين و الكلب فين

انت كده يا اسماعين

طب دا كلب الست يا ابني

و انت تطلع ابن مين

 

بشرى لصاحب الديول

ولــللي له أربع رجول

بشرى لسيادنا البهايم

من جمايس أوعجول

اللي صاحبه يا جماعة

له أغاني ف الاذاعة

راح يدوس فوق الغلابة

و النيابة

بالتباعة

هيص يا كلب الست هيص

هيص يا كلب الست هيص

كلب الست - أحمد فؤاد نجم

 أحداث كربلاء - ديوان المانيفستو

مصطفى إبراهيم - قصيدة إنى رأيت اليوم | من ديوان المانيفستو

د. بشرى عجبان -الحنين للذكرايات


Fady El-Naggar is an Egyptian American who graduated from the German University in Cairo with a BFA in Pharmaceutical field with a double major in Pharmacy and Biotechnology. Following that he traveled to The States to study at the Academy of Art University and took his MPT degree in "Stop Motion and Television." This was to follow his passion for film directing, movie making and having people's minds opened to discovering new perspectives of life. He has also made a lot of studies about photography and its history, techniques, lighting and art.
 
In 2008, he decided to turn his passion into a profession by starting "Light Studios" which has covered hundreds of events including weddings, modelling campaigns, photo sessions, product photography and commercial events such as Samsung Egypt opening and the Alcatel annual event. It has now evolved into a team of professional photographers, where Light Photography is a full time profession, specializing in Wedding and Engagement Photography, Custom Portraiture (Family, H.S. Seniors, Corporate, and Environmental), Commercial, and Studio work in our full service studio.
 
Being mainly a wedding photographer, his ultimate aim is to share the couple's most precious moments of their lives capturing it as it happens. The goal is to make everything look natural, showing its beauty so the final photos must look like a real movie that they can watch over and over again; and this is his passion. He has also studied modelling photography in the US and believes it's all about inner beauty. Last but not least, landscape photography is where he enjoys the natural beauty of creation, thanking God for His marvelous works.
 

شعر

Fadi ElNajjar