اداري عليه من الزعل وازعل العذال

اتجلد واقول اني على البعد قاوي :(

أطنخ تدلل دام أنا وأنت حيين
تفداك روحي كان روحي تسدك 
بلدك قلبي والشوارع شرايين
تمشي مع الشريان من حيث ودك
مره تمشي داخل العين يا عين
ومره تخش الفكر محد ٍ يردك
ومره تخيم في الحشى بين ضلعين
وعلى غدير الود ترشف بيدك
والله اني كل ماجيت مع ذاك المكان
تلد عيني غصب صوبه وانا مالدها
والله اني لالمحته غدت عشري ثمان
وسال دمعي من عيوني وهي ماودها
والله اني يوم جيته معصب وزعلان
لين قال بليز ريلكس نفسك هدها
ومن نشدني قال ماجور وش فيك تعبان
قلت له كلمتك هذي لغيري بدها
وش اقول لمن ذبحني دلعها والحنان
لين قلبي صار خاتم باصابع يدها
كامله والكامل اللي عليه المستعان
‏كاملة والكامل الي عليه المستعان 
‏تخسر اليا تحدت توقف ضدها 
‏كانها ضبي تذير وقفا مع طمان 
‏في فياض غاطن العشب الأخضر خدها 
‏درة ما تطلع الا بحفل ومهرجان 
‏من بحور ماعرف جزرها من مدها 
‏وقفي بين الخطأ والصراط المستقيم 
والعبي بين التراحيب وكفوف الوداع 
وسولفي مثل المشاريه في صوت الحشيم 
واسكتي مثل الشفايف لاطاح القناع 
واضحكي مثل النواويير في روضة خريم 
واغرقي مثل المزاجات في غرب الرفاع 
وابعدي مثل المتاهات في حلم اليتيم 
واقربي بين السوالف وكتفي والذراع 
وانظري لي نظرة الشوق للشي القديم 
واغرقي بالدمع الازرق مضاليل وساع 
اقبلي مثل التباشير في وجه الكريم 
وارحلي مثل التعازي على موت الشجاع
 بس أنا أحب والحب ما به باس سكةٍ كل الأجيال تمشيها
اكتم السر وأخشى من البلاس وأم وجهين والله ما أدانيها
رغبتي في﻿غنوجٍ تكد الرأس ليتها تطلب البيع واشريها
حيث فيها من الفن خمس أجناس درةٍ من طمع ما يخليها
درةٍ لبسوها الحرير لباس ليت عيني دوامًا تراعيها
حملوها الجواهر وعقد الماس ساطعٍ برقبتها وأياديها
من هواها طيور الهوا بلاس بالشوارع قليلٍ تخطيها
دونها الباب والقفل والحراس حذروها وانا ميتٍ فيها
كل ما جيت بسلم من الهوجاس مال ميزان قلبي بطاريها
خدها ورد وعيونها نعاس بأحسن اوصاف ربي مسويها
مرحبا يا اعذب الاصوات واغلاها
صوتها العذب مرسالته على شاني
والمشاعر ترحب به من اقصاها
من خفوقي ومن دمي وشرياني
كل بيتن يداعب حمرة اشفاها
يمتلكني ويامرني وينهاني
أنا وأرضي وشعري من فداياها
حتى بحري ولولوي ومرجاني
وكل بيت تثنى في محياها
يحمل اسمي وتاريخي وعنواني
بقى من اللي خذيته قلب بين اصبعين وان قلت هاته من عيوني وتامر امر
وان قلت لي موقعي من عالم الحسن وين بعد الثلاثين كان الله عطاني عمر اقول مزيون وأشباهك ماهيب أربعين أشباهك اثنين يا اما شمس والا قمر يكفي انك اول ظبي ياخذ من الصقر عين ومن الذلول العمانيه هيام وضمر
وانت تدري كل ماتحتاجني تلقاني
يشهد الله عنك ماتقدر تشح يديه
بس تكفي لاتعذبني ولاتنساني
ضمني يانور عيني في حشاك شويه
كل ماشفتك تدخلني بعالم ثاني
عين تنظر لك بشر والثانيه حوريه
فيك شيطان الهوى ياسيدي وصاني
بالغلا والولف والتقدير والحنيه
مانيب في حبك كذوب ودجال
ولاني على بعدك قليل الحسايف
ظاميك واحبك ولي منك اللال
وأبيك وأرقى في هواك النوايف
وانته تطاوع بي حسود وعذال
ماتدري انك غير كل الولايف
عندي ولك في روضة الروح منزال
والحب سوابي مثل ما انت شايف
لو اني أسلى كان ماجيت فالبال
‎هيه ياللي غرك الحسن و أطغاك الجمال
‎و الله ان اموت ما شفت لأوصافك شبيه
‎لو يسام الحسن والتيه بجنيه و ريال
‎ما بقى في سوق غيرك ريال ولا جنيه
‎كيف أهدك للمقادير و أنتي راس مال
‎راس مال و مال و المال ما يعطى السفيه
‎حافظك حفظي لعيني و رمشي لك جلال
‎و أنتي تشحين بالما و أنا شفي مويه
ياجعلها تفدى على الأرض ماطاك
الله بمن هو مثلها يبتليها
لكن لعب في يا وليفي تغّلاك
نفسي غلاك من الصدود يحديها
تبطي علي وأنا هنا واتحراك
كبدي لواهيب الصبر تشتويها
اجمّع علومك امن هناك وهناك
الله لو انها تنشرى لا اشتريها
ريح ملايكتك ولاتكلف جهدك
والله لا قبلك ولا بعدك ولا
ماعندي أحلى من شهدك إلا شهدك
ولا عندي أغلى من غلاك ولا غلا
يا مزني اللي كلما غطرف رعدك
فززت غدرانك واونست الغلا
تعال ويلم النسايم في وعدك
ونحمي الريضان ونكحل هلا
ونسمي الحزات تبشر في سعدك
وبتلقف لو ماني بملقوف
‏بقول احبك وانت قلي تموني
‏وانا على شوفتك مغرم وملهوف
‏واحن لك مير انت منت بحنوني
والله ما أخبر انه دخل قلبي الخوف 
‏والله ما أخبر اللي بكنه عيوني
‏واليوم شف دمعي بسبتك مذروف 
‏هلت دموع العين مثل المزوني
‏هلت مدامع عيني وعيونك تشوف
‏لا وخساره فيك دمعة عيوني
وطيّر معه خمسة ضلوع 
‏غير عين ٍتطرح الطير من سابع سما 
‏كل ما ناظرتها قلت يا بخت الدموع
‏الدموع اللي تبختر على خد اطخما
يا غناتي والله اني عليك اظما واجوع
‏لين اشوفك ثم لا عاد جوع ولا ظما 
والحب ماهو حرام بنص قرآني
‏محرمٍ بالهجر والوصل تحليله
‏أنا متيم وفاقد نصفي الثـاني
‏مشفٍ لزوله ومشتاق لمداهيله

أقبلي مثل التباشير في وجه الكريم

كيف راحت يابو تركي حياتي شقاوي ؟

بعض العرب حبّه يوردك للجنون ..

كيف اتوبك يا اجمل ذنوبي و اوقف عند حدي

ياللي سرقت النوم و العافية سرق
‏يا زاد قلب اللي هواك و حروبه 

‏تغيب ماهمك و أنا ألاحي الورق
‏ولا تخاف من الجفا و العقوبه 

‏كسرت كل ابواب وصلك من الطرق
‏و غيرك طرق قلبي ولاني بـ صوبه 

‏و اللي يريد الوصل يامكثر الطرق
‏لو وقفوا كل العرب في دروبه

كسرت كل ابواب وصلك من الطرق " محمد بن فطيس "

آه من كثر الخطايا والظليمه والتعدّي
وأنت عذرك ما البحر والملح وأسباب الرطوبه

لو شربت من البحر في طاعتك وأنهيت صدّي
كان يغني عن شمال الساحل الشرقي جنوبه

ولو أقول أن البحر مثل الهوى ما هوب قدّي
ما قدرت أقول قلبي تاب وأعرض عن دروبه

ولو أتوب من الذنوب اللي جنَتْ الأيام ضدي
ما قدرت أتوب عن ذنبٍ يعنّ القلب صوبه

كيف أتوبك يا أجمل ذنوبي وأوقّف عند حدّي
وأنت ذنبٍ لا غَفَرْه الله ولا لي عنْه توبه؟

—ضيدان بن قضعان

‎⁨كييييف أتوبك يا أجمل ذنوبي*⁩

أشهد ان المفارق من عظيـم البـلاوي
 مير هـذا نصيبـك يالعيـون الشقيّـه

أتجلّد و أقول أنّي علـى البعـد قـاوي 
و الله أعلم بقلبٍ فيـه الأشـواق حيّـه

كيف راحت يابو تركي حياتي شقـاوي 
 وين درب السعـاده و الحيـاة الهنيّـه

ليت لأهل الهوى و الحب قاضي دعاوي 
كان أداعي عيون اللـي فراقـه خطيّـه

كنّي المبلـي اللـي قطّعتـه المكـاوي 
 كلّمـا جـظّ بالـونّـات زادوه كـيّـه

✨و الله أعلم بقلبٍ فيـه الأشـواق حيّـه✨

كاس مليته بالوفا لا تكبه
خله بيلل بالوصل يابس الريق

صبه بقلبي ثم ملّه وصبه
و ان كان ودك غرق القلب تغريق

دام الهوا راسي وراسك يهبه
خذ سجةٍ ترى زمانك توافيق

ترى حلاة العمر مع من تحبه
شخص تريده من جميع المخاليق

✨ترا حلات العمر مع من تحبه✨

واقربي بين السوالف وكتفي والذراع وانظري لي نظرة الشوق للشيء القديم

{قُل لَّن يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ}
شلون قلبك؟

✨و الله أعلم بقلبٍ فيـه الأشـواق حيّـه✨

_7wik_

Recent comments

Com System

someone

Related tracks